影片
港鐵油麻地站 A1 出口, 步行約3分鐘
繼續閱讀
開飯介紹
主打優質美國牛肉、澳洲和牛放題，亦有新鮮日本直送刺身、生猛海鮮。 火鍋、板燒、 磯燒，任均選擇。飲品種類多，沙冰夠解渴。
繼續閱讀
營業時間
星期一至日
12:00 - 00:30
以上資料只供參考, 請與餐廳確認詳情
初次品嚐，我同朋友都決定揀個最平既 package 試試佢先！ $198一位，係嚴選美國牛肩肉放題 + 刺身套餐飲品方面就用呢張紙落 order 既，有凍有熱，除有一般既飲品，如可樂，烏龍茶等，重有好幾款餐廳自己調教既飲品，冰沙，奶昔都有，都可以試試餐廳唔大，所以其實都一眼睇曬主要拎野食既地方，除左有多款火鍋配料之外，都有一d係可以用黎做燒烤用既，例如三文魚，煙鴨胸等呢幾款既前菜都幾好食，可以自己仼意拎既，而右邊果兩粒鱆魚燒就真係估唔到禁好味！真心高質，除左夠熱，食落層粉一d都唔漿住個口，亦食唔到有粉粒，出色！再講講呢度既玩法，佢個爐係火鍋同燒烤都係同時進行，可以講係同一個位添架。左邊係我地揀既蕃茄湯火鍋湯底，都唔錯，味道係香濃既，亦有多件蕃茄及芫茜蔥係入面。右邊就係鐵板燒烤。幾款前菜都幾好食架第一樣先黎既就係刺身頭盤，感覺都ok既，因為都新鮮既，一共有4款刺身，而份量都係兩人份黎既當中，甜蝦比較較為出色，係大隻既甜蝦黎既，味道鮮甜，唔錯唔錯我先試左鐵板燒果邊先，都幾得意，鐵板上有張牛油紙以防痴底，而鐵板既溫度亦非一放塊肉上去就即好強力既燒烤，而係比較微溫少少禁去燒肉，都幾特別同一般燒肉既感覺好唔同，我諗感覺上好似無咁熱氣！火鍋果邊就正常啦，吸曬香濃既蕃茄湯底出前一丁就真係唔少得，真係好正，當煮完個麵，再加返d調味粉同麻油撈起，不得了！燒菠蘿都正喎，呢個有驚喜，真係夠香甜最後既呢杯朱古力慕絲布丁都ok，好夠香濃，算係完整禁食左呢餐新嘗試既晚餐
繼續閱讀
作為街坊，同女朋友連續兩星期食完滾得盞同海底撈都好滿意，星期六晚諗住近近地試下呢間，點知中晒伏！環境：中規中矩食物：質素差，熱食及火鍋配料長期唔refill服務：一男一女兩個伙記走全場，做埋門口接待。飲品及大部分食物都不是自取，問題就出現喇～我地8點入座，8點9總算有兩罐可樂飲下，落完orderssss又石沉大海，三吹四請下，9點正廚房出咗隻小船魚生俾我地，多謝晒！另外再上完兩碟各6小塊既肥牛及豚肉之後，到9點半都未出到任何（係任何）燒烤食品，只可以食住火鍋配料，雞子、東瓜、菜、丸就食咗幾轉！最嬲最嬲係我地落ordersss時，有個四眼女侍應話 「今日散叫客比較多，你地任食等多陣唔怕啦」～我女朋友平日斯斯文文，都忍唔住回咗一句「你咁樣拉布，我地食到聽朝都未飽啦」...女侍應頭也不回去換衫收工😠😠😠乜野心情都冇晒，最後我哋食咗兩轉燒野就走人。埋單二人540，換黎一肚氣！
繼續閱讀
今晚同細佬兩個撐枱腳😋去左呢間別緻既火鍋放題店🍣🍲裝修簡潔 乾淨企理！火鍋料都多選擇！湯底好好味 大推番茄湯！又濃又鮮甜既蕃茄味令到啲食物好入味 🍅不得不提啲炸物同壽司！無得頂 最令我驚豔既係啲壽司 調味真係一流 忍唔住encore左好多次 大家記得要食多啲！個火鍋爐有啲似海底撈 分左4格就可以只用一格淥牛 唔洗令到其他間都有牛既油 非常貼心既設計☺啲刺身就係跟人頭俾 每款有幾隻 份量啱啱好 唔會因爲食太多刺身而食唔到其他野😋冷盤方面都好優秀，竟然有我最愛既中華沙律同泰式鳳爪🥺🥺真係surprise到我 好少見任食餐廳有泰式鳳爪 ！好多個加分位！肉類亦屬於任叫系列 個人覺得豬同牛係燒好食過放落火鍋度！特別係豬肉好好味 肥瘦適中 唔會太油膩！我地encore左好多碟豬🐷有芝士焗青口！
繼續閱讀
旺角橫浜水產*潢浜燒肉火鍋 佢既火鍋特色係加埋無燒板燒，一邊火鍋🍲一邊燒烤都得，一次過享受真正雙放題餐款套餐：<嚴選美國牛肩肉火鍋放題>牛肉脂肪比例平均 加埋有好多款唔同嘅配菜 又有好多款飲品配 想做食肉獸得 食得健康又得！「刺身套餐」刺身套餐，真係好豐富呀！完全停唔到 帶子同三文魚超新鮮同肥美，食落夠鮮又甜燒烤呢間嘅薄切豬肉x牛肉好正！燒完之後完全將香味加肉汁燒晒出嚟 香到不得了 脆卜卜加肉汁加埋簡直係完美嘅組合，好想食多次呀~~
繼續閱讀
我好耐無去食燒肉,但又想食火鍋,見到依間餐廳同時可以做完哂兩樣野,仲可以食海鮮,緊係過黎試試佢啦。我地就點左依個雙放題黎食。首先係一個刺身頭盤,有六種海鮮,不得不說,真係樣樣新鮮,毎款都食到食材原本嘅鮮味,三文魚係厚切,赤蝦多膏,其他都比同價錢放題為好,中意食嘅仲可以加啲錢升級任食刺身。跟住就到牛肉豬經任食環節,牛肉大部份嘅肥瘦岩岩好,無論磯燒定火鍋,牛肉味都係非常之濃,絕對係高級水準,而用磯燒方法,牛肉會更加香,充滿油脂感,用火鍋方式就會少點油脂感,各有好處。豬肉則比較肥,磯燒後甚至可以變得焦脆,亦可以食得出豬肉味。依到仲有三款凍海鮮任食,有青口,蝦同螺。水準都係好好,我前前後後應該食左6,7隻螺,事關我真係好中意食螺,同佢好重螺味兼啖啖肉。食得悶,仲有其他腸類丸類菜類可以食。而去到最後作結，緊係要燒菠蘿啦,燒完之後夠哂甜啊。飲品都係任飲的,叫左花茶同水果梳打,花茶有花香同微甜,幾好飲,梳打夠哂凍,飲落去夠哂爽。最後依餐都食得幾滿足,可以食足兩個鐘,食材又新鮮。係可以再回頭食嘅餐廳。
繼續閱讀