樂香園咖啡室 (已搬遷) 新店位置

D同事就我去買芝麻榚，大家不約而同都提議o黎呢度食，早幾日在金華食過菠蘿包，雖然我規定自已一個禮拜只食一次菠蘿包，但o黎到邊有可能唔食先得，一直都覺得呢度D菠蘿包最好食，好香鳳梨酥味，細細個食一個真係唔多夠喉，同金華簡直係兩回事。雞批亦是我至愛，不過我只食皮唔食餡，因為個皮又香牛油味又好鬆化。再叫碟滑蛋叉燒飯share食，果然係滑蛋喎，叉燒都知佢係來貨，但都好食好大塊，可能好耐冇食過飯，覺得d飯好香飯味。最唔得係我另一同事叫碗魚片粥，水汪汪好稀，佢仲話好重味精味。

傳說中蛇竇舊址響上海灘果個位波蘿包同茶啡就例牌掂不過D 伙記都幾惡下.......

今次想試下堂食, 一碗餐腸麵, 半圓型既餐肉同腸仔都係得一件, 味道ok, 應該唔會係貪平而入埋d下等貨.麵雖然唔係出前一丁, 好少可食到雜嘜牌都仍然滿意既公仔麵, 可能佢煮得唔耐, 較硬身, 唔會淋pet pet. 如果佢加左出前一丁果包粉, 都應該一樣咁好味. 不過佢既湯底就好淡.跟餐既菜蜜好鬼甜, 唔香西洋菜味

趕住番工前都要入黎買個聽聞真係有菠蘿味既菠蘿包.第一啖咬落去, 陣味好似一樣野, 原來係鳳梨蘇既味道, 好得意.不過個皮就唔係好脆, 而且包唔夠軟熟, 好實心.但都可接受.另外, 亦都不忘什批. 今次熱辣辣咁食, 嘩, 個皮鬆化到好似食緊蘇皮咁呀.不過一次過食兩樣野真係好鬼飽, 咁飽都係9蚊雞真係又平又正

尋日個雞批實在好好味, 所以放工特登走過黎試另一個同樣好評的什批.不過可能太夜已經閂左個烘爐, 個批再唔係暖笠笠. 但仍然無損個批既味道(可能熱左會更好味)佢個外型好似一個好大個的棋子餅, 撻皮都一樣好香好好味, 又唔會好厚食到好漏.裡面有大大粒午餐肉啦, 烚蛋大約四分一隻, 青豆就得一粒.個人認為好味過雞批, 因為少左雞批白色杰杰地既漿(<--唔鍾意食雞批既原因), 午餐肉好香.

俾個爐熱住, 所以五點買都仲係暖暖地.個皮好香牛油味, 但又唔會好油好漏. 裡面亦都真係見到雞肉火腿, 不過仍然都會有一圍白色軟淋淋到到買雞批都會見到既物體(唔知係咪醬黎架呢其實). 不過佢做得比其他地方出色, 唔會有陣怪味.

食左幾餐即磨咖啡早餐，都係時候支持番本地創作，今朝就來飲番鴛鴦。蛇竇朝早八點鐘，已經很多人，似乎都有唔少early bird的。勞動階層、西裝友、OL共冶一爐，又播緊無線新聞，想體驗本地風情就最好不過。早餐有中式有西式，不過我還是叫例牌的，一杯熱鴛鴦走糖同菠蘿包。這裡麵包標明全日新鮮出爐，所以都未試過在這裡吃過不熱的麵包。菠蘿包體積不算大，但吃落味道有特色，椰蓉酥皮脆是指定動作，麵包結實，咬落有牛油味及淡淡的菠蘿味道。如果喜歡吃菠蘿包的話，一定要試一試樂香園。熱鴛鴦亦不錯，朝早飲杯，比什麼鬼佬咖啡亦毫不遜色。埋單13蚊，係抵食的。

樂香園雞批真係好好食，但每次6點過後就快買完。佢皮好鬆化，雞肉好實在，好有口感，外層好香牛油味。什批亦好特別，其他地方沒有見過，內有午餐肉，青豆，細細個，食左唔滯，不妨一試，而且佢有個暖爐熱住，熱熱地，好味。大家不妨去試下，若果要買雞批要早些少，因為好快買晒，什批就比較少人買，不過一樣好味。

我地兩個星期六兩點鐘左右去到, 果然有好多上班一族, 大多order $20 碟頭飯, 但係睇落麻麻, 反而d包餅幾靚, 我地叫左...咖哩角($6)--等於我地平時食o既咖哩批, 不過好驚喜, 牛肉味濃, 鬆化.什批($6)--外型好比巨型皮蛋酥, 個皮好薄好脆, 一咬即碎, 裹面有午餐肉同蛋, 連阿叔都話lee個係佢地鎮店之寶, 值得推介.蛋牛治($11)--烘底唔加錢, 但味道一般, 餡料薄如紙, 不試也罷.臨走時見到收銀機旁o既架放滿麵包, 幾靚, 下次記住買黎當早餐先...hehehehe

味道不錯...但印像好似早餐只得好小東西吃,得一些包類...沒有一般吃開的.....不過好好味....

今天天氣好, 不出來走走確是浪費了.今天又再出來中環練功, 見不太餓, 往樂香園試試個雞批, 上次巳嘗過$18 下午茶, 是餐旦面+咖啡, 那個面真是頂呱呱, 吃過無數快餐湯面, 不是林patpat, 就是煮得不夠熟/熱,比起小妹自煮的還差, (幹嗎還要拿錢給他袋?)面煮得適中, 吃到最後一口也不是林的, 還有那片餐肉, 邊邊還是趣趣的, 但旦對我來說生了一點, 下次記得要反旦, 咖啡也對我來說也較"o肯", 不知下次可要求加點咕嗎? 那可變成了mocha 吧!說回那個雞批, 在外頭吃的總是吃得把外皮掉在肉腿上,不知是否應讚他們弄得太鬆化?! 但樂香園制的, 確是實實在在,夠香而不油, 內裹的只有是雞, 不會給你發現到一些不知名的東東. 加杯華田$16, 茶室來說,叫做不錯的了.

更正, sorry! 按錯制post 錯, 以下評分不計數! (此食評只作更正用途)

原本想去樂香園食菠蘿飽, 點知又係星期日休息, 跟住行左去擺花街, 見到有人係門口, 唔使問實係泰昌, 正想緊唔知食o麥, 不如買兩個沙翁($3.5 個)頂住先, 上手不熱, 但相信是即日制的, 有口感, 不是"泡" 的, 但食時覺有dd 油味, 我以前(巳是一年前了) 曾在大埔稻香食過, 不油, 還有少少旦香味, 我覺得稻香仲好食d, 可惜食過一次之後, 佢地唔再出呢款點心了.

地方懷舊﹐食物好味道。暖暖地食仲好味2年前試過打冷﹐一般O者

真係好懷念依到d菠蘿飽，好耐都未o黎過，佢d菠蘿飽仍然保持水準，今次試埋什批，個皮好香又鬆化，lunch只係食個飽和同事share食個批都飽咯。