樂翠園海鮮菜館

營業中

休息中

住咗官塘區咁多年,終於有驚喜啦!! ""炭爐燒""  以前想食就要出去土瓜灣, 依家唔洗lu 星期六落去呢間樂翠園食飯, 諗住都係小菜打下邊爐咁, 點知事頭婆叫我地炭爐BBQ, 好!! 一於Try try 我地一行3個人坐咗响門口位, 轉頭已經開咗個炭爐俾我地取暖 , 正!!! 我地最初order D基本燒烤野睇下得唔得手先~有雞腎,多春魚,羊架,牛俐.... 先講講羊架, 大大件好抵食不在話下, 味道相當唔錯同冇乜羶味, 牛俐非常 "淋" 好好味一啲都唔膩,  多春魚同雞腎就正正常常啦!!! 再嚟海鮮, 係超新鮮, 鮑魚,蝦全部都生猛, 生蠔,扇貝都好大隻, 價錢合理!! 燒起上嚟加埋佢地啲秘制醬汁大大提高咗鮮味. 總結: 唔使出到咁遠, 食物一流, 服務親切, 值得encore

今晚肥龍B約幾個朋友宵夜,於是就黎左呢間中菜館度食飯喇!!我地叫左三個小菜送下酒呢!!1) 蟶子王隻隻蟶子都好彈牙,豉汁炒得好惹味, 不過都OK貴下...而且唔算太多囉, 得幾隻!!2) 蠔餅碟頭就夠大, 不過無乜蠔...食落好似成口都係粉,而且好油, 食完成口都油淋淋!!呢個真係唔可以多食...3) 椒鹽九肚魚九肚魚落左好多炸蒜喺面!!所以食落好有避風塘風味,辣辣地非常惹味, 做下酒菜一流!!反而呢個都幾值得推介!!不妨一試...!!

麻辣雞煲真係好美味~D 配料 (洋蔥 / 芫茜) 沾上汁之後實在好食! 加湯之後放入竹笙, 小白菜, 魚卜, 芋絲呢D 吸汁材料實在勁勁勁正!可惜當日無萵荀 無冬瓜, 如果唔係效果必定一流! 另外要推介多個餸 "豬手", (當然唔係要來打邊爐啦) *忘記影相個皮炸到脆卜卜, 點埋隻泰式辣汁, 真係好好食, 又唔會覺得膩, 補充骨膠原, 正呀

今日同五個朋友係牛頭角打完波, 咪搵個地方食個飯, 有人推介左去呢間樂翠園一入去人真係唔多, 有三四張吉枱我估果個係老闆娘就比左張中間既大枱我地坐, 大到我地傾唔到計點菜果時我都無咩意見, 反正我睇牆上面都係 7-80 一碟,最後係個好唔耐煩既店員推介下, 叫左一個聖子, 我地只係叫聖子 , 佢都無提過幾錢 同點賣再叫左個蒜蓉芥蘭 同 中式牛柳, 見咁少, 朋友就叫多個蠔餅等左都無 5分鍾就出左個聖子, (係咪好驚我地 CUT ? )之後其他菜都上埋, 前後 5個飯, 3個汽水菜夠鑊氣牛好乾 , 食左一半就停手豉椒聖子王 , 啲椒未熟呀唔該蠔餅, 好蘇好脆食飽就飲下茶, 大聲地傾下計, 到埋單, 果個沒文化的店員一面放下單, 一邊叫著 五百零五蚊, 收你地 五百啦... 我比朋友睇單, 但根本睇唔到, 字體如符她知道我會追問, 就說出, 聖子 14蚊一兩 , 228 一碟, 500 蚊既一餐, 食其中一碟 228 ? 不如話根本就係見一頭, 位位 100 ??蒜蓉芥蘭 中式牛柳 豉椒聖子王 (大約五隻) 好大隻....殼 , 價值 228 蠔餅 , 我估都係大 , 五人都食唔晒5飯 ,

我們一行十七人在觀塘打WAR GAME，之後十五人去食個飯，有十四人為我預早慶祝明天的生日由於我的好友幫我安排，主要人地介紹OK 同可以坐好多人。椒鹽魷魚評：可以再SPICY D再脆D， 好好味， 都算新鮮俾 7.5 / 10黃金蝦評：OK，不過可以再沙D，即係多D咸旦黃，最後有二隻，無人食。評：菜，不是大份量，全清7／10評：聖子，有沙，不是炒得好好，老老地 5 / 10評：呢款好食，好脆口， 不錯不錯，不過係咸左少少，7／10重有叫左LAMB 煲 x 1，其他所有野菜雙份，花螺，香檸雞，啤酒，COKE，O 茶，白飯，白粥。15 人共$2400其實都差不多。可以俾我地CUT CAKE，又主動俾碟，服務都OK LA總評： OK，下次經過可以再去 ;]

今日父親節呀哥帶左我地食海鮮我地5個人叫左6個菜蝦醬炒通菜 有禍氣 爽牛柳粒 冇咩特別 有點硬聖子 少少spicy 幾鮮甜半隻雞 唔食雞 都試左一舊寫食評 幾有蒜味 都幾滑 冇乜雞so味魚頭煲 冇試...不過家人食得都幾滋味豬肚蜆湯 冬天會推薦 飲完全身熱辣辣 胡椒味好重 都幾特別我地仲叫左兩支藍妹 好似$20炸 見台台都有飲父親節食喱度賣單都$6xx 幾貴不過表達一番孝心嘛^^多謝哥哥下次再試其他啦=]

周日母親節，老爸一向父兼母職，咁在我地心目中即係父親節啦。一家人拉隊去官塘食飯﹗當日早上book位，連book兩間都話已經滿哂﹗母親節真係大哂﹗人人出街食番餐﹗最後揀左0係宜安街既呢間樂翠園﹗天時暑熱﹗坐低唔洗講咁多，整兩支青島順一順喉先﹗最近0的天氣真係不是人生活，只是五月下午已經接近三十三度，我估係因為太多人都開冷氣既緣故，走在街上，真係焗到無朋友﹗唔洗做坐0係度都會流汗﹗齊人就叫野食，先來一個砵酒焗筒蠔﹗上枱仲點埋火保溫，有型好架勢﹗呢間樂趣園都幾均真，你叫完之後即拿一罐筒蠔在你面前開俾你睇，等你知有幾多隻，待應姐姐對我地相當有禮，多謝前多謝後，盡顯賓至如歸既感覺﹗我地0的後生無咩感覺，老人家最受落﹗蠔大隻，先上粉炸，再將砵酒及洋蔥、乾蔥等放入錫紙焗﹗打開陣陣酒香﹗蠔軟糯味濃，吃落酒味雖不及隔離既彪哥，但也收貨，老爸連吃兩隻叫好味﹗胡椒豬肚浸大蜆﹗湯頭濃郁，胡椒味暖身香純，豬肚洗得乾淨，件件爽口有o趙頭﹗蜆是細蜆仔，大蜆就無喇，不過吃落也鮮甜無沙﹗味菜下得夠多，唔知自己買0的酸菜返來可唔可以煮番呢啖湯呢？鹽焗蝦，呢個值得推介﹗一份十來隻左右，全部是門口水池的游水大中蝦﹗大隻，肉夠

睇完戲搵野食,原本想食彪哥既,但因為傻baby想睇波但彪哥冇直播所以選左樂翠園...但食完好後悔囉~原因係不老實!!!兩人點了白飯兩碗汽水兩枝嗜嗜雞煲味濃足料,豬肝炒得過熟變得好鞋口~雞普通!蠔餅蠔的比例好少,似食粉漿多d而且十分油膩,食完第一啖已經成口油~師傅最後冇用大火將d油逼返出黎,結果食到成口油,做得十分之差呀!!!黃金蝦一客十隻,咸香味不足但蝦好彈牙~呢餐不過不失,但我覺得佢做生意好唔老實~原因係點菜時我係menu上睇到黃金蝦係$78,所以我點左,到我食完埋單之後個男侍應收我地成360幾蚊,我地覺得好奇怪,點解咁貴既,細問之下黃金蝦佢收我地$156!我問佢點解唔係$78,個男侍應話我地點既係海蝦而唔係基圍蝦!嘩,我話咁都得呀,我order果時你又冇同我講明有海蝦同基圍蝦兩種之分,到我食完你先咁講,任你up姐...個男侍應當時係冇出聲的!!!好唔老實!!!以後都唔會幫襯!!!!!!!d野食又唔係特別好食!!!!

雖然6點多已吃了早飯,但近9點之時還是再吃多頓飯;自己不是早睡之人,不吃多一餐一定胃痛.整條街充滿江湖味道~選一間較光猛的.入到店內,侍應哥仔先調配座位給我們,雖然他和宜安街一樣有江湖色彩,但卻十分有禮貌,令我有點意外,心中暗讚.餐廳環境和一般小菜館差不多,不過6月份,有點世界杯氣氛.另外感覺上每枱都有點啤酒的.店內可以吸煙,不過不知道是剛巧或是什麼的,吸煙客都是靠邊的枱.所以感覺上煙味不重.一看餐牌,發現款式都頗多,更重要的是部分都比較特色.上菜速度不慢,先來雜菜煲及椒鹽上肉排.肉排的外表雖然不太特別,但味道確不錯.肉排有著蒜粒,紅椒,蔥香,咬口十分鬆化,加上骨形不太異常,吃起近骨的位置亦十分方便,送白飯實在一流.雜菜煲是擺明沒有特色的了,但4道菜入面已經有3道是肉,這道菜順粹健康一下.不過個人還是喜歡瓦煲多一點;此道菜份量不算多,幸好菜還嫩,味道一般.蕉糖雞翼:由於在餐廳門口及OPEN RICE都有人推薦這道菜,就試了,好像蠻有特色.賣相亦不錯,但由於極度熱,不要因為吸引而立即大口咬下去~外層雖脆但偏硬,可以說是這道菜可以挑剔的一點,甜度比想像中低.內層亦入味;雞翼大大隻,有十數隻

早排我同朋友一行十人到宜安街食飯，見到呢間有好多海鮮，即刻衝入去，因為小菜館食海鮮係最抵既，我地叫左魔鬼炒蜆，正好爆！即刻encore 叫個魔鬼聖子試試喇，超新鮮，無我以前食聖子個種"up"味，仲淡淡肉添。砵酒桶蠔係老闆娘推介，真係不可不食，隻隻都唔會過熟，又鮮，証明用料無"喳流灘"。最失望係個雞亦，個味好正，可惜太多梳打粉，D雞肉好怪，反而個薑酒雞D雞就好好味，老闆娘話因為係用新鮮雞，雞亦就係雪藏，所以有所唔同，整體黎講，價錢合理，一人都係兩舊到，想食正海鮮，又想食特別煮法，可以試下！

要慶祝父親節,最近梗係要晚晚週圍試下菜喇,剛剛早幾晚試左呢間街坊feel菜館,招牌焦糖雞翼,香噴噴,豉椒炒蜆、生炒骨、都好有鑊氣,唯一係草菇食到有up味,同炒時蔬d菜芯老過我老豆,招呼唔錯,可以有改善掛.....

跟好友看完戲，也是十時多，走到宜安街，遊了一轉，最後就選了此店，選了三碟菜．椒鹽類多是小菜類的首選，因夠可口；本是來椒鹽鲜魷，但看到有避風塘鲜魷也很吸引，那就選了後者；上台賣相不錯，但咸了一點，鮮魷就細了，又太乾身，失去了魷魚的味道，下次都是吃回椒鹽才能配鮮鮮魷．再來一碟鱔球，店員推介火陷鱔球，那就一試；起菜時，碩紙包著的鱔球被火包著，賣相不錯又吸引，很多洋蔥跟鱔球炒在一起，蜜汁甜甜的，令此又香又美味，十分好吃的啊！再來一個椒絲炒通菜，大大碟，也很好味．本想吃聖子，但因百多元一碟，太貴了，或許真的美味，但卻因價錢打消念頭．店員服務有禮，叫了啤酒來，但雪櫃太凍，啤酒結冰，店員走來主動更換；而且態度又有善，食也會食得開心．不過小菜價錢頗貴，但食物質素就不錯．$220埋單

呢日同班friend聚舊，來到呢度幫襯，一人叫一個小菜試試呢度d師傅嘅手勢。食評大讚嘅「焦糖雞翼」果然夠特別，熱辣辣一口咬落去d脆脆地帶焦糖甜味嘅雞翼度，味道確係唔錯！另外叫咗個名字玩嘢嘅「混醬骨」，雖然個名係混醬，不過味道就唔「混脹」，帶點甜又有點辣嘅味道十分開胃。仲有個「砵酒桶蠔」，都係水準之作！至於其他嘅菜式，味道都過得去，總括來講，呢間小菜館在食店林立的宜安街企得住腳，果然係有d料到！如果同一大班friend一起來幫襯，都唔錯呢！不過呢度係街坊菜館，講到環境，呢度就真係爭d啦！不過老闆娘笑容可掬，服務態度良好，都爭番唔少分數。係有個別伙計態度冇咁好，影響整體印象唧！

今日我去左樂翠園食中式既聖誕大餐..好好食呀d 野..有幾樣野食就想推介俾大家啦..=]１.焦糖雞翼 ---- d 汁好好味, 不過記住一定要一上枱即食,我個fd就係凍左先食...d 汁痴住 哂隻雞翼同埋d 牙囉.. d 雞翼又大隻wor..ok抵食,,$48咋//２ 火焰砵酒焗蝦 --- 依碟餸我覺得ok有x'mas氣氛, 佢有火係下面燒住家.!!!! d 蝦又新鮮又 彈牙, 真係好正!!!３ 木筒咸菜煮蜆 ---- d 湯有好重既胡椒味, 好好飲, d 蜆好新鮮!!!! 不過都幾貴,,$78

兩個人叫左：焦糖雞亦 — 用糖調味過的炸雪藏雞亦蒸白鱔 — 獻太杰、鱔不新鮮白菜仔魚頭湯 — 魚頭份量少、湯味道一般