樂天皇朝 (東薈城名店倉)

營業中

休息中

-樂天皇朝 🦀每一年大閘蟹季都一定會去皇天皇朝食蟹粉 🦀❤️ 蟹粉量非常有誠意 款式多又好味 CP值夠晒高！Lunch 過黎食 建議2個人share食可以試多啲~🦀 蟹粉小籠包（$142/6pcs)小籠包作為樂天其中一個招牌 以皮薄多湯聞名蟹粉小籠包 - 就連外皮都呈橙黃色 每一粒都係漲卜卜入面塞滿超足料生拆鮮蟹粉 將原本既小籠包味道昇華一口咬開後伴隨蟹香 完全洋溢係整個口腔 更為滋味 🥰🦀 蟹粉拌麵 （$128）澎湃既蟹粉蟹膏淋係拌麵上面真係令人垂涎三尺🤤一上枱就已經聞到濃郁既蟹香同鮮味撲鼻而來建議可以連埋鋪係上面既炸乾蔥絲同少少醋一齊食 更加可以提升鮮香味 同時依然食到蟹膏甘香 蟹香滿滿！🦀 蟹粉白玉盅 （$88）同樣地一打開個白玉盅 蟹粉既香氣四溢🌬️湯羹呈現橙黃原色 可以感受到滿滿既蟹粉融入豆腐中湯羹黏稠度得宜 蟹粉既鮮味亦都混合滲透 細緻香口中意啲豆腐粒切得夠細 滑嫩不韌 可以係飲湯既同時吸入

嚟到東薈城行街，突然間又想食小籠包😋我鐘意呢度環境開陽，卡位座位舒適🔹特色皇朝小籠包（八色）$142非常有特色的小籠包，由原味開始食，再沿着綠色的小籠包順時針轉一圈，非常特別有意思。小籠包皮薄多肉汁，夾起不會穿。🔹蝦仁酸辣湯拉麵🍜$78很喜歡食酸辣湯麵的朋友必須試吓，材料豐盛，中辣的酸辣湯配上麵條，非常開胃。🔹無錫鮮肉鍋貼🥟$45鍋貼🥟外皮的底部煎得脆脆的，火喉剛剛好，內餡鮮肉嫩滑有肉汁。🔹口水雞$88濃郁的四川辣味滲透整隻雞，辣度適中。

聽朋友介紹，嚟咗東涌食呢間出名嘅小籠包。環境舒服，餐廳職員都好友善地招呼。.「上海風味醬鴨」$65🍽️：味道好特別，肉質實淨，有口感，我第一次食，呢個推薦！👍🏻其他餐廳比較少見！「揚州糟溜滑魚」 $118🍽️：味道有啲似醉雞，但又未至於咁濃郁，魚肉係食得出有質素，唔係一啲龍脷柳，😂😂酒味都出，鍾意！😜「蒜香排骨拉麵」$88🍽️：拉麵份量都幾多，軟硬度亦適中，排骨炸得幾香口，整體唔錯！「皇朝小籠包」$142🍽️：餐廳招牌菜就係小籠包，果然無令我失望。😊小籠包皮薄，內餡鮮美且帶有濃郁的湯汁，每一啖都充滿鮮香此外。而小籠包餡料都好有創意，有傳統嘅豬肉餡以及其他口味，如芝士、鵝肝等，滿足唔同顧客口味需求。

❤️今日去到東涌東薈城購物，午餐唔知食咩好同屋企人去樂天皇朝 @paradisegrouphk 。糖醋魚片$108呢度除咗有糖醋魚片之外，其實仲有唔同嘅熱菜，包括有沙拉骨咕嚕肉等等，但係今日咁熱梗係要食返啲酸甜嘅嘢清涼下啦！果然酸酸甜甜，又開胃又好食。呢個糖醋魚片好足料，仲有好多唔同嘅配菜！。蘿蔔絲酥餅$48真係好多地方都唔再買蘿蔔絲酥餅，因為實在太工序麻煩啦！終於比我喺呢度搵到非常正宗嘅蘿蔔絲酥餅，真係好感動！蘇蘇脆脆，又香又好食，裏面嘅蘿蔔絲都整得好好，非常突出有蘿蔔嗰種清香！。皇朝小籠包八件 $142都嚟到呢度，點可以唔嗌招牌八色小籠包呢，全部都係純天然無添加㗎！而且仲有好多特別嘅口味，例如鵝肝蟹粉川味芝士同埋我最鍾意嘅蒜香！真係非常特別呀！。香煎豆沙鍋餅$58我哋就嗌咗香煎豆沙窩餅來作為我哋呢一餐嘅完美句號，香噴噴嘅豆沙又甜又糯！脆卜卜嘅外皮令到佢嘅層次更加豐富！

呢間樂天王朝都幾出名，相信好少人唔知🤣前牌同男朋友去咗食～整體環境都好舒服～生煎包：底皮脆脆地，入邊仲有肉汁～味道都唔錯宮廷驢打滾 ：我覺得係今晚最佳！甜而不膩好好味！聽講係宮廷傳統甜品,紅豆配上黃豆粉，再加上煙煙銀銀嘅口感好好味酸辣湯蝦仁拉麵🍜：呢個相對比較重口味，係酸辣口味嘅，材料都幾豐富～蝦仁都好多，比較稠身上海炒年糕：呢個都唔錯幾正宗～年糕煙靭可口，朔晒啲醬汁！材料都好多整體味道都好唔錯

返到娘家了，喺青衣城3樓見到“樂天皇朝”，想食清淡啲就來呢度啦。小食，麵食，飽點，涼菜，小菜，甜品......任意點，選擇多多，唔知揀咩好，但今日有個原則就係唔揀辣嘢，保護喉嚨，最後大家意見一致，點咗以下食品：“蘿蔔絲酥餅 ”、“炸饅頭”、“李白醉雞 ”、“上海風味醫鴨 ”、和“開洋蔥油拌麵”。蘿蔔絲酥餅唔係好多地方有得食，有時第二度有得食，但個樣醜醜怪怪，冇晒食欲，但呢度唔同，一路都keep住水準，一排整齊的卷卷的排紋，看得我心花怒放，食落口感更酥脆，而蘿蔔絲亦有口感，味道適中，正👍。炸饅頭有细時回憶，唔知係為左碟煉奶或是饅頭本身，總之好食就得；醉雞就係鍾意佢淡淡的酒香同嫩滑的雞肉，呢點“樂天皇朝”做到恰到好處。蔥油拌麵係每次必點，如果唔好又點會次次嗌呢？

掛住小籠包/上海菜，好多時都會嚟呢度，除咗小籠包出色外，都係貪佢分店多而且坐得舒服，今次嚟開東薈城呢間分店服務唔錯，友人食得比較輪盡時仲及時遞上紙巾，十分貼心。原味招牌小籠包 (6粒）必點item😋味道唔錯內裡有滿滿嘅湯汁，皮嘅厚度啱啱好，加上蒸籠底用布墊底，冇咁易夾穿漏汁❗️聞香蔥油餅🌱食落香口，充滿濃濃蔥香味☺️🧆京醬肉絲肉絲幾嫩，份量都幾多可以啖啖肉咁包住食🌯，調味咸甜適中，醬汁夠多嘅關係食落啱啱好唔會dry!雪菜鹹肉炒年糕🧑‍🍳推介之選! 平時麻麻地食炒年糕，今次呢個年糕煙韌唔厚，鹹肉肥肥地但唔膩，而且重點係個咸香好得! 驚喜! 唔算好咸但個香味好出，配合埋淡味嘅雪菜同年糕感覺係有昇華🥰!!!平時嚟到都係飲茶🫖，今次見佢出咗特飲，睇落幾吸引，仲幫助消化就嗌咗以下兩款:🥤金草麥芽山楂茶酸酸甜甜咁幾開胃，仲有幾粒山楂肉咬下😋 🍋自製檸檬薏米水友人叫咗呢杯，薏米都幾加多, 味道清新少甜，加埋檸檬幾fresh

第一次嚟東薈城分店，招呼好好，食物一如既往間間都咁好味，會一直支持！希望多增設分店今日食左楊州炒飯，東波肉，招牌小龍包，抄手熱伴麵，下次一定要試上海炒飯。。。。

最近去東薈城shopping，到夜晚9點大部份餐廳都關門，見到樂天皇朝仍未~經常見到樂天皇朝8色小籠包廣告好吸引，今次終於有機會品嚐~特色皇朝小籠包 （8色） 超級吸睛的招牌！8種顏色的小籠包，簡直色香味俱全。店內更貼心提醒吃小籠包的順序，確保從淡到濃慢慢品嚐。次序為原味、糟溜絲瓜、鵝肝、黑松露、芝士、蟹粉、蒜香及最後的川味。每一個小籠包都有其獨特的風味和特點，令人回味無窮李白醉雞(+$10轉雞髀)經理推介，受歡迎又經典的川菜美食。雞髀肉質鮮嫩，入口即化，帶有微微的酒香，與醬汁的滋味融合得恰到好處。鮮蝦抄手伴麵抄手皮薄而富有彈性，裡面包裹著鮮蝦的餡料，每一口都充滿了海鮮的鮮美味道。搭配麵條，增添了口感的層次感。口味偏辣，配上炸蒜非常開胃。蒜茸清炒菠菜簡單、美味又營養豐富。菠菜經過短暫的炒煮，保持了它嫩綠色澤，口感爽脆。而蒜茸的香氣與菠菜的清爽相結合座位舒適，食物味道好而且店員服務態度是超級好，令人感覺賓至如歸，必定會再到訪💕😆

記得樂天皇朝嘅八色小籠包，曾經成為城中熱話，今日經過就再去尋回記憶。每張枱上面都有卡紙，詳細介紹每隻顏色代表咩味道，以及品嚐嘅先後次序。由淡到濃，每一隻味都各有特色，但我最鍾意嘅都係佢嘅原味哈哈。朋友想食蘿蔔絲酥餅，出乎意料地有驚喜！上枱時熱辣辣，一咬落去超級鬆脆，入邊係滿滿嘅蘿蔔絲，十分滿足！甜品叫咗宮廷騾打滾，一開始聽個名完全唔知係咩，見好多人推薦就膽粗粗叫嚟試吓。估唔到咁古色古香嘅名字，竟然係我最鍾意嘅麻糬！煙煙韌韌又有層次感，紅豆餡都唔會過甜，出面再加咗一層黃豆粉，錦上添花！題外話，同茶一齊附上嘅花生小食，都有驚喜。軟身入味又唔會太粉，好少茶芥包埋嘅小食會做到。

之前同屋企人食飯都好幾次黎呢間餐廳，但主要都係點d大份的菜式。今次係放工同肥伴搵野食，就黎左呢度。發現原來呢度d野食細細份，可以叫好多嘢食。最啱我地呢d眼闊肚窄ge人😂😂😂「上海媽媽烤麩」好好食，係齋黎ge，味道有d甜甜地，而且好入味，每次黎都係必點。「川味涼拌」真係好有川味，同之前去四川食ge味道差不多，但就無四川食ge咁辣，比較適合香港人的口味。「蘿蔔絲酥餅」外面的層酥皮口感好鬆脆，裡面的蘿蔔絲襯托這酥皮簡直係絕配。「宮廷驢打滾」係一個甜品，口感有d似糯米糍，裡面卷住一d紅豆蓉。但唔會整的太甜，甜度適中。餐廳的服務依舊是很好。環境也很舒服。

前一排去大嶼山行完山 返咗東薈城搵食 最後揀咗呢間樂天皇朝餐廳環境幾舒服 可以同朋友慢慢食慢慢坐小籠包 ($72)黎到樂天皇朝當然不能錯過佢地嘅招牌小籠包 欣賞佢皮薄多汁 沾完醋味道十分平衡蟹粉鍋貼 ($58)適逢蟹季 餐廳推出咗多款蟹肉蟹粉嘅餐點 鍋貼非常有驚喜 食落幾濃蟹粉味 今次點咗兩款麵食 一濃一淡 各有特色清燉雞湯拉麵 ($95)雞湯清甜 湯裡面有兩件雞腿肉 好似沾麵咁食京味炸醬拉麵 ($72)朋友叫嘅拌麵 相對重口味 麻辣味後勁十足

家下係食大閘蟹嘅季節，樂天皇朝出咗新Menu係用蟹粉嚟整嘅菜式，當中有蟹粉鍋貼，蟹粉兩麵王，最後仲叫咗個京醬肉絲配薄餅蟹粉鍋貼🥟： 煎鍋貼帶有香脆口感，肉餡配上黃金蟹粉，so yummy 😋 蟹粉兩麵王：脆卜卜嘅麵條再配上邪惡嘅一両蟹粉，感覺仲有啲似肉絲炒麵，不過就係高級版，炸麵配蟹粉，蟹粉口感鮮香京醬肉絲配薄餅：豬肉絲再配上京蔥炒，再夾住中式薄餅，正！最後我哋仲叫咗薏米水滋潤下個喉嚨，冇咁乾燥，好適合而家天氣飲小編開心嘅時候係撞正午膳時間，都幾多人等候，有興趣食嘅朋友，就真係要早啲嚟啦

樂天皇朝好多間分店，口碑都唔錯。今晚我食左佢哋嘅酸辣湯蝦仁拉麵、京醬肉絲、糖醋魚同心太軟。酸辣湯蝦仁拉麵湯底酸辣味好夠，少少搶口，微微辣嘅香氣，配上鮮嫩嘅蝦仁同彈牙嘅拉麵，成碗湯飲曬。京醬肉絲係另一道好唔錯嘅菜式，肉絲炒得香甜，醬汁濃郁而不膩，帶甜鹹嘅味道，配埋好似填鴨皮嘅餅，好開胃。糖醋魚亦都好好食，魚肉大舊，糖醋醬汁酸甜開胃。最後一道心太軟係用糯米同紅棗製成，口感綿密煙韌，紅棗嘅香甜味道同糯米好夾。

樂天皇朝嘅小籠包，喺我心目中永遠都係最好食🤍佢哋控制個皮嘅厚薄，控制得非常好👍🏻夾嘅時候唔會穿窿之餘，又可以包得住啲湯汁👅$72/6隻原味小籠包👍🏻另外叫左擔擔麵，花生味濃，而且又好惹味🥜不過唔知點解今次食比較少湯，差啲唔夠撈🙈糖醋魚有6塊，4粒菠蘿🍍，不過洋蔥有啲軟，如果可以淋啲就100分！仲有年糕湯，個湯乳白色，而且入面好多菜，讚！ 回頭率：👅👅👅👅性價比：👅👅👅打卡值：👅👅👅