檀香山茶餐廳 (已結業)

肥佬您成身嗅味可否唔好坐過黎呢，比我食個安樂早餐吧！繼續抗爭 09:00:00 - 18:00:00，8 點半坐低終於可以慢慢嘆，以為係囉！依間茶記節奏都幾慢架喎，嬸嬸們都係慢動作，非常知柔，慢條斯理，15 分鐘出前一丁到步！剩返 10 分鐘食。太陽蛋腸仔泰式肉鬆出前一丁，點解蕃茄湯底唔可以轉出前一丁？侍應嬸嬸您意思即食麵同出前一丁麵係一樣，只係湯粉唔一樣呢？見 menu 明明印住加 $3 蚊轉出前一丁，嬸嬸話印錯喎！第一眼見到碗麵時心諗咩黎架？湯透明既？湯粉係底未撈勻？紅色又咩黎架？茄汁？撈撈下終於發現包湯粉係碗側邊，唔洗咁隱蔽麻？放係枱面都好一點吧。成包湯粉落晒，勁咸。麵質都唔錯，爽爽彈彈。白滾水煮既麵都夠熱，湯還湯、麵還麵，撈出黎既就係依種感覺、依種味道。麵條跟湯唔係一齊煮，所以並無吸收湯汁，咬既時候只有滾水味，毫不香甜。硬掘掘淺色咸腸 no good，連太陽蛋都煎燶，𤓓味濃 no good，甜既肉鬆何來泰式呢？麻麻地 no good，無辣椒油提供 no good。檀香島可取之處係節奏夠慢、食客不多、環境寧靜、冷氣夠凍、有卡位座、有電視睇、有街景有囡囡睇！

唔好睇佢賣相不討好，但係呢個芙蓉蛋飯真係唔錯食bor！首先，d蛋唔會煎到好硬，軟既，出面係帶d脆，但係入面系嫩滑的！加埋系足料，你見到d料係出面全部見得到。D料既味道有融入系蛋度小小，所以塊蛋既味道都幾豐富。唯一唔好就係配菜分量可以多番小小，因為始終都係蛋，配一啖飯都要1,2細舊，好快清曬。最後唔夠蛋食。茶餐廳夥計態度唔錯，好親切，系唔系都當你街坊既啦，會令人想再去。

紅磡汗蒸按摩完，肚子打鼓，飢腸轆轆。無心插柳下，一行三人去了檀香山茶記開餐。各類炒粉、麵或飯套餐包飲品也不過是$38 - $42不等，不午茶餐則由$20-$34不等，價錢大眾化。印度少女M對酸甜小菜情有獨鍾，點了一客西檸雞飯$42。炸雞新鮮炸，熱辣辣的，外脆內嫩，再伴上以鮮檸檬烹調的酸咪咪醬汁，十分醒神開胃且惹味，yummy﹗不過，正在減肥的M只吃肉而不吃白飯，頗為浪費。小妹和Cc因仍要留力吃晚飯，故只能眼巴巴的看著軟熟白飯被糟蹋了……M迷上港式奶茶(餐飲)，茶香撲鼻，茶色也對辦，據聞水準不錯。Cc和小妹除了淺嚐M的西檸雞飯外，再點了一客雞髀沙律餐$28來share。炸雞髀醃得入味，也炸得夠香脆juicy，只略嫌雞肉鹹了少許。沙律配料有紅蘿蔔、青瓜、薯仔、蘋果、椰果等，口感不錯，只是沙律醬偏稀身且味道一般，略有不足。 茶記的凍檸茶(+$2)，甚少有失準的情況 – 收貨也﹗小結：茶記食物不錯，然服務奇差，態度惡劣，真的教人「大開眼界」﹗

已經是上個月既事,其實呢間舖我同老公之前放工經常幫襯,一星期大約去4-5晚左右,我發覺已經唔止一次,叫肉絲炒麵少汁,佢2次都專登比多汁我,我從來未試過叫肉絲炒麵會變咗一PAT濕晒完全唔脆麵,個職員係有提廚房既,佢攞個麵出來都覺得好濕好有問題,但就冇意幫我換,只係同廚房講頭先明明叫咗你地少汁,點解咁多汁,我就算唔叫少汁都未試過,呢間野D廚師真係專登,好唔鐘意你改呢樣改嗰樣,你叫佢改佢同你相反,講真2次都係咁,我唔敢再去幫襯,我怕叫其他野如少甜,少汁或其他佢加料,所以不會再來

同老公去搵晚餐食..干時都有食呢間下午茶嫁~今次黎試下個晚餐叫左個加喱雞球抄飯@@WA.. 真係估唔到..原來加喱雞球同飯係分開嫁仲有隻蛋TIM抄飯真係好有鍋氣而且仲有D雞絲同蛋本身個抄飯都落左D辣既加喱抄~SO~ 就咁食己經覺得辣得好過引~配搭著岩岩炸起既雞球..脆卜卜~入面D雞肉夠滑~仲俾左好多加喱汁TIM~真係好濃味~另外XO海鮮抄UDON係同個獲仔上嫁~海鮮有蝦有''油''魚~UDON抄得好香又唔會太多油吱D辣椒醬食..更加惹味~呢間抄野幾好~

由於女友家住黃埔，我倆一直是檀香山的常客。無他，價格合理 又不用常常等位，屬解決三餐之好地方。食多了，不期然起了感情，食下去。不論碟頭飯，還是晚飯小菜 都挺出色鮮茄魚塊，足料，亦為了避免魚塊有腥味 加了薑片，炸份厚度亦適中。咖哩牛腩 汁好濃， 喜濃味的我十分喜歡，送飯一流!!!!! 牛腩，洋蔥亦入味，只是食到尾有點油膩。不論如何，咖哩牛腩都是必點之選。

三月上旬‧晴其實在紅磡區的幾間茶記中，我覺得這裡是不錯的。要了杯熱咖啡，味道帶點苦不過就很濃郁，夠熱，很不錯。這裡有卡位，空調足又有電視看，舒適。

今早辦完事，肚餓發作, 找個地方食早餐，心又想去"文華冰廳"舊一點的老鋪, 來來回回，雙腳還是替我選了檀香山茶餐廳．朋友點了一份三寶早餐，三寶即是自選三種餸配米粉，通粉或米線等，點了泰國肉鬆 + 札肉 + 沙嗲牛肉跟米粉，叫餐時，以為泰國肉鬆即係泰式抄豬肉鬆，類似吃生菜包中肉碎之類的食物，但原來不是(請看圖), 送上枱時，肉鬆有部份已被湯浸濕了，變成一pat 東西， 另有兩小片札肉，味道尚可，至於沙嗲牛肉，色澤不濃，但充滿沙嗲香味，牛肉也不韌，是三款餸中味道最好的，至於米粉, 粗身得來又不失可口而我要了一份抄蛋，麵飽跟肉丁麵．我的肉丁麵味道也不錯，除了麵身有點淋之外，肉丁也是罐頭貨色，但份量多之餘也不帶半點肥，可惜抄蛋不幼滑又沒有蛋汁，吃後更覺油膩，看看隻碟就知道，而麵飽就比一般茶餐廳所吃到的更大片 熱咖啡入口微酸但又不失濃香，至於熱奶茶入口不算幼滑，但至少茶味較濃．

今朝食早餐既這間餐廳品質認真差差, 不過我相信是個別食品, 要試埋午餐才可作準, 我叫了一個炸魚早餐, 配奶茶, 這早餐包括了, 中型炸魚兩塊, 其實SIZE不少, 一隻煎蛋, 腸仔, 和茄汁豆, 圖可看到, 碟十分細, 引至把沙律醬都放在茄汁豆一起, 其實應該是把所有的食品都踏著一起, 炸魚已經炸得不夠時間, 顏色還是淡淡色, 加上放在煎蛋和茄汁豆上, 濕濕的, 唔該可否比隻大少少碟呀..? 另外的沙律醬, 肯定外放太耐, 引致已變了些白帶少黃色, 還有些少硬粒, 非常差的一次早餐, 不過, 會比多次機會, 試一試他的麵食!

比食評中果個葡泰式特餐吸引左黎當然先試下得唔得螺絲粉- 紅湯湯底幾夠味，粉就正常豬扒包 - 包脆+豬扒熱辣辣! v good!成個餐份量十分大基本上等於兩個茶餐加上材料手工無媽夫抵讚

其實呢間嘢最good 嘅係.....嗰個 "葡式特餐"但我又唔想食湯粉 + 飽, 所以就 order 咗個 "午餐精選"雪菜火鴨絲炆米冇乜雪菜味, 洋蔥芽菜超多..!! 唯一可取,就係米粉質地 ok..!!凍檸茶唉, 個杯唔知點降有陣 "怪味".....總結: 每間餐廳都有佢強項, 下次都係食返 "葡式特餐" 可靠d

o紅磡做左野都幾年~鍾意去附近間冰室~始終都未黎過呢間茶餐廳~但係lunch成日經過見到人客都唔少…幸好新同事係勇於試新野~入到去又唔算好多人~仍然有卡位座, 仲有兩部電視添..呢度有每日唔同既特價飯麵及小菜,有兩個價錢:$30(跟例湯餐飲),$28(只限堂食, 跟餐飲冇例湯)同事要左焗肉醬意粉-$30, 我就揀左葡泰式特餐-$30一路等我地既食物時見到其他人既食物份量都係特大~起碼比其他餐廳既份量大1/3,開始有d擔心我地o個份會係點~先黎例湯, 竟然係用盅上, 青紅蘿蔔煲豬骨, 我試左啖好夠味喎~應該係‘師傅’落得好重手~飲晒會阻住個胃d位~而佢既焗肉醬意粉..焗既時間唔夠~所以唔夠燶同香, 好少芝士,意粉好粗, 唔通煮到漲晒?! 試左啖~淋左d~~以港式茶餐廳黎講就差唔多啦~肉醬份量都多, 味道都唔錯~不過醬汁唔會掛住d意粉~所以同事最後淨番好多肉醬~我既葡泰式特餐有兩樣野~先講羅宋湯牛腩餐肉螺絲粉~都算幾大碗.羅宋湯味道唔錯..酸酸地幾開胃~如常地有芹菜,椰茶,紅蘿蔔,牛腩好淋~仲有幾舊牛筋添~真好!但竟然餐肉粒會出現o係羅宋湯入面~怪怪的~不過螺絲粉又係過淋.點解要煮到漲晒架

等個fd收工一齊食dinner~~雖然已經9點, 但呢間茶餐廳仲有好多人我地坐正係電視前面, 睇秋香大結局叫左椒鹽鮮魷, 芋頭雞煲, 菜心芋頭雞煲: 本人鍾意軟d既芋頭, 雞既骨多過肉.. 不過d汁好正, 我拎黎撈飯..椒鹽鮮魷: 唔知點解魷就魷魚炸, 冇椒鹽味, 得小小掞過既辣椒, 唔撈呢個辣椒根本係冇味既...菜心 正常, 無乜特別好唔好食..最搞笑係睇睇下電視見到好多人走過黎, 我張桌開始不斷有人過黎坐, 向後望一望, 原來岩岩黎左10個人, 嘩, 快d走lur, 唔好阻住人.... 佢地都笑話好似趕我地走咁, 老闆娘都叫我地坐另一張桌睇... keke 反正都食完, 其實係時間走

木桶飯好抵食,$4X 一份,但夠2個人食!好香好入味, 紅磡區茶餐廳之選

今晚又要做到成九點幾先放工, 今次又要等到夜一夜才開餐. 食力也和精力成正比的..無物食力..又路經此地,見佢都幾多食客,就黎樹食個些東西吧..都有幾多的撰擇.睇了一陣餐牌,發現了個葡泰式茶餐,哇好勁感哦 :1). 鮮茄餐肉粒牛腩粒螺絲粉 ________ 黎到時,好大腕呀..第一口湯.好香夠味唔會水汪汪. 好似係金寶的ABC湯底,D螺絲粉混雜著濃湯,配 合埋D餐肉粒,牛腩粒..最後食到一滴無...好味 !!2). 豬扒豬仔包 __________________ 這個大到唔合理,應該分開叫吧..原件連骨厚炸豬扒 配上新鮮西生菜,蕃茄及沙拉醬汁,連同上下焗硬豬