樂香園咖啡室 (已搬遷) 新店位置

於中環觀禮後，下場未夠鐘，路過之"名店",就來個下午茶；叫了杯熱奶茶坐下，見伙計竟就在樓梯自行即製，而不是在廚房水吧沖，心裡已冷了一截(可能是時近收工)；果然奶茶除了顏色對辦之外，溫度不夠熱，味度只屬一般，奶味及茶味都唔夠香濃。除了奶茶，來到樂香園，當然要來一個鼎鼎大名-蛇竇雜批，牛油外皮加肉、蛋、青豆等做內餡，入口微熱，味道與奶茶相當佩合,雖略為肥膩，偶一為之亦無不可.整体而言，水準只算OK，有名大於實.

次次行過呢度都會心思思買件雜批食...餡料真係雜得好緊要--- 豬肉、午餐肉粒、青豆粒、仲有蝦肉添，包羅萬有...但最好食都係個皮--- 鬆化，味道微甜，正...

禮拜六唔駛上班，晨早去開中環入票，專誠走到蛇竇食個早餐歎下慢板，平日早上返工很趕時間，很多時侯食早餐都很怱牤，難得可以坐底慢慢食。這裡早餐有中、西兩款選擇，中式包一碗皮旦廋肉粥或魚片粥，西式則是一般的歺包煎旦跟火腿通粉，都是十八元一客包熱飲。我見西式的較普通，所以叫了皮旦廋肉粥連炒麵及凍啡，皮旦廋肉粥像白粥混合很多皮旦加廋肉，相信没有放在一起煑很久，味道很淡要加盬才夠味，但粥底似自家煲的白粥，相信没有加"師父"比較健康，豉油皇炒麵就很不錯，每條表面都有豉油的顏色但夠乾身，上面灑滿芝蔴，麵身不會太腍身很有口感，咖啡方面一貫有水準，但叫少甜仍然很甜味。内裹的裝修很懷舊，二樓較少人及乾淨，我見也有內地遊客來幫襯，一試地道港式茶記風味，在中環商業區內，咁嘅價錢都唔會要求太高了，下次再來會試吓它的下午茶餐或其它食品。

尋晚同朋友0黎食dinner, 試0左個雞批, 沙爹牛肉公仔麵, 同埋share 0左個鹵水豬頭肉.雞批個皮好鬆脆, 有d 似車厘哥夫曲奇餅, 口感好好, 不過唔多夠熱, 餡料亦比較乾.鹵水豬頭肉係熱的, 個別幾件d 皮有片軟骨0係中間, 食落「sok sok 聲」好過癮; 亦好多肥腩, 好滯, 不過食一兩件咁都ok 0既.公仔麵d 沙爹牛肉幾韌... 不過d 麵就比出面d 茶餐廳整得好食, 起碼唔會腍bad bad.環境少少up dup, 阿姐面部表情好惡好唔耐煩, 阿媽之前0黎過一次之後返到屋企破口大罵0左一段時間; 不過正如之前好多comment 所講, 0黎得呢度都預0左環境同招呼會唔好0架啦, 都係志在平平0地食餐飯.呢區又平又好食0既茶餐廳/雲吞麵檔etc 其實都唔少, 我覺得呢間「蛇竇」又唔係真係咁outstanding 0者, 個人覺得試過一次就夠0架喇.

今次不是食菠蘿包，而係食碟頭飯。因為同事成日勁讚佢D滑蛋叉燒飯，真是開正我個「飯」呢。所以今次捨棄菠蘿包，轉轉口味改食飯。真係幾好味呢，最重要是蛋真是蛋，雖然唔太滑溜，起碼沒有加芡汁，是食到炒蛋個種感覺，叉燒又多又大件。飯較硬身，但合晒我口味。奶茶有進步，我記得舊年OR的OFB時，奶茶又淡無茶味，今次味道較濃，可惜只是唔夠熱。

陪人食。叫餐或者飯都好似太多，照舊：唔係雞尾包，就係菠蘿包。菠蘿包依然係有菠蘿茸o係皮度既菠蘿包。唔知係咪「大熱天時」既影響真係咁大，對於一個「灌焦糖漿」既人o黎講，竟然覺得個菠蘿包太乾太甜- 係我口乾乾口淡淡，抑或係我太高估自己既嗜甜度？拍板人叫既蛋牛治下午茶餐加蛋撻，一o黎對我o黎講太豐富，二o黎我覺得D 料唔夠（睇慣o左肥大厚蛋治），三o黎我覺得個保暖櫃已經「煎」乾哂所有野...樓下櫃台貨好似真係好少少。佢係為鹹牛肉而來。作為佢o係蛇竇既第一次，食物對佢o黎講OK，但俾衛生情況同服務嚇親。我係為陪人而來。作為一個老茶常客，衛生同服務對我o黎講OK，但今回樓上食物就唔多OK。有問何為我既心水蛋撻：講o左好多間店，好多種撻，但始終講唔出乜野係我心目中既心水蛋撻。一個好既蛋撻，至少要係一個剛出爐，D 蛋漿仲谷起緊既蛋撻。遇到好蛋撻，原來都要講機緣巧合。

約了朋友去蓮香樓晚飯，見時間太早，便找個地方坐坐。唔想食太多，只叫了兩杯茶走和雞批。茶走- 味道偏甜，茶味都幾夠。雞批- 曲奇批皮，很香牛油味，在熱爐拿出來，還有微微暖溫，幾好食。本來還叫了腿蛋三文治，但等了很久也沒有來，見自已都唔係太餓，也沒有去追過。

都幾耐無來了,今天上了樓上叫了央走及雞尾包 溫純的而不是熱的央,硬死的包....

個滑蛋叉燒飯, D蛋邊和D叉燒煎到成舊黒色,無誇大真係舊舊都係黒炭咁樣濃晒,仲好脆添! 最吹脹係餐館個位哥哥話換個碟都無用,一樣會係黒色濃晒,仲話廚房師父一定係賭輸左馬仔... !!!!!Thank you, 無下次.....

絕對同意「欲語還休」所言：講真，要o係中環食平野唔係唔得，只不過係難D，包括選擇少、衛生可能差D、店分得散兼唔就腳（無計，舖租貴嘛）同未必o岩個個口味之類。如果要食歷久風霜，又要係o係中環中心地帶既茶餐廳貨仔，就只淨番樂香園（蛇竇）同永樂園（迷你腸熱狗o個間）兩間舖仔。蛇竇以雜批「出名」。點解「」出名？見仁見智也。雜批D 料固然雜，未必o岩個個口胃，而功力深厚既曲奇類批皮又未必對個個口胃...再加上佢個平平無奇，甚至有D 醜怪既樣（睇你好彩唔好彩啦），「雜批（$6）貴夾唔抵」（再加埋個環境呀、衛生呀等等等等）變成o左好多朋友仔睇完坊間食評之後既評價。蛇竇另一樣「出名」既係有菠蘿味既菠蘿飽（$3）；都係見仁見智也。有菠蘿味既菠蘿飽可以話係特色，又可以話係打破「菠蘿飽傳統」（或者「傳說」- 即「有菠蘿皮無菠蘿餡」）既做法。o係中環要dine-in，又要日日新鮮製造，仲要$15 落到樓既貨仔，你仲想點？

講求食物質素的話，以滑蛋類為最佳，Ｄ蛋真係整得好滑，但我只配搭過叉燒，因為蝦仁好快就會賣哂，其他飯只試過涼瓜排骨，麻麻地，排骨少，涼瓜又浸到淋哂，可一不可再至於講求服務質素的話，就唔好有咩期望喇，或者呢Ｄ係呢一類餐廳既特色啦，試過有一次黎錯左野，Ｄ伙記竟然毫無歉意，除此之外，仲試過有次Ｄ野食好耐都未黎，想叫個伙記睇下有冇漏單，佢竟然不屑地答「叫左就有架，等下啦」服務方面實在有太多不足之處，但某幾款飯類還是值得一試呢

第3站:11點黎到都幾多人下,我地叫左皮旦瘦肉粥$12,茶走$11,菠蘿包$3,鮮油多$8.皮旦瘦肉粥---感覺似潮州白粥加皮旦瘦肉,完全吾掂!茶走---上次同今次一樣都系茶味吾夠,而且有澀!菠蘿包--size偏細,食左有菠蘿味,男友覺得怪怪地,但我覺得都ok!鮮油多---得半件,感覺比人搵笨,但多士頗脆牛油亦頗香.埋單$34,比左一次機會無下次囉!

是日便服日，亦適逢OFB* ，同大王及牛油果相約在蛇竇食早餐。不用穿西裝，人也寧舍輕鬆。星期五，例牌叫杯熱齋啡，今日不想食甜野，就叫了個肉批。諗住食得有儀態一點，就問阿姐拿左刀叉，但除左第一刀﹝圖示﹞之外，是沒有一刀是切得成功的。因為批做得非常之鬆脆，一切就散，再切就飛落地，所以最後唯有向現實低頭，就係落手食。肉批是以鹹牛肉做餡，焗過後變得無甚味道，不過就咁食個批皮，已經吃知道功力所在。齋啡仍然醒神，呢樣唔使再講。埋單大王請，多謝晒。*OFB者，Openrice Friday Breakfast是也。

放左工上「蛇竇」要杯三樣(鴛鴦走)加件雞批熱鴛鴦濃淡有味雞批濃濃餡料有水準(蛇一蛇)…….正！

The pineapple bread here is very good: hot and with pineapple taste. However, the rice made by the cook here is quite terrible. I tried the set lunch: rice with beef. The taste is strange, between vinegar and sauce. I feel the price is not value-for-money, so we never go there again after the 1st time!