歡喜燒 (已結業)

如果食放題食到冇晒新意，可以嚟呢間「歡喜燒」搞搞新主意！呢間雖然主打食串燒，不過仲有其他小食供應，款式都唔少㗎！一入座就把握時間去攞嘢飲，罐裝紙包乜都有，汽水、茶類、果汁類隨便選擇，跟住就去狂掃串燒，款式都幾多，一round都食唔晒，雞翼、五花腩、澳洲牛柳、羊肉串、雞腎等等到候都係我哋嘅心頭好。呢部無火串燒機相當過癮，紅外線發熱，有唔同溫度可調校，絕對唔會好似韓燒咁多煙，只要開着部機，將串燒放上去，佢就自己會不停轉住燒，火力均勻，一次可以燒十幾串，望住啲食物喺度轉轉轉，真係好治癒啊！係等緊燒熟嘅過程，當然去食下現成嘅食物，今日有豉椒炒蜆，夠晒惹味！另外海鮮粥都幾鮮甜可口，好多蠔和青口。入場仲送泰式焗茄子，相當大條，加埋啲香蒜，幾好味呀！另外仲有好多炸物小食，開始食唔切啦！見到串燒開始有泡泡出就差唔多食得！唔會燒得太乾，仲有肉汁，加埋醬汁更加好味！我自己就最鍾意呢度嘅牛、羊和雞翼，食完肉當然要食返多啲蔬菜類，秋葵、車厘茄和菠蘿都係幾唔錯嘅選擇！最後仲有幾款甜品、雪糕和台式冰沙添！二百蚊咁食法，相當抵玩！

午餐都係163（加一收費後），食物味道唔錯！最適合一班想吹水，又想燒烤，但唔想自己叉住燒的懶人！食物都算多選擇，豬牛羊雞都有，蒜蓉包都有，最驚喜就係連棉花糖都有得燒！飲料都多選擇！值得再來多一次

歡喜燒係一間主打食轉轉串燒嘅放題店，雖然之前都有食過重慶燒放題，不過歡喜燒嘅串燒係放上爐之後識得自轉，唔洗自己反串燒，幾棧鬼咁，趁過開黎駱駝漆睇波鞋，就順便book枱黎試下。歡喜燒嘅晚市放題限時120分鐘，最貴嘅weekend黃金時段都係$238加一，除左串燒，都有小食、炸物、熱盤、甜品同雪糕，價錢唔算貴。一坐低先拎野飲，雖然冇韓牌野飲，不過都有維他、楊協成、道地同各式汽水，選擇唔算少。串燒方面有肉有菜，連菠蘿、蒜蓉包同棉花糖都有。另外亦有幾款熱盤。甜品除左雪櫃入面見倒嘅幾款，點菜紙亦有多款台式甜品。雪糕係港牌CoCoBerry，幾多唔同口味選擇，好似玄米茶、麻辣、特濃咖啡、咖啡、沖繩海鹽、牛奶糖同朱古力。每張枱都有多款調味料同醬汁，食客可以按個人喜好加喺串燒上面。每枱都會送一條燒茄子，燒茄子有成隻前臂咁長，上面放左好多蒜蓉同醬汁，入味得黎仲好juicy，都幾好食。每樣串燒拎左啲黎試，只要將串燒下面嘅花形齒輪放喺爐邊嘅凹槽入面，串燒就會識得自轉，燒得均勻之外，串燒嘅油份亦會滴晒落爐底度。雖然係平價任食串燒場，不過串燒質素都唔差，叉燒、羊肉都碟肉唔會太細粒。菠蘿冇渣，燒過之後香甜又多汁，

假期前開始「斷食」，到差不多五十小時但去了試這間燒烤店！首先一進入店舖，店員十分有禮貌地招待我地，亦十分細心地介紹如何使用燒烤爐，串燒方面有一口牛，羊肉，一口雞翼，五花腩，鴨胸，雞軟骨等等，還有很多很多，不能盡錄！食物質素正常，醃肉方便亦屬於中上，至於最後好味與否，就要睇吓大家的燒烤功力！甜品方面款色也有很多，不過咖啡雪糕值得一試，十分有咖啡味！埋單$458，兩個人來說也十分超值，我們一共食咗四十串！再加甜品和飲品，扺

平日好少出街食串燒，我好怕有火大煙污糟，最多三五知己去旅行或者夜麻麻行過紅磡醫肚先至會去食。今日小妹行開觀塘，見到有間叫歡喜燒嘅無火串燒放題幾吸引，黃金時段兩小時真心好吸引，星期一至四仲送多一小時，正！於是同死黨親身入去試吓得唔得再講。入到去第一件事見到大大個牌講所有頭盤，串燒，料理，炸物，甜品，雪糕任食！曬冷咁一眼睇曬！接待員好有禮貌咁請我去靚卡位（其實呢度全部都係卡位，超有心的安排），立即見到一個好得意嘅燒烤爐，咦？點解冇碳冇火冇油煙嘅？接下來店員會同我地開電串燒爐同講解點樣燒得好，喺要把串串的齒輪對正個鐵鏈等佢自己轉轉轉均勻烤熟，好得意好有mood，好似去咗泰國咁。店員仲提醒我地要睇曬點心紙仔叫小食，炸物，台式甜品等等，都係任叫任食！燒烤爐上面有三種醬汁，分別喺沙爹醬，泰式香辣汁同燒烤醬，而檯面仲有一個特別的三格兜放辣味孜然粉，原味孜然粉，自家製香辣粉，完全mix到街頭串燒味道，我特別推介辣味孜然粉配搭泰式香辣汁！我地超快速點了一set蘑菇羊肉串，雞翼串，一口番茄牛粒串，雞腎片串等排排隊上爐燒。在靜待火力調節好同燒熟之際，我地點了很精彩的醬油豆卜炒蜆，味道出眾，雖然有小鹹但正是燒

和朋友去了觀塘開源道62號駱駝漆大廈1座5樓歡喜燒食飯。這是一間專食串燒的餐廳，餐廳非常闊落，讓人坐得舒服。而且店員十分殷勤有禮和主動，安排我們到一張卡位安坐， 非常好有自成一角的感覺。這裏是串燒放題188蚊一位，連加一大概$207/每位。串燒款式相當多，已經一串串好，放在凍肉櫃裏，非常整齊，清晰。豬牛羊，丸類，蔬菜等都有。串燒放在串燒爐上會自動轉圈，好方便。差不多熟的時候可以塗上醬料，有燒烤醬，泰式雞醬和沙爹醬等。羊肉串非常好味，不會太騷羊味，夾雜了杏鮑菇口感非常好。另外牛肉亦十分好味，肉味濃郁有口感，中間 串了車厘茄，口味清新。雞腎和雞翼都市值得推介的串燒食物日期除了串燒外還有熟食，店員以為我們奉上薯條及燒茄子，外面還有一些小食魚蛋卜卜蜆等。甜品櫃外還有水果和一些蛋糕，十分齊全。西瓜起沙又甜，可以清一清燒烤的油膩感覺。雪櫃亦有雪糕和雪條可以選擇。至於飲品櫃方面，有十多款飲品選擇，可以選擇有含糖的汽水和不含糖的茶類，適合各類人的口味。總結：歡喜燒是一間非常好的串燒餐廳，串燒選擇多，其他食物亦有很多選擇，例如熟食和甜品方面，可以滿足到各人的口味，而且價錢合理，適合和朋友過嚟食下串燒，飲

駱駝漆大廈附近一向都多野食 因為工廠區 價錢比起地鋪係相宜d 同埋坐得幾舒服 同地鐵站又唔遠 可能因為咁 weekend駱駝漆都多左好多為食既香港人係去搵好西今日 就去試下懶人燒烤 可以唔洗自己拎住燒 佢可以有部機自己轉下轉下 燒得又勻循d 價錢都唔係好貴 weekend 730前離座都只係208 本身唔想食到咁夜 同埋又想鬆動d 如果唔嫌早係唔錯既入到鋪頭 首先會放低一條大大條既茄子 之後 老細就好熱情問有無黎食過 如果無佢會介紹一次點樣食會最好 幾Nice 所以我地就跟老細教路 去拎bbq料燒住先 再去拎住d熟食泰式炒蜆同忌廉西蘭花 係燒緊野既時候都唔會話無野食咁慘 BBQ料佢排得好整齊好企理 平時去有d鋪頭會好混亂 又或者會雪得太凍 呢到就唔會有呢個問題 仲要keep住有staff做refill 仲要某d既食材佢會切半 快d熟之餘 你又可以試多幾樣野比較特別既就係呢度有得燒台灣腸 平時比較少見 選擇都好多下 不過強烈推薦下醞呢幾樣單骨雞翼🐥🐥🐥有你幫你拆埋一半 食又食得方便 仲要快熟好多 如果唔係燒雞中翼有排都未熟👍👍牛仔粒配蕃茄仔🍅🍅🍅🐮🐮🐮牛仔粒 佢用黑椒已經調好哂味 一口

近幾年一轉季就成日都好想燒烤😂但係一路都約唔成🥺 最近就如願以償😜 可以食一個懶人燒烤🍢店主同其他店員都勁helpful🥰❤️言談之間，我發現店主係一個好鍾意整潔嘅人所有嘢都好井井有條 所以我即刻放心晒😂 呢度嘅衛生狀況一定好ok🥰店主教我哋食窮佢既流程😂🤪一）出去拎咗串燒先 放個個爐到燒二）燒緊嘢食嘅時候 就可以出去拎啲熱蕈/前菜三）返埋位就一路食熱蕈/前菜，一路揀小食/炸物/主食，因為係即叫即整🥰每一台客人都會得到一條超級大份嘅蒜蓉燒茄子🍆😍 份量十足之餘用料豐富😍串燒既選擇都好足夠😚 各種類型都有唔係新鮮嘅食材都唔夠膽比大家即拎即燒🥰睇住佢轉呀轉😆 好爽～試咗呢一個泰式雞肉串 本身就已經醃好咗非常之入味🥰 而且雞肉好嫩滑我最鍾意就係燒腸仔😂😂 拎咗一堆腸仔返嚟燒台灣腸 芝士腸 廚師腸😛 最鍾意都係台灣腸🤣 黑椒味香濃有少少辣😍仲有呢一個牛肉串 有少少黑椒作為調味但我仲係食得出佢嘅牛香味😍 五花腩豬肉都要試吓 有種喺韓國食五花腩嘅感覺😍如果有埋生菜包住佢嚟食就更加好啦💕講到最有可塑性既 就一定係單骨雞翼❣️❣️❣️配上唔同嘅醬汁或者唔同嘅味粉都有唔同嘅味道❣️ 強烈推薦 燒左勁多 仲有棉花糖

觀塘有間懶人燒烤串燒放題叫「歡喜燒」，系觀塘工業區又幾方便。餐廳座位寛鬆，又有卡位幾舒服。食物種類都好多有豬，牛，雞，蔬菜，菠蘿，蒜蓉包，腸仔和棉花糖等。又有甜品，前菜和汽水任飲任食。一去到座低職員會問我地來過未，未職員會教我地點樣擺串燒系爐度，個爐會自動轉幾方便，之後職員仲叫我地放左串燒可以拎熟食和可以點一些野食先，之後仲介紹4種醬有鰻魚醬，泰式辣醬，沙嗲醬和蜜糖。燒雞腎熟左好爽脆，燒澳洲牛柳又夠淋，燒叉燒又好味，全部塗上醬汁都好入味每次燒烤必食的棉花糖，燒棉花糖好好味。軟殼蟹漢堡，軟殼蟹炸到好爽脆，漢堡包仲要係綠茶味,細細個好迷你好好味。泰式鳳爪酸酸甜甜好入味，炒蜆又好入味好好食😋仲有多款小食可以點都是好好味。凍仙草好爽滑，芋丸又有咬口，配埋蘆薈和椰果一起吃好好味。每枱送一碟燒茄子🍆，燒到好香好好味😋有好多種味我選麻辣味雪糕第一次見又第一次食，初頭以為會好麻辣點知又唔會，只是有麻辣的香味。

After a long hour of hiking today, we were both tired and hungry. Both of us suggested to have buffet so that we can eat as much as we can to satisfy our hunger. After some research at those restaurants nearby, we decided on Zijia Shaoba. It was located at Camel Paint Building, where alot of restaurants were located. They have 3 pricing, deciding on the timing customer enter the restaurant. It was a 2-hour unlimited dinner buffet, with order sheet for desserts, fried items, vegetables and some s

突然想食燒烤，但成班朋友又唔想專登去燒烤場咁麻煩，所以友人提議去觀塘呢間自動旋轉串燒店，感覺都幾方便！而且係無火無煙燒烤，所以都唔怕成身會有一大陣味。入到餐廳，店員會用心講解點用燒烤爐，仲會介紹唔同食材可以用返對應醬汁。我地一開始就拎左唔同冷盤，有日式螺頭、八爪魚同泰式鳳爪，非常好味！之後主菜方面，我地拎左好多款式既串燒，有厚切牛舌、雞腎、羊肉串、雞翼、台式腸等等。餐廳係採用自動旋轉燒烤爐，所以一放上去就可以自己烤熟，非常方便又簡單。店員仲好貼心咁幫我地準備好唔同醬汁，而且問我地要唔要蜜糖。佢地大部份肉類都有醃製定，所以一放上去燒，輕輕搽上沙嗲醬或者鰻魚汁，好快就食得。佢地既串燒份量足夠，可以食多好多串同唔同款式，而且每款串燒醃製味道不同，食落又有肉汁又香口。除左不同肉類，客人仲可以叫唔同炸物同蔬菜，仲係即叫即整嫁！所以我地食完肉，可以食返蔬菜平衡下。除左即叫即整既蔬菜，我地仲燒左粟米同菠蘿，非常清新。最後，我地去左拎雪糕，佢地雪糕有不同款式，最特別係有玄米茶、沖繩海鹽同大白兔奶糖味，非常獨特，超級難忘。

平日都知道觀塘駱駝漆啲工廈大把野行，但估唔到連串燒店都有！今次我地黎到觀塘既歡喜燒，呢間店舖主打自動旋轉串燒，衛生又乾淨。一入門口，就已經見到雪糕櫃同飲品櫃，因為任飲任食，所以一黎就可以拎飲品，非常方便。之後，我地去左熟食櫃拎辣炒蜆食，仲有大大粒咖喱魚蛋。然後我地當然要拎主菜既串燒串啦，店舖好貼心咁貼哂標籤比客人識別唔同串燒，每串串燒已經穿好晒。餐廳主打無火無煙燒烤，所以食完都唔會全身有味道。一黎到，店員好快講解食物點為之熟，同介紹唔同醬料，仲送左一大碟茄子俾我地食住先。由於疫情關係，所有炸物都即叫即整，所以送到上枱都熱辣辣，而且好有效率。一開始，我地叫左幾款炸物同軟殼蟹迷你漢堡。先講軟殼蟹迷你漢堡，漢堡用左綠茶麵包，麵包搽上牛油，又脆又特別，加埋軟殼蟹一流！至於其他炸物方面，我覺得蝦春卷都幾好味，因為係有原條蝦，香脆又唔油膩。佢地串燒款式非常多，豬、牛、羊、雞、內臟同丸類都一應俱全，連棉花糖同蒜蓉包都有嫁，非常特別，而且燒完仲可以點佢地既孜然粉食，有辣有唔辣，仲有自家製辣粉添！肉類方面，根據店員推介，我地燒烤既時候搽左秘製沙嗲醬，所以食落非常惹味，個人推薦佢地既牛舌，軟熟又嫩口。至於

又到左最適合bbq嘅天氣，男友因知我今年去唔到bbq就book了呢間觀塘歡喜燒。星期五晚上每位收費$238食2小時。自助區一串串好整齊排好，款式都幾多。自助區除左一串串外，還有熟食、甜品、水果，另外還有點心紙（小食、炸物、菜、台式甜品任點任食）每桌都有3款醬料，（沙嗲、泰式辣雞醬、蜜糖鰻魚醬）大部分串串都好夠味，特別推介 叉燒、台式腸、雞軟骨、羊肉串。迷你軟殼蟹漢堡幾吸引，漢堡包質地幾軟熟。炸物上碟時熱辣辣，正常放題質素。熟食有蒜香骨、蒜蓉西蘭花、魚蛋、炒蜆等等肉醬意粉意外地好好味。兩人入座已經送番一客燒茄子，幾窩心。 最後必燒的是棉花糖，大滿足。除自助甜品區域還有供應cocoberry 雪糕，雪條。試左比利時焦糖餅、牛奶糖雪糕同沖繩海鹽。最中意沖繩海鹽咸咸地又解膩。另一驚喜任點任食台式芋圓芋泥甜品，芋泥好味過唔少甜品店！（每次可選4款配料）

觀塘駱駝漆多outlet就係人都知，去完血拼，點都想搵個地方坐下食下野～朋友話佢今日無食lunch (what?) 餓住都要買野？痴線 好啦咁佢就話想食啲任食類既餐廳，search左陣就搵到歡喜燒呢間無火串燒放題，算啦咁啱我都有啲想bbq ，就當同佢試下～ 我地係食5:30 早割時段 $208 ，入到去都未算好多人，店員帶我地坐低再講解下開埋爐就可以開始燒啦～先睇下有咩野食先！ 最底有肉類，牛雞豬羊牛舌雞軟骨等等，但無魚(!) 第二層有腸腸，丸類最頂就有蔬菜粟米等等 另外對面仲有熟食： 蜆，ribs ,魚旦 ,日式魷魚螺肉等等 我覺得個蒜蓉炒蜆幾惹味！喺等串燒既時候攝下胃就剛剛好ahhaha跟住個任食仲會送一條蒜香茄子，同樣都真係好惹味！但最好去到最後先食喇～仲唔夠？佢地仲有三張熟食紙，有炸物,特色小食同主菜比你揀～～ 最後仲會有芋圓做甜品😍😍炸物～個軟殼蟹漢堡幾igable ~~好喇要開動喇！燒烤爐大概一次可以放到 8-9串肉左右，串燒較啱位就自己會轉~~燒到五六成熟就搽啲醬上去～ 醬汁有沙嗲醬，泰式雞醬同鰻魚蜜汁 我就最愛沙嗲，但我覺得有啲稀🥺如果可以濃返啲會好好好多！！！ 跟住

啱啱喺觀塘呢個有眾多outlet臨立嘅駱駝漆大廈shopping 完之際，咁啱見到呢間叫歡喜燒嘅無火串燒放題，好似幾新穎咁，就帶埋小女友去試一試。店內每檯都設有一部用發熱管嘅燒烤爐，而每部燒烤爐上所放嘅串燒都可以自行轉動，將串燒均勻咁燒熟，而呢度店員會細心講解，亦會不時會協助，所以整體食嘅時候都算係順利。串燒全都要出外自取，種類繁多，有肉類，蔬果，丸類等，肉類醃得非常入味，大小適中，所以唔會話有燒唔熟嘅情況發生，喺咁多款肉類最滿意可謂泰式雞柳同埋牛柳，牛柳牛味濃郁，泰式雞柳除左肉嫩多汁外，泰式醬嘅味亦完全滲入雞肉內，非常惹味。除左串燒外，呢度仲有不同嘅炸物，全部都係即點即炸，保證全都做到香脆無比。食到最後當然要食返啲甜品，呢度有不同嘅雪糕雪條供應，除左呢啲仲有不同味道嘅啫喱杯仔，依家仲供應埋台式芋圓添，芋圓煙韌非常，配合埋仙草凍同埋黑糖珍珠，有如好似係台灣食嘅一樣。