橋泰食店 (已結業)

hey guys,I went there after reading the comments from the other members, I think it's fair. The food is fine and price is below average. The most important thing is the taste, it's quite original thai. So, next time when you drop by, pls go and try it, the place is actually not bad, it must have improve a lot recently, because i saw 2 new air-con installed.Good for daily dinner or takeaway. Listen to the advice from the ladie in charge, she will take care of your menu.

上個星期六同男朋友仔去試下，不過講真如果吾係因為見食評甘多個話正，呢間舖係比我經過都一定吾會入去個隻，間舖係細到得三張，二張六人加一張四人，生情況的確係麻麻，開放式既廚房（即係通風吾係甘好，都幾油煙），我男友都咋型話吾太乾淨同埋都幾迫夾，冷氣又吾太夠，不過我堅持要試下．我地叫左個二人餐，有兩，一碟油菜，二個飯（可選油飯或其他粉麵），一個湯同二杯飲品．我地揀左豬腿拼盤、紅咖喱牛，油飯同湯粉絲，再加多個蝦膠皮旦．初時以為二人餐Ｄ份量吾係太多，點知都幾大碟，再加多個，我地兩個人都根本食吾曬，講下Ｄ食物先：－１）豬腿拼盤(係泰式滷水黎既)：有豬腿肉、雞腎、雞腳、豆乾，真係好好味，又夠入味，豬腿肉又淋又滑，極力推介！２）紅咖喱牛：不過佢黎錯左變左青咖喱，真係辣到跳舞，同埋個老闆娘都吾係甘，明知我地叫紅咖喱，廚房整錯左青咖喱都吾出聲照比我地，我地又吾識分青定紅喎，到我地差吾多食完先至問我地會吾會太辣，我覺得真係吾係幾好囉，我知你地舖細，但都吾係甘架嗎！但講真個牛係ok既，算啦我都吾可以對一間甘既舖仔有咩服務要求．３）油飯同湯粉絲：男友要油飯，佢話吾錯喎，都吾係太油，我就要湯粉絲，個味道都幾好，粉絲

一班食友又周圍去吃，今次是專兄做搞手，還要連踩兩天，安排得妥貼，大家來到什麼也不用理，就由頭食到尾，首先要說聲「多謝」先。這裡只是一間百來呎的小店，廚房佔了一半，我們一行十一人已佔了近半邊的位置，冷氣微微不足，但小店經營，也是如此，一早預定的了。菜色全由專兄打點，我們只負責將其掃清，一邊上一邊清，吃個不亦樂乎。先來海南雞，去骨的雞件，浸得好，雞肉幾滑又不韌，相當不錯。淨吃已好，配上特製的酸辣汁又是另一味道，不愧為「是日專兄推介」；泰式沙律樣子平易近人，吃落是辣勁十足，連平日出名「怕不辣」的辣椒女吃了也說「是辣的」，我等平常之輩當然辣到汗流夾背了。其實辣勁來自小紅辣椒，如果加入酸味，又酸又辣，作為前菜，是刺激又開胃；燒烤拚盤是燒豬頸肉拚豬扒，在這等小店，當然都是雪藏貨色，但至少外皮是炸得微脆的，再配上酸辣汁，也不錯；鹵水豬腿是當晚的其中一味主打菜，豬腿連皮去骨，原隻放入鹵汁浸至腍熟，豬腿肉阿腍又入味，豬皮又阿豐腴肥美，兩者一起夾著來吃，絕對是人間美味。正奇怪麵包兄為何全不吃豬皮，他指著說「有毛」，其實也只有很零星的幾條，怕毛的，吃廋肉好了；炸魚皮蛋及炸蝦皮蛋也差不多，魚肉及蝦膠不算做得很

今次試左碟三寶飯，有海南雞，豬腿肉同豬腸~三寶飯當然比淨海南雞飯豐富，俾多三蚊都抵~d豬腿肉同豬腸好濃滷水味，加埋d油飯好好食，雖然肥膩左d，但耐唔耐食一次都真係唔錯架~

見到個個都給笑臉,尋晚原本要趕功課,都心思思去左一試,真係好食又抵!試左: 蝦餅,冬蔭宮,泰式炒通菜,青咖哩牛利,油飯同淨河粉,油菜1碟,青檸soda,汽水,最後,2個人都好飽,但又想試海南雞,結果,打包半隻俾老媽子,順便試下!雖然小店格局,但都有水準, 有下次!埋單都係$223, 好抵!P.S.老板娘好nice!

無講大話囉!!!真係好食,今次係第二次同小耘去食,叫o左炸蝦皮旦,蝦肉同皮旦好夾!!豬腿鴨腎粉絲干撈,呢個係我嘅至愛!!大辣冬陰公湯,夠濃又夠辣,超正~~~三個字講晒:平靚正!!!大家有時間一定要去試下!!無介紹錯o架~~ ^_^

和朋友兩個人昨晚去僑泰食飯. 叫左海南雞飯, 扎肉沙律, 蝦餅, 涼粉冰和可樂. 全部都係87蚊. 幾抵.雞肉真係少, 個汁都ok. 但如個汁濃d更好. 蝦餅無介紹錯. 熱辣辣又彈牙, 打得好夠實. 扎肉就和出面的差不多. 杯涼粉冰太小涼粉又無涼粉味. 地方小小都算乾淨. 兩個女仔食都飽. 但如果和男友一起就唔多夠.如果再去開過頭都會帶朋友去試其他.

月前專兄吹雞,地點在大角咀"橋泰"泰國菜館,地點唔難找,環境屬街坊小店格局,坐多幾個人都坐唔落.我地十多人,都幾壯觀.來此等泰式小店,吃一些尋常菜式就最適當不過.有賴專兄安排,我輩不用費神去諗.海南雞,豬頸肉,拼盤,冬蔭功,沙律等等.越尋常就越難做得好,小店當其有自己的一套,泰式海南雞,很嫩滑,雞肉夠肥美.雞皮夾雞肉中間仲有Jelly般的脂肪,點上泰式醬汁吃,樂不思蜀.燒豬頸肉好難做得差,此小店亦做得對辦,鹵豬腳亦係不可多得.豬皮很滑,肉質亦很嫩,泰式鹵水比潮式來得更加濃烈.但一味得個濃,質感就略遜.根本泰式鹵水,無可能比潮式來得陳舊吧.泰式沙律辣得有勁道,未吃到三份一,在此時個喉嚨開始黎料.拼盤之中,我最愛的就是春卷,外皮用綠豆茸壓出來成網狀,散油能力極高,很乾爽香口.蝦肉皮蛋亦不錯,當然皮蛋不能奢望係咩野糖心貨色.再來生菜包,鹵水牛舌,冬蔭公等,身上個死氣喉,開始噴黑煙,痛到開始失聲,打後一星期,發燒感冒,樣樣有齊.聲線比大AL來得更拆更沙.鼓餘其勇,總算全身而退,多謝專兄之安排.

今日收工後搞完一輪先番屋企辛水辛汗都無心煮飯食同朋友仔出黎搵飯食想起呢間食評都唔錯麵包同lazyqueen都大讚當然要捉埋愛吃雞既朋友仔黎試下叫左海南雞飯($23),青檸水(+$5),鹵水牛利撈金邊粉($23)同鹵水蛋拼豆腐($17)全部份量都算夠味道又唔錯其中海南雞滑又夠瘦雞飯有味又唔太油鹵水牛利入味大大片又唔韌金邊粉份量多又夠煙韌追加既鹵水蛋同豆腐都係咁入味舖底既豆芽正不過至抵讚係佢做食物既細心同用心碗金邊粉上檯時最初落漏左俾青檸師傅一發覺即刻補番俾我而且姐姐又有禮貌價錢平又好味我住得咁近當然要翻炒啦環境係大排檔feel

(28/6)當遇上零的負食評食肆，心中已急不及待試試，亦感謝食友的推介及邀請。海南雞、泰式沙拉、泰式拼盤、豬腿肉、鹵水牛舌、炸魚／蝦皮蛋、炸物拼盤、肉碎生菜包、扎肉炒豆角、海鮮冬蔭功，全屬佳品，值得推介。海南雞，配以酸辣醬汁，原隻吃不點醬汁也有味道，很嫩滑；泰式沙拉，汁料取勝，曲條青瓜、蕃茄、生菜，前菜的一客，為接下來菜式作好準備；豬腿肉，原本不太好吃豬肉的我，也要衝出重圍，鹵水汁很入味，芽菜吸收肉及汁的精華，仍然快速清理，再下一城叫多一碟，相比之下，牛舌不及豬腿肉美味；炸魚／蝦皮蛋，蝦與魚各有優點，蝦肉好味一點，配合皮蛋，熱辣入口，完全兩三分鐘內火速清場；海鮮冬蔭功，夠香辣、夠美味，當然用料不算豐富，仍然不能少它；大角嘴有這麼多好味的食店，實在不易找尋；因大廈密集式，多條橫街直街交錯，食店也不太容易發現，還有甚麼好味食店呢？

今晚帶左屋企人去食，連佢地都話ｄ蝦餅正，野食價錢合理，味道唔錯，我細佬話遲ｄ再帶朋友去食，哈哈！如果這裡有蒙粉就好了！！！

蝦餅正食評日期: 2006 年07 月22 日第一次去呢間小店度食，食左無骨雞同埋蝦餅。雞就一般啦，我ｌｉｋｅ佢個點汁。但蝦餅超好食，欲罷不能，叫左２碟。湯係浸雞水來的，裡面有冬瓜，好味。野飲就麻麻，下次都係飲汽水算了。油飯個底好多油，不過味道就唔錯，總括而言，好正，我地又多一個選擇了。

Lunch叫左碟海南雞飯+湯+凍檸蜜，$25~雞肉滑，點雞醬食幾好，不過份量少左D~油飯都ok，幾香~舖位細，小店一間，食物質素唔錯~

多謝cheap兄搞的這次聚會，如不是便要錯過這美味的一餐。上次也自已兩個人來試過，因人少試不到什麼食物，才會認為這小店的食物普通，原來係唔識寶，今次人多試了很多唔同的食物，才知有很多美味的食物未試過。而自已比較最喜歡的是豬腿肉和海鮮冬陰功湯。豬腿肉- 感覺有點像手絲豬腿肉，肉質切到細細件，很方便我這種懶人食，唔會太肥又入味，唔夠一會便食個碗底朝天，當然要立刻叫多一隻。海鮮冬陰功湯- 真係好辣又酸，對我來說，算係到頂了，但味道又真係幾好飲，令人有想再試的衝動；海鮮就真係偏少，如可以加多一點就最好了。因當日剛好上完堂學整包，食友又唔怕食壞肚一試，真係要多謝一班 一試，謝謝！因相機壞了，當晚沒有影相，只好暫借KC兄影的照片一用。特別鳴謝KC兄提供照片!

自己好少在大角咀區搵食. 今次多得cheap兄帶路, 眾人又豐豐富富地大吃一頓.海南雞(原隻): 雞肉好滑好嫩, 皮爽兼帶皮下脂, 平時走皮的我忍唔住食了兩片. 配埋一絕的醬汁, 酸酸辣辣, 隻雞轉眼變得煙消雲散.泰式沙律: 青瓜蔬菜等配料新鮮, 酸酸辣辣, 很開胃.燒烤併盤: 包雞中翼, 豬頸肉和豬扒, 惹味香口兼帶丁點甜味. 個人較鍾意豬頸肉.豬腿一隻: 有期望的一款, 原以為原隻上, 非也, 已切件兼以公雞碗盛著. 腿肉唔, 皮滑, 滷得入味, 最緊要連皮食. 前後叫了兩隻.滷水牛"月利": 一樣滷得入味, 唔, 斜切一大薄片, 再蘸多幾下滷水汁, 正. 墊底的芽菜吸滿滷水汁, 好正, 多口問句可否要碟淨滷水芽菜, 結果阿姐醒左兩大碗俾我地肉碎生菜包: 肉碎香而辣, 配生菜食可無咁膩, 但個人覺得肉碎可再炒得乾身點.扎肉炒豆角: 都係辣辣的, 但相對其他食物, 較普通, 但學cheap話齋, 送飯一流.炸併盤: 蝦餅, 墨魚丸和春卷. 試了蝦餅和墨魚丸, 蝦餅幾爽口, 唔錯, 墨魚丸嘛?? 在旺角吃好了. 春卷無食, 但聽講都唔錯.炸魚&炸蝦皮旦: 以魚肉/蝦膠包著