檳城餐廳 (已結業)

今朝返工前，心血來潮想食個豐富早餐先返工，行經屋企附近這間餐廳，就入去試吓。叫咗個五香肉丁煎蛋 公仔麵，加杯茶走。公仔麵不過不失，個麵煮得唔錯，唔會太淋，都算彈牙，五香肉丁唔會話太多醬，啲肉亦都唔會好凍 (我試過食過其他餐廳啲肉係凍的)，整體而言尚算不錯。杯茶走就落得太多煉奶，雖然飲得出啲茶係頗有茶味，但俾煉奶搶咗好多。餐廳環境清潔乾淨，裝修也不錯，早上不少人來吃早餐。餐廳在商場不太明顯的位置，之前較少留意，之後都可以多啲來吃早餐。

幫襯過一次下午次 已經失望估唔到俾多次機會試LUNCH 更失望其實LUCNH SET相對比較平都知係大量整定 然後上檯但溫度完全係熱都唔熱 所謂的暖都接近凍咁制LUNCH SET都唔使求其都咁吧是日嗌咗3個餐. 西炒飯 - 凍 無嘜味. 海鮮喇沙米粉 - 無湯 並淡味. 焗芝址煙肉雞扒飯 - 食唔出芝士 一塊煙肉 汁蒲面薄薄一浸而已雖則只係俾53蚊消費但都希望唔好求其到咁吧唯一 服務態度尚算可接受---第一次寫食評因為真係俾咗兩次機會試都係失望。

路過見到新開馬來菜餐廳，自稱是幾十年前於佐敦道之馬來餐廳於此重開，決定入場一試。甫進店覺得裝修不俗，餐牌上的菜式照片亦吸引，以為食物水準應該不錯。怎料先上的海南雞飯，油飯非常硬，味道亦不突出。鷄肉亦令人失望，質地非常實在，不是海南雞正常的香滑。然後滿有期待的蝦湯麵，首先是等了30分鐘多次催促才上桌，然後當擺上枱的一刻，瞬間崩潰，樣貌完全不似一碗正常的馬來蝦湯麵，反而似是一碗港式車仔麵，湯絕對不是正宗精心煲煮的蝦湯，蝦還有解凍的雪水味，早就不應該抱有期望，以為會在這裡遇到食神。最後值得一提此餐廳之服務水平強差人意，服務員只顧傾電話及私聊，甚至有職員在大聲吵駡。對於漏單更是覺得理所當然，上菜態度差，所以此餐廳絕對不會有下次。

食物好差，海南雞河粉雞同味都好差，服務又差差地，都可以話係成個興華商場最差的一間餐廳，粗製濫造，真係差差差，差差差，差差差，真係好難再有下次，忍唔住要比個差評公告天下，

完全不知所謂嘅餐廳，椰林閣同一集團一入到餐廳完全冇人理你，同佢講兩個人叫我自己搵位坐，坐底左想問個侍應攞餐牌，伸左手好耐，都冇人望到，除左一個馬尾小小肥嘅侍應做緊野，其他都好忙咁掛住傾計，唯有自己行去第二隻枱度攞餐牌order野食，好彩小肥嗰個馬尾侍應見到我地舉手，如果唔係可能要大叫寫野先有人應叫左一個焗飯一個小菜小菜嚟先，個男侍應一野掉左個白飯係我枱面，嚇到我個仔彈起，一個唔好意思都冇，放底埋個小菜就走，嬲到我爆咋小菜七十幾蚊，沙嗲肥牛金菇煲，可以係暖嘅，完全唔熱，咁其實做乜用個煲呢，用碟上咪得囉，仲要勁乾水，勁難食個焗飯都係一般最後埋單$146個經理又係黑面，多謝再光臨都冇句永無下次

新年費事阿娘辛苦，就帶佢落屋企附近開飯，柴灣好難得有新野食, 一直都想試下呢間檳城餐廳🤤今日初四，轉左個假日餐牌，好似少左好多選擇，不過唔收加一，價錢within 一百蚊內都尚算合理。我地今日一行六人～6點就黎霸定位😂，開頭都怕地方細會好迫因為有小朋友，原來餐廳直入轉角，仲有好幾張大枱同圓枱，環境又幾新淨闊落喎，感覺比同商場內既其他餐廳舒服。假日menu : 除左檳城野，仲有中菜，鋸扒，焗意粉都有，勁多元化。跟餐都有例湯送，有中西湯㨂。我地㨂左青紅蘿蔔雞腳湯～5碗裏面有3碗都有雞腳。個湯幾甜幾好飲，但不致於好重味精，飲飲下都飲晒。✨班蘭椰子鈣思寶（跟餐+16): 佢d 特飲配鈣思寶真係有d 奇特。佢d 冰多得過份，4分3都係冰！痴左一啖黎試下，好淡味～係有d 班蘭味，但無椰子味，都係飲水好d😆。✨珍珠帶子蟹棒炒飯（$80): 本身係蝦頭膏炒飯，點知話無晒，轉左黑松露。個飯都炒得乾身有黑松露香味，不過帶子無咩味，蟹柳質素一般般。✨檳城炒米粉（$80): 本身係炒貴刁，點知話無晒～又無晒。。可能我走左辣，所以無乜檳城風味。不過以一個普通炒米粉黎講味道ok, 佢材料都幾多，有蛋，火腿，肉絲

店內員工全部都好差,做左成7年以上,做到人都悶,發到客上無笑容,無態度,做野求求其,D野食又貴,無禮貌較少人食早餐..一般環境,但D WAITER 就無來精神D野食味道就過得去

只係想食個早餐，要個樣冇個樣，要咖啡，冇，要麥皮，冇，要轉白湯，要薯蓉，冇，要轉薯條，落單時完全冇提過。薯條油到冇朋友，唔識炸就去隔離麥當勞買啦，塊包又乾又鞋，最後都係放返低。。唉，唔會再去囉。

好隱蔽嘅檳城餐廳 😆 是有少少馬拉style的港式茶餐廳~ 下午茶餐都有不少選擇， 但是下午茶餐牌中 只有馬拉咖哩是比較 迎合餐廳主題 😁 這個芝士撈麵，在餐牌底下最養眼，就叫這個啦~ 😚芝士龍蝦汁雞扒撈麵 $42~ 個麵不會太淋， 芝士龍蝦汁 的芝士味近車打芝士， 味道比較濃， 但不覺得有龍蝦味啊 😂 ， 可能是龍蝦湯粉味？！ 這都不是重點了，總之食完好濟, 下次都係食返馬拉野~ (如果仲有下次)飢Point : 4/10#hungermarch #飢詩 #非飢詩