歡樂大排檔

營業中

休息中

上次同fd打完波10點幾11點，係長沙灣睇吓有咩食，見到黎間寫住平日9點後有8折就上去試下。環境乾淨，坐得舒服。啲裝修都係行懷舊大排檔風格，不過環境就比一般大排檔乾淨同埋闊落啲。我地4個人嗌左4個餸，4個飯同埋嘢飲。免加一，免茶介，每人除翻開都係117蚊。對於我地學生哥黎講真係好抵食，又好味又夠哂飽。我比嗰度嘅沙爹牛肉粉絲煲驚艷到，超好味🤤 打完波大家都好肚餓，每樣餸都食得乾乾淨淨。最緊要嗰度真係坐得幾舒服，慢慢食。以後練完波都可以有多個選擇😁

已經是第3次幫襯歡樂大排檔吃晚飯第一次是路過，見到新開張，免加一，免茶芥，就上去試下，我們叫了他們推介的古法砂鍋雞燉翅，雞湯底非常濃郁美味，D翅仲要係一梳梳，十分足料，另油浸荀殼魚也很出色，外脆內滑，燒鵝燒腩仔，普寧豆腐都好好味第二次再黎encore 雞燉翅，荀殼魚和普寧豆腐，都keep 到水準，再試蝦多士，蝦多士好脆好味，一D都吾多油第三次就是剛過去的星期四，因為已過了9点，只簡單叫了海鮮什菜煲，豉油皇炒麵，咕嚕肉，樣樣都好食，突別是什菜煲，聽職員講湯底用左雞燉翅D湯黎做，怪不得咁好味，我地連湯都清晒，因為當晚我地9点後入座，他們都比左8折優惠我地，呢餐又抵又滿足

今日去到叫咗個幾個小菜同龍蝦燒鵝套餐$298，上菜極慢，食完一碟隔10分鐘先嚟另一碟！最後伊麵龍蝦等咗差唔多成個鐘都未嚟，前後催左三次，都冇人跟，最後頂唔順話買單經理先走過來，話要等多10分鐘，我話我唔等，我已經催左好多次。咁咪買單，結果燒鵝計返我正價$168，勁唔合理，上菜上得慢乜嘢表示都冇之餘，仲要我用正價去俾返燒鵝錢，我係因為有優惠我先會嗌呢個套餐，結果你收返我正價。經理態度惡劣，不單止覺得自己啱曬，仲要返口質問我哋，話我哋已經食咗隻燒鵝，所以要收返我哋正價，覺得我哋先係錯個邊。環境逼夾，地方淺窄，座位與座位之間沒有空間，走動困難，請大家諗清楚先選擇呢間餐廳。

近近地喺屋企附近幫阿女慶祝生日，我老公話俾我聽有間大排檔新開張，所以去試吓。阿女喜歡食懷舊蝦多士、我喜歡吃BB乳鴿、而老公喜歡吃回味安格斯牛柳粒。食物質素平均幾好，原來新開張面+1服務費。

我個朋友同我講長沙灣附近開了間大排檔，啲食品不錯，價錢又平，約我去試下，趁今晚星期六試試，點知道去到人山人海， 幸好等了一陣就有位， 我們試了個羊腩煲，大大煲，味道不錯，喝了很多瓶，1664，因為18支比酒吧平，抵飲。

今日收工返屋企在長沙灣地鐵站見到個燈箱廣告，原來附近有間歡樂大排檔新開張，是天然居舊址，叫阿媽唔好煮飯， 近近地去開飯啦！ 試咗個黑胡椒炒蟹， 非常有鑊氣， 陳皮燒鵝 唔差過深井嗰啲， 埋單先知道，新張優惠， 免收茶芥，免收加一服務費。 阿媽話晚晚來吃飯，慳番不用煮。

第一次上去坐抵今日中秋餐牌，0哂咀，即刻講你地訂枱嗰時唔講嘅，焗住啦一家大細照食，唔開心食咩都冇味，事實都係一般般，留意番新開張就甘真係唔會有下次，生意手法唔好，打黎可以講聲先，專頁又可以講，我有選擇你有選擇，之前嗰間好好多，完來唔止我一個覺得係甘，近日仲係街坊Group 見到收錢好唔老實 ，收多錢仲要冇謙意，呢間野真係古靈精怪，其實街坊生意真係要甘先得嘅咩，整得好食，收費合理，生意一定好，香港人眼睛雪亮嘅，衰野好快比人知！

11月3日揾食肥華及靚媽，約咗大仔仔收工後，到呢間開業無耐的飯店，食晚飯，睇吓新店水準如何，一入此店，肥華感覺良好，舖面闊落，侍應對客招呼周到，菜牌有多款小菜供客選擇，而且價錢貼地，而今餐食物方面嘅評話！泰式酸辣鳳爪，份量少，用料及味道都唔正宗，勝瓜雲耳炒牛肉，鑊氣十足，碟頭夠大，味道亦佳，而個粟米班塊，個獻汁同主菜分開上枱，亦見此店心思，至於個大排檔炒蜆，又係熱辣辣奉客，惹味非常，個碟梅子排骨，篜得過籠，排骨口感偏嚡，而腌得時間唔夠，冇乜肉味，反而個梅子醬卻相當出色，用嚟撈飯，越食越開胃，綜觀此店，坐得舒服，侍應有禮盡責，菜式選擇繁多，價錢大眾化，食物質素亦算OK，睇嚟，肥華又多一個，請客食晚飯嘅主埸，嘞👍👍👍

同一大班舊同事聚餐，發現長沙灣新開咗一間幾有卓頭既餐廳，仲有懷舊打卡位，諗住去試下新野，去到員工親切有禮招呼，推介出面唔容易食到嘅心機菜，由於餐牌太豐富我地不斷揀餐廳員工好好，叫我地食住先，唔夠再叫，上菜速度控制好唔會太急剛剛好，頭啖湯真係不得了，我已經唔記得幾耐冇飲過杏汁豬肺湯，回憶中只有馬會中菜廳一飲難忘，點知今日喺呢度有緣再遇這款湯，真係不得了，豬肺軟林到好似豆腐咁，入口即融，完全感受到呢個湯既精華，飲完覺得好幸福陳皮燒鵝真係做到脆皮口感，咬落去打啖啖鵝香豉汁蒸鱔，火候控制得剛剛好，主打一個新鮮，砵仔焗魚腸簡直無得輸，今時今日香港仲可以食到哩一款懷舊經典菜，突然間覺得感動，鍥而不捨，用心製作，不用花巧，食到食物嘅精髓潮州普寧脆豆腐看似簡單，但絕對不簡單，咬落啖啖豆香，真係豆香豆腐嘅真正味道沙薑豬手，越食越想吃，打做一個野味蝦多士吃出兒時的味道兩款糖水贈送木瓜雪耳紅豆沙糖水，原來招呼我地既個位係老闆親力親為，為員工打做好榜樣能夠落手落腳，對食物有一份執著 值得讚賞我地成班朋友都諗過依家週末都唔駛上深圳啦，香港都有好去處，香港良心嘅餐廳，香港人一定要大大力支持保持傳統經典於一身goo

今晚朋友介紹，有驚喜懷舊味重，重有打卡位5個女人食12樣，全部食晒，出色有杏汁豬肺湯，必飲，沙薑豬手，好彈牙，好入味，普寧豆腐，第一次食，要點鹽蔥水，豆腐好滑，好有豆味，燒鵝，皮好脆口，而家好少地方有既砵仔焗魚腸，呢個好好味，搵返兒時既回憶，記住要落胡椒粉，飯後重有甜品，每日不同，今晚紅豆椰汁糕，味道剛剛好，不太甜，紅豆大大粒，桂花糕，好有桂花杞子味，另外重有陳皮普洱茶，好重陳皮味，真心價錢又低又好食👍🏻👍🏻👍🏻

多年好友Sam哥新開的食肆，當然要去捧場一吓！雖然本人不是什麼食家，但對食亦有一定要求，歡樂大排檔絕對值得推介👍🏻燒味有水準，燒鵝上枱熱騰騰、皮脆肉嫰古法雞燉翅，必試之選，材料十足另外Sam哥介紹了幾款小菜，蝦多士、小炒王、砵仔焗魚腸、鹽焗南非鮑魚，全部都很有水準，十分滋味以後跟朋友吃飯敍會，又多了個好去處

一班舊同學搵地方敘舊，選擇咗歡樂大排檔喺深水埗舊區難得搵到地方整潔洗手間設施乾淨嘅中式酒家菜式多元化，明爐燒味，尤其突出！燒鵝皮脆，味道適中，係必食之選酥炸菜式亦非常出色，難得酥炸之後並冇油膩嘅感覺，漿粉適中，火候剛剛好！裏面嘅肉仍然可以保持鮮味，最重要係用嘅炸油健康又新鮮！完全唔會覺得有千年油嘅感覺！蝦多士同椒鹽豆腐非常美味！不得不提嘅就係砂鍋雞燉翅！雞湯底濃郁美味，湯料十足！價錢比長沙灣深水埗區嘅大排檔，例如愛民生，更加便宜！但係地方就舒適乾淨得多！真係抵食！

阿妹生日，4個人去試新嘢一入門口就見到色彩繽紛嘅招牌及懷舊打卡位4個人叫咗6樣餸，分量足夠，食到好飽😋😋陳皮燒鵝皇（例牌）- 上枱仍然熱辣辣，皮脆肉厚鳯梨生炒骨 - 好多菠蘿，肉略為硬了一點椒鹽炸粟米 - 又係熱辣辣，可以加多點孜然粉，更惹味家鄉海鮮雜菜煲 - 湯底好鮮，冇味精，有好多種菜，海鮮就只有少量蝦清蒸細沙巴龍躉仔 - 蒸好即上枱，啱啱好，比預期中大條招牌豉油皇炒麵 - 炒得好乾身，唔油👍新張期間仲免加一，最緊要仲唔限時，可以慢慢食👍👍

本身帶兩老30號去新店試特色野，點知問有冇主餐牌，侍應話還做緊中秋特別餐牌，明明餐牌話供應到29號。。。。。。係有少少失望，但為左試焗魚腸，會有多一次光顧😮‍💨食完飯見後面枱有蒜蓉開邊蝦，但特別餐牌又無，再同收枱侍應反映失望無魚腸，跟住佢又問收銀，又話可以係平時主牌價錢另加$30點。節日加價明白的，但唔好問你拿主餐牌你唔俾，食飽又搬龍門又話可以叫，真係好難捉摸架。。。。。。見隔離枱五個人先叫碟雜菜煲同油浸筍殼。係要人食特別餐牌，客人都識回敬你。係香港島的長水遠來到又無想食㗎菜式情況下，最後都點左d中秋佳餚試。事實上野食物係出色。。。。。。做生意唔係要你蝕，但咁做個場咪唔爆，都唔好諗住用九點7折幫自己係國慶節翻枱。客人都有選擇權，下次過節幾好食都未必爆。苦口婆心完～回帶食評：炸子雞～脆嫩唔會死咸，好過好多坊間㗎食店。小炒皇～有少少偏成但飲啤酒埋剛剛好，銀魚仔同蝦乾份量足，腰果有誠意係脆㗎。油浸筍殼~望落去似過火，但肉又幾嫩滑，可能d油炸過幾轉，賣物係差少少但味道搭夠。椒鹽魷魚鬚～脆粉夠薄唔油膩，魷魚彈牙但無底味春蛋腐竹糖水～呢個係真失望，唔香且過甜，跟水一樣稀。蛋花keep住滾又會老，

餐廳裝修幾有特色，老闆好客一行二人見到有新開張大排檔，就幫襯一下除咗一般茶餐廳都有嘅粉麵飯，呢度早餐仲係飲茶最腳之地，真係估佢唔到！晚上就係食小菜，炒粉麵飯嘅地方。我地叫左鼓椒炒蜆，小炒王，蒜蓉蒸開邊蝦，重有小食海蜇手撕雞整體不錯，幾有鑊氣，味道都好食，買單沒有加入，也沒有收茶錢，幾抵。可以再去幫襯試埋其他菜式。住附近，朝早仲可以揾次嚟試吓啲點心🤭