歌德(美式)餐廳酒吧

營業中

休息中

放工比較夜，好多店都收好早，這間是很好的選擇,比較夜收少少，可以有個地方食晚飯同飲酒吹水，放鬆一下，入面有飛標，座位好闊落都坐得舒服,晚餐未食所以叫左幾樣:芝士焗肉醬意粉-這個沒有餐廳更好食,所以食左好少香辣雞軟骨-好入味,不會太硬啤酒薯條-好多地方通常都是普通薯條,這個比較有特色,食落去有少少啤酒的味道,即叫即炸，配啤酒一流越南春卷配咖哩角-因為春卷沒有貨,所以全部選擇咖哩角，入面全部都是咖哩薯仔，味道一般

呢間餐飯好西利，有得飲酒掟飛鏢。黎普通食個晚飯又得。地方夠大，又坐得舒服食完飯慢慢飲嘢坐下，真係一個好地方。嘢食方面都真係唔錯，嗌左個全日早餐好大份，個蛋炒得好好食朋友就嗌左個牛扒餐，前菜仲有田螺。又係好抵好大份，塊牛扒有3塊咁多。仲可以配薯菜意粉或者飯真係食到飽

荃灣清bar當日同友人們食飽先去所以無叫野食室內位置有掟飛鏢但煙味真係好勁😅咁熱天氣都寧願坐半露天對街位本來係想叫支白酒可惜一睇menu得house wine無選擇又無列明產地年份產地🤨酒吧嚟講真係級數爭啲喎😕唯有都係嗌啤酒tower啦 穩陣啲😂1664 2L ($344)(HH)hoegaarden 2L ($344)(HH)Nuts自動上三盆($30@)啲蝦條漏哂氣😅好彩啤酒夠凍🍺埋單要收加一感覺HH都比出面貴🧐同區無乜選擇之下 都要無奈接受

因為我係荃灣人，所以好多時候貪方便都會喺荃灣食晚飯荃灣飲酒荃灣食早餐荃灣食糖水荃灣睇醫生⋯啱啱飲飽食醉，從尖沙咀uber到屋企樓下，突然覺得爭啲爭啲，應該係爭一杯飯後酒， 所以我地就嚟到呢間Cocoduck。其實我哋嚟過呢度不下五次，每次我哋都覺得一般，唔會encore，但係因為地點方便嘅問題，每次我哋都會再嚟今日我哋一行四人叫咗一支酒，另外一個小食拼盤老實講，淨係點左酒同埋拼盤兩樣野，拼盤都可以係坐低之後半個鐘頭先上菜， 原因係因為漏單，吹左兩次先嚟到另外支酒都唔係靚酒（都係意料之內）但係最唔鍾意嘅地方係佢室內好多蚊蚊飛來飛去非常困擾衛生狀況非常一般四個人飲咗一支酒同埋一個小食拼盤埋單513

今日收工想食牛扒，但去到荃灣都10點幾！商場既食肆都收哂工，想搵間食扒都唔係咁易，最後醒起歌德餐廳，一定有得食！入到餐廳，今日有波睇，都坐左好多人，但侍應人手不足，無人帶位！諗住求其搵張無人既枱坐低就算！點知坐左落去先有侍應問我地睇唔睇波，唔睇波就帶我地去拎一到坐！咁唔該一早就搵個侍應係門口附近做野同帶位啦之後我地叫左兩個set！朋友叫左牛肩柳，我就叫左個牛柳！有餐湯有前菜！我地叫左個焗田螺同青口！兩樣調味都一樣有d洋蔥,蒜蓉咁，味道都算濃，都唔錯既！牛柳同牛肩柳都ok！有d厚度，唔會太薄，份量足，唔會太靭，唔會太乾！不過不失！整體都ok既，但真係環境乾淨有待改善！同埋人手不足問題！我地落單揮手都無人黎！野飲比少支飲管我又係叫唔到人，我朋友自己出去攞！叫埋單又係，揮左好耐手先有人黎！

I was trying to get to a place to watch Brazil vs N.Korea with friends and we happened to come to this bar. Everything was fine in the beginning until when we had to get the check. As we had a minimum charge for the night, so we ask the lady how much we need to pay. We ordered 2 sets of beer and 2 snacks. In the end, it wasn't quite the amount as we expected so we just wanna find out why. Cos one of our friends left before we started drinking and they had counted us as 5 people instead of 4, th