橫浜水產磯燒+遛Local Bar@Grill & Hot Pot (已結業)

初次品嚐，我同朋友都決定揀個最平既 package 試試佢先！ $198一位，係嚴選美國牛肩肉放題 + 刺身套餐飲品方面就用呢張紙落 order 既，有凍有熱，除有一般既飲品，如可樂，烏龍茶等，重有好幾款餐廳自己調教既飲品，冰沙，奶昔都有，都可以試試餐廳唔大，所以其實都一眼睇曬主要拎野食既地方，除左有多款火鍋配料之外，都有一d係可以用黎做燒烤用既，例如三文魚，煙鴨胸等呢幾款既前菜都幾好食，可以自己仼意拎既，而右邊果兩粒鱆魚燒就真係估唔到禁好味！真心高質，除左夠熱，食落層粉一d都唔漿住個口，亦食唔到有粉粒，出色！再講講呢度既玩法，佢個爐係火鍋同燒烤都係同時進行，可以講係同一個位添架。左邊係我地揀既蕃茄湯火鍋湯底，都唔錯，味道係香濃既，亦有多件蕃茄及芫茜蔥係入面。右邊就係鐵板燒烤。幾款前菜都幾好食架第一樣先黎既就係刺身頭盤，感覺都ok既，因為都新鮮既，一共有4款刺身，而份量都係兩人份黎既當中，甜蝦比較較為出色，係大隻既甜蝦黎既，味道鮮甜，唔錯唔錯我先試左鐵板燒果邊先，都幾得意，鐵板上有張牛油紙以防痴底，而鐵板既溫度亦非一放塊肉上去就即好強力既燒烤，而係比較微溫少少禁去燒肉，都幾特別同一般燒

作為街坊，同女朋友連續兩星期食完滾得盞同海底撈都好滿意，星期六晚諗住近近地試下呢間，點知中晒伏！環境：中規中矩食物：質素差，熱食及火鍋配料長期唔refill服務：一男一女兩個伙記走全場，做埋門口接待。飲品及大部分食物都不是自取，問題就出現喇～我地8點入座，8點9總算有兩罐可樂飲下，落完orderssss又石沉大海，三吹四請下，9點正廚房出咗隻小船魚生俾我地，多謝晒！另外再上完兩碟各6小塊既肥牛及豚肉之後，到9點半都未出到任何（係任何）燒烤食品，只可以食住火鍋配料，雞子、東瓜、菜、丸就食咗幾轉！最嬲最嬲係我地落ordersss時，有個四眼女侍應話 「今日散叫客比較多，你地任食等多陣唔怕啦」～我女朋友平日斯斯文文，都忍唔住回咗一句「你咁樣拉布，我地食到聽朝都未飽啦」...女侍應頭也不回去換衫收工😠😠😠乜野心情都冇晒，最後我哋食咗兩轉燒野就走人。埋單二人540，換黎一肚氣！

今晚同細佬兩個撐枱腳😋去左呢間別緻既火鍋放題店🍣🍲裝修簡潔 乾淨企理！火鍋料都多選擇！湯底好好味 大推番茄湯！又濃又鮮甜既蕃茄味令到啲食物好入味 🍅不得不提啲炸物同壽司！無得頂 最令我驚豔既係啲壽司 調味真係一流 忍唔住encore左好多次 大家記得要食多啲！個火鍋爐有啲似海底撈 分左4格就可以只用一格淥牛 唔洗令到其他間都有牛既油 非常貼心既設計☺啲刺身就係跟人頭俾 每款有幾隻 份量啱啱好 唔會因爲食太多刺身而食唔到其他野😋冷盤方面都好優秀，竟然有我最愛既中華沙律同泰式鳳爪🥺🥺真係surprise到我 好少見任食餐廳有泰式鳳爪 ！好多個加分位！肉類亦屬於任叫系列 個人覺得豬同牛係燒好食過放落火鍋度！特別係豬肉好好味 肥瘦適中 唔會太油膩！我地encore左好多碟豬🐷有芝士焗青口！

旺角橫浜水產*潢浜燒肉火鍋 佢既火鍋特色係加埋無燒板燒，一邊火鍋🍲一邊燒烤都得，一次過享受真正雙放題餐款套餐：<嚴選美國牛肩肉火鍋放題>牛肉脂肪比例平均 加埋有好多款唔同嘅配菜 又有好多款飲品配 想做食肉獸得 食得健康又得！「刺身套餐」刺身套餐，真係好豐富呀！完全停唔到 帶子同三文魚超新鮮同肥美，食落夠鮮又甜燒烤呢間嘅薄切豬肉x牛肉好正！燒完之後完全將香味加肉汁燒晒出嚟 香到不得了 脆卜卜加肉汁加埋簡直係完美嘅組合，好想食多次呀~~

我好耐無去食燒肉,但又想食火鍋,見到依間餐廳同時可以做完哂兩樣野,仲可以食海鮮,緊係過黎試試佢啦。我地就點左依個雙放題黎食。首先係一個刺身頭盤,有六種海鮮,不得不說,真係樣樣新鮮,毎款都食到食材原本嘅鮮味,三文魚係厚切,赤蝦多膏,其他都比同價錢放題為好,中意食嘅仲可以加啲錢升級任食刺身。跟住就到牛肉豬經任食環節,牛肉大部份嘅肥瘦岩岩好,無論磯燒定火鍋,牛肉味都係非常之濃,絕對係高級水準,而用磯燒方法,牛肉會更加香,充滿油脂感,用火鍋方式就會少點油脂感,各有好處。豬肉則比較肥,磯燒後甚至可以變得焦脆,亦可以食得出豬肉味。依到仲有三款凍海鮮任食,有青口,蝦同螺。水準都係好好,我前前後後應該食左6,7隻螺,事關我真係好中意食螺,同佢好重螺味兼啖啖肉。食得悶,仲有其他腸類丸類菜類可以食。而去到最後作結，緊係要燒菠蘿啦,燒完之後夠哂甜啊。飲品都係任飲的,叫左花茶同水果梳打,花茶有花香同微甜,幾好飲,梳打夠哂凍,飲落去夠哂爽。最後依餐都食得幾滿足,可以食足兩個鐘,食材又新鮮。係可以再回頭食嘅餐廳。

喺油麻地樓上日式餐店，主打火鍋、燒肉雙放題，食完真心覺得正！自助bar有多款火鍋配料，樣樣新鮮，都幾dump本，牛柏葉、紅腸、牛餐肉等出面唔會出現喺自助bar都有。仲有不少餐面小食，例如壽司、海鮮凍盤、串燒雞肉等，真係好豐富。我地加$28轉鴛鴦鍋，揀左360牛乳湯和蕃茄濃湯。玫瑰花釀同薑母茶都好飲呀。個set包任食安格斯牛肩肉和豚肉腩片，色澤新鮮。仲有咁靚既刺身併盤，有成5款刺身，三文魚肥美，鮑片都鮮甜。肉類我地主要係燒烤，安格斯牛好林，好juicy，豚肉爽口，煎到個邊脆身，正！環境充滿日式風味，食物新鮮，下次會再黎。

朋友找到一間在油麻地新大廈譽發廣場刺身火鍋放題， 星期五六日288蚊任食兩小時， 或者好像我們早食的話，五點到八點268蚊可以食三小時。 七點半前或九點後入座離座還有八五折呢！這間餐廳的賣點是刺身頭盤，火鍋燒肉雙放題， 他有六款湯底可以選擇，我哋揀咗辛辣味泡菜湯，味道像辛辣麵湯底，朋友非常喜歡。三文魚，珍寶赤蝦，帶子，鮑魚片，油甘魚和北寄貝六款剌身， 三文魚油甘魚都有半寸厚度 大大塊，啖啖肉， 除咗珍寶赤蝦，其他每樣都有兩塊 。 特別喜歡他的珍寶赤蝦，有成點碟咁大♥️爽脆甜美。 帶子他旁邊有一塊青檸， 夾埋一齊食，青檸的香味令帶子的鮮味提升。肉類有安格斯牛肩肉，豬肉就係美國豬腩肉。我們首先燒肉， 朋友大展他的廚藝時， 我就出去睇下有咩嘢食。有原塊鰻魚卷壽司， 生蝦壽司， 白玉豚壽司， 炸雞塊， 芝士釀青口， 三文魚壽司卷等等， 壽司質素非常高，好似在壽司店食一樣， 如果不是要食燒肉和火鍋一定會多食幾件。飲品方面他有晚市任飲， 可以填紙來點， 我點了薑母茶， 草莓乳酸， 味道不會太甜，好啱食燒肉時飲用。熱食旁邊有兩個凍櫃， 有透明膠簾隔住， 保持衛生。他的涼菜有中華沙律，泡菜，泰式鳳爪，

晚上難得有機會到旺角市中心與朋友聚會，到了油麻地一間叫橫浜水產磯燒晚膳，這裡環境佈置不錯，抽風系統良好，沒有陣陣油煙味，有放題及火鍋。我們選了美國牛肩肉火鍋放題十刺身套餐＄2⃣️8⃣️8⃣️（放題1⃣️2⃣️0⃣️分鐘），除刺身外（加＄8⃣️8⃣️任食），晚市放題任飲任食。每張枱都有兩個爐，磯燒爐和火鍋爐，磯燒爐上加了一張牛油紙，方便磯燒肉類，火鍋爐則有兩格，可加＄2⃣️8⃣️要鴛鴦湯底，我們選了少吃的昆布湯㡳，清淡又好特別。先來刺身頭盤，有牡丹蝦、三文魚、油甘魚、北寄貝和帶子。全部新鮮肥美，加上少許檸檬汁更加鮮甜。跟著磯燒牛肩肉及豚肉，牛肩肉鮮嫩多汁有牛肉味，豚肉很薄不肥香口，兩樣都可以任叫任食。餐廳內的食物主要是自助形式，種類繁多，有丸類如貢丸、魚蛋、腸仔、牛丸墨魚丸午餐肉等，海鮮如多春魚、秋刀魚、三文魚骹等，蔬菜種類更多生菜、白菜仔、菇類、南瓜、芋頭、日本蕃薯仔。熟食有焗青口、炸餃子、蝦串燒。飮品都非常特別，有花茶沙冰、奶昔、罐裝飲品，又有生菓。最後我們叫了2杯飲品，朱古力沙冰及芒果奶昔。很冰凍清涼，十分暢快。

好耐無見友人，星期五收工約咗佢去旺角食放題放肆一下。我哋揀咗刺身頭盤&火鍋燒肉雙放題。刺身頭盤有六款，款款新鮮又大舊，味道鮮甜唔錯。檯爐一邊係火鍋，另一邊可以燒肉好方便。湯底我哋揀咗橫浜昆布湯，味道較清淡，好啱去下燒肉嘅油膩感。餐廳內有自助區，大部份常見嘅火鍋配料都有提供。另外仲有已煮熟嘅即食海鮮、串燒、日式小丸子、壽司等，好多選擇。安格斯牛肩肉好有牛味，個人比較鍾意燒嚟食，味道更加香濃。豚肉腩片有啲偏肥，燒完油脂味幾重。

今天到油麻地譽發廣場覓食，在大堂看到傳單，見到這間位於8樓的"橫浜水產"。看簡介是全港首創無煙板燒和火鍋， 一於試試，可以一次過來一個雙放題。晚市放題 自選時段(2小時)星期日至四 $268星期五、六公眾假期及前夕 $288升級指定時段 +$68/位可升級任食刺身升級自選時段 +$88/位可升級任食刺身7：30前離座及9：00後入座有85折晚市放題任飲：紅茶、綠茶系列，乳酸系列，花茶系列，冰沙系列，奶色系列，咖啡、茶和罐裝飲品。自助區熟食有沙律凍蝦、炸物、壽司卷物和各款一般火鍋配料。先來刺身頭盤有牡丹蝦、三文魚、油甘魚、北寄貝和帶子。蝦夠大隻新鮮鮮甜。無限添加嚴選美國牛肩肉和黑豚腩肉。火鍋我們選了蕃茄湯鍋。

好似好耐冇出旺角行街啦，行完街搵野食下，友人想食燒肉，我又想打邊爐，上網見到呢間餐廳可以一次過滿足哂我地兩個，所以就去試下。一進餐廳，店員便為我們講解了收費，如果7點前離座或9點後入座都可享有85折。這裡的放題，會先送一份刺身俾你，如果想刺身也可以任食便+$88。每張枱都有打邊爐和燒肉的爐，岩哂我地兩個。刺身頭盤包括有三文魚、帶子、油甘魚、赤蝦、鮑魚和北寄貝，刺身都幾新鮮鮮甜!肉類有牛肉及豚肉，可以任叫，食完再跟店員講要幾多碟就可以了!個人覺得這裡的牛肉及豚肉打邊爐或者燒烤味道都有點不同，燒烤時肉味更出更juicy!蔬菜、丸類、海鮮、麵類也可以再出面的凍櫃自取，還有菠蘿同埋多春魚可以拎，用黎燒烤很惹味!這裡還有一些熟食，壽司、炸物、凍海鮮和小食可以拎。飲品也是任叫的，有很多不同種類的飲品可以揀。雖然看上去好似唔太多款式可以選擇，但可以一次過滿足打邊爐和燒烤的慾望，也不錯呢！

今日工作忙碌放左工好想食好西去輕鬆一下突然好想打邊爐老公搵到一間可以打邊爐又有壽司刺身食呢間「橫浜水產」位於油麻地都唔算難搵地理位置都幾方便我地上到去環境裝修非常日式牆上大大既壁畫好詩情畫意我地揀左「牛肩肉放題+刺身套餐 $198」刺身有三文魚、甜蝦、油甘魚、北寄貝每款2件牛肩肉、壽司、火鍋配料、飲品就任食任飲兩小時款式有炸紫芋丸、忌廉薯餅、焗青口、壽司.....味道不錯👍🏻火鍋湯底我地選了三文魚味噌湯夠特別湯底都幾足料有好多三文魚牛肩肉、豚肉都很新鮮呢度既火鍋配料款式都幾多選擇喎！仲有我至愛既粟米、芋絲、出前一丁、南瓜都有火鍋旁邊仲有個磯燒我地仲燒左多春魚、腸仔、甜紫薯....燒過香口好多好好味佢地個鐵板上面有層牛油紙以免痴底都幾細心喎👍🏻呢度可以打邊爐，又可以磯燒，又有壽司刺身真係唔錯播滿足哂幾種要求岩哂d選擇困難症既人士🤣haha呢間既飲品都幾多選擇「沙冰系列」、「乳酸系列」、「紅茶、綠茶系列」、「花茶」、可樂、咖啡奶茶.....應有盡有，仲係任飲，真係好吸引😍下次一定會再黎可以坐足兩小時唔似得出面得90分鐘根本就唔夠時間可以約埋朋友又食又傾正呀😍

呢間餐廳喺譽發廣場 近地鐵站位置幾方便午市定食套餐包沙律餐湯餐飲 都幾抵食-黑醋沙律 酸酸地夠開胃-麵豉湯 唔太鹹-火炙壽司定食有齊好多款火炙壽司一次過滿足你幾個願望三文魚 油金魚 劍魚 蟹子 鰻魚 卷物 醬燒蝦壽司唔算大件 大概一口份量跟餐仲有日本烏冬 麵條夠彈牙-九州魚生丼三文魚 油金魚 劍魚 三文魚子 甜蝦 玉子丼飯份量好多 一個人食絕對夠晒飽而且壽司米酸酸地都幾開胃黑洞特別鍾意油金魚同劍魚 魚油香味十足-餐飲包一杯$22嘅飲品 食晒成個餐真係好飽飽

作為香港人無論咩天氣都要打邊爐啦就一定啦！假日朋友就搵左呢間有得食身、打邊爐加埋燒肉既餐廳，一次過滿足晒三個願望，正！咁間餐廳係樓上舖，抽風系統都唔錯，唔會覺得一陣油煙味。邊壚燒肉放題價錢198都幾抵，仲有刺身頭盤送，算係幾新鮮，好開胃😋湯底都有好多款，試左平時少食既昆布湯，每樣食材都有淡淡昆布味，好特別!食物方面一般打邊爐既料都好齊，仲有豬頸肉，白身魚，甜薯，菠蘿等等既燒肉料。白身魚用黎燒有驚喜，好新鮮，可能係刺身用剩既頭頭尾尾👍🏻無限追加既牛肩肉唔會肥，質地好好，食左好多件😋豬就少少肥🙈像品任飲👍🏻

之前經過見到有新出燒烤火鍋放題，非常新奇🥳即刻搵朋友同我去食😆真係夠曬特別！我哋揀咗放題+刺身套餐]只需$198性價比高，店員有禮貌用餐很開心😄食材種類多新鮮整潔，最特別有燒菠蘿😍刺身拼盤🌟新鮮又大隻，十分不錯👍雖然冇得任食，但已經好滿足😋最鍾意都係甜蝦😆熟食區有香芋波波，粟米薯餅，焗青口🌟湯底係日式沙嗲湯，好濃郁五洗點醬汁都好夠味，推介👍食膩了就可以轉燒烤有另一番風味。美國牛肩肉🌟穀司黑豚肉🌟兩種肉類都很不錯，新鮮冇雪味。水蜜桃乳酸🌟巨峰葡萄乳酸🌟酸酸甜甜好過癮😋仲幾種台式飲品選擇。。。