樂天皇朝 (青衣城1)

營業中

休息中

今日返回屋企附近嘅青衣城食飯，突然間好想食小籠包，就搵咗3樓一間餐廳食嘢。剛好派到窗邊位有落地玻璃，傾偈一流，食完亦唔會比餐廳職員趕走，餐廳沒有時間限制。餐廳仲有茶壺熱住啲茶喜歡飲茶嘅朋友一定好鍾意。上海炒飯 $95上海炒飯非常好食，夠乾身夠鑊氣。非常多料有蔥有蝦仁有雞蛋。每食一啖飯粒同餸之間嘅比例，一比一豉油滿粒粒飯中。抄飯的外觀色澤亦非常吸引。招牌原味小籠包 （6隻） $78 外皮夠薄、餡料夠大粒、一咬即爆出濃厚嘅豬肉汁。 點埋該餐廳自製嘅醋同薑絲。令豬肉餡鮮上加鮮，非常好味。紅油炒手 （6隻） $68非常夠味辣椒唔會過辣、微辣中帶點甜好易入口。上面仲有蔥花作為伴碟蝦仁酸辣湯拉麵 $78飲落酸酸甜甜，非常開胃。湯入面嘅材料亦非常多。有筍絲、豆腐條、木耳絲及蝦仁。拉麵非常爽口彈牙，唔會好腍啤啤。整個拉麵吸收咗酸辣湯嘅精華，每食一啖都感受到酸辣湯嘅味道，非常惹味。

餐牌上除咗菜式，重多左手打凍飲，氣管未好，下次先飲。特式皇朝小籠包(8款)(原味到川味的順序)白色👉原味用薑絲醋汁配上，帶出肉嘅香味。綠色👉糟溜絲瓜清爽青瓜帶糟溜嘅酸香。粉色👉鵝肝鵝肝不會過濃搶走肉味。黑色👉黑松露黑松露香味係最濃嘅一款。黃色👉芝士芝士味道清淡。橙色👉蟹粉有蟹粉嘅鮮甜。灰色👉蒜香蒜香不算太濃烈。紅色👉川味川味雖然紅色，只係微辛辣。蝦仁酸辣湯(🌶️🌶️)酸酸辣辣最刺激味蕾，蝦肉口感彈牙，滑溜豆腐中有爽口嘅竹筍同木耳，豐富嘅味道。松花皮蛋豆腐(涼拌)滑溜溜嘅豆腐，滲出淡淡麻油同醬油嘅香味，松花皮蛋增添口感。木樨肉炒拉麵拉麵質感煙韌醬油味濃，木樨肉軟嫩，連同椰菜絲、炒蛋，口感豐富夠鑊氣。

今晚與朋友吃飯，選擇了青衣城的樂天皇朝，點了小籠包、擔擔麵，這兩款招牌食物還算過得去，又點了四川辣子雞，這個非常差，雞丁只有約10粒其他只有炸粉及辣椒碎，再叫了醬味鴨舌，這個賣相極難看，顏色瘀黑，應該雪了長時間，一般來說，價錢不合理，以上兩款食物收費118，覺得偏貴了一些，至於服務態度，可以說完全沒有，要自助點餐，仍需收茶錢及餐前菜，感覺這間餐廳欠佳，期望他們以後有所改進。

樂天皇朝主打傳統上海菜， 招牌八色小籠包及原味小籠包 , 讓人百吃不厭。 青衣城分店，佈置雅緻明亮， 環境舒適寬敞。蘿蔔絲酥餅三件 $48採用新鮮的蘿蔔絲製成 , 經過油炸後, 外層酥脆可口, 蘿蔔的甜味和酥脆的口感, 十分美味 , 又沒有油膩感。上海生煎包 $48/三隻 上海生煎包外皮鬆軟 , 底部煎到金黃酥脆 , 裡面豬肉餡料, 鮮味多汁 , 十分滋味。李白醉雞 $92醉雞是一道利用米酒醃製雞肉的特色菜餚, 醃製過程中 , 雞肉會吸收到米酒的香氣 , 肉質柔軟,帶有淡淡的酒香。鮮蝦豬肉雲吞豬骨湯拉麵 $88奶白的豬骨湯底好鮮甜 , 飽滿的鮮蝦豬肉雲吞， 包裹著爽彈的蝦肉及豬肉，鮮香美味， 與Q彈的拉麵， 十分搭配。自家製檸檬薏米水 $20/一杯以薏米為主要成分 , 加入了檸檬汁調製, 冰爽解渴 , 仲有啖啖薏米粒。

一直保持高水準，食物上得快亦好味，職員有禮貌，招牌原味小籠包&呈朝擔擔拉麵必吃！上海油燜筍夠軟身，唔會好硬，話梅元蹄入口就溶化，醋醬海蜇頭清爽好𡁻！蔥油煎餅亦香。無錫鮮肉鍋貼一份3粒唔夠，要點多幾份先得，龍華素鴨可以，鍾意食素應該都會鍾意，雪菜鹹肉炒年糕正常，菜肉雲吞豬骨湯拉麵個樣ok，無試過，雪菜蝦仁炒飯都好味，擔擔麵有人唔食辣，如果辣啲應該更好，不過唔緊要，味道夠濃得嚟唔會好咸，恰到好處，值得再幫襯！

一直都好鍾意食小籠包，見到樂天皇朝主打八款特色小籠包，所以即刻約埋朋友去青衣分店試試佢。入到去坐低有QR Code比我哋落單，等緊嘅時候就可以食住花生，飲住茶先。招牌原味小籠包 6粒 $78外皮Q彈，內餡鮮美多汁，喺口中爆發出肉汁嘅鮮美滋味。糟溜絲瓜小籠包 6粒 $88絲瓜小籠包的外皮相當薄透，當你咬下去嘅時候，皮膚順滑柔軟，內餡則由鮮嫩多汁的絲瓜絞肉組成，充滿住豐富嘅蔬菜香氣，口感甜美而不膩。每一個小籠包都飽滿豐實，的的骰骰。花蔬蒸餃 6隻 $72餃子皮薄有韌性，包裹住豐富各種新鮮蔬菜🥬，口感鮮嫩多汁，清新可口。薑汁炒芥蘭 $72薑汁醬料平衡左芥蘭本身微苦嘅味道,但搭配香平衡。芥蘭嘅清脆口感同薑汁好夾。呢道菜色澤鮮綠,望上去好養眼。紅石榴檸檬茶 $32口感上，檸檬嘅味道清爽酸甜，好開胃。石榴嘅自然甜香便突出，中和酸味。值得一試！👍🏻

好中意食樂天皇朝嘅小籠包，今日突然心癮起，收工同朋友一齊去青衣城食～除左小籠包之後，都仲有好多其他選擇呢～招牌原味小籠包皮薄餡靚嘅招牌小籠包，一咬開就有滿滿嘅湯汁湧出黎，肉質亦都好juicy，無得輸～每張枱都有一罐薑絲同醋任食，作為薑絲控表示大滿足～雪葉黃魚煨麵黃魚片好多好新鮮，完全無骨無魚腥味～麵底揀左軟身啲，小朋友食都完全無問題呢～紅油鮮蝦炒手拌麵除左小籠包之外，呢到嘅餃子包點都好正～炒手啖啖肉加原整蝦，誠意之作～紅油可以揀另上，可以按自己口味再落，好貼心～拌麵麵身好彈牙，有口感～刀切小饅頭（蒸）第一次食蒸點，好出色～饅頭好絲滑，軟綿綿的，好正，有驚喜呢～

樂天皇朝維持上海菜高質素，每一次黎必嗌小食心太軟，由蒸熟既紅棗以及糯米夾心製成，咬落口QQ彈彈，老少皆宜～另外嗌左麻醬油麥菜，中間卷有青瓜🥒整體口感好脆好爽另外還有青瓜香氣，夏日消暑新選擇。主菜我地嗌左京醬肉絲，送埋捲餅，京醬肉絲軟嫩入味，配上蔥絲豐富口感，非常地道好味。另外一到主菜係蔥油拌麵，蔥油夠香夠醇，麵🍜煮到口感岩岩好，唔會太冧，兩個人share一碗岩岩好。兩人買單350左右同埋酒樓環境幾好，座落都舒服👍

其實青衣作為美食沙漠有一間高質嘅上海菜好難得呢間最好食嘅我覺得係擔擔面佢嘅面質唔會太硬嘅時候仲有得俾你揀軟硬度湯底用咗好濃花生醬啱晒鍾意花生醬嘅朋友食唔到辣都唔使擔心佢有得揀辣度同埋佢仲有好多傳統嘅點心小籠包簡直係經典製作但可惜嘅係只可以叫八粒冇得叫四粒有時三四個人食食八粒都真係有啲多叫咗個上海湯年糕佢年糕非常之堅韌，好好食仲有啲配菜係例如娃娃菜肉絲冬菇蛋配料有上海家鄉既如果平時住喺青衣又諗唔到食咩都可以試吓呢間

突然好想食啲屋企煮唔到嘅中菜又去咗食呢間有八色小籠包嘅上海菜今次叫嘅所有嘢都覺得唔錯咩都有少少坐耐啲嘆多杯普洱幾佗佻🤎蝦仁酸辣湯✨🤎四川夫妻肺片✨🤎上海油燜筍✨🤎上海炒年糕✨🤎特式皇朝小籠包✨酸辣湯夠熱夠酸夠辣夠多料好開胃肺片係牛𦟌加牛肚相比之下唔算太辣買少見少嘅油燜筍已經唔係周圍有每次見到都一定必食🥹🫶🏻炒年糕冇我想像中咁鹹食落係清淡啲八色小籠包唔會係過濃誇張嘅味小朋友見到會開心一定會想試多兩粒個人嘅首選會鍾意蟹粉同蒜香整體嚟講唔錯服務都幾好會覆單又主動斟咗幾次茶環境舒服好坐啱晒一家大細嚟食團年飯做節飯好啱食呢啲中菜選擇多份量適中老人小朋友都啱食

🥟特色皇朝小籠包色彩繽紛，賞心悅目。一次過滿足八款不同口味，原，各有特色。貓太太最喜歡原味、黑松露和蟹粉❤️。但無論如何趁熱食♨️，才是王道！用筷子輕輕一提，裝滿湯汁的小籠包微微下墜，輕輕咬下去，爆出鮮味湯汁，只有熱辣辣食時才有這個美妙畫面😍。🥓上海外婆紅燒肉紅糖色的醬汁油亮油亮，完美四方的五花肉，就似六顆寶石。皮彈肉軟，下飯下麵都一流。🍝木樨肉炒拉麵豉油、蛋花、肉絲和洋蔥炒上海幼拉麵，很有鑊氣。小菜鹵水汁煮花生🥜和栗子🌰，微微鹹味，寶貝很愛吃。小菜很配蠟燭溫火慢煮的普洱茶☕。

前幾日去青衣城買嘢，想食小籠包🤤 醒起附近有間來自新加坡嘅過江龍-樂天皇朝🍜 就同哈米爹去食啦😬間餐廳好大，好闊落～坐得好舒服，而且服務態度都好好👍🏻除咗小籠包，我哋再order 咗個麵同小食～ 份量啱啱好😌⭐️招牌原味小籠包皮薄餡靚～ 餡料豐富夾埋鮮甜嘅湯汁！一定要趁熱食🤤🤤🍜紅油鮮蝦抄手拌麵聽到個名就令人垂涎欲滴🤤鮮嫩的蝦肉和彈牙嘅麵條，口感豐富🦀蟹粉餡兒餅豐富嘅蟹粉加埋豬肉餡，食到海鮮嘅鮮甜味～加上外脆內軟，好味啊😋🦆上海風味醬鴨上海風味醬鴨醬香味好濃，食落口感唔錯👍🏻 好滋味

落雨濕濕,突然好想食小籠包,近近地去佐青衣城間樂天皇朝食,店內環境乾淨,座位寬敞,坐得好舒適！招牌原味小籠包招牌小籠包,新鮮蒸起還冒著煙,熱燙燙,皮薄餡靚,而且好爆汁,一口一粒啱啱好,湯汁洶湧而出,鮮甜美味,正🤤撈伴海中寶呢個係凍食嘅,有海蜇頭,青瓜絲, 魷魚絲,蝦,加啲蒜蓉,酸酸哋好開胃！蟹粉餡兒餅 蟹粉和豬肉餡味鮮甜,即叫即煎,餅皮外酥內juice,咬落去滿口蟹油香,皮嫌厚佐少少,但都好香口😅上海炒飯 炒飯色澤金黃,口感鬆軟,加埋叉燒粒、蝦仁、菜粒同蔥花,口感豐富,,真不錯🤤除咗小籠包做得出色外,仲有其他選擇都好吸引😋

講真樂天皇朝呢間餐廳真係唔錯👍🏻環境同食物都唔錯，價錢都合理～～首先佢哋嘅招牌原味小籠包6粒係必食，一上枱就聞到陣陣香氣，真係忍唔住快啲食！皮薄餡靚，肉汁豐富，咬落去真係爆汁！湯底鮮甜，肉餡鮮美！跟住試咗蟹粉餡餅，蟹粉香濃，餡料豐富，餅皮香脆，有層次感！上海生煎包都唔錯，一份有3個。煎得金黃香脆，肉餡鮮美，底部香脆，真係好滿足！最後試咗皇朝擔擔拉麵，湯底香濃，辣得嚟唔會太過火，麵條爽口彈牙^_^yummy!

是日同爸爸食個靚lunch~揀左食上海野(≧∇≦)小食：栗子花生$15 都煮得好腍，清清地既一道小食(*ˉ︶ˉ*)皇朝小籠包 $148基本上次次都叫，但係每一次都係覺得原味最好😂然後每次都會好貪心咁又要返8色(≧∇≦) 八件唔同味道～仲有埋紙仔教你由淡味食到濃味，味道唔錯㗎，不過就小心爆汁，睇住熱啊！清燉雞湯 $68 位相當清甜，而且一啲都唔油～好適合老人家飲！菠蘿咕嚕肉$118 酸酸甜甜配塔三色椒🫑 、菠蘿🍍，非常開胃！咕嚕肉選用比較瘦嘅部位，冇咁油膩(⁎⁍̴̛ᴗ⁍̴̛⁎)上海炒年糕 $93年糕煙煙韌韌，口感一流，相當之滑！加埋肉絲、黃芽白，擁有多重口感，醬汁亦都好濃郁～整體嚟講非常唔錯，建議大家一定要試吓小籠包！食飽飽後先發覺原來樂天皇朝會有一系列10週年活動，分三階段推出$10優惠菜色！原味小籠包優惠價$10/籠！第二階段: 3月25日至4月7日- $10 原味小籠包 (6粒) (原價: HKD$78)第三階段: 4月8日至4月30日- $10 週年限定口味小籠包 (6粒) (原價: HKD$88)睇嚟星期六又會再過嚟食多次啦(≧∇≦)