歡樂海鮮酒家

營業中

休息中

今日亞公生日去左流浮山食海 鮮大餐....超勁好味!!!炸生蠔又大又鬆脆 !!龍蝦又美味新鮮 !!蒜蓉開邊蝦又鮮甜 !!一共食左十樣海鮮 !!每一樣海鮮都 No 1 超超勁好味 簡直係人間極品 !!!10個GooD 亞公食到耳仔都郁 !!仲話下個月去食多次 ! 真係有口福啦 之前未試過呢個味道 !! 超正 下次一定要再食買相特別, 好多蝦子, 連我唔鍾意食都食左兩碗 大班兩味 !!炒球勁鮮甜彈牙 !!炆頭腩外脆內滑 !!

今天係我細佬同我慶祝生日，順道去買啲海味，所以選擇流浮山。爸爸話歡樂好，我們就入去，食了一班兩味不錯，最正蒸元貝，好大隻。生炒骨都係好選擇帶點肥肉，又脆，好好食啊。不過，砵酒蠔就好失望，味道似食生炒骨，粉漿也好厚。最後叫了個鹹魚雞粒炒飯，好香，飯也炒得粒粒，好！這頓午餐食得我們好開心，服務也不錯

呢間野我去過好多次，一直都覺得雖然偏貴，但幾好食。所以次次大時大節都去果度慶祝，點知而家佢出左名後生意手法好有問題。好嬲！ 今晚我選好海鮮（有龍蝦，大蝦等…）後準備返去位坐，我阿爸突然想選多樣野所以回頭，就在這個時候，他親眼睇到幫我地拿海鮮入廚房果個人拿住我地選的生孟大蝦，放回去水缸，然後選d死大蝦意圖拿入廚房，我阿爸當然馬上渴止。果個人馬上扮傻，話：「你要呢幾隻嗎，我俾番呢幾隻你喇」，然後就返左廚房。 佢地做生意咁唔老實，其實應該馬上走，但個經理走過黎say哂sorry，又話親自跟進製作過程咁，以為可以放心d，就俾次機會佢喇。雖然d大蝦冇問題，但我地發覺d龍蝦就唔係好新鮮，我地食過咁多次係識分有冇佢地以前既水準既，今次隻龍蝦真係幾有問題，我地懷疑都係俾佢地換左，不過我地冇親眼見到佢地換龍蝦，都冇得同佢地理論。 呢間野真係今非惜比，又貴又水準下降。最火滾既係佢地當d客係傻仔，客人選好食材竟然轉頭換左佢，好唔老實。希望大家小心d。

今日同媽咪慶祝生日，專程係流浮山歡樂訂咗張枱食海鮮。一坐低，便送上酸蘿蔔同皮蛋，酸蘿蔔爽脆，但係碟皮蛋就有d怪味，應該係壞咗，不過嗰待應好快就換過碟，抵讚首先，緊係黎嗰湯先啦，係鮑魚響螺燉花膠，因為製作需時，如果係平日黎，一定要預早一日訂，否則燉唔切；因為我好鍾意飲呢嗰湯，雖然今晚只得四個人，所以我都叫咗嗰加大湯渣好多，好足料，數一數，鮑魚仔都有十幾隻，仲有四隻特別大隻，真係要多謝老闆B哥特別關照，花膠亦特別厚身，有咬感，好膠，好味道；但係埋單時，發覺嗰湯要$1680 (唔加大就$1380)，好貴所以覺得唔多歡樂 (唔知有冇記錯，以前飲開都好似唔駛$1000)白灼花甲，好鮮味，四個人食，唔係好多，$128。跟著主角出場啦，黃油蟹；今日呢兩隻，唔係好大隻，約八兩一隻，但係就非常”黃油”，成隻都係膏，只可惜有隻有少少漏油，導致入面d膏，有點兒過熟，否則應該更好食，，每隻$680，價錢合理果皮蒸大連六頭鮑，冇秤過，唔知是否真係六頭，但size都唔細，質感唔錯，但總係覺得南非鮑會比較鮮味，四隻共$392，唔算平。清蒸黃皮老虎斑，一斤二兩，$468，$26一兩，唔算貴，老闆仲話一定係海魚，唔會係

未黎過流浮山食海鮮,聽聞係特別貴...不過朋友已經揀左地方就試試啦....食之前係流浮山行下,睇日落都幾靚丫...我地一行18人 (1小朋友),坐晒一1張大台都幾開心...一早已經同朋友們投票好食咩野,揀6款海鮮食,再加其他野...瑤柱皇醬汁焗龍蝦,賣相都幾好,做法比較特別,好似係歡樂獨有o既廚法,龍蝦都好新鮮甜美,瑤柱味都幾香口,炒麵底我就覺得麻麻,雖然食龍蝦好少用炒麵底,我都係比較鍾意食伊麵底多d...同埋我都係覺得上湯or芝士焗o既廚法比較好...果皮蒸大連鮑魚,都幾大隻下,不過只係大隻,冇乜新鮮鮑魚味...只係見大隻會"嘩~",但食落我就覺得麻麻,反而細隻d會鮮味d...蒜蓉粉絲蒜扇貝,係我鍾意食o既海鮮之一,不過蒜蓉多到帶點苦,同粉絲比較林身,粒扇貝一開二都幾大隻鮮甜..豉椒炒聖子,從未見過一碟肉多過款o既炒聖子,d肉多到埋滿成隻碟,好誇張呀....只係見到幾隻殼,大家食極都仲有,不過我反而覺得唔太好食,只係個量多,但唔夠爽甜,同埋咸左d...油鹽焗奄仔蟹,我全晚最期待o既一樣,自上年第一次食過奄仔蟹之後就愛上左,好鍾意食d膏,點d醋仲好食...之前食開蒸,今次油鹽焗都唔錯,

今晚晚飯被騙，叫了龍（等）兩味，一炒球、二蒸頭腩，個待應話$300抵食過西芹炒斑球，點知埋單變咗$400，貴了$100，問個待應點解？她就話我聽錯！唉無啦啦比多成$100,加埋兩隻賴屎蝦埋單$1088，味道一般，貴同唔值得，總之以後都唔會去，緊記落單前要問清楚價錢，唔係比人呃都唔知！劣劣劣，咁做生意咪貴有人去！

今天清明節, 和朋友一家去濕地公園, 朗朗和暉暉玩得很開心, 玩到兩點,決定楂車出流浮山吃飯, 吃飯免停車費$25元。由於即慶來，未食過，隨意選左門面好Ｄ的歡樂，有雜誌推介喎！想唔信得過？唔使等，即有位，四大三細菜前小食酸蘿蔔和花生都好好食,差不多食哂.叫左食神炒飯，招牌菜，細路要食飯，叫個大的$180。師傳功力好炒得好，食材用鴕鳥肉夠特別，推介雲英雞－好嫩夠滑，ｏｋ薑葱蠔－最好食，蠔靚最重要，連葱都好食生菜－麵士正蒜茸蒸蝦－唔錯蜆－ｕｍ左ｄ，味道ｏｋ好品質唔需要加味精都好食諗住食餐晏，完全無預計食咁豪，不過都無覺得唔抵，buffer的價錢，好過食buffer囉!睇到有人話服務唔好, 好在我地無遇到, 但感覺上服務員都是一般, 同去酒樓飲茶d伙計差唔多。我地無另叫啤酒汽水，5餸一飯共$1066, 價錢唔係抵食，不過廚房質數是水準之上，其他唔好計較。

朋友識個海鮮佬, 個海鮮佬介紹入o黎呢間, 於是, 我就跟大隊, 浩浩蕩蕩, 駕了成個鐘車入了o黎.早已入了海鮮order 左, 準時到達, 一坐下就開始上!幾入味, 又唔油, 蝦鮮, 肉唔梅, 好~炸得太勁, 好油, 肉質同剛食的蝦比了下去; 略遜.勁多蒜, 入味, 又鮮, 冇得頂!真係好貴, 但貴得有道理, "生歐歐"的, 又多糕.不過真係好貴!食過某日式炸豬扒店的日式炸蠔, 呢個相比又厚粉又略油....條魚又係幾貴, 兩食;炒得好, 夠鑊氣, 但略油.肉好好食, 好新鮮.此店服務一直被人疚病; 今日又ok 噃, 阿姐都冇話黑面吖, 也好快手.雖然只係過了幾天才寫此食評, 不過真沒什麼回憶咁...呀係喇, 我記得喇, 每人食左成500蚊, 真係唔平呢.食神呀, 可以平d 嗎?

食物一流, 服務ok~兩周年紀念, 同老婆去流浮山食海鮮,尼間歡樂門面好靚, 仲有好多剪報同雜誌推介,即管試一試,.... 真係一試難忘... 味味都好正!!~

去完擇士多啤梨，下午4，5點去到，好少人，得兩三枱客，食食下得我地一枱。點了龍蝦伊麵，半斤白汋蝦，蜜汁蠔，生菜，盛惠$1160。食物味道ok，兩個人食到飽到晚飯都唔洗食。不過服務一般，點野時問價錢--我：汋蝦錢一斤呀？店員：$15一兩我：咁一斤即係幾多錢店員：你未自己計下囉！我：O了咀仲有，可能果陣得我去一枱，有兩三個店員係飯枱到訓覺，我覺得唔係咁好啦，要訓都唔好比客人見到啦。

happy seafood is run by the renowned “king of chef” ah-b (劉嘉麟). at the age of 22, b won an “international culinary art master” medal at les amis d’escoffier society and was the youngest chef to win this award. he was also top of his class at le cordon bleu culinary arts (note: LCB culinary arts is the american franchise that bought LCB brand rights from cointreau, and is a separate entity from the original paris/tokyo LCB). the rebellious b was raised by his mother who owned a successful chinese

十數人來開大餐。這家海鮮用料新鮮，件件都是 king size!! 我們叫了鮑魚、中蝦 ( 其實大到似大蝦! )、扇貝 ( 是這輩子見過最大的!! )、蟶子、螺、石斑兩味 ( again, 超大的!! ) 、仲有食神炒飯，個個食到捧住個肚..... 價錢都算合理~ 一大班人，開飯之選!! 食海鮮，最緊要新鮮，衞生。新鮮、大件他們做到了；廁所環境則有待改善了...

不枉我流晒汗咁等咗個幾鐘!叫咗4人餐 + 一條杉斑四人餐- 豉油王瀨尿蝦 : 好大隻, 不過兩件有膏兩件冇膏.....導致同枱意見有分歧 味道可以但唔算好突出.- 芝士牛油焗龍蝦伊麵底 : 好好食, 足有兩隻龍蝦, 泡油唔會過火, 食得出新鮮; 伊麵真係用心"瓊"乾水至上碟, 唔會食食下有水出. 個汁....似十幾年前九龍城竹園的味道, 好食!- 菜 : 好食, 不過如果可以大碟d就好啦~- 黃金蟹 : 好食, 黃金醬唔會太乾. 蟹亦係新鮮, 唔會過份泡油.- 食神炒飯 : 呢個真係要推薦. 好耐未食過炒得咁香的飯, 不過個人覺得唔用蟹子都得, 蟹子用於熱食, 總覺格格不入.....另點的杉斑, 又係一絕, 蒸的火路剛剛好, 唔黐骨唔見紅又唔會over.雖然本來冇打算食咁貴, 不過又值得喎~

今日同女朋友同埋屋企人一齊入流浮山食海鮮, 本來有一間食開既~ 不過今日識O個個人冇返工~~買唔到靚既海鮮, 咁我女朋友個阿姨就叫我地去試下歡樂樓，本來去之後都聽過佢地出左個少年廚神~~ 好似好犀利咁~~ 以前好多都出左名之後就水準下降~~本來以為今次唔會啦.....點知係最衰既一次...真係諗起都嬲!!!一早打左去BOOK位......我地今次係坐上面O個間，咁我地落左車之後就行上去攞位啦~~行到上去有個老老地既阿姐行過~~我同佢講我地BOOK左位，跟住佢問我拎枱號，我女朋友話佢冇比我地WOR...(因為我女朋友BOOK既)，跟住佢叫我地打電話去問啦~~我就有D火喇，你唔係丫MA，我黎到你間酒樓食飯，黎到門口，你叫我打電話入去你鋪頭問我幾多號枱，唔係丫MA?? 跟住仲要O個個聽電話既女仔就O係我面前，佢張工作枱距離我唔夠5步既位置，佢居然夠膽叫我打電話入去!! 佢真係犀利呀!!~ 我咪一句串埋去，我黎到你酒樓食飯你居然叫我打電話黎你酒樓!!!?? 跟住有個後生女行出黎問我，我咪問佢LAW, 跟住原來就係佢編位既~~ 跟住佢就安排我地坐低啦...跟住就叫野食啦...開頭都冇咩野既...

原本諗住訂容龍但full booking，又見電視呢排見多左亞少年廚神，所以去流浮山試下，其實好耐之前食過，感覺價錢與質素成正比，算ok，今次10個人只食了如下普通野 :大斑2味(埋單後睇成1,1xx)，最貴之選扇具、尿蝦, 花甲、奄仔、聖子、加個菜同全流浮山最勁的鎮山之寶--食神炒燶飯，真係燶，唔係笑佢。味道不過不失，但價錢超貴，埋單4,5xx，成四舊半水一個人。絕對唔抵食同唔物超所值，可能呢排上得電視多，要俾廣告費，甘我地就要夾份俾。甘既價錢，下次唔會再黎，去三聖買海鮮多款新鮮又平d，容龍煮功可到叫真正的廚神級數，唔駛甘貴起碼有隻KFC龍蝦食。廚神...真的假不了，假的真不了