樓下冰室 (已結業)

今日相約朋友到荃灣做瑜伽順道食個晚飯，經過路德圍有間樓下冰室，就入去食過晚餐🥣餐牌上有不同種類套餐及小食，還有餐廳的招牌菜。瑞士雞翼餐這裏的招牌雞翼基本上都看見每一台都會點的，雞翼配上瑞士汁醬偏向甜而不膩，雞皮充滿豉油的潤澤，鮮雜果沙律是用上新鮮蔬果，清爽鮮甜。滑蛋叉燒飯雞蛋炒得好滑好嫩，半熟蛋漿狀態，叉燒好新鮮，切薄片方便入口，連埋蔥花同埋特製的甜豉油，配埋白飯一齊食非常美味。韭菜餃子🥟餃子一碟有八隻，每隻份量亦不少，咬開見到很多韭菜豬肉，美味又多汁，兩邊煎到餃皮脆口，口感不錯👍奶茶紅豆冰配合甜甜地的紅豆蓉，茶味甘香，奶味濃郁，所以整體味道恰到好處，茶味和紅豆配合得不錯👍

🍅樓下冰室最出名既就係佢既蕃茄滑蛋通粉，連個招牌都印住舊蕃茄。佢既蕃茄湯係無味精既，配埋牛乳炒滑蛋同埋自由選擇既配菜，好啱我口味🥰  1⃣️特色蕃茄濃湯通粉配牛乳炒滑蛋 配招牌瑞士雞髀（$50）蕃茄湯好濃郁，食到啖啖蕃茄蓉，啲蕃茄粒粒煮到淋曬變曬蓉狀，同埋啲通粉一啖食落真係好香甜好香蕃茄味🤤通粉中間攝曬啲蕃茄湯，每一啖都係滿滿既蕃茄味😍湯底有得揀辣或者唔辣，呢碗揀左中辣，中辣唔會太辣，反而有啲辣味感覺令到湯底感覺更加濃郁惹味。牛乳炒滑蛋份量都唔少，食極都好似仲有咁，個人覺得滑蛋同茄湯真係perfect match！有冇都咁覺得🙌！呢度啲滑蛋都炒得好唔錯，一啲都唔老，仲保持住有啲流質滑捋捋既感覺😋  至於配菜揀左佢既招牌，好多人推薦既瑞士雞髀🍗雞髀都真係幾大隻，瑞士汁鹹鹹甜甜咁，好入味！而且雞髀既肉仲好滑，唔怪之得咁多人推薦！  2⃣️特色蕃茄濃湯米線配牛乳炒滑蛋 配吉列豬扒（$50）個人覺得通粉正過米線，米線冇通粉咁食落啖啖爆汁咁爽既感覺，但係蕃茄湯一樣係好濃郁好香甜好好味🤩  吉列豬扒好厚切，真係啖啖厚肉！而且吉列面頭既炸漿夠脆，而且唔會食到成口粉既感覺，點埋啲沙律醬食真係好正😚  3⃣️黑椒牛

每次出荃灣，朋友都會介紹我嚟食呢間樓下冰室，初初會諗同一般冰室有乜嘢分別，點知原來佢呢間冰室專食蕃茄，份量仲要多到你食唔晒。呢個時勢， $50左右又快豬扒或西冷牛扒仲要拼多個蓮藕肉餅，可以去邊度搵。其實人真係幾多， 食咗個幾鐘， keep住都有人入嚟同有人走。先食個滑蛋公仔麵蕃茄湯配瑞士雞髀，公仔麵吸晒蕃茄湯汁，好香濃嘅蕃茄味，滑蛋炒得好滑，另外個湯底仲有蕃茄肉，好新鮮，瑞士雞髀吸滿晒瑞士汁，肉好嫩滑，杯凍奶茶香濃，奶味重。叫咗個焗芝士豬扒飯，豬扒好厚成個飯都好大份，個飯底係炒飯底，我老婆最鍾意食，成餐飯最滿意呢個焗豬扒飯，因為真係抵食夾大件。最後叫咗個上湯浸娃娃菜，全餐都係肉點都要食少少蔬菜，個份量又係大到你唔信，個湯底好龍嘅豬骨湯底味，娃娃菜好大棵。

其實我都唔知黎咗呢度幾多次去食早餐或者下午茶，因為實在太好味，佢啲分店我都有去過， 隔咗幾個月又過返嚟樓下冰室食返轉， 睇下水平keep唔keep到疫情之下都仲係有好多人嚟食又係最正嘅 炒滑蛋蕃茄湯通粉，蕃茄湯一樣都係咁濃啖啖蕃茄，雞蛋又creamy又滑， 跟牛肉同埋叉燒就更加一流自家製嘅叉燒同出麵食到嘅味道有少少分別，但整叉燒功夫都好多，足以見到誠意點少得呢度嘅招牌瑞士汁雞髀 我都唔執輸叫咗一隻黎食 夠曬入味配返個傳統幼滑奶茶，咁就係一個完美嘅bunch， 基本上呢個份量夠我全日，事關要做嘢所以食飽啲得閒再過嚟呢度食下先

某日喺啲群組見到有人講起瑞士雞脾，就search下邊度有好味嘅瑞士雞脾食，搵到呢間。放工搭車去都算近，加上路德圍好方便，就抱住期待嘅心情去搵食去到6點幾，唔多人，唔洗等。即刻望下有咩餐係有瑞士雞脾先。佢個餐係特色蕃茄濃湯通粉，通粉入面有牛乳炒蛋，可以加$8追加牛肉或豬潤；再配一款食物，咁當然首選梗係招牌瑞士雞脾啦！佢有好多選擇，豬扒牛扒吉列魚柳厚切牛乳炒蛋治等等，樣樣都想食另外如果飲野，係半價，個餐唔包嘅。侍應拎嚟果陣我都好大隻脾呀，大過隻手掌！未食都聞到好香添！碗通粉勁大碗囉！我差啲食唔曬，頂硬上要連啲湯都飲曬！好味呀！所以我之後兩個星期後又再搵左同事過嚟一齊食，同事都話好好味下次再嚟試其他，呢間冰室性價比好高，一定會再嚟

呢間冰室位於熱門搵食地方，荃灣嘅路德圍。嗰邊附近唔係茶餐廳，就係台式飲品小食店。如果口痕想普通食個常餐，呢間舖頭係唔錯嘅選擇。 我就叫咗呢間餐廳最出名嘅蕃茄麵常餐，有蕃茄出前一丁、滑蛋、瑞士雞髀，以及一杯凍奶茶。 老實講野食都幾老土，但如果想食好味嘅常餐呢到係唔錯嘅選擇。蕃茄出前一丁唔會太酸，仲可以有小中大辣選擇，辣辣地幾野味。 然後講吓啲配菜，啲蛋都幾滑，好似落咗啲牛油咁。然後就係有一賣點嘅瑞士雞髀，好少常餐會配咁大隻雞髀，平時都係沙嗲牛腸仔，呢隻雞髀兩個餐飽肚好多。最緊要係隻雞皮幾滑身，甜度啱啱好，唔會太老太難咬。 最後杯凍奶茶就有少少失望，第一次嚟飲就好甜，今次少甜又太淡，夜飲就有少少麻麻啦。但埋單50幾蚊都唔錯！

鋪頭內裡很懷舊架原來，但食物質素很有驚喜同事推介食吉列豬扒，係厚切果種，配個沙律汁係非常好食架跟餐仲有炒滑蛋配湯麵另外要夾好下午茶2:00食個花生西多士，好味估唔到在荃灣難得有間咁高質既冰室，以後午餐又多個選擇了👍🏻👍🏻

今日喺荃灣附近行街 行到好肚餓😩又唔知食咩好🧐咁岩經過見到 一間有懷舊裝修嘅港式茶餐廳 食物價錢親民 而且選擇又多 所以決定入去坐低 嘆番個下午茶先😉望下望下 見到隔離左右嘅食客🤔都點咗 招牌瑞士雞髀😌我心諗應該好好食啦🧐咁多人叫 所以我都唔執輸😅叫返一客先😏咁大食嘅我 點會食一隻雞髀就飽啊🙄所以另外加點咗一客 火腿奄列配蒜蓉多士🤫 再跟餐+($10)叫咗杯凍華田脆脆🤤。招牌瑞士雞髀配粟米雜果沙律 (HK $42)雞髀好大隻 咬落去啖啖肉😊而且超入味 濃濃嘅瑞士汁完全滲透咗落隻雞髀到🤤瑞士汁甜味適中 但偏鹹 缺乏香味🧐另外可能烹調 雞髀嘅時間長咗少少🤔所以肉質唔夠嫩滑😐 有待改進💪 至於雜果沙律 感覺非常衛生😅因為每份都係獨立用膠兜裝起😉沙律醬酸甜度適中 酸酸味好開胃😙。 火腿奄列配蒜蓉多士(HK $32)火腿奄列好有份量🤤上面擺放著4塊蒜蓉多士😉每塊都搽滿蒜蓉牛油😏多士鬆軟香脆 口感非常好🥳 火腿奄列炒得好滑 唔會過熟入面仲有小量蛋漿流出嚟😊仲好有蛋香味道添👍呢個配搭簡單得嚟又好食😍 絕對係下午茶首選😂。 華田脆脆 跟餐+(HK $10)華田味濃 唔會淡茂茂😉凍華田上面仲加咗好多華

態度差到爆叫杯熱水要叫成3次 仲要等勁耐等， 明明冇乜客 她仲要行幾圈都唔拎水，個樣串到死 我再摧先拎 拎到嚟杯水仲係凍既。 見到個服務員咁既態度 當堂胃口冇一半，下次都唔嚟食未試過食間餐廳係咁嘅態度 知你間餐廳出名 諗住抱住好奇心試下啦！估唔出名係啲職員態度。。。。。。咁差 我想講短頭髮個位職員 今餐真的今到小女子大開眼界 飲食業多謝你 搞灣晒啦！ 你老闆真係多謝晒你服務啲客人 服務得咁差 。或許你認為廚師煮既食物好食就得， 服務態度不用埋會啦，但是維繫住食客個心是靠服務員與客人溝通，因為客人不可以進出廚房稱讚廚師的。我哋既點評就會係網上面評論。希望你老闆睇到嫁上留言。重新訓練下屬 比佢知道點為服務員，樓下冰室 比我既感覺好親切，但服務態度遠遠跟呢份親切感貼不上關係。

今日約左朋友食飯，佢家陣響荃灣做嘢，佢話附近有間冰室d嘢食抵食夾大件，所以就帶左我去。呢度都幾大，响橫樑上面仲見到d懷舊擺設。座位差唔多全部都係卡位，座位寬闊，坐得舒服仲好乾淨添。餐牌有好多嘢食，見到個樣好吸引，樣樣都想食。今晚由朋友發辦，叫左一個飯，一個小食，一隻雞肶，另外兩杯特色飲品。焗鮮茄豬扒飯先到，比餐牌張相更加多。豬扒夠厚實，好有咬感，飯底嘅雞蛋比例都幾多，飯唔硬，茄汁味濃，味道酸咪咪，都幾開胃。小食係焗芝士肉醬薯角，呢個小食份量多，夠晒大碟。肉醬味道香濃，芝士份量正常，唔會過份地多，食到好漏。薯角比較粗身，薯仔味濃，焗得香脆。瑞士雞肶比出面食開嘅大隻，聞到好香，入口味道甜甜地，肉厚得黎都唔算鞋，都整得唔錯。呢度啲飲品都幾特別，喺外面都未見過，好多都好想飲。朋友就揀咗華田脆脆，佢話甜味十足，加埋上面d朱古力脆脆，有口感之餘啱曬佢口味，正。我就叫左杯紅豆奶茶，因為出面都未聽過，覺得好特別。我無諗過原來奶茶加紅豆係咁夾，紅豆起晒沙，加埋奶茶又唔會太甜，將單調嘅奶茶變得有層次，真係好好飲。

荃灣呢間冰室出名瑞士雞脾同蕃茄濃湯，好多朋友都話好味，今日帶男友來食，果然都大讚。我地揀左蕃茄濃湯通粉配瑞士雞脾餐，個通粉仲可加錢要牛肉或豬潤，味道更正。最後仲叫多個西多士，極滿足。瑞士雞脾個汁微甜好香，而且非常入味，雞脾肉好嫩好味，連雞皮都咁吸引，仲要好大隻好抵食。蕃茄滑蛋通心粉個蕃茄湯底好濃郁好香，真材實料，酸甜平均，微咸又夠熱，通粉也彈牙，唔會過淋，非常抵讚。加牛肉味道更佳更鮮，牛肉肉質超嫩腍好味。西多士好大份好厚身，好抵食，炸得金黃色，又唔油膩，麵包好鬆軟，中間花生醬都幾多，加糖漿好香甜味美。

呢間餐廳喺荃灣路德圍，位置非常方便，由地鐵站行去，只需要約5分鐘左右，所以人流好旺。餐廳面積都算大，每個座位之間都有隔板，衛生亦都唔錯。打開餐牌，有好多選擇，而最出名嘅係瑞士汁雞髀，同埋叉燒蛋飯，咁一於試吓。叉燒蛋飯份量非常之多，炒蛋好滑，識落亦都好香蛋味，用咗半肥瘦叉燒，再加上秘製嘅醬汁，成個飯好好味瑞士汁雞脾瑞士汁雞髀係呢間餐廳嘅真店之寶，果然冇錯，瑞士汁好香，個雞髀好滑，亦都好入味。蕃茄縲絲粉番茄螺絲粉，好重蕃茄味，蕃茄控一定要點奶醬多奶醬多賣相好靚，好有心思，多士整得好乾脆，花生醬又好香，唔錯呢一間茶餐廳係非一般嘅茶餐廳，食物質素比起一般茶餐廳高好多，睇得出係用心思做，值得支持。

呢一間 ，同傳統嘅茶記好有分別，除咗裝修有些少懷舊特色，食物種類仲好多元化，每款都好有特色，例如最出名嘅瑞士汁雞髀、茄湯類通粉等等……今次專登個同事嚟試試！牛肉豬潤蕃茄濃湯通粉，真材實料，一入口蕃茄嘅濃湯就好突出，豬潤爽口又新鮮！潮州蠔仔肉碎泡飯，嗰啲蠔仔真係幾大粒，而且一上枱，嚇咗一跳好大碗 蠔仔鋪滿泡飯！$50 真係好抵食，而且仲有好多冬菇絲、芫茜，陣陣香味！炸韭菜餃，大大粒，有八件，配上沙律醬 韭菜味好突出，裏面好多韭菜，唔算多油 食落十分香口 ！綠椰冰，甜味適中，綠豆蓉同椰汁味道好清新 。菠蘿冰，就係我嘅至愛，大大粒菠蘿，好懷舊。

次次都會食佢地嘅午餐，係好味。服務都算ok，多人的時候，要等一等，都係值得一試。其他食物暫時未試，但見人地食，都係好似好好味，下次食其他的食物，希望都係一樣咁好。

樓下冰室經過路徳圍，見到呢間茶餐廳，有啲想食蕃茄湯底，就同朋友入咗去食吓港式茶記啦。環境都係普通茶餐廳茶座咁樣，但都幾骨子，幾乾淨成個餐牌有好多選擇，就同朋友揀咗好幾樣小食食吓，有嗌咗個招牌蕃茄湯底通粉配麻辣脆雞粒，同埋驚口渴嗌咗個凍紅豆奶茶。招牌瑞士汁雞髀好快就上菜，果然10分好味，之前都聽人介紹過，個瑞士汁又甜又香，雞髀亦非常大隻，唔會炆得太老。而麻辣脆雞粒炸得都非常脆身，唔會太辣。食食下有啲口痕，嗌咗個火腿奄列配蒜蓉多士，火腿奄列非常大件，奄列自己非常厚身亦比較偏黃，可能唔喺用一般雞蛋，而火腿非常多，成個口感食落都好滿足。蒜蓉多士整得非常香口，蒜蓉味唔會太重，但同時又有牛油香味。成餐唔可以忘記嘅就係，炸韭菜餃子，本身以為佢只係普通嘅雪藏餃子啦，即係啲餡好細隻又冇乜料嗰啲，點知一咬落去有驚喜，韭菜勁多又非常之香，絕對令人一試難忘！總括而言，樓下冰室係物超所值嘅，會再嚟一試～