橋香園雲南過橋米線

營業中

休息中

响中環食lunch真係唔易搵位, 呢間都算ok啦, 通常等一陣就會有位, 不過就要熱辣辣企响五金舖門口排隊囉.講番食物, 前後幫襯過4次, 湯底味道ok, 冇南記咁油餸方面試過牛肝菌, 豬頸肉, 牛, 冬菇, 腩肉....款款味道都ok, 最好味係牛肝菌, 最香, 好滑, 昨日亞姐仲話轉咗批新貨, d菌由原本一片片變咗一朵朵, 仲好, 爽爽地多咗一份咬口添~下次再嚟要試下大腸先!P.S. 經常見到奉送嘅豆漿就咁放响店外....烈日當空...都係加錢飲汽水穩陣d

之前每次都外賣自取 最近2次打電話叫外賣 態度十分差 呢間野味道不過不失啦 但服務態度唔止係零 簡直負分 2次叫外賣聽電話係唔同人 但態度之惡劣程度係一樣囉 中午時間係忙 但我相信無一間態度差得過佢唔會再食

This place has the absolute best noodle ever! The noodle is chewy and soft, can be served with or without soup, and you get to choose from a variety of toppings that range from peanuts to fishballs to beef tendon. I highly recommend getting the stuffed fishballs. The dish is quite spicy if you like spicy food, and for those of us who cannot take spicy, you can always down it with a cup of soy milk (which they also sell). Everything on the menu is written in Chinese with some pictures, so for tho

惹味的湯底，爽口的芽菜，煙韌的米線配搭出來的橋香園雲南過橋米線，真的令人再三回味。平心而論，這裏的米線比南記、譚仔，出色很多。唯一缺點是獨孤一味，除了米線，別無其他選擇。而且配料亦不多。但是米線真的做得很出色，很好味。絕對值得推介。

十二月廿二日(星期二)聖誕節將近,一定會吃好多好味食物!所以前夕都是吃點LIGHT的食物!老公仔提議到橋香園吃我第一次吃唔辣的清湯米線,要菜心和肉筋條老公仔要了唔辣,肉筋條,豬大腸和鎮江肉肉筋條推介,其實是一條條的貢丸,吃起來方便!清湯味道也不淡,不錯,米線剛剛好而且還有豆漿送呢

28-9-2009繼續食平 lunch, 是日又落大雨, 唔去上環了, 嚟到呢間人多擠迫的米線店搞掂.叫了海龍 + 腩肉 + 肉筋條撈米線 (三併撈米線 $35)... 米線淥得煙韌彈牙, 配上鹵水汁及少少辣的炸醬, 不錯喎 「海龍」係一種螺旋形海草, 爽口但無乜味, 口感味道都似海帶, 幾得意; 「金獎腩肉」貌似條狀豬頸肉; 唔夠肥, 瘦肉唔韌, 索晒好香的鹵水, 入味又帶甜, 幾好食; 白色一條條「肉筋條」賣相似碗仔翅的魚肉, 食落其實係豬肉丸的味道, 一般; 走了酸菜, 配料只有芽菜, 炸醬, 芫茜及蔥粒, 但撈極都無芫茜的!? 不過幾欣賞走過油的花生, 十分香脆呢 仲有一杯送的凍豆漿, 甜度唔高, 豆味薄, 味道又帶點現成, 叫做好過無吧.食物 ok, 環境就要幾迫有幾迫, 明明 d 檯係 4-5 人圓檯, 阿姐又夾硬塞多兩張櫈埋去, 6-7 人坐得好辛苦.放低 $35, 速閃.

Lunch來威靈頓街揾食，之前有friend話lee間米綫抵食，即管一試。鋪頭好細，一張圓台坐七個人，但其實suppose只能坐到五個，所以好迫。我要小辣雙拼米綫(牛展，腐竹)，我個friend要小辣三拼米綫（菜，鯊魚丸，金牌腩肉）。湯底okay，不油不太辣適中。米綫分量少，我個男同事話食唔飽 所謂的金牌腩肉好削喔，我以爲起碼半肥瘦，但完全是瘦肉片，是减肥女士的最愛。反而牛展够入味够淋，我比八十分。腐竹分量超多，都幾好（好難難吃卦haha）有豆漿送，雖然唔系話好好食不過够平已經是一大賣點。不過我始終覺得南記更勝一籌。多謝同事請食飯

喺中環想食辣米線唔多選擇，但我每次想食的時候都會首選哩度，我會掛住佢香膿的湯底，辣味同酸味取得十分之好的平衡，每次㨂唔同的餸，例如墨丸、時菜、冬菇、腩肉等，都覺得佢地整得唔馬虎，尤其是海龍（一種好似海帶類一條條鬈埋的食物），我每次都會㨂此餸，其他食雲南米線的地方好少有咁特別的食材的！佢咬感真係好特別，同湯一齊食真係好好味，一啖餸再一啖米線咁，食到一條米線都唔想留低，感覺好滿足呢！

之前已經幫趁過一次, 其實整體上我覺得同南記差不多,不過南記好似大碗d, 平d, 飽肚d, 佢既酸菜好味過呢到.不過唯一唔好係南記肥膩d.呢到我今次叫左黑木耳, 腐竹同牛展, 中辣米線。牛展好新鮮, 我平時好少會叫的, 因為向南記食過一次, 唔係咁好食。呢到既牛展切得厚少少.黑木耳好少地方食到, 雖然係平(cost), 但係係一種有益食品, 平時食得肉多可以間中黎食下, 清一清個胃 腐竹加落d 辣辣地既湯底幾時都係咁好味的.缺點係今日d 酸菜個味好怪, 似乎浸得酸醋太耐, 個味好假, 有待改善。 當時我係12點10分到都仲有好多位. 但係起菜慢, 一到12點半d 人係咁黎, 開始迫勒, 所以我都好快手咁食完就走左law總結: 其實33 蚊一碗我覺得貴左少少. 因為無我想像中咁好食

呢間過橋米線食過一次之後, 都返黎再幫親過多次. 本身自己唔食辣, 所以只能夠試清湯底. 個清湯底真係好得, 有點甜味. 個人覺得好過譚仔記.不過佢米線份量就比較小. 所以對我呢講有小小唔飽的感覺, 尤其是當晚飯的時侯.我曾經試過菜心, 墨魚丸, 腩肉, 豬頸肉, 雞翼, 肉筋條. 只有雞翼老左小小. 反而腩肉, 豬頸肉就相當出色, 因為佢係瘦的. 一 D 都唔肥.配菜都失色左小小, 我覺得唔夠多. 呢方面譚仔記就好 D 啦.環境就相當狹窄, 坐得唔係太舒服. 但整體呢講, 碗米線已經交足功課, 如果唔係, 我又點會再返黎幫親呢?

鋪仔細細午飯時間真係密不透風坐低食既話都幾辛苦下所以次次黎都係買外賣穩陣呢度d米線就算買外賣都唔會好諗湯底有清湯、酸辣、大中小勁辣、大中小麻辣、同埋撈米線我就幾種辣都試過啦就算大辣都唔會好辣食得辣既放心叫啦麻辣其實同普通辣差一樣不過就再加多左d麻辣粉o個類野(一時之間唔記得叫咩名)食過咁多種都係中麻最正酸酸地辣辣地又帶小許麻的感覺又唔會太咸至於配料真係要揀黎叫唔係樣樣都掂首選:蘿白、肉筋條、炸醬、海龍次選:腩肉、豬頸肉、牛展、腐竹其他我就覺得麻麻地啦係中環3個餸$33包一杯豆槳仲要係獨市生意都算幾好啦

2008-12-22兩支公，諗住呢o的放假高峰期可以去蓮香樓碰o下運氣，但都係俾o的退休人士或者唔知幾時放lunch o既人屈晒機好彩唔係一大班人o黎，座位超少，我o地都係縮埋一角$29 兩食送，$33 三食送？款式唔多亦只係大路，勝在有冷熱豆漿咁囉要了腩肉同豬腸，兩者o既量似乎都算少喇……要了清湯又真係幾淡口……又無譚仔o的腐皮，我都係鍾意後者多o的o喇……絕不刻意下次

當1個人食lunch既時候,就不其然想嚟呢度...愛~佢個湯底酸酸味味,真係好好味(可隨意+唔+辣),米線唔太淋,配料都算多(芽菜,9菜,咸酸菜),份量ok,配埋豆漿$33(3餸),中環區好ok架喇~恨~佢呢度lunch真係勁勁勁勁迫人,張圓枱1邊泊埋牆,其餘要坐5個人,食野大d動作都唔得,如果唔好彩坐著走廊位,唔'挺胸收腹'食都幾難...

十二月五日(星期五)同老公仔到此小店吃lunch我要了豆腐卜,肉根條,菜心,小辣老公仔要了豆腐卜,豬腸,豬腩肉,小辣米線大碗,而且小辣,適宜冬天吃湯底帶點酸,不錯,與米線很match,而且有豆漿送!33元一碗算抵吃

九月十八日(星期四)同老公仔說好了今日的lucnh到這裡吃米線呢!今日遲了些所以要等一會才有位!...雖然位子比較迫,但是都算好吃,所以都值得呢我今次吃了豆卜,貢丸和菜心配米線小辣豆卜厚厚的,多豆腐!貢丸只得兩大粒,新鮮的菜心比較老!!!不過湯底很濃好吃呢!送的豆漿比上次進步了許多呢!有多豆腐味!