影片
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
前文提要，同舊同事嚟個本土小旅行，過到嚟「將軍澳」探索吓，完晒啲行程，晚飯就晌「日出康城」搵搵有咩乜，最後見到「樂天」，可以嘆吓小籠包。不過，坐落先發覺搞錯咗，呢間喺「樂天經典」，唔喺「樂天皇朝」，雖然屬同一集團，但走嘅路線唔同，我個人較喜歡後者但既來之，則安之，等舊同事又可以試吓唔同嘅嘢。餐廳地方都幾大，裝修亦都幾雅致，我哋被安排坐近落地玻璃一邊，感覺開揚啲之餘，仲可以睇到下面嘅溜冰場。雖然有餐牌，但餐廳就鼓勵客人以二維碼落單，當然，我哋研究咗好耐叫乜嘅時候，店員都會走過嚟問使唔使幫手。餐牌大大本雖然無影，但臨尾晌門口見到一啲店家嘅美食推介，順手貼埋出嚟俾大家參考。小食 $15甫坐低，就放咗碟小食，是夜喺黑木耳，比起一般嘅花生好好多，而且，非常之大碟，酸香醒胃，又好爽脆，$15俾得值。冰鎮苦瓜 $52以前去親「 蒲田」都會點呢道苦冰鎮苦瓜，估唔到晌「樂天」都有，所以專登叫俾大家試試。苦瓜雖然苦，但因為佢刨到好薄，再沾上蜜糖，食起嚟變咗甜中帶甘，啲苦瓜片又非常之爽脆。黃金魚皮 $82試咗道健康嘅冷盤，依家就再試埋呢道邪惡嘅小食。本身炸魚皮就已經喺好香脆可口，但沾上鹹蛋黃，嗰份鹹香味就令魚皮嘅滋味升幾級，十分惹味。薑蔥爆生魚片 $128雖然唔知生魚片喺用咩魚，但啲魚片大大件，又炒得夠晒鑊氣之餘，口感仲好嫩滑，又有魚嘅鮮甜味，加上以薑蔥爆，嗰份薑蔥香氣非常之香。砂鍋豆腐蝦 $128以原個砂鍋上，自不然夠晒滾熱焫，咪睇個樣好似無乜蝦，其實鍋內有唔少，仲大大隻，兼且幾爽口鮮甜；而啲豆腐都頗為滑溜，幾有豆香，以整體味道比較清啲。古早魚香老鼠粉煲（細）$88叫份細煲已好夠我哋4個人食，因為內裏嘅銀針粉其實都幾多。粉內除咗有啲鹹魚提味之外，仲打咗隻雞蛋，有點畫龍點睛之效。此外，仲有啲蝦仁食吓，都幾好味喎。整體而言，招呼算喺唔錯，我哋就無乜叫啲貴嘢，如海鮮類，而連埋茶錢$6位，每人都喺百鬆啲。食都喺其次，難得大家抽空出嚟聚一聚，吹吓水。
繼續閱讀
近排睇旅遊節目介紹食螃蟹，又勾起我去新加坡旅行食螃蟹嘅感覺所以今日放工就搵埋朋友去一間來自新加坡嘅餐廳一齊食螃蟹店內環境寬闊，設有大量梳化座位，用餐舒適近排仲有一個性價比高嘅螃蟹二人套餐，啱晒我同朋友一齊食食物方面:樂天經典螃蟹二人套餐，有前菜小吃、螃蟹、熱炒、飯麵、甜品及飲品， 非常超值星洲黑胡椒螃蟹(小) : 螃蟹肉質飽滿，蟹鉗肉質鮮嫩入味，以黑胡椒烹調方法，帶出陣陣胡椒香味，蟹身配搭胡椒味道濃郁，微辣惹味，真係食到舔舔脷蒜香紅海蜇頭: 海蜇頭口感爽脆，蘸上少少酸酸辣辣嘅醃汁，味道清新小食泰式炭燒豬頸肉 : 豬頸肉肉質香嫩，有陣陣炭燒味，再蘸少少泰式酸辣醬，夠曬酸辣惹味古早魚香老鼠粉煲 : 老鼠粉即係我地食開嘅銀汁粉，口感又嫩又滑，再配埋蛋黃、鮮蝦、冬菇、椰菜花、鹹魚及鹹魚檸檬汁、味道鹹香惹味檸檬薏米水 : 薏米水去濕清熱，又可以改善水腫排毒，加埋檸檬仲可以補充維他命 C ，更加健康美味清心丸綠豆爽 : 滿滿的綠豆蓉及馬蹄粒、清心丸煙煙韌韌，清熱利濕，最鐘意食的特色甜品之一招牌酸柑香芧凍 : 果凍香茅味重，加埋奇亞籽冰，酸柑一齊食，味道酸酸甜甜好好味
繼續閱讀
前排媽咪經過「樂天經典」, 係門口餐牌得知逢星期一、三晚市推出優惠, 吸引我地今晚去食返餐。餐廳環境舒適開揚, 店員隨即送上熱茶同menu。最後我地揀咗個二人套餐, 多項菜式自由選擇, 套餐有齊餐廳人氣菜式, 仲包括一隻螃蟹, 加埋茶位同加一, 都係HK$750有找, 比起單點更為實惠!!【自選二人套餐B 包括螃蟹)】HK$668蒜香紅海蜇頭: 海蜇頭口感極為爽脆, 調味汁酸酸辣辣, 後續帶點甜, 感覺清新開胃。菜香鐵板豆腐(小):鐵板熱辣辣上檯, 墊底嘅蛋皮剛剛好熟, 放上外層有如豆卜嘅豆腐, 淋上秘製滷肉茨汁同埋菜蒲、香菇、蔥花、肉碎, 豆腐外層稍為盡咗個汁, 鹹香適中、微辣帶甜, 內裡嫩滑得入口即化, 任何年紀嘅朋友都喜歡。星洲黑胡椒螃蟹(小)螃蟹肥大肉厚, 以黑胡椒烹調, 散發陣陣胡椒香, 令蟹肉更提鮮惹味, 齒頰留香。古早魚香老鼠粉煲(小)上檯時隨即加入鹹魚檸檬汁, 老鼠粉配有窩蛋、蝦、椰菜花、冬菇、鹹魚、鹹魚醬等…老鼠粉口感滑嫩粘糯, 窩蛋令口感更順滑, 蝦爽彈, 整體味道鹹香美味, 富層次感。檸檬薏米水(溫): 薏米水清熱去濕又養顏, 加埋檸檬更加有益健康。豆漿(溫): 豆漿無糖, 只有淡淡嘅豆味, 很健康。招牌酸柑香芧凍: 果凍口感滑嘟嘟, 香茅味很重, 酸柑酸酸甜甜, 粒粒奇亞籽增加層次。
繼續閱讀
《 🦀 樂天經典📍》————————————————————🍂 秋天就係要食蟹！二人餐超抵食！🇸🇬 康城The LOHAS都食到新加坡風味 🫶🏻 香港少有高質又高性價比既星馬菜————————————————————👫 二人套餐 【$668】：————————————————————前菜小吃 (四選一)：🌟黃金魚皮---前菜？份量超足！仲要係好好食😝魚皮炸得金黃香脆，食落好夠脆口配埋香濃惹味既鹹蛋黃，夠灑邪惡😈————————————————————螃蟹 (四選一)：🌟辣椒螃蟹（伴炸刀切小饅頭）---辣椒醬汁真係好多！夠灑鹹香帶微辣😋蟹肉多汁肉質嫩滑，味道鮮甜配埋外脆內軟又索汁既炸饅頭食一流🤤————————————————————熱炒 (八選一)：🌟菜香鐵板豆腐---鐵板煎香左既豆腐同蛋外脆內軟🍳肉碎玉子豆腐永遠係個不敗既配搭醬汁微辣帶甜，味道口感都好有層次👍🏻————————————————————飯與粉麵 (四選一)：🌟蝦味魚子蝦球炒飯---炒飯炒得粒粒分明夠鑊氣😗蝦球彈牙配埋魚子，口感豐富呢道炒飯蝦味濃又鮮甜，夠足料😍————————————————————甜品 (二選一)：🌟招牌酸柑香茅凍---呢道甜品真係...滿到就瀉🤣果凍帶微微香茅味，口感好滑嘟嘟酸柑甜甜酸酸，粒粒奇亞籽增加口感😚————————————————————飲料 (每位一杯)：🌟冷無糖豆漿---食完覺得膩可以飲返杯無糖豆漿🥛豆味香濃，好飲又健康！————————————————————🔴 總評：9/10---💰 性價比：4/5📸 賣相：4/5🏞 環境衛生：4/5👩🏻🍳 服務態度：4/5 ————————————————————
繼續閱讀
都有一段時間冇去新加坡 好掛住佢哋嘅蟹 所以呢晚嚟咗呢間新加坡過江龍 食個新加坡風味套餐🤩星洲黑胡椒蟹呢個套餐有四款蟹可以選擇 我哋揀咗佢其中一樣招牌菜星洲黑胡椒蟹 雖然話佢嘅size係細份 但係兩個人食都夠喉☺️ 一上碟嘅時候已經香氣撲鼻 黑胡椒嘅味道好惹味 但係又唔會太辣 呢個惹味嘅炒蟹真係好推介大家叫🦀 入面嘅蟹肉一絲絲 仲好鮮味添呀黃金魚皮呢個前菜我哋嗌咗個香脆又鹹香十足嘅炸魚皮 外層有蛋黃醬厚口感包裹住🤪 仲有啲香葉同埋辣椒 炒完之後嘅魚皮依然係非常香脆 忍唔住食完一舊接一舊脆脆咕嚕肉脆脆咕嚕肉真係冇改錯名 外脆內軟 每件肉條都切到大細均一 入面仲有好多肉汁🐷 外層嘅醬汁酸酸甜甜非常開胃 側邊嘅配菜仲有燈籠椒 洋蔥同埋菠蘿🍍 蝦味魚子蝦球炒飯呢個炒飯份量充足 每粒都粒粒分明 蝦味非常突出 入面嘅炒飯用上咗蝦湯 然後再加魚子炒成 海鮮嘅味道都幾出眾🦐 加埋彈牙嘅大蝦 整個炒飯都好夾甜品二人餐包括咗兩碗甜品 我哋每樣嗌咗一款😮 清心丸綠豆爽 好耐以為呢一個甜品都係凍嘅 點知原來係熱辣辣㗎 入面嘅清心丸係幾彈牙 仲配上好多嘅馬蹄片 清涼爽口🤪 招牌酸甘香茅凍 呢個嘅味道好清新 入面嘅果凍係用香茅製作而成 再配上酸酸地嘅青檸汁 🍋 好適合夏天食用飲品本來已經有壺香片 呢度嘅茶位收每位$6 都唔算太貴🍵 檸檬薏米水 清新祛濕 又唔會太甜 都係一杯特別嘅飲品 另外嗌咗豆漿 呢度嘅豆漿係無糖豆漿 咁就可以更加健康啦😎呢餐真係好飽 成餐最大嘅亮點當然就係隻蟹啦😌 仲有要一讚店員服務非常好 好有禮貌 食得好愉快
繼續閱讀