橋泰食店 (已結業)

經cheap兄介紹，相約了幾位食友去湊熱鬧。舖頭貼滿菜式，種類繁多，樣樣都想食。首先每人都order一杯飲品，而藍月就好勇敢，要了杯紅糖水。泰式併盤-基本上是泰式炸物，有春卷、雞翼、蝦餅、魚餅等，我就食了一粒墨魚丸，外層似是薯蓉的物體包住墨魚粒，口感一般。鹵水牛-cheap兄好推介，真係一定要試，牛非常之入味，鹵水汁調製得非常好，連墊底的椰菜絲都好野味。紅咖哩牛腩-要了少辣，我就認為辣度不夠及咖哩味道唔夠香，大家都認為唔似咖哩，只係有辣味的醬汁。而牛腩、蘿蔔就好腍。香葉辣椒炒扎肉-又係cheap兄好推介，有香葉及辣椒關係，夠晒香同辣，3姑勁鐘意。鹹魚炒芥蘭-雖然芥蘭好老，但炒得好野味。碎肉粉絲沙律-籃月就最鍾意，我就鐘意佢D甜酸汁。海南雞-肉質好滑，沒有雞味，反而用來點雞的醬汁仲好味。冬陰冬-我只嘗到濃濃的酸味，一點辣味都沒有，可能是最遲上關係，味道已俾其他菜式掩蓋。再叫多三碗油飯，如果淨食就一般，太濕及太"立" ，用了紅咖埋汁撈，才好食。今次又係食到飽一飽，每人都係$73，學cheap兄話齋真係平到發笑。

看到cheap兄來這店食，離開我們家都唔算好遠，便來試試看。我們叫了豆漿、海南雞脾飯和豬腿,滷鴨腎金邊粉。海南雞脾飯- 雞肉嫩滑，但沒有雞肉味，而且份量都幾少，未食完已經沒有雞肉了；醬汁幾好味，如沒有都唔知點食完這碟飯。豬腿,滷鴨腎金邊粉- 味道一般，唔算出色，但價錢幾平。豆漿- 唔會太甜，淡淡的豆味，又幾好飲喎。店鋪都幾細間，好在都算乾淨。

昨晚要去大角咀上課﹐之前當然要找一點東西填肚以免發出怪聲騷擾同學。正在煩惱吃甚麼時候﹐眼前一亮﹐見到一間裝修得頗有“泰味”的小店﹐叫“橋泰”﹐二話不說就鑽了進去。只有約10個座位(店外不計)﹐正宗小店格局﹐但都算頗整潔﹐起碼完全無令我擔心衛生問題的因素。餐牌花多眼亂﹐咖喱﹑炒粉麵飯﹑小食﹑湯粉等等選擇甚多﹐但時間緊逼不容許仔細研究﹐就選了一個甚為搶眼的“滷水牛俐飯”(正確的“俐”字打不到﹐還是稱之為牛舌吧)。同時向店員吩咐要快。果然夠快. 不用三分鐘就飯連湯送到面前﹐另送辣椒醬汁一碟。賣相並不精緻﹐但感覺會令人滿足﹐因為四大片牛舌鋪在飯面﹐差不多全蓋過了整碟飯﹐滷汁則淋於上面沿著牛舌流到白飯底﹐上面再加一點芫茜作點綴。先飛禽大咬一塊牛舌。哇﹐味濃香﹐口感豐富軟滑﹐完全不韌﹐很久沒有吃過如此高水準的滷牛舌了﹐立刻有個念頭﹐“為何一碟只得四塊﹖”另一個不可不提的就是淋上滷汁的白飯跟辣椒醬汁拌勻來吃﹐食味一流﹐滷汁的香甜和辣椒醬汁的香辣﹐同時佔據著味蕾...是完全地道的泰式味覺刺激。要不是時間不容許﹐真想來多一碟。飯連湯二十三元﹐另加五元換了杯椰汁冰。一碟滷水牛舌飯連湯連特色凍飲﹐三十元有找

店子很小, 所以常常經過都冇試下今天人少少, 便試一試一看餐牌, 很多選擇, 多數是雞, 或咖哩, 價錢都是$25左右包飲品朋友叫了海南雞, 我點了三寶飯, 三寶有雞, 大腸, 好像還有豬肉, 有一碟醬, 還可以叫他們送一碗湯...飯很香, 應該加了雞油, 很美味, 還試吃了朋友的海南雞, 很可口, 很快便吃完, 因為不太大碟...期望再試其它食物

店子雖小，但行過都聞到佢既香味。夜晚有唔少人踢拖鞋o黎買外賣。尋日同公公到此食下午茶餐，佢叫o既越式炒檬加凍檸茶十八蚊，大大碟，幾好味。我要o左越式春卷加紅豆冰十五蚊，但得個三條仔…大家都知越式春卷有幾die條…而且炸到個皮好硬，好似翻炸咁…下次都係叫返炒野好的，或者雞翼湯河個樣都唔錯。

I like eating at this Thai food shop, although the shop is small, their food is tasty and cheap. The couple boss employ Thai women to cook the food and around $22 per set.Highly recommend to Tai Kok Tsui residents.