正中大排檔

營業中

休息中

久不久都會去筲箕灣東大街食嘢，多嘢食之餘又近地鐵站，好方便！趁放假自己去咗搵食，隨意行過呢一間正宗大排檔，見到店內坐滿人，門外又有人等外賣，感覺應該唔錯，門外仲有發哥嘅相片加持，一於入去試試！ 呢度除咗有湯粉麵，仲有撈麵，啱晒我口味，叫咗碗人氣之選《 切腩四寶撈粗 $66 》 。有招牌牛腩、魚蛋、魚片同雲吞。牛腩牛味重，入口軟嫩腍！👍🏻魚蛋、魚片，有魚味黑椒牛丸，口感好實在，有肉汁雲吞彈牙爽口，入面入兩隻蝦撈麵仲要好足份量，食唔完咁，汁又惹味好夠撈 ，整體幾抵食！再嗌杯《凍檸樂 $23》， 爽！

今日去筲箕灣做義工，然後慢慢去搵野食。我諗多數港島居民都會好似我咁，一身處喺筲箕灣就會諗起東大街。我呢排好想食魚旦粉，所以有目標地去搵粉麵店。見到呢間「大排檔」原來係食粉麵，又見有明星去過，又幾多人，就直接一試。 魚旦魚片粗湯麵 $44 湯底無鹼水味，亦唔會咸。 魚旦魚片唔係來貨，係手打嘅口感。粗麵份量多，好似有兩個麵餅咁多咁，所以十分飽。酥炸魚皮 $28好大包，魚皮厚身好有口感，淋耐少少都唔會變得太嫩，仲有脆感，好唔錯，有紙袋食唔晒仲可以拎走。《凍檸樂 $23》 呢間下次再嚟食。

筲箕灣東大街正中大排檔，平時不太為意呢間店，今次食完好有驚喜!個人覺得撈粗必試!炆腩湯河，河粉滑溜溜，牛筋大條骨膠原滿滿，牛腩好入味。切腩四寶撈粗，有必食既崩沙腩、魚蛋、牛丸、雲吞，配清湯。牛腩一絕，肥瘦適中，軟腍有牛味，丸類亦係鮮味，粗麵質感彈牙爽口，好掛汁好入味。炸魚皮，一袋袋好衛生，每日鮮製，真係感受到特別新鮮香脆同平時買返屋企食既唔同。西多士，超厚金黃色，外脆內軟、加上牛油同糖漿、​真係好美味。碎牛肉餐肉三文治，材料滿滿，咸香再加綿綿既三文治，good ar! 餐飲我地要左鮮忌廉紅豆冰，超香甜，非常正。另一杯要左檸茶，兩杯用黎送麵同西多都好爽。另外呢度價錢公道，唔洗排大隊都可以品嘗到美味粉麵，好多街坊幫襯。正中大排檔筲箕灣筲箕灣東大街57號地舖港鐵筲箕灣站B2出口，步行嘅2分鐘

第二次嚟食，因為食過佢嘅「切腩四寶撈粗 $66」幾好食，今日專登嚟翻踔！ 一碗入邊有五樣配料，有牛腩、白魚蛋、魚片、黑椒牛丸同雲吞。最主角當然係個牛腩，肉質好腍，皮位都會冇渣，入口有肉汁有又少少牛羶味，係我杯茶！如果唔夠喉仲可以散嗌一碗，正～同埋呢度有撈麵食，我就一定會食撈麵！佢唔係求其落啲蠔油俾你，而係個撈麵已經本身吸晒尾，個碗底仲有汁俾你撈，而且啲汁好夠，好惹味又唔會好鹹～見枱枱都食炸魚皮，我就嗌一包食。一個人當然食唔晒，因為碗麵好大碗，所以職員姐姐會連紙袋比你，唔使一次過食晒。啲魚皮真係好好食喎，大細適中，有咬口又脆，唔會好硬又唔會好鹹，仲跟一碗湯添。呢度冇跟餐，所以飲品散嗌：超多生果肉嘅雜果賓治 （$30）

東大街係香港其中一條食街，食店林立，咩類型嘅餐廳都有，粉麵店仲係必食之一今次一於去粉麵店食，我媽話一定要叫返碗魚蛋魚片湯河先得，覺得呢碗粉係好食嘅話，基本上成間餐廳其他食物質素都唔會差魚蛋魚片湯河🐟魚蛋魚片每日新鮮製造，夠晒鮮味彈牙河粉夠滑溜有回彈力，煮烚時間啱啱好，冇軟爛嘅情況出現清湯底唔會過鹹另外有一塊炸魚皮喺麵面點綴，炸魚皮好酥脆冇油益味，下次再嚟會點單一碟食牛筋撈粗🐄媽媽唔係咁鍾意食牛筋都話好味，牛筋煮得好入味但唔會過腍，保留少少咬勁，牛筋份量都多粗麵同樣夠滑有彈性，色水撈得好均勻，雖然係鹼水麵，但唔覺冇麵底黏成一團附上一碗熱湯加蔥花，食一啖麵再飲一啖湯，正😋西多士🧈蘸上蛋漿嘅厚身麵包炸得剛剛好，外層金黃香脆，內層鬆軟，上枱時仲係熱焫焫，可以配糖漿或者煉奶食用，如果可以有花生醬做夾心就更正飲品就叫凍檸茶同凍華田，正常發揮，值得一讚飲品份量係貼住杯口咁滿👍🏻