樂茶軒 (香港公園)

營業中

休息中

連對年月也沒感覺，可況吃。祇是今天陽光燦爛，在樹影冷風中走，才想起吃的滋味。想試樂茶軒許多次，次次總緣慳，相約不如即興，如人生，如命運。一縷煙，陳皮普洱是十分温潤。第一道來的炒麵，熱度和豉油也不夠，卻因椰菜冬菇清爽可口。紅炆素蠔油鲍魚菇是主角，鮑魚菇做得比鮑魚更美味，令人拍案是墊底的冬笋，真箇不時不食，鮮甜爽脆。湯豆苗餃，豆苗剛有咬勁，湯帶着淡淡清甜菇味，配得天衣無縫。蘿蔔絲餃看來尋常，咬一口也是滿口甘味。燒賣比之，因是糯米，有點失色。壓軸薑汁糕，即使我不吃甜，不吃會抱憾。

因為要快食，經過見有素點心食，就入去試試。首先要㨂茶，一來我對茶冇硏究，二來我唔會坐太耐，所以叫最平嘅烏龍。飲落都幾香。黑松露燒賣口感似用肉製嘅燒賣，真係唔錯。生煎香菇包唔油，乾身幾香，但熱D會更好。

呢間茶館好有feel，主打tea😍素食雖然喺有少許貴，但物有所值嘅，好食有健康喎，最好食係素燒賣🥰其實我食唔到係用咩製作嘅，但係就好似燒賣，又好好食😋綠色嘅，係粉果，好食嘅👌🏼，一般般嘅係蕃茄湯餃子講唔出有乜咁特別🤣正常，好普通咁。不過下午茶，叫d點心試下囉☺️。甜品咁咗薑汁糕，超級好味，佢係千層糕，又唔太甜，而家好少地方食到，講真真心幾特別嘅。有啲似大會堂美心嗰個好出名嘅黑芝麻千層糕😆，同一種意識形態，一樣質感大小，不過呢個就係薑味。最後最後我想講吓佢呢度好出名嘅茶，雖然睇住個Menu每個茶都有啲貴，其實唔係好捨得，所以要揀個特別啲感覺抵啲，最後我就揀咗呢個紅紅地色，洛神花茶，感覺好似好健康，飲落其實都幾酸，所以呢有蜜糖，俾我自己加入茶，仲有想讚下呢間茶館，因為佢有熱水壺喺枱嘅旁邊，等客人可以隨時有熱水加落杯茶到度，好自助式享受嘅茶館🥰推介呀👍🏼👍🏼

疫情問題。一直都冇街出。終於都忍唔住去下郊外。但太遠太偏又辛苦人多。最後揀左香港公園。之後都行過好幾次。一直唔發現原來有茶飲仲要係素食。岩哂肥仔既我。先講下環境，古典優雅，感覺係好hea好舒服。可能因為星期日，睇落好似好多人。但可能因為每枱2位。感覺鬆動，唔迫唔嘈。（仲見到佢地可以翻枱咁既疫情都算係咁）呢度最低消費就要叫個茶。反而就食唔食野都可以 。真係幾十蚊坐幾個鐘仲平過某某咖啡店。雖然呢度主力飲茶。但係野食一d都唔是旦。d侍應話全部都係人手做。真係“粒粒皆辛苦”🤣同老婆叫左好多野食。最好食我覺得係個素蝦卷同黑松露燒賣。勁好食。價錢比酒樓當然貴小小。份量對我黎講就係小架啦。不過仲好。可以叫多幾碟黎試值得一提既係呢度既食物餐具都經過消毒，服務好。有招呼又食得乾淨安心。而家都真係冇乜了。。。

🌹週末出外搵早餐吃，在網上睇到有位朋友介紹在金鐘香港公園內有一間茶居可以品茶及歎點心，即刻與老公同行，搭車到金鐘香港公園。🌹綠茶軒位於茶具博物館隔鄰，環境清幽，那裏環境亦很不錯，用很多茶壺、茶具作裝飾，中國風格的設計，在這個環境品茶及食點心，簡直一流。🌹樂茶軒要求每個客人個字叫一個茶，另有素食點心供應。茶（5🌟滿分💯）🍵特級明前有機雲霧茶🌟🌟🌟🌟茶香味濃，飲後口存茶香金萱高山烏龍🌟🌟🌟🌟味道較淡，但茶味仍足夠點心🥢（5🌟滿分💯）燒賣🌟🌟🌟香煎苦瓜粟米餅🌟🌟🌟🌟生煎香茜蘑菇包🌟🌟🌟🌟翡翠粉果🌟（皮黏住筷子，餃子最後爛晒，扣分）煎蘿蔔糕🌟🌟🌟五色春卷🌟🌟🌟🌟迷你荷葉糯米包🌟🌟（無味道）梅菜素粒包🌟🌟🌟🌟個人評分（5💙滿分💯）食物💙💙💙服務💙💙💙環境💙💙💙衛生💙💙💙抵食💙💙回頭率💙💙💙

樂茶軒系系香港公園入邊位置都幾容易搵到啦，今次系同爸爸一齊黎噶，一般同屋企人出黎都系飲早茶噶啦！呢度都幾乾淨衛生而且環境都幾好，比較舒服，食物方面揀擇都幾多下！我就比較偏愛呢度噶桂花糕，味道清清地，唔會話太甜，爸爸就鐘意個白玉翡翠卷，總體黎講性價比都幾高下！

樂茶軒環境幽靜，位於香港公園裏邊，絕對係忙裏偷閑嘅好地方。原來樂茶軒係主打品茶同素食點心。我點左南瓜粟米餅，素鮑片菜心，紅菜頭餃，生煎包同埋菠菜面。南瓜粟米餅算係甘多樣中最好食，算係最濃味但都係比較油膩。而素鮑片菜心就真係好素好清淡。紅菜頭餃配搭幾得意，算有驚喜。生煎包普通，不過不失亦都算油膩。而菠菜麵就真係又乾又硬又冇味，非常失望。至於茶類，我就揀咗玫瑰普洱茶，幾好幾清新。茶類選擇非常多，品茶控可以一試。但至於點心我就略嫌淡味但油膩。

我在openrice看樂茶軒的餐牌相片，見多款點心都是每份2件，適合2人來用餐，而且點心價錢不貴，便約舊同事來相敘。我只顧看點心紙，卻沒注意食評，到嚐了一份又一份的素點心，覺得奇怪而向侍應詢問，才知道這裏是一家素食茶館。怪不得這家茶館雖然位處金鐘，午市理應繁忙時段卻人客不多，空著一半以上的座位。我們共點了8款點心：蜜汁燒餅 比一般燒餅結實、較近似茶粿的外皮，非常油膩。以菇為主的餡料，完全沒有蜜汁的甜味。高麗菜餃（？）侍應端上了這個餃，我沒細想便吃了。後來我們發現點了的「高麗菜卷」沒來，估計錯來了的餃是只有一字之差的「高麗菜餃」。杏鮑菇菜心苗 杏鮑菇不錯，菜就0分。首先，端上來的是有花的菜心，不是苗，名不副實！其次是菜心並未煮透，只是半熟；加上「油淋淋」，口感實在差極了。迷你荷葉糯米包 餡料少、以菇為主，整件糯米包味道很淡。滷燻蹄 貌似牛展，質感似烤麩，味道不錯，只是與燻蹄完全搭不上邊。上湯鮮竹卷 正正常常，湯也油膩。素片炒烏冬 料少味道淡。椰絲紫薯餅 沒想到紫薯餅沒紫薯味，只有紅豆餡……總括來說，這裏的點心賣相尚好，但是這裏的廚師風格太油膩，而且對素食欠缺研究（或誠意），採用同一種類（

感恩!突然其來的特別假期有機會真正心靈慢活，做完運動路過香港公園，二話不說走進樂茶軒歎一歎先。中環新分店在大館，但始終喜歡這裡被園林景色圍繞的獨有氣息，更加喜歡這類的正山普洱的香醇如酒，經過多次沖泡仍然持續色香味。這裡主打是品茶。談到素點心，可以講話只是一般水準，食物溫度唔夠熱。間中會在不定時有中樂表演，襯托這裡環境與香醇的茶，真是天下無敵。但注意假日是非常繁忙很多茶客要等位，所以如果情況許可，不要安排在假日前往。

預約了星期六下午一點半試這茶室 🍵，意外地並不多人，枱與枱之間有木欄間開，私人度甚高！🤩然後店員不厭其煩的鼓勵我們嚐茶，對菜色及不同種類的茶有推介，服務態度良好！🥡食物質素不錯👍🏼如是好喝茶的，值得一試！

香港公園走到攰，見樂茶軒環境唔錯，就入去"high tea". 第一次黎品茶，款式多容易有選擇困難，最後揀左一款綠茶古早味烏龍同天山功夫紅茶，烏龍好清香，紅茶就如員工介紹所講帶甘味，小小茶壺茶杯，有趣的體驗唔想咁單調叫返幾款點心一盅兩件，更覺寫意，menu 以素菜點心為主，味道唔錯但感覺唔既餃同燒賣等等全部味道好相近，員工推介鮮竹卷，下次再試叫左個蘋果雪耳湯有驚喜，好香濃夠晒滋潤，秋天飲岩晒走果時先知禮拜六日有時會有中樂表演，$150 包茶，有機會都想試試邊聴live邊歎茶，員工提醒到時最好訂枱中式"high tea"好健康 會encore的

很特別的一間茶館，主題當然是品茶，但亦有多款精緻點心供應，位於人來人往的香港公園內，但位置又有點自成一角，店內佈置得古色古香，有很多精美茶具及品茶用品擺設，可以好好享受一頓寧靜的用餐及品茶時間，又可扮下文青拍拍照，以及欣賞店內的一切。我們一家七人去賞午餐，點了香煎芋頭糕丶龍華寺素卷丶時菜(菜心)丶星洲炒米丶香煎鍋貼丶蘿蔔絲酥餅丶茶果丶蒸餃丶腰果花生糯米糍丶南瓜蓉甜點等。食物方面沒特別驚喜，但全部都很有水準。另外當然少不了茶，點了百花仙子，浸泡在滾水後看著它慢慢開花，滿足了視覺及味覺。

今日去香港公園附近上堂好開心可以親臨茶藝博物館😊因為館內有一間樂茶軒可以品茶又可以食素食👍🏻✨最緊要環境清幽雅致真係假期嘅一個好去處😍原來星期六會有中樂表演下次一定再光臨環境非常雅致👍🏻✨亦都非常寧靜所有人都細細聲說話品茶讀書嘅好去處😊茶的嘅種類非常多價錢都任君選擇我就揀咗潽洱茶非常滑和香，同埋夠晒正氣🤣🤣🤣點心都非常多種類價錢大眾化同埋係素食，真係非常好！👍🏻✨食物質素OK！都滿意！服務員態度細心，主動介紹各種茶類及食品，休閒及非常舒服嘅一餐！😍

有朋友來港話想體驗下中國文化。上網見到樂茶軒週末有表演，就帶咗朋友去。$150/人入場，有足足2小時聽，仲附上茶任飲。朋友一場嚟到，就叫咗份好少少嘅茶比佢試下泡茶，大約$58+ 一位 環境清靜，人唔多，都係外國人多。 仲有一班人早早去坐頭位嘅客，應該係聽開中樂。朋友和我都非常enjoy, 好休閒哋hea咗2個鐘，唔似出面啲coffee shop.咁周圍都係學生死霸住做功課傾project. . 由於音樂會期間唔可以高聲閒談，如果想傾計就留意返喇！但完音樂會後都同朋友再坐多陣, 的確係一個傾計好地方 。 裝修好有中國色彩, 仲有好多茶包禮盒買，花茶都只係$25/粒，朋友仲買咗啲做手信，都唔貴。 有啲禮盒都幾靚。 個花茶睇落packing就咁鍚紙袋感覺好淘寶....但職員話鍚紙係特別做，可以防潮保持花茶味道。聽落好似好有heart，總之外國朋友就好喜歡啦。見有客人有叫點心食，但價錢略貴，就無試喇。如果有朋友嚟旅遊或暫想搵個安靜地方, 呢度的確唔錯。 同去coffee shop 其實差不多價錢。

有 fd 係紅棉道註冊，之後就黎左呢間餐廳一齊食野，飲左個普洱茶，勁好飲呀，甘甘地，但是又唔苦，又唔澀，佢啲茶分好多個等級，由$6x 去到$2xx 都有，平有平飲，貴有貴飲啦；啲點心好的骰，好可愛，食左先知原來係素點心黎嘅，外表一啲都唔覺，鮮竹卷好好食，好鮮，好爽甜