橫綱

營業中

休息中

上星期第一次同女友去食 大約是下午一時五十分 門外不算多人 好快有位 店內比較地方窄一些 店員安排我兩人坐搭枱的卡位 原來我背脊是冇得（埃）的 我在不知道的情況下（埃）落人地度 即時say sorry !店內又比較焗 ！我叫了一元祖拉麵醬油湯底 女友order 九州拉麵豬骨湯底，以為5至10分鐘有得食 點知要足足20分鐘才到！但我一喝元祖拉麵的湯 怒意全消 不過拉麵的份量就不太足夠 而他們的叉燒亦好食 我就試一口女友的九州豬骨湯 頗為濃郁，拉麵比85分他們！

橫網拉麵，以櫻花蝦麵為例，如果你要係香港研究拉麵，你唔好同我講咩X蘭咩X王先。好似買模型，一定買01 元祖／原裝先。油麻地橫網就係香港拉麵 01 號。每次一條友平日諗油麻地食咩，1 pm 前一定撞鬼咁行黎呢道。有咩好？1：質量穩定，麵軟硬度剛好，有煙un 感覺，湯底濃而且配得好。以今次櫻花蝦麵為例，完全帶出蝦湯鮮味，再加流心蛋同叉燒，滿足三個願望，份量夠。2：有禮貌。雖然都係要排隊店但流動快，待應不趕客，貼心加有禮不燥底，細心解釋。原祖拉麵你冇可能唔去，我用我個名壓落去推介。綜合評價: 食物>環境>員工*綜合性價比: 抵!(不代表平)超乎想像的驚喜!!*性價比1. 抵!(不代表平)超乎想像的驚喜(嘩! 無論怎樣一定要再來! 抵啊)2. Wow! 物超所值(幾好啊!唔錯,有機會一定再來)3. 正常, (可以, 但這個價錢坊間有很多選擇)4. 物次價高(都不是太差, 但這個價錢坊間有質量更好的)5. 有比較大的改善空間(填胞肚算, 失望)

第三次黎食橫綱拉麵 食完咁多間日式拉麵店之後 始終覺得呢間係最好 仲記得當時係一個大學同學帶我黎食既 食完第一次 已經覺得好難忘 於是決定發揚開去 😂 雖然大排長龍 但店員不時會為顧客派茶水～ 我同朋友一人叫左一個拉麵 share 😋1. 沾汁麵 x 櫻蝦麵豉汁 🍜Cold noodle Japanese Zaru-style 😍 由11 月至 4 月 期間限定 😋 佢既醬汁有兩款 另外一款係柚子醬油汁～櫻蝦麵豉湯好足料 蝦既味道十分之濃🍤凍凍地既麵條放入去暖烘烘既麵豉湯 口感清新彈牙 拉麵既質素比其他店高😍 兩片叉燒好高質 厚肉之餘 仲食到燒烤既香味🍖 配埋至愛既味蛋 😋🍜🍳 真心覺得橫綱既拉麵係最正 排隊排個幾兩個鐘都值 ❤2. 叉燒拉麵 🍜🍖我地呢啲拉麵控又黎喇😂 橫綱拉麵長期都係排曬長龍 今次等左一個幾鐘先入到去 緊係要食自己既至愛❤ 叉燒拉麵既醬油湯頭咸淡適中 拉麵煙韌爽口 可以自選軟硬度、粗幼度🍜 叉燒份量亦都好足料 有至少四、五片🍖😍 我仲加左味蛋 食拉麵冇溏心蛋會好失色～🍳 半熟蛋黃既蛋香滿足味覺享受 😋💓平均每碗都係80蚊左右 重點係唔洗加一 總係覺得好符合日本文化價

果然名不虛傳嘅橫岡拉麵，開業咁多年都依然每晚排長龍真的有原因油麻地的小店，雖然座位就絕對很逼夾但勝在拉麵有誠意，價錢亦絕對草根(^_^)v櫻花蝦拉麵很香蝦乾的香味，配上豚肉湯底濃郁，加上拉麵煮得剛剛好不會太"林"也不會太硬，保持多年嘅水準不變👍🏻👍🏻👍🏻👍🏻👍🏻味玉拉麵係本店最遠簡單嘅拉麵，亦係多年我最喜歡食嘅拉麵。龍口嘅豬骨湯加上粒粒豚肉和流心溫泉蛋有陣陣幽香！👍🏻👍🏻👍🏻👍🏻👍🏻一間小店雖然有咁長年累月嘅人流去光顧仍然沒有選擇擴充，仍能保持至今嘅水平，絕對值得一讚也是香港絕無僅有的小店！

接近七時到達，馬上拿籌，起碼要等二十張，幸好佔據到有利座位，可以坐着等，等位期間店員亦會送上熱茶，服務體貼。結果我們等了一小時，八時入席。我們坐在看着廚房的位置，看着兩位師傅用摩打手製作拉麵，甚有系統，令人佩服！朋友和我都是大食之人，擔心只吃麵不夠飽，所以加了$32多要一碗迷你飯和一罐汽水。點菜後，飯很快送到。咖哩牛肉飯內的薯仔非常腍，咖哩很香，珍珠米香軟，牛肉並非薄片，而是腩位，好！而牛肉飯也真材實料，牛肉片很足夠，味道如預期。順帶一提，那飯碗極熱，燙手得很。我吃了元祖拉麵配醬油湯底($73)，拉麵爽口彈牙具嚼勁，醬油湯底濃淡適中，吃罷不會覺得口渴、重味精，叉燒軟滑不嚡口，果然是值得推介。朋友的魚豚骨拉麵($79)也很有質素，豬骨鰹魚湯底味道濃郁，沒有魚腥味，喝罷令我想起時興隆的魷魚片，哈哈！那片肉又腍又肥美，半熟蛋、配料都足夠。期待下次光顧，我已決定要試那兩款期間限定的沾麵和冷麵，因為看到同場顧客點了，才知道製作特別花功夫，值得一試。

下午2點去到橫剛，唔駛5分鐘，被安排坐 bar 枱，真係有啲迫。點左一個牛肉拉麵和煎餃子，拉麵可以但係牛肉好瘦，唔好食。 餃子外面脆脆的，不錯。由於價錢也不平，我寧願比多啲錢去食日本開過嚟香港既拉麵店。

今日同老豆去油麻地果欄買生果，買之前老豆帶我去食一間老字號-橫綱Yokozuna我地4點幾去到都要排隊，你自己諗下有幾好生意，哈哈..一陣認真試試佢先。等左一陣就到我同老豆啦，我地即刻叫左個”九洲拉麵”，跟餐叫左個”套餐燒鰻魚飯”，再加多個煎餃子。九洲拉麵-賣相不錯。湯既味道濃郁，叉燒肥瘦均衡，老豆話叉燒好好味我跟餐個燒鰻魚飯-細細個..對於細食既人黎講岩岩好。D鰻魚唔似出面個d咁多骨，完全無骨又入味。我仲食晒成碗飯，正!煎餃子-金黃色既餃子，好吸引！餃子菜同肉既比例岩岩好，又吾會太油膩。

首先 我最欣賞呢間拉麵店係用粗條麵線！ 雖然呢個可能唔特別 但而加好多拉麵店都係用幼條麵線 所以對於呢間店 我第一印象就好好其次 味道 我今次食咗櫻花蝦味噌湯沾麵。因為第一次黎食 個侍應都好熱心教我地點食。個湯好濃味噌好香蝦味 有好多蝦米乾🙈 2片肉都有用火燒過所以好香炎燒味 雖然個沾麵湯係有啲咸 但加咗啲清湯再飲 感覺又同本身個味唔同 好香好好飲雖然呢間拉麵店次次都好多人排 搞到令人卻步 但今次試完 真係令我想再去食

無影相 因為已經食過橫綱好多次拉麵食過，飯食過，一直都好支持但我相信應該係最後一次今次我食九州拉麵，第一啖已經唔妥，因為啲麵比平時硬好多。我知有啲客人鐘意硬麵，但都係會聽比特別要求先整。所以我唔點解麵比平時硬甘多呢？另外叉燒平時係滑，香，今日我只食到又鞋又韌嘅肉。 我個胃唔好，食到硬麵會難消化會痛，所以最後剩反幾啖食唔到。臨走個高級女人收野，話質問我甘話唔要啦？我諗住今次水準差左只係一次半次，就無出聲，只係話唔要啦，點知佢係到用筷子撩我碗面，睇下我食剩幾多，又大大聲話食唔哂叫少麵啦，環保呀，可以平HK$5, 然後對面枱啲人都係甘話我......我朋友解釋話啲麵太硬，所以食唔哂，佢就話食左覺得硬可以換。我想問下，甘我食左一啖嘅麵，係會重新煮過？定留俾其他人食？我見過唔少次師傅將啲麵一個個車落垃圾桶，我相信如果我換，個麵嘅下場都係一樣。甘我換碗食左一啖係咪會環保過食剩一啖？平時我出街一定叫少飯，係呢到我每次都食哂所以先無叫少麵。今次店員嘅指責都好岩嘅，但我真係唔知幾時麵硬幾時正常，為左環保我諗我唔會再去食了。

店外人山人海, 我只是1人光顧, 但拿了排隊籌後等了差不多40分鐘才能進來. 現在推出積分制度用來保留長期食客, 用心不錯. 門外等候時, 看到有好些食客拿著水杯, 原來店子有提供清水供客人等候時解渴, 用心不錯. 餐牌的內容相當豐富, 如其說是拉麵不如說是日式定食屋, 牛肉飯以至咖喱飯亦有, 單是拉麵選擇已有12種. 以我沒有選擇困難症的, 也看了五分鐘才決定的了吃什麼. 枱面只有醋, 辣油, 芝麻等調味料, 沒有提供辣芽菜等小食, 茶亦需由店員奉上. 格局與幾年前分別不大. 最後還是點了幾年前常吃的味玉拉麵, 整個麵的配料與以前一樣, 整個的味玉切開一半, 一塊紫菜, 义燒粒, 芽菜及菠菜. 先嚐的是味玉, 蛋的味道比不少的拉麵店更有蛋香, 調味上亦頗入味. 拉麵的質地有彈性沒什碱水味, 與湯底配合. 义燒雖然是切粒, 但咬起來還是有肉汁, 感覺比很多的切片义燒還好. 豚骨湯底則稍嫌略淡味, 其他配菜則無甚驚喜, 帶不起整個拉麵的一體性. 翻食指數: 50分.  雖然有積分咭可儲, 味道大約有3.8星左右, 但排隊的人太多, 價格亦不便宜, 不太值得花時間等待.(此指數平衡店舖交通

呢家係一間都幾出名嘅拉麵店～就喺旺角油麻地街～經過一定會見到因為通常都好多人排隊不過因為我都幾鍾意食拉麵所以有陣時多人我都會排因為今日我係下午茶時段去嘅講下有啲咩特別啦～我今日叫左個玉味拉麵係豬骨濃湯底～yummy因為我係下午茶時段所以佢會有一個小套餐可以加多個迷你飯咁我今日就叫咗個照燒雞扒飯望落去細細份但係其實女仔一人份量都夠飽架咁食拉麵就一定要有餃子啦你見到啲餃子皮都好薄架煎到外面有少少脆再加埋佢嘅醋，酸酸甜甜咁好開胃唔記得咗最重要嗰部份就係3:00-6:00嘅時候下午茶時段會有八折架

去完日本念念不忘當地美食, 想係香港食返碗拉麵搵返日本既味道, 莫過於黎橫綱此小店無論平日假日都必定排隊, 証明佢係好野黎架每次都會點既 味玉拉麵 $79店鋪細細, 坐bar檯既話可睇到廚師製作, 拉麵上檯時已經急不及待飲一啖湯, 熱呼呼, 豬骨湯底超濃郁, 呢家拉麵店真係拍得住日本,雞蛋完全做到流心蛋既效果, 一碗味玉拉麵有叉燒, 又有流心蛋, 抵！環境：雖然店鋪坐位坐得唔舒服, 2個人黎通常都要搭檯, 但為左食好西係值得既

這店真的由我初光顧到現在每次去吃都要排隊看著一段長日子沒有來，就心癢癢想再吃還是一樣要排隊一個選了九州一個選了叉燒因為沒有蛋，我又喜歡吃糖心蛋關係，就另外ORDER了蛋蛋一貫水準，味道適宜，不會太鹹太淡外表看起來，還是一樣美味叉燒還可，湯底一般，好像有點淡當初我吃這個麵我可以喝湯到見碗底今次，沒能做到了調味料選擇也多我最愛加多多多多芝麻，香香的~是有點小失望，感覺已經不如從前....

很久没有食的拉麵,和朋友共4人打波後行經此店,有人提意食拉麵,取票後等了差不多一小時,2位朋友過了隔離7仔買飲品,此時剛到叫到我們,於是我即時地禮貎說有,女店員問人齊未,我說有2位過了隔離買野,立即回來.女店員即冷淡地回應,人齊先好入,隨手拿起咪叫下一位, 態度囂張無禮......入坐後再看見這位囂張的女店員,應該是較高級的,因看見她BB巴巴在命令她的同事做事, 又和一男店員大聲地說人事非...超煩人...以一間那麼出名的日本拉麵舖,竟有如此差勁無禮的員工,老板真的看不見或老板已接受....哈哈

係香港開到二十多年既日式拉麵相信很少吧？！仲依然有排隧既龍，相信總有原因吧。店很小，坐位位置是真的迫到一個點，對麵店，我不要求十分寬敞，但真係迫到手臂貼手臂的程度....今日點了1）醬油拉麵；麵是中粗度，而且有彈性，喜歡。二片义燒像手掌心大小，肉質還好，但不太有味。醬油湯身是十分輕薄的，有點像即食麵湯底... 😅2）九州拉麵；雖然是豬骨湯底，但湯身還是算薄的，味道不錯。3）味玉；有溜心，入味4）餃子；皮薄，九菜味濃。5）炒牛肉；這個算了，很老... 如果不喜歡濃口的朋友，這家店可以是選擇之一。