檀島咖啡餅店 (已結業)

今日去試下出名o既檀島咖啡餅店，聼聞d燒味好正，滿懷希望，所以就叫左個午餐：單拼瘦叉燒米粉+中湯+菜+熱飲...要成$63!五洗3分鐘就有，超快！首先個中湯有成舊豬骨，好似好抵，不過舊豬骨紅紅地，好似五太熟gum...個湯好油 ...而碟菜得2條菜芯，真係2條！.....叉燒都算幾多，有成6、7舊，但味道同平時叉燒無咩分別，而個湯底真係油到喊...d油氾係面頭，好嚇人....杯熱檸茶好難飲！係苦架！真係好失望........無下次！

星期日中午，因中環找附近不到茶餐廳，最後入左明知唔好食既檀島咖啡餅店。點左最安全的沙爹牛肉湯米，配餐包腸仔煎蛋，茶走。另外朋友點了冬蔭功豬軟骨檬，凍奶茶。朋友果碗檬賣相認真不堪入目都算，啲豬軟骨又韌又冇味，酸菜仲多過肉，湯底淡而無味。。。離哂大譜。我碗沙爹牛肉湯米尚算安全，點知杯茶走出事。又苦又澀，真係難飲到。。最衰唔記得影相，第一次去食野難食到要上黎寫食評！不過真係一啲都冇誇張，真係以後都唔會再去！！好差！

同男朋友行開中環，又有咖啡引，突然諗起有呢間餐廳，慕名試下呢間既咖啡一入到去，緊係叫佢既咖啡啦！舉極手想落單，待應個個扮睇唔到，舉左3分鐘（無誇大），終於有人肯幫我地落單，叫左一個叉鴨飯+一碟炒貴刁，一杯凍啡，一杯凍鴛鴦唔使2分鐘，野飲到，即刻試試，咖啡似奶茶，鴛鴦就酸左d👎唔使1分鐘，我碟叉鴨飯黎到，咦....無薑蓉，於是舉手拎，幾個待應又扮睇唔到，終於有個戴眼鏡既伙記黎幫我到，問佢拎薑蓉，佢既回應係：落單你就要叫，我地唔返兜！  嘩....個下嬲到呢！！無耐黎埋碟炒貴刁，無咩味，只可形容為一碟黃色炒河👎總括而言，差差差！！！以後都唔再去！

去PMQ前要搵食，老公話不如去檀島，以前佢係中環返工成日去食吉烈豬扒出前一丁。入到去如果要叫「吉烈豬扒出錢一丁」要4x蚊，無餐無野飲，咁貴所以無叫，轉左叫「吉烈豬扒薯條沙律」「凍奶茶」，係呢啲舊式茶餐廳叫「奶茶」從來無得輸，茶香味濃，超好味～「吉烈豬扒薯條沙律」太精彩，我好耐無食過炸得咁出色既「吉烈豬扒」喇，完全唔油膩，香脆而又不會薄「次次」，很有以前細個大排檔的感覺，太好吃。薯條亦是炸得香脆不膩，沙律相對就較普通。整個茶餐充滿著舊式茶餐廳風味，令人好想一吃再吃。特別一提，這裡的待應很醒目，一舉手已知你想要什麼。在這裡吃東西很爽呢！

今日與同事外出午餐，原先想去附近的麵店吃個春卷麵，在排隊之制看到斜後方有間不太顯眼的「檀島咖啡餅店」（於中環工作了一年也好像沒有察覺到），沒想太多就入內一試吧午飯時間人流甚多，但無需排隊等候中午時段設有中/西式套餐，索價$58-$60，另外還有大量其他種類的食品，如：三文治、沙律、炒飯、焗飯/意、奄列、粉麵飯類及素食，應有盡有。由於為求快遞，就選擇了 是日午市快餐（$58）洋蔥雞湯淡黃色的湯底，質感相當濃稠，濃得有點過火，內含少量洋蔥絲但並沒有發現雞粒，入口沒有太多雞肉香，味道甚淡，選擇中湯應該會比較好吧日式照燒牛扒配薯菜薄薄的牛扒旁放著小量薯條，還有小許生菜絲及一片蕃薯作拌碟薄切牛扒煮至全熟已不在話下，還沒甚麼牛肉香，肉質不算太粗糙但帶點韌力，配上帶微甜且濃稠的日式照燒汁，有點格格不入，至於薯條，份量很少，但總算還有些少餘溫，不算凍冰冰，但部分薯條被燒汁浸得淋了。有少許中伏的感覺. . .熱檸水相信比較好的還是這杯熱檸水，檸檬片數夠多，而且不帶苦澀，可以消消油膩感吧～離開時，看到門前的蛋撻/雞批及糕餅類，下次還是光顧這些，相信質素比較有保證吧

和公司同事本來打算在南記排下隊，最後見到斜對面間檀島無人排隊，於是乎諗到無諗就走左過去~ 大家睇相都知真係吉吉地~ 不過入到去又見到好多人坐哂係度，感覺上檀島都應該幾出名丫~ 所以就即刻search下有乜好食! 第一樣出名嘅係呢杯檀島熱咖啡，其實我唔係好明白點解會有人推介，難道佢地覺得熱咖啡加左2包brown sugar 都係酸嘅係正常? 仲難飲過starbucks喎..... 又由於openrice話呢度啲「窩蛋牛肉飯」唔錯，咁我又order左，如圖中所示，其實佢地同普通茶餐廰以至酒樓唔同嘅係佢嘅窩蛋牛肉係用一個透明碗上，做成「另上」，但老實說，我一直以來對窩蛋牛肉飯嘅認知，係用飯嘅熱力整熟一隻未熟嘅蛋，但呢度竟然咁特別用牛肉來整熟隻蛋，真係有特式勒。最慘係其實真係麻麻地好食﹐，個汁好稀，啲牛肉散鬼哂，唉~ 食左一半都唔鬼想食，等我仲為左佢放棄左38蚊嘅午餐之選! 建議女仔嘅話可以叫減一半飯，不過無平架喎~ 飯後，我同我同事都喊哂，終於明白呢間野喊樣嘅由來! 

喺中環想快速食個飯又唔想等位？有人提議去檀島。普通茶餐廳，粉麵飯都有，還有馬來西亞喇沙粉麵可供選擇。款式都幾多，卻沒有今天想吃的常餐。最後叫了雙拼飯，有中湯和菜。叉燒不錯，肥瘦平均。切雞的骨佔大部份。沒甚麼要求，只為填肚的話，可以考慮再來。

又話 d 蛋撻出名 ? 蛋撻的牛油酥皮只是普通貨色, 加上放置蛋撻的地方無特別保溫, 期待的香噴噴的牛油味蕩然無存. 蛋漿比酥皮好, 入口是滑的, 有少少蛋味, 亦不會太甜, 不過都不是稀見的好貨色, 很多麵包店都有更出色味道的蛋撻. 這個蛋撻吸引不到我返轉頭食第二次.菠蘿油個皮又係不夠酥, 而且個員工從雪櫃夾起一塊牛油時, 因為一堆牛油黏住了, 見到他直接用另一隻手按住另一塊牛油, 手都沒有戴手套. 以菠蘿油平凡的味道, 也不需要去食第二次.員工也不是那種有笑容, 說話客氣的, 只是叫他把菠蘿油一開二, 他又當著你面話你. 

在中環拍攝了兩小時，十分炎熱。看看周圍，想吃一間有保證的茶餐廳，於是出發到了檀島!檀島有很多位~~最先來一飲品---檸檬茶!檸檬厚身，足料!炒雙蛋，牛油餐包~炒雙蛋份量很少呢!下次我會選腸仔煎太陽蛋!暖暖的餐包已經事先內搽牛油，十分香。餐包軟軟的!午餐肉通粉，午餐肉是有兩片的!其中一片給我吃了，煎得很好的午餐肉，不會太過火。

今天早上一家四口因事到中環, 順便去久違了N年的檀島食番個早餐。坐下來好不容易看得懂和明白早餐餐牌的選擇後, 叫一服務員叔叔(四眼叔叔和一頭灰褐色頭髮)幫我地落四份不同的早餐, 這位四眼叔叔可能嫌棄我們四個人寫四份不同種類的早餐而增加他的工作量, 馬上黑面和把自己的聲缐提高了四度去重複我地落既單, 家陣乜野事得罪呢位叔叔啊! 既然餐牌咁多款和咁細節, 建議開多一欄去講明四個人用餐呢, 就唔可以叫四份完全唔同嘅餐啊笨!心諗我嚟食嘢遮, 唔同佢地一般見識....登登登登, 食物龜速上場:熱奶茶: 夠熱, 但係一杯好苦澀的奶茶, 我相信在超市買既立x奶茶沖包都好飲過佢, 簡直完全體會唔到有任何港式地道奶荼水準。Bad taste :-(雪菜肉絲腸仔火腿出前一丁(請參閱圖片): 我的媽啊! 真係唔知係湯麵定係撈麵, 可能係上湯嚟, 所以唔可以比多少少落去, 但都忍忍忍落去 :-(凍咖啡小甜: 提高四度阿叔已經複佐單話小甜, 但呢杯咖啡甜度如果係已經調校過呢! 我就唔知正常嘅甜度會唔會飲到大家引發糖尿病, 結果要用杯未放糖嘅奶茶, 自己同杯超甜嘅小甜咖啡去勾對成鴛鴦, 咁熱奶茶去溝凍咖啡, 當然

成日聽檀島個名但未去過，估唔到係平價茶記格局，但價錢唔算街坊，三四十蚊一個茶餐！叫咗叉燒炒蛋菠蘿包，貪佢似港式茶記創作。菠蘿包算軟熟，包面菠蘿皮幾脆，叉燒厚身，蛋滑，但夾埋一齊食唔出各自味道又好似唔多夾。跟餐龍鳳檸樂，鹹檸加鮮檸同可樂原來幾夾，酸鹹甜味共冶一爐！整體質素，講真，普通茶記貨色而已。

見到檀島寫到d蛋撻咁出名所以就買左個來食 (又係同事請 哈哈)點知一食落口就好失望佢d餡係幾好味的, 好有蛋味但係佢的酥皮皮就麻麻地, 食到好重的油味 (唔係牛油果隻香味, 總之係果種食到成個咀好油, 但係唔香的味...)唔記得食$6定$7一個我屋企樓下間麵包鋪果d仲好食過呢個喇...

到期抽血驗身，不能在家自己煮早餐食，要空肚見完醫生抽完血才在中區食早餐，見完醫生後，見到檀島的招牌，就去一試它的早餐，揀選了一個有麵有煎蛋的餐。雞絲公仔麵，湯底淡如滾水，雞絲無味，但個麵就淥得幾好，不會太淋入咬落囗有彈性。煎太陽蛋，證明是即叫即煎，蛋尚有靈魂，入囗有蛋香。餐包，算是夠軟，但無加熱，中間牛油小得可憐，無油香，只可用作充飢，絕非食物。鴛鴦走，成杯只有奶味，好茶和咖啡味都不足，聞說這店的咖啡奶茶都應該不錯的。試完今次，個人感受反是茶餐廳中算是少有的失敗出品。

因為公司係附近, 所以時不時會去食早餐估唔到2013年最後一個早餐發竟然會發生D咁既事情當日大約早上8:45去到呢間茶餐廳, 坐左最近水吧果張檯一坐低已經想叫人寫單, 但全部伙計都當睇我唔到, 就算迎面行過都無理到我我心諗.........唔通我死左自己唔知, 所以無人見到我等左一段時間, 舉高手一段時間........終於有個伙計理我佢同我講"呢張檯有人, 你坐第二張"聽完就知咩事, 原因張檯留俾熟客, 唔怪得我坐底咁耐都無人理我一轉坐第二張檯, 即刻有人幫我落單大佬............要留張檯俾熟客可以一早出聲, 唔駛唔理我, 又唔寫單呀!唔駛咁串呀! 又唔係黎乞唔駛咁呀!呢D九流伙計, 九流服務, 我決定唔再去呢間野........牛肉通粉, 油淋淋煎蛋, 蛋黃成日爛出前一丁, 煮得過淋餐包, 似隔夜連出名既奶茶,都名大於實唯一長處, 會自動自覺俾杯水

服務態度好差，花錢買氣受！食物也是普通茶餐廳水準。叫個夥計A說等一下叫了B,B又說等一下叫了C，應該是叫了全店最會吵架的夥計來，超級無禮，之後經過我們台旁邊又大聲說了句癡線！沙律凍到結冰我媽吃到牙都痛了，窩蛋蓮子又上成牛奶蓮子，蛋撻又忘記上。東西也般般，茶餐廳普通水準啦，沒什麼驚喜，一大早起來就窩火。