檳城餐廳 (已結業)

呢日約咗兩個朋友一齊食飯吹下水，去咗間茶餐廳。雖然係星期日夜晚，但係間餐廳人都唔算多每人揀一樣一齊Share。上菜速度好快，個Friend話之前嚟都會order鹽焗鳥頭，可惜問完廚房原來冇哂。先嚟魚香茄子煲，有驚喜! 好夠鑊氣，上枱仲好熱係咁滾。茄子又唔會炒得太老，可以keep 住鮮紫色。可惜嫌佢啲油比較多，熱食還好，凍咗少少之後非常之油膩跟住嚟咗三杯雞，啲雞嘅香味加埋糖的甜味balance 得唔錯自己order咗個鴛鴦扒食，雞扒皮仲有少少脆。不過整體上，又係油比較多，食到有啲膩本身諗住，慢慢食慢慢傾，不過唔知點解個姐姐係噉上嚟想收嘢，問咗3次。明明餐廳仲有唔少枱，又未到收鋪時間，呢個有點不盡興。BTW, 最後要離開時，發現原來佢係under 椰林閣

今日去咗呢度食午餐，見到個菜單有好多選擇。最後揀咗時菜牛肉炒河。我覺得呢個河粉炒得冇乜鑊氣，噉啲牛肉都ok嘅，但係啲河粉就炒得唔夠香啦，價錢都要56元，唔係好抵食。

返工前去到興華商場入面嘅馬來西亞餐廳食個早餐，比一般傳統嘅早餐都較為特別...傳統早餐都係炒蛋腸仔，佢就係炒蛋薯蓉配茄汁豆，其實都算唔錯反而感覺仲健康啲！ 早餐主要分為四種配搭豬扒 牛扒 雞扒仲有炸魚柳，我就點咗配炸魚柳味道都唔錯黎到嘅時候炸魚柳熱辣辣外皮脆卜卜好鬆化成份早餐整體嚟講係好豐富再配埋一杯凍飲，相比大型連鎖店咁嘅價錢咁大份量嘅早餐都算低食

同屋企人午餐嚟食檳城飯廳，餐牌嘅款式都算多，我叫咗個白汁魚柳意粉餐，一杯熱華田，一入到店內店員只是我哋坐卡位，抹好張枱，安排好之後就提供餐牌俾我哋落餐，店員會主動提供水，服務還可以，店內嘅空間尚算寬躺，食物嚟到之後擺位唔算太靚，但味道還可以，魚柳煮得唔錯，但個人覺得白汁太少，意粉有少少硬，有待改善，熱華田味道正常，唔會好淡。價錢來講， 60幾蚊，覺得還可以。屋企人叫咗個京都肉排飯，份量還算可以，味道唔錯。

行經柴灣又攰又餓，隨意入內醫下肚，誰知未食已經可以飽了一半。落完order ，之後叫個年輕男侍應要碗仔，已經兜口兜面舉手攔截都如同見我唔到冇反應冇望過咁飄走喎⋯⋯我堅持叫多佢一次...同樣半句回應都冇又飄走，接著另一個侍應姐姐行過就叫停佢，侍應姐姐先停半秒，然後態度傲慢地回應話：三隻碗仔咋嘛。咦，莫非我去錯了黑洞餐廳，侍應一係零反應一係態度超傲慢悪劣！！！！一間食肆就算食物裝修門面包裝得幾好都冇用，如果前線員工繼續呢種態度工作，怕且只有等摺埋吧！！！

假日在柴灣逛街，悠悠閒閒下最適宜吃下午茶。檳城餐廳下午茶的價錢合理，內部裝修也很有特色，天花吊掛著紅色雀籠，覺得食物質素應該不錯，剛巧沒人排隊決定一試。下午茶款式也不算少， 有炒粉麵飯，小食，炸物茶餐等。吉列魚柳配薯條 $38可能忙中有錯的關係，侍應生寫錯了吉列魚柳配沙律，我沒有看單據，送上來才發現錯了，結果又要再等一回。吉列魚柳尚算香脆，但薯條竟然是凍冰冰的， 一點也不好吃。燒豬頸肉喇沙 $43喇沙味道不算太濃，豬頸肉份量也不算少。配奶油豬仔包，當然沒有翠華的那麼好吃。整體上還可以接受。幸好這間餐廳不需要加一服務費， 我下次不會再惠顧。

拜完山去附近餐廳搵食，睇咗幾間就走入檳城餐廳食飯。餐廳類似椰X閣咁，午餐附送餐包+例湯（餐包可搽牛油，例湯可選忌廉湯或羅宋湯）。我食午餐既香辣海鮮麵（正式名已經忘記），不過份量同味道都幾好，辣度適中、配料豐富，只不過令我大開眼界既係待應拎飲品時，打噴嚏竟然無遮口，可能事出突然，但我留意到佢的情況持續，又無戴上口罩。朋友食既薯菜，薯條係溫暖狀態，而且等咗半個鐘，經三催四請才上菜。你會接受嗎？至少我不會想再來。

今日祭祖過後去咗呢間餐廳食飯，我哋一行十一人（連埋手抱bb同bb車）入去餐廳食午餐。當時店內唔算繁忙。落單係由一個戴黑色粗框眼鏡嘅年輕男侍應負責。呢位侍應落單時語氣麻麻，有少少悔氣，初時都不以為意，覺得可能每人講嘢方式都唔一樣。之後問該位男侍應要個細碗食飯，叫咗佢三次都無應，直行直過，最後就唯有用同枱嘅人個湯碗食飯。用餐期間又聽到該位男侍應朝另一枱客人喝罵，當時果枱客人見餐廳有二人枱，佢又只得兩個人，所以想從被安排嘅四人枱轉去二人枱，就對該位男侍應詢問可唔可以轉枱，結果換來一句大聲嘅「你等等先啦！」令人愕然。之後臨走，同枱有兩位大人（連手抱嬰兒同bb車）先起身打算行出門口，喺路口企咗喺度講咗一陣嘢（約一分鐘）。當時無為意到該位男侍應捧住餐企咗喺後面，然後該位男侍應就向住兩位大人（有手抱bb）態度惡劣地講話佢「阻住曬！唔使行呀？」當時我哋立即反駁「你要行我唔使行呀？你唔想做咪唔好做囉！咁講嘢都得嘅？」該位男侍應就無再回應。埋單時，隨口問下收銀員，原來該位男侍應並唔係經常返工，有好多嘢都唔熟手。但唔熟手唔代表可以態度惡劣囉。唔知重以為自己去咗澳牛。真心佢唔想做服務業重有好多其他行業可以揀。

服務態度差勁！食物質素也差！曾經在此下午茶叫炸雞脾🍗🍗🍗，點知嚟咗隻油脾，咁就同D服務員講！點知仲俾返個阿姐大聲夾惡話根本呢隻係炸脾，唔識就叫返雞脾喇！我地D炸雞脾係咁嫁喇！我頂吖，俾成$40食個下午茶食到火嚟！求求快點關門大吉，變回上手的椰林閣！

附近開了超多食肆，競爭越來越大了。我們都超久沒有來了，因為之前品質麻麻，今天諗唔到食咩，所以咪試試看👀今天到來，感覺品種多了，服務態度也比以前好很多其實附近除了連鎖快餐有牛扒食，都無乜邊間喇。雖然這間不是取用什麼特別🐮扒，不過總比起連鎖店好點。點選了黑松露醬什菌燒🐮扒和涼瓜炆倉🐠，兩款都包紅湯或中湯和一杯飲品（熱）個紅湯和中湯比以前濃郁了，湯料多左之前有排沒了餐包的，現在又有返👍👍👍個🐮扒比以前肉質好了，而且唔會太韌，雖然黑松露什菌就唔多覺喇😂😂😂，不過咁既價💰，都算比上不足，比下有餘了涼瓜炆倉🐠，都唔差，醬汁都可以，啲飯鬆軟左，造型也美觀了所以也是一個好去處😝😝😝

全場黑衫黑褲，仲要人人黑口黑面， 服務絕頂惡劣！果個女經理，2點前想拎個下午茶牌，慘過查佢身份證！話準時2點先派，過左又唔派！爭10分鐘又唔截住等入座，但全場5枱唔夠！再問佢拎仲要黑口黑面責怪咁同我地講，叫我地下次唔好咁，咁令佢好難做！為左唔令佢難做同俾機會佢以為唔洗做，我地即時話唔會有下次，呢次都唔食！即時起身走人！佢地都完全無反應，或者已習慣左呢D情景！其實我諗係達到左佢目的，就係出糧唔洗做！間野咁唔憂做，成班人都唔願做！椰林閣集團，唔會再幫襯！今日可算大開眼界！

頭先一入到餐廳無人招呼，見無人排隊，1點47分入到去，等埋兩點下午茶，前後兩個侍應 (著黑色西裝褸) 一聽到又黑面話要夠鐘先派menu. 見唔係等好耐，咁我地等到佢派menu 先，點知到左兩點，佢派左頭兩枱menu就特登唔派我地果枱。問佢拎，佢個黑面侍應仲係黑著面串我地話:下次你地唔好再咁啦，我地好難做。既然令佢咁難做，講到我地好似攞佢著數咁，咁我地就即刻起身走，反正水都無飲過佢半啖，我地又唔係硬闖入去。極惡劣服務!!絕無下次! blacklist!

le 間賓城上一手係椰林閣。。其實入面無乜裝修過。。不過講真食野姐環境唔太惡劣都算。。係果到食個下午茶。。干炒牛河。。牛肉片一隻手數得晒😩味道又要難食到死。。唉。。真係唔明老細咁都可以容忍到咁既質素上枱。。價錢連埋杯野飲都40-50蚊。。講真去得食都係希望好食。。但係咁既食物。。我真係唔會再幫親。。

檳城開業半年有多，但從未幫襯過，原本唸住去太興食早餐，點之要排隊等位，唔知要等幾耐，索性去檳城食仲可以試吓新嘢望入去就見到一排排紅色好似掛咗雀籠嘅吊燈，好sharp! 櫃亦放咗一啲小擺設，卡位位置好寬，坐得非常鬆動又舒服一睇餐牌早餐款式選擇多，有西式早餐、三文治、扒類同湯粉麵，叫咗份炒蛋配牛仔柳，仲有焗豆同薯蓉，唔好睇少以為唔夠食，原來份量剛剛好牛仔柳出乎意料的好，唔覺得靱，煎得幾香，反而炒蛋一般，無乜蛋味，薯蓉平時食，顏色係淺黃色，而呢款薯蓉帶橙色，食落又唔似平時食薯蓉味道，似是番薯味，都好食嘅！

第一次試呢度既早餐，選擇都幾多，平時早餐食黎食去都係火腿通，今次就試下炒蛋煎豬扒。一路以為係茄汁豆焗薯，一打開咁細既。。。。.原來睇錯左，係茄汁焗豆薯蓉先真🤭個炒蛋其實幾滑，帶d蛋漿，不過蛋味唔夠濃。佢好食過民華，但係始終太興既炒蛋都係我早餐既最愛。薯蓉顏色好橙🤔真係薯蓉黎？？我食出黎感覺係蕃薯，不過都幾好食啊加埋茄汁豆。雖然size 唔大，但食食下都飽。本身對早餐d 豬扒無咩期望，通常都係又薄又乾憎憎咁。但呢度個豬扒居然係幾好食，豬扒食落爽口厚身，邊位帶小小脂肪，肥瘦適中👍🏻。本身想食香茅豬扒，下次都有信心黎試試。不過原來外賣要加$2, 價錢黎講對比隔離果幾間相對無咁抵食。 而且餐具居然無刀無牙籤，呢下扣分。不過味道ok, 有回頭既空間。