權發飯店 (已結業)

很少寫食評的我,都要為這間要結業老店寫最後的食評!住西環3年,食足這間飯店2年的我,已經當左係我既飯堂,差不多每星期都會來一次!為什麼? 為的就篜海魚! 去連鎖酒樓食既海魚,都係養多,無味! 但食左這裡一次海魚之後就愛上左! 清篜游水海魚都不過$100-$150,完全無腥味,魚味濃! 最緊要係清得唔會過火,又唔會唔熟,次次都剛剛好! 水準穩定,好滑好好味! 孖寶特價有時有海蝦都必叫! 開邊蒜茸海蝦隻隻都有蝦膏! 連倉魚都不過$148左右,豉汁篜倉魚都係好新鮮好味! 重有冬瓜盅同例湯,例湯渣多過湯,用料重手! 重好過自己煲! 原個菠蘿炒飯,菠蘿新鮮好味,炒飯重料一流! 炸蟹鉗蝦肉多,但好好味! 燒鵝都不錯! 生炒骨既菠蘿都係用新鮮既,唔係用無味個d! 個汁酸酸甜甜,唔係用色素個d! 係蒜香雞無食過,個樣好似炸子雞咁,但見大枱客都必叫! 平常都$300兩個人,即係每人$150,但用料質數高,成本咁大,加上今次業主大幅加租,做唔住都預左,但無諗過無咁快! 重諗住出年樓價跌,呢d名氣老店重可以生存到! 希望佢可以好似新興食家咁係西環重開啦! 等理熟客同伙記都開心啦!

9月12日, 今日返西環同呀比屋企食飯~ 又係去我地食慣食熟嘅權發飯店開餐! 權發喺香港多區都設有分店, 而西環呢間都算係開得比較耐. 能夠頂得住西環狂飆嘅舖租屹立不倒, 除咗咁多年來街坊支持外都要靠佢真係老實做生意嘅~::: 燒鵝半隻 + 豉椒炒蜆 ::: $128好幾款晚市孖寶之一~ 燒鵝都幾肥, 所以d皮略厚, 但都有少少脆嘅. 不過肉就唔夠嫩, 味道亦普通. 不過作為一間街坊小菜酒樓, 對於燒味都唔會要求太高.豉椒炒蜆豉椒味就夠濃, 不過蜆肉就唔夠肥美, 太奀以致吸唔到豉椒味. 同埋好多蜆肉都已經離晒殼, 搞到一開頭食好似淨係得殼冇肉咁…::: 椒鹽九肚魚 ::: $78九肚魚都炸得幾香口, 個炸粉唔會好厚, 肉地都幾嫩滑~ 之不過味道有少少過鹹, 撈飯食都ok, 但係就咁食就鹹咗d…::: 菠蘿生炒骨 ::: $75菠蘿生炒骨呢d酒樓冇乜可能失手嘅菜式, 權發就叫做得不過不失啦. 甜酸汁酸味較重但夠醒胃~ 不過整體而言, 不論彩椒排骨都略為肥膩d, 油多肥膏亦不少… 呀菲就嫌佢太漏喇~::: 金銀蛋浸莧菜 ::: $70金銀蛋確實落足料! 皮蛋同鹹蛋都多~ 仲有唔少炸蒜~

一向都有在權發間吾中午飯及晚飯的習慣，到權發吃飯原因是伙計招呼及坐位向來都不錯，是晚只坐了六成枱，以往出名是抵食夾大件的它，最近在一次晚飯中發覺食品的質量水準都比以往下降中，可能是西環的舖租大幅上升有關 由於這天不是星期六及假期，可以直入店內搵位坐低，開了茶后叫了個XO醬炒西芹花支片＄68及晚飯孖宝、籠仔蒸糯米花蟹＋白灼海中蝦＄128，二人合共叫了三個餸菜 先來個XO醬炒西芹花支片，食不出西芹有XO醬味道份量少及煮得太淋，拌菜只有幾片紅椒，花支片鮮味十足炒得不错，都算OK 跟着来是灼海中蝦，真的是海中蝦，但份量不多最失敗是籠仔蒸糯米花蟹，籠仔舖了塊荷葉墊底因此拿來時聞到好香荷葉味，用一只中小型藍脚花蟹，那蟹都食得出有蒜香味無鮮味，有雪藏過不新鮮感覺糯米份量都OK，有葱舖面沒有其他配料，但蒸得太淋有些煮到似爛飯個樣，都可全部吃晒OK的 埋单前送了兩碗紅豆沙糖水，是次晚飯連小脹加一共用了＄210 總結： 西環本來是個平民化的地方，但因地鐵可通車到來及其他因素，引致數間老牌食店結業，如果權發又…………，西環便少了個好去處，還是支持它的，对不起笑臉俾不出了，OK還可以，大家不妨到此一

附近食肆full晒, 見權發門口寫特價小菜, 有位唔使等就入去點了2個小菜+1個湯,份量細水準極差,魚味欠奉肉質粗到咬不開, 山根豆腐的山根油味很重,不能接受, 真的沒一樣好吃不值一提, 環境充滿噪聲的! 服務有問題, 非常離譜, 街坊飯店咁樣做生意難怪少了好多人幫襯, 不會再來

其實.我都算是永不放棄的人.我的生命一的都不如意.身邊無人明白我..我仲選擇生存..做食評.至今做了2年我仍末放棄..什至努力鑽研想寫得更好.有很多朋友.什至自己出去食飯見到的街坊.問我將食物影相記低.你係咪好珍惜每一天.我好肯定.我係!離少少題.我想同幫我的戰友講,無論我決定係點?你們為我做的..都係有意義的.值得的?我希望你們繼續幫人言歸正傳.西環權發我是在港聞版認識的!的確係一間名店加老店.價錢絕對不便宜..但服務.食物份量.同味道也相當出眾.特別係海鮮類.金銀蛋莧菜:上枱時,份量好大碟.而每種材料也分配得好好,也十分新鮮.而有新鮮豬肉豉汁蒸鎗魚同蒜茸蝦係178元的孖寶...豉汁蒸鎗魚:好正..不單止不會死鹹,仲蒸到剛剛熟.肉質相當嫩滑.而且大大條...更奇怪肉味也鮮甜..是我出街吃呢種食物.暫時做得最好食的一間..蒜茸蝦.仲有海水鮮味.粉絲吸盡了蝦的汁...相當好食加一枝啤酒...埋單356,元..一的都唔平..但味道也值回票價....

約了朋友在此用餐，因為他們住在西環燒鵝半隻 ~ 燒得OK，但太肥.....冬瓜盅 ~ 清，料OK，正炸蟹鉗 ~ 夠大件，但冇乜蟹肉，全是蝦肉.... 以前正好多羊鞍 ~ 正，入味，香菠蘿船炒飯 ~ 香，唔錯服務 ~ 都OK，一般街坊式每人$150-，街坊生意，OK啦.

以前已經去過權發 N 次, 只係一直都冇寫低意見而已...一直都喜歡係 9 點後先去權發, 唔駛等位之餘亦有特價小菜. 最岩我地依 D 收夜少少, 或者係 CYBERPORT 睇完電影再出黎啦.尋晚 4 位叫左幾款小菜:細冬瓜盅: 太太實在太鍾受冬瓜盅, 依度做得幾好, 湯底味精唔多. 而且足料, 有魚蝦, 雞肉, 帶子等等, 食到尾都仲有料, 唔似一 D 店舖, 得第 1 碗有料...豉汁蒸黃立鯧: 睇住佢係魚池撈上黎, 生生猛猛, 但係好似過左少少火.果皮蒸鮑魚仔: OK 水準, 普普通通椒腐通牛: 好大碟, 而且腐乳好鬼多同香. 牛肉就差少少啦...陳醋骨: 離譜, 點可以咁好食 !!! 68 蚊大大碟, 成 15 - 16 舊, D 醋香甜甜酸酸, 好醒胃琵琶豆腐: 依樣就比較失望啦, 因為蛋既比例唔夠, 咁樣就變左好似老少平安炸版咁樣啦...街坊酒樓其實水準一向穩定, 可過正如網友所說, 價錢係比以前貴左少少, 但都算 OK 啦.

平日早上在西環尾找個位飲茶,原來不是易事,雖然現今有個大型樓盤"泓都",爹核士街開始成為城西其中一個飲食熱點,但是也遮掩不到此區人口老化的問題.在新中華由地下走到上層,連搭檯的機會也沒有.坐滿一眾長者,寸步不讓,同十年前阿仙奴的"老人防線"有得比.不想去對面的好彩,於是便再次來到吉席街的"權發".差不多四年前來過晚飯,做街坊生意,價錢平,小菜水準又紮實.相信早茶的點心,應該不差.很容易找到張細檯坐低,權發點心價由$7.8起,最貴也不過$20.看看點心紙的內容,那些懷舊點心一律欠奉.大多也是熟口熟面.蝦餃燒賣粉果腸粉鮮竹卷之類.一口氣點了四味點心,香茜餃的外皮很黏,用筷子一夾就黐住.內裏的香茜的確清香,除此之外,蝦肉同樣爽鮮.賣相不錯的鳳眼魚翅餃,其實是將蝦餃變型,弄至眼睛的樣子,再加上少少的魚翅,同蟹子在面.與之前吃的香茜餃不一樣的外皮,這個清爽得多.餡內的蝦肉一樣地爽.炸春卷內包著芋絲,即叫即炸自然香脆,芋絲作餡更加甘香.涼茶舖都會賣山竹牛肉,不過是來貨,味道係點心中有數.權發做出來的山竹牛肉,不是比梳打粉搞到一味彈牙而沒有味道,牛肉有肉香,質感恰好,不鬆散亦不過實.中間夾雜著馬蹄粒

炸蟹鉗，啖啖肉，　大大舊咕嚕肉，普通魚湯什菜煲，好味聖子皇，　大大隻，　新鮮又彈牙．．好味例湯，ＯＫ芝士汁蟹籽炸魚，　　Ｄ魚炸到乾哂，好失望６人晚餐，＄３９Ｘ　算抵食之選～

Discovered this place quite by chance, I was very impressed with the friendliness of the waiting staffs, most always offer service with a smile. The dim sum are great, I can always get a table (although I generally avoid lunch hours between 1230-1330pm), the restaurant is presentable, and most importantly, it is reasonably priced! I've also been there for dinner but I think the dim sum are better value for money!

其實我成日都會去權發食晚飯，因為我住附近的！今日同幾個朋友一齊去了，叫咗幾碟餸！先講咕嚕肉，夠晒味道，大大碟，不過比較多骨，肉少！另外係蒸魚，條魚蒸得剛好！再叫咗半隻雞，我個人唔係太喜歡白切雞，但我幾個朋友都話好好味！有叫咗一碟菜心，但這碟我認為一般，啲菜太老！環境就一定係好嘈，街坊生意係咁！

全場得我呢張枱係食火鍋~~~不是火鍋專門店，當然沒有任食，我地4 個人叫左八碟食物，湯底另計。沙爹湯底唔錯，我不停食沙爹味鮮腐竹，正！$18 鮮腐竹已經好多，抵過我在街市買！好開心~~其實碟碟都算大碟~~權發D 野出名咩野都大大碟嘛~~ 所以一直都咁多客。有鯪魚滑食，唔洗次次火鍋只係不停食丸咁悶~~魚滑彈牙~ Good~!不過，喜愛吃肥牛的就不要來了，因為肥牛真係好唔掂，好靱！因為肥牛係火鍋必點食物，所以這兒的火鍋要減很多分。總括來說，價錢與食物質數成正比，Service 不錯，呀姐好好人，幾忙都應你要求。不好牛肉的，可以來試試！

17/1/2008 約12:15pm權發裝修後賣埋點心第一次幫襯3個人叫兩個中點點心,菜肉水餃及金錢肚再加兩個小菜配飯時菜班塊及燒汁草菇雞球煲菜肉水餃大大隻,多菜,食落好味又感覺健康金錢肚普通貨色,又唔太多,有瓜類在底時菜班塊,水準之作,有獲氣,掂燒汁草菇雞球煲,汁太甜,雞球變左做雞柳,如果係雞球口感更好價錢貴左,但食品部份好部份普通,俾ok啦

上一次來也是一年前的事了叫了幾個小菜，全部也是非常普通，也不用comment了，要說一樣好好吃的就真的沒有， 反而想說：- 咕嚕肉炸得不好，較硬之餘又不多肉！- 送的甜品是喳渣，豆非常多但幾硬！不過，十多人而且想舒服少少就只有這裡吧

和豬豬於西環找野食, 見都唔少人幫襯, 也入內了.有兩部大電視, 不錯呢.服務幾親切, 想找個位睇電視, 哥哥馬上找了.看看餐牌, 都唔平, 西環尾都收60-80 一小菜.豬豬突想羊腩煲, 好啦, 都係100蚊倒, 兩人食平過叫兩小菜.等了一陣便有, 喂, d腩汁咁"希" 既?用筷子搞搞, 得好少羊....但碟菜則係巨型, 有相你睇~再過2分鐘便滾起了, 叫了一碗飯2人分.d希汁果真冇味.再夾舊羊, 喂, 多骨, 少肉, 有毛.... 唔合格呀冇腩肉, 成條羊既尾龍骨都可以切返出o黎咁滯....菜及腐竹則係ok.下次都係唔在這裡叫羊腩煲, 費事俾了羊骨煲你...