樂群茶餐廳 (已結業)

因為業主收樓，迄立北角炮台山三十多年的樂群茶餐廳就快結業！這真是我2007年最大的惡耗！呢間餐廳我細細個就幫襯，最鍾意佢新鮮出爐嘅 麵包，佢地自設餅房，所以麵包西餅嘅 水準好高，永無令人失望，特別係菠蘿油，鬆軟香滑，仲有至抵食嘅 拿破倫，簡直係大排檔價錢，五星酒店水準。餐廳嘅 籠仔荷葉飯，雖然要等成廿分鐘，但荷香四溢，用料十足，顯見大師傅的執著，令我明白等待是值得嘅！咖哩牛腩亦係我嘅 至愛，絕對唔可以錯過！樂群結業，在北角區仲邊度搵到咁高水準，咁低價錢嘅 飯堂？嗚....嗚....

8 DEC 2007 ~ 9點幾倒係荃灣食完上海野後, 急急腳同老公飛車趕住下一ROUND, 就係就快結束營業既"樂群茶餐廳" ~聽呢度食家講, 話奶茶、咖哩牛腩飯、荷葉飯、港式豬扒包、紅荳冰、曲奇餅、蛋糕仔、拿破倫等等, 都好好食, 講到非試不可, 唔試必後悔咁話WOR...老公以極快速度渣車黎到門口, 我即刻上前睇睇仲有咩食, 款式唔算好多, 因可能夜既關係, 我同老公商量完一大輪後, 就要左以下....類似紙包蛋糕物體, 面有白色一粒粒, 5個-$15 (老公既)曲奇餅, 1包-$12 (我既)蛋卷, 8件-$24 (我既)拿破倫, 1件-$3, 後尾老公睇倒, 買1件SHARE試下好唔好食先紙包蛋糕AND蛋卷= 老公、我、同埋各兩家屋企人食後都有同一答案, 超軟熟, 好有蛋味, 一打開未食已經聞倒勁有蛋卷香味, 食1件都飽飽地, 依家已經所剩無幾, 只係一日就掃清, 未食過咁好食, 掂掂掂!!!曲奇餅= 我幾鐘意食架^O^, 抵!脆!大!香!拿破倫= 一向唔會試新野既我, 今次竟將我既第一次比左件拿破倫, OH YES!!! 我同老公都話好味到爆燈, 個酥面好好食, 再加埋裏面

早前我的姊姊（她在炮台山工作）買了這餐廳的紅豆餡沙翁回家請我吃。沙翁口感鬆軟，紅豆餡不太甜又美味（而且是有豆皮的）。聽說這餐廳快要結業了，真可惜．．．．．．希望這餐廳可以在別的地方再開業，兼且保持產品質素。

路過，買了個十年如一的菠蘿紅豆包：是日最後一轉最後一個菠蘿紅豆包，依然新鮮，依然香軟（因不是「雪櫃包」，去貨又去得快）；菠蘿皮一點點鬆化，餡呈紅豆糕色，稔，起沙，無去紅豆皮，但又不太甜...口感幼細得來，還帶有一點o趙頭，實在忍不住想買多一個。（Title 後加的）其實我唔知佢會搬竇。

港式茶餐廳真係買少見少喇老闆娘口中o既紅酒(鳳爪)蒸排骨咁就要同大家告別佢杯奶茶同d 飽真係令人回味

I feel very sad when i know they are going to 結業. Because after they 結業i really don't know where i can find 好味的拿破倫but only sell for $3 not only that i also really love their 曲奇, 蛋糕仔, 西炒飯, 咖哩牛腩飯, 荷葉飯, 港式豬扒包, 港式奶茶, 老火例湯and so much more. Anyways i really wish that they will find a new place to reopen.P.S.: To many who may not know, (樂群茶餐廳) uses Lyle's Golden Syrup for their 西多士. Lyle's is very well-known back in UK and it's a high-quality syrup that brings out the best flavor of a 西多士could be.

我想借這裡多謝大家多年來的支持和批評,樂群可以在炮台山經營30幾年最主要的原因是大家的不離不棄的心,我真心在這裡多謝大家的支持,

半飽的來到，見特餐(公仔麵、三文治之類)不合口味，還是要了快餐，只得兩款選擇：粟米斑腩飯和涼瓜牛肉飯(@$28)。兩樣飯都是一般水準，而且斑腩飯可能早早整定，已經開始變涼，不夠熱，粟米汁味道亦略嫌咸了些少。反而例湯(紅蘿蔔豬骨湯)真材實料，啡、茶亦有水準。進食時見不斷有麵包出爐，一盆盆的捧出來，很是吸引，不過已經飽到上心口，沒有試了。

和男朋友看冰雕，搜尋附近地區的食評，說這餐廳快將結業，便前來一試．本來想叫好評如潮的荷葉飯，不過侍應說要等三十五分鐘，我太肚餓等不了，只好叫快餐．我們叫了煎蛋肉醬意粉和蒜蓉海鮮炒飯．先來花生豬腳例湯，無味精又鮮甜，一口氣就喝完．熱奶茶挺香滑．雖說是快餐，但都等了二十分鐘才來．炒飯即叫即炒，不會是預先煮好一大鍋，所以很夠鑊氣，蒜蓉炸得很香，海鮮份量也很多,要等都值．臨走時買了馳名的拿破崙上叮叮吃，果然鬆化好味．

特登來北角啫美食, 見這間茶餐廰快結束就試吓人人稱讚的龍仔蒸雞飯.星期六的十一時半, 人客不多, 點了飯, 奶茶及豬柳包. 豬柳包無甚特別, 奶茶也不夠滑, 飲到尾還有點苦, 遠遠不及金鳳的. 等了差不多半小時終於飯到. 因為有大量雞肉的關係, 飯很油, 而除了飯和雞肉好像沒有其他材料. 我想如直接將雞肉和飯炒, 得出來的效果是一樣, 時間會短很多. 總的來說, 味道也可以, 但太油, 不健康.下午再來欲買新鮮出爐麵飽但沒有(可能曾掛紅雨)只買了拿破侖食, 以3元來說水準是超值, 要食就快手啦!以前買過這裡的麵包, 好像是人手搓的, 非常鬆軟, 水準不俗.

我都收到風呢間茶餐廳就黎要結業喇!!我都食左十幾年佢真係陪住我大有好多回憶架呢到既拿破倫真係好多人讚架仲有杯奶茶真係好多人都話好飲第時冇得飲,我都真係唔知點算~T^T仲有D曲奇同蛋糕仔啦仲有我由細食到大既菠難包啦岩岩出爐既話真係好到震仲有荷葉飯都係唔可以錯過架!!!同埋豬扒包早排我同我男朋友去食佢都話正呀我就由細到大都好鍾意食佢地既西炒飯同埋炒蛋三文治仲有紅豆冰啦嘩真係數都數唔哂呢到D野真係好好食架唔做真係太可惜但冇計啦,好似話係業主要收番間鋪重建真係好可惜呀總之大家都真係要快D黎試啦~果杯奶茶,真係唔知可以去邊到搵~!!

我係住係餐廳樓上的住客，因為大業主將要收樓（收到律師信了），所以我地Ｄ少業主都要搬走了，我相信依間茶餐廳都吾例外，我經以幫襯左佢地廿幾年了，所以都有Ｄ感足。係下年2月前，大家都要一賞下依到Ｄ美食，以我成日黎的經驗推介一定要食食到個（咖哩牛腩）（荷葉飯），仲有佢地每一日的快餐炒粉麵飯呀，廿幾蚊仲要係即叫即炒，又好味，又有鑊氣，我相信同區一定無得再搵到。至於飲品：一定首選奶茶la，佢地Ｄ港式奶茶都吾駛點介紹，吾單只香港雜誌，就連日本Ｄ旅遊雜誌都有推介，最後食飽飽臨走人前，當然係門口打包2件拿破倫la，仲有佢地Ｄ細曲奇，都真係好好味！真係重點起好多小時候的回憶！大家不妨去試下，可能我會有Ｄ私心，比得過高分，試下先la，支持下Ｄ買少見少既港式茶餐廳la

又到午餐時間, 頭岳岳四圍騰, 正在頭痛食乜好之際, 突然發覺這間從來未留意到的茶餐廳. 睇格局似係老字號, 一於就將午飯o既quota交俾佢!午餐有三款. 見其他人的海鮮烏東炒得好靚喎, 幾十蚊一個餐竟係即叫即炒, 真係唔講得笑. 不過我係肉餅忠實"粉絲", 所以仍然選了鹹魚蒸肉餅. (點知後來見另外客人可以改鹹蛋, 早知我又改!)午餐包一碗例湯, 而一般茶餐廳的所謂例湯我通常唔要(大佬, 好難飲得落o架), 今次只因初來步到先試一試. 哈, 碗菜乾豬骨湯竟俾我極速飲清, 跟住飯又係快快趣趣清檯, 唔覺唔覺又搵到一間絕對掂的食肆! 飯後杯奶茶亦係香濃醇滑, 下次三點三又多個好選擇喇.用餐期間見佢有麵飽出爐, 嘩, 下次一定一定要試佢一試.點解我可以miss呢間o野咁耐o架!!!

行開想買蝴蝶酥食...入到去見d豬柳包都好似好好樣順便買來做早餐....個蝴蝶酥就一般啦..無咩牛油香同埋唔係太有口感..真係好一般但估唔到佢地既豬柳包又唔錯又會加埋d生菜, 蕃茄醬係入面, 塊豬柳又唔會太油...$5一個真係抵食.

自己食完mimosa gei napoleon之後,買左個港式拿破侖比mom食.3pm後$3件, 因為我整扁左... 所以冇影,個拿破侖係3角形ga, 平時我見開既都係正方形,mom話個酥身好鬆脆, 合桃夠fresh夠脆口, 好好食wor.下次我自己要試下個朱古力cookie同買個蝴蝶酥比mom先, 因為金士夏天怕溶唔出o個隻朱古力cookie啦, 個人認為金士的朱古力份量多出一倍, 冬天大家一定要試試