樂香園咖啡室 (已結業)

自從蛇竇從鏞記對面搬咗去中環中心隔離之後好似就腳左所以就去多咗但平時去都只係奶茶多士, 但嗰日見有人食碟頭飯睇落又好似幾骨子喎, 差不多個個都叫叉燒滑蛋飯, 結果之後就搵一日去試一試唔好講笑, 一試不得了! 又真係堅得喎! 啲蛋又滑有香叉燒有煎香, 仲有多蔥融入家中, 望落唔係好大碟但食完好飽, 大滿足!第日忍唔住去試埋洋蔥豬扒飯, 一個字, 頂! 正爆! 與別不同稀透明玻璃汁, 襯豬扒薄切古法醃製(我估)微煎, 軟滑溫柔, 有很家常嘅感覺, 非常好食. 飯款都只係$40蚊碟, 起中環都算扺喇! 在我袋中又多了兩味殿堂級食品, 謝謝你!

聞名不如見面既蛇竇果然名不虛傳，lunch hour落到黎竟然人頭湧湧，排到去街尾咁滯滑蛋叉燒飯我都自問食得唔少，呢個都算係我人生中數一數二既滑蛋叉燒飯。好食既滑蛋，第一唔可以太熟啦，第二要同個餸平勻分到，即係要每一啖都有叉燒既存在，唔會分得太開。樂香園既就符合左以上兩個條件，好可惜既可能因為我係外賣，拎到返公司冇左陣熱氣，所以未算係我食過最好食既。另外飯質都好緊要，我略嫌個飯生硬左d，唔知會唔會都關外賣事？不過，係中環返工既打工仔真係幸福有好食既滑蛋飯食，下次要試下堂食睇下擊唔擊敗到我心目中no.1既大坑滑蛋飯先另外好想讚老店主咁大年紀仲會堅持出黎開舖仲做埋收銀，頭腦清醒仲好精靈！叻仔！

還記得麥兜動畫， 菠蘿油王子嗎？ 菠蘿包可算是代表本土的經典食物之一。 記得小時候，媽媽最喜歡買 新鮮出爐的菠蘿包，給我當下午茶。 現在大個了， 有時在中環吃午餐時 路過這家店， 也會不其然地停下腳步， 買一個菠蘿包 ，細味童年回憶。樂香園可說是中環絕無僅有的 舊式茶餐廳。 菠蘿包脆脆的皮， 配上軟滑甜美的麵包， 吃起來就是 。。。兒時的味道 。回憶總是美好的， 希望這間餐廳可以一直在中環營業下去， 讓我們可以 把時光凝聚， 留住美好的一刻。

這個位於上環的老字號茶餐廳，名物是滑蛋叉燒飯；但除此以外，它的雞批也不可錯過，尤其早上上班時間，雞批新鮮出爐，入口仍微暖，酥皮鬆脆並帶有很重的牛油香味，嫩滑的雞肉與滋味的白汁，實是絕配。

Very tasty BBQ pork & scrambled egg rice with lots of chives! One of the most affordable and fulfilling meal in Central. All meals cost only HKD40. The scrambled egg textures is very smooth and tasty. The queue is usually long after 12:30pm but it moves very fast. They serve very fast and do not expect any fantastic services.

樂香園是一間歷史悠久的茶餐廳，原先位於中環威靈頓街，有「蛇竇」的稱號，後因業主加租遷往現址。我很喜歡光顧這些老式茶餐廳，感覺這些餐廳的食物總是有一種莫名其妙的親切感。和同事提及這裡的港式奶茶咖啡和滑蛋叉燒飯，口水直流。於是，走來這裡食晏。叉燒滑蛋飯：不用我描述，看相已知道滑蛋有幾滑，叉燒份量很足，叉燒很好味。蝦仁滑蛋飯：蝦仁又大粒又新鮮。其實，吃了成碟飯已經很飽，不過，看了新鮮出爐的菠蘿包，忍不住又叫了來吃，水準依舊，唔錯😻

下午茶時間嚟到中環，google下有咩好嘢食，發現咗呢間好多人recommend嘅舊式咖啡室一坐低見到個menu咁寡，好驚係中伏，有少少淆底見好多人推介滑蛋叉燒飯($40)，即管一試不過因為冇餐，所以冇嘢飲，淨嗌又要$19太貴，所以叫咗佢拎啲水嚟個飯賣相勁好，顏色夠靚，啲蔥翠綠食好新鮮滑蛋望落仲有少少蛋漿，唔會炒得太老叉燒份量多又好味不過略嫌底下嘅飯有少少硬再單叫咗個沙嗲牛公仔麵($24)公仔麵質地好好，唔係普通茶記用嘅cheap麵一夾就散，甚至可以媲美出前一丁不過本身湯底有啲鹹，加上沙嗲牛嘅汁就太鹹了食完都要飲返杯水沖淡佢另外下午茶時間叫咗個下午茶餐($30)，有嘢飲嘅(凍飲+$2)，轉出前一丁麵+$5蛋同腸煎得好靚，不過又係太鹹，唔知點解呢度啲粉麵都咁鹹，下次試下米粉會唔會好啲同埋我哋去嘅時間(大約3：30)已經賣哂雞批，所以冇得食，唯有下次嚟嘅時候再試下啦

One of our favorite lunch spot was no other than Lok Heung Yuen Coffee Shop. The line there can be long sometimes due to the cheap price and delicious food, but it usually goes by fast since everyone needs to head back to work as soon as they finish (That's crazy HK for you). They have different combination for their scrambled egg with rice. You can get either Cha Siu (which is their signature), shrimp (which is always sold out when I go there), or beef. I always opt for the Cha Siu and you can'

环境在这种街边小店就不要想了，真心是不好，午餐时间排队大概要有5-10分钟左右，而且持续有人排队！招牌叉烧滑蛋饭！味道中规中矩，而且有点咸，点餐时可以要求走葱，少饭之类的，感觉每个人都有额外要求。如果不会粤语，最好不要午餐时间来，人满为患，没人照顾不会粤语的你。自己拿桌上的餐牌看，没人会给你递过来，如果跟人搭台，就拿邻桌的看吧感觉人多很大一部分原因是便宜，大家随便吃个工作餐

中上環工作嘅朋友應該冇乜邊個未食過蛇竇嘅滑蛋叉燒飯? 實在係太耐冇食嘅關係, 今日戚起條根突然好想回味一下!!唔知係咪星期五個個都去食好西所以冇人排隊. 真少可!叫咗外賣, 5 分鐘就有得拎返到公司一打開, 真係有d 好耐冇見嘅感覺 , 而且都只係$40, 飯多到我都食唔曬 滑蛋依然好好食, 真係keep 得住啊吓!!

今日同事介紹一間老字號 平令正既餐廳，樂香園。鍾意食野既我聽到即刻輕奮到不得了。去到已經有人係門口等，不過好快入到去食，同事介紹 滑蛋叉燒飯 ，當然就信佢啦！滑蛋叉燒飯 （$40）嗌完好快就有得食，望到已經好餓啦。滑蛋好滑，蛋味十足，叉燒唔太肥唔太瘦，葱花多，配合得天衣無縫。味道岩岩好，唔會太咸。價錢仲要好抵，40蚊，無錯係40蚊。呢個味道，呢個價錢 係中環真係好抵食。總括，樂香園 可以話係中環反工必食之選之一。

星期六喺中環食嘢終於都唔使等位😬所以就去咗學平時好多人排隊嘅樂香園食啦😀😀不過我哋雖然唔使等位但入邊都有好多人坐😮因為一直都好想試吓佢出名嘅滑蛋叉燒所以佢餐牌有其他嘢我哋都冇叫到 就只係叫佢最出名嘅嘢食佢哋來餐嘅速度非常之快😬個飯嚟到 份量都okay 😝叉燒嘅比例唔會太少👍🏻👍🏻同蛋嘅份量非常之平均🤗 仲可以睇到張相入邊嘅滑蛋係非常之有光澤😋😋😋😋😋再加上佢有啲蔥花炒埋又一啲都唔乾😮😮佢旁邊仲會有少少調味料俾你條配加埋豉油撈飯＄40來講非常之唔錯啦👍🏻

嚟蛇竇食飯，除咗有食極唔厭嘅滑蛋乜乜乜碟頭飯系列，同埋食肉獸恩物嘅火腿午餐肉香腸煎蛋煎扒碟頭飯系列之外，原來仲有滄海遺珠，佢唔起眼咁瑟縮喺餐牌嘅一角，靜靜咁等緊你嗌佢，佢就係：栗米肉粒飯！講真，真係比較少人會討論粟米肉粒飯，我亦冇諗過會叫嚟食，不過今次咁啱見到隔離枱有個阿哥叫咗碟，望見幾靚仔 (講緊碟飯)，所以叫嚟試吓！先講賣相，碟飯上枱時，同滑蛋系列一樣，成個芡汁完滿地鋪喺飯面之上，呈一個大圓形，賣相好靚！栗米芡汁嘅顏色呈金黃，帶啞色而不會閃令令，即係冇落太多油，唔會太肥膩。而且，個芡呚汁功夫做得好適中，口感順滑唔會糊口，亦唔會一邊食一邊變得水汪汪。唔好以為咁樣嘅基本係好簡單，今時今日好多茶記為咗快～快～快～變成唔再注意賣相，對食物上枱時賣相嘅堅持，睇得出師傅對烹調食物嘅心思同認真！況且，亦有好多茶記因為成本嘅考慮，芡汁裏面加咗好多生粉水，扮到好滑咁樣，但就變得冇嚟色水，又淡茂茂，就算加番啲砂糖調味，都係假甜，冇晒粟米原有嘅香甜味 ...至於肉粒嘅肉質就比較一般，咬落有少少鞋口，可以接受啦，起碼唔會因為要肉質鬆軟而加鬆肉粉落去囉 ... 為咗更惹味，我多手加咗啲香辣油落去食，吊一吊味

廿多年已經係蛇竇fans，今次無意中搵到此店的新址，開心不已！什批 - 貨真價實，料多豐富，味美咖哩角 - 咖哩味美，外皮鬆脆，由第一啖咬下去，到最後一啖，都係咁好味！好吃停不下來！👍👍菠蘿包 - 店的自家製作，皮鬆脆，咬落有菠蘿香味，正！配以奶茶就相得益障，奶味濃，香滑！正 正 正！多年來能保持水準，實屬難得也 ！

同友人普普通通想食個夠飽既meal,所以揀左喱間，平民價啊，唯一唔好係坐得迫少少。睇到佢啲半熟蛋咁滑即刻一大啖放落口，，不過加啲鼓油會好味啲，同多啲葱。蝦都幾大隻and 爽口。友人就叫咗碟滑蛋叉燒飯，um..正常叉燒囉，最主要都係佢個蛋炒得好好食。