正中大排檔

營業中

休息中

香港有很多牛腩麵檔，但水準就参差不齊。今日經朋友介紹下，去左筲箕灣《正中大排檔》度食午餐，味道不錯，今次叫左：《切腩四寶》$62切腩粉麵本有淨腩、雙拼、三拼和四寶之分。有因想試多樣菜式，所以選左切腩四寶。四寶有腩肉、雲吞、魚蛋。腩肉軟腍，雲吞飽滿、魚蛋爽彈。呢度粉麵全部即叫即製，大大碗、熱辣辣上枱，很吸引。《油菜》$28有菜心和生菜，兩樣都很新鮮翠綠。菜上淋滿蠔油，蠔油配菜嘅食法真超級正！《火腿煎蛋跟包》$30切片嘅火腿冇渣且咸香四溢。蛋白週圍煎至微金黃，煎得啱啱好。麵包新鮮焗出來，香脆可口。《鮮忌廉紅豆》$30雪糕紅豆已飲過多次，飲忌廉紅豆，我都係第一次。覺得忌廉味都夾紅豆味，奶油香味較重d。

位於筲箕灣東大街的「正中大排檔」，除了傳統正宗的港式粉麵之外，還有麵包多士等選擇，今天我們就叫了以下食物：🌟切腩四寶米/河必點這裏的招牌菜切腩，是比一般腩牛肉味道濃，四寶有魚蛋魚片，牛丸雲吞，爽口彈牙，份量十足！🌟西多士又大又厚，兼且脆邊的西多士，熱辣辣好好味！🌟消脂青檸聽個名就好想叫，酸酸甜甜的，清新又解渴。啱晒夏天飲。餐廳雖帶一點懷舊的裝修，但店員都好友善，中午時分人流也算多，的確很受歡迎。

12歲搬咗去大圍，安利點解變咗兩間安利，真係不得而知，細個成日睇佢哋絞魚肉同炸魚皮，離開筲箕灣佢哋仲喺後巷，當年只係普通粉麵一間，食得最多係牛腩米。再番去食，已經係大仔三歲左右，兩間安利都有幫襯，味道其實分別不大，不過比較喜歡去安利大排檔，面口冇咁黑吖嘛！有一次去到，發覺佢哋改咗名「廣面子」?! 姐姐話收到律師信，唔改唔得⋯⋯今次嚟到，又發覺佢哋改咗名「正中大排檔」，今次冇問到，因為掛住食唔記得問🤣🤣🤣三父子叫咗兩碗牛腩撈粗同炸魚皮，一個切腩一個炆腩，細佬唔肚餓只係食一碗魚蛋＂兩兄弟第一次試撈麵，估唔到一試愛上，最後我要捐出半碗麵比佢哋分享，因為之後會再去太安樓掃街，所以冇再叫其他嘢。其實佢哋水準保持得幾好，至少撈麵個湯我都飲晒，不枉我由馬鞍山過嚟幫襯！是日消費：牛腩撈粗(切/炆)$50/$54 炸魚皮$28 魚蛋$44 雪碧$11 凍檸茶$23 共消費$210

筲箕灣大東街出名多食肆，今次揀左正中大排檔，招牌清湯牛腩，非一般麵檔會有既多士，一家人去試吓😆切腩四寶撈粗麵 $66牛腩口感軟腍，牛味濃郁，魚角牛丸彈牙，雲吞餡料足豉油撈麵味道適合大人細路，不會太鹹，粗麵爽口，再配碗清湯一流。魚蛋魚片湯河 $44魚蛋魚片一樣彈牙，河粉幼身爽滑，配上蔥花清湯，一級棒鮮忌廉朱古力 $30小朋友特別喜歡，第一啖到尾都朱古力味都冇沖淡嘅感覺，爸爸話童年回憶返晒來🤣鮮油奶多士 $16十分推介，一塊厚厚牛油配奶醬十分味美，媲美菠蘿油👍🏻厚西多士 $28不喜歡花生醬的，一定要叫這款西多士，沒油膩感覺，沾滿香濃蛋漿，小朋友停唔到口😋

在筲箕灣東大街遊走發現這家傳統裝橫的粉麵店，雖然不是午飯時間，但仍然有不少客人到店。❈ 切腩四寶撈麵 HK$66切腩和四寶包括，魚蛋魚片，牛丸和雲吞，食材豐富擺滿整碗麵。自製魚蛋口感彈牙，魚片是脆邊的。大大塊切腩有濃郁的牛肉味。撈麵用上爽口粗麵，麵條均勻地沾上豉油但不會太咸。 值得一提是他們的自製辣椒油，放入多款材料煮製，辣味甚濃。❈ 雙拼米粉(炆腩，牛丸) HK$50湯底是加了腩汁，令到米線添加上一份牛腩味。炆腩切得比較薄，有肉也是筋，牛肉味香濃，牛筋軟滑入味。牛丸有兩種，黑椒牛丸比較重黑椒味，而普通牛丸有牛肉味但沒有臊味。❈ 西多士 HK$28熱烘烘的西多士既新鮮又脆邊，溶化的牛油加上蜜糖很美味。❈ 消脂青檸 HK$30在炎熱的天氣下喝這杯冰青檸既消暑又有清新的感覺。☆分類標籤#nuttylife

［正中大排檔試食]於2024年8月15日到訪。真的見笑了，居住香港這麼久，我竟第一次去筲箕灣地鐵站。餐廳近B出口，歩行3分鐘便到，在天后廟旁邊。簡單懷舊的麵檔，沒華麗的裝潢。這類型的老字號餐廳就給人感覺食物一定不會差，同時帶我回到童年時最愛和媽媽吃麵檔的時光。中午午餐時分，餐廳人流很多，我朋友當日遲到，都令我覺得霸佔了位置不好意思，不過侍應們都很友好說不要緊，讓我安心待着。切腩四寶撈粗🍜人氣之選，包括了牛腩、魚蛋魚皮、牛丸、雲吞。幾喜歡他們的麵底除了自選外，加可「加色」、「減色」。麵有鹼水味，色澤亮麗，口感爽彈，味道較濃味，少少鹹。牛腩味肉味重，肉質較寶，魚片魚丸味魚味都挺出，牛丸黑椒味突出又彈牙。撈麵的好處就像日式沾麵，可以有幾個食法。我把撈麵一半直接進食，一半倒入青蔥湯當湯麵。炸醬麵🍜我也是第一次吃炸醬麵，如果不是朋友推薦，我大概人生也不會點。幼麵更爽口彈牙，沒帶點鹼水味。炸醬的味道酸酸甜甜，有點像蕃茄醬，還有辣度作後勁。消脂青檸🍋‍🟩聽起來感覺像健康產品，想不到甜甜的，有氣的，用易入口形容實在是侮辱，它是比泰式青檸梳打更好味。鮮奶油多士🧈 ［必食］見到別人點了，就一直被多士吸引着

係筲箕灣開咗新一間港式麵檔🍲，正中大排檔📍最鍾意食四寶河嘅我當然要去朝聖一下啦😍切腩四寶撈粗同四寶紫菜河呢兩樣，就通常係我每次去食呢啲粉麵檔嘅時候必叫嘅王牌組合❤️對比起同街另外嗰兩間，佢嘅價錢絕對更加實惠！而且份量亦都比較多，飽肚感絕對係平時嘅兩倍！切腩：雖然話係切腩，不過食落去仍然有好多爽滑嘅筋位，半肥瘦，充滿牛味，而且份量真係好多🥹牛丸：牛丸10分爽彈，而且有濃濃嘅黑椒味，無論配河粉定係撈粗都十分之夾！雲吞同魚片頭同紫菜都好好食，如果一個人嘅話，絕對可以嗌切腩四寶再加紫菜！大滿足🤭🤭至於叫河粉定係撈粗，我個人就比較推薦河粉啦！因為啲河粉好爽滑，而且夾起上嚟都唔會斷，絕對值得推薦🙂‍↔️🙂‍↔️另外仲叫咗杯奶茶同油菜，成餐食完都唔使再食晚餐啦🤭

.今日帶哥哥出街😉經過筲箕灣，順便入咗正宗大排檔食碗粉麵😋切腩四寶撈粗🍜❇️魚蛋魚片❇️切腩❇️牛丸❇️雲吞必點✨味道小小咸咸地‼️麵質爽口😋切腩軟腍又有牛味👍🏻牛丸好多汁勁juice‼️淨魚蛋魚片魚蛋勁彈牙又有魚肉味😋西多士🥪厚身麵包🥯炸得適中‼️外層非常甘香脆滑配糖漿或者煉奶都好食非常邪惡嘅鮮奶油多😋食咗一啖已經覺得好邪惡😆但真係好好味💯舊牛油再配脆嘅多士真係一流@#筲箕灣 #美食 #foodie #育兒親子樂

港式粉面店必點牛腩河呢碗魚蛋粉同我之前食嘅有啲唔同，佢除左有魚蛋，魚片之外，仲有埋炸魚皮，真係好特別，炸魚皮上枱時真係有驚喜，夾起先食以免比湯浸軟，炸魚皮脆卜卜，魚蛋同魚片都係爽滑旦牙，湯底係清湯，亦有水準，沒有味精味忌廉紅豆冰天氣咁熱梗係要飲返杯涼浸浸嘅夏日特飲消消暑，昔日懷舊嘅紅豆冰特飲，確係餐廳必點之一飲品，尤其是炎炎夏日，飲一大杯紅豆冰夠消暑，呢間餐廳仲加上滑滑忌廉增加奶香及滑度，紅豆軟腍又不失口感，飲落即刻心情舒暢清湯牛腩粉，河粉嫩滑得黎又帶有彈性，牛腩肥瘦適中，沒有肥膏或渣，肉質爽口，肉味香濃，軟硬適中，腍得黎又不失口感，湯底清甜，飲咗都唔覺頸渴

難得嚟到筲箕灣，諗住去安利或者王林家啦，點知咁多人排隊等食，無辦法啦行過對面望下有咩食，比小弟見到間隱藏在竹棚內嘅鋪頭～正中大排檔，眼見都有唔少人幫襯喎，最緊要為食女友又唔介意😎每人叫咗一碗麵食，小弟其實都為食，想食多幾款於是揀咗撈幼同湯河，呢度啲切腩又幾好食，魚蛋魚片都唔差，可能搭咗棚唔太明顯啦，如果唔係應該都比得上對面兩間，人氣粉麵店安利及王林家。話說聽到女友問飲唔飲消脂青檸，嚇窒左大拿拿一個男人消咩脂，好彩只係平時飲開嘅青檸梳打，咁就無問題啦😂

平時都好鐘意去筲箕灣東大街食野，今次就去左一間正宗大排檔食lunch，一開始以為係食小炒嘅大排檔，原來係主打粉麵既小店，今次叫左幾款招牌野食，味道都好有驚喜墨魚丸湯米 墨魚丸大大粒爽口彈牙，米粉份量好多，吸左湯底之後帶鹹香好惹味惹味清湯切腩湯河 牛味香濃，肉質軟諗吸左湯汁之後更惹味配上鮮甜清湯底香口惹味，河粉份量都好多，飽肚滿足😌西多士 必點之選，熱辣辣外皮香脆，可以揀配煉奶/糖漿，食落香口惹味蠔油菜蠔油香口惹味，菜心都好新鮮，可以叫碟清下腸胃

筲箕灣東大街一向出名多好野食,無來一排今日過開嚟發現多咗間👉🏻正中大排檔，見佢招牌菜係清湯切腩，朋友即刻話要入去試切腩墨魚丸 撈粗麵 $58切腩肉質軟腍，牛味濃郁墨丸大大粒好彈牙豉油撈粗好出色😍豉油唔會太咸，粗麵幾爽口，份量非常多切腩雲吞 湯伊麵 $54雲吞大大隻，皮夠薄清湯底幾鮮甜兩碗麵都送咗塊炸魚皮比我地炸魚皮脆卜卜好正😍鮮忌廉朱古力 $30本來無諗住叫嘢飲不過見到凍朱+cream好有童年回憶即刻叫返杯飲吓👍🏻凍檸茶 $23見到餐牌個西多士同鮮油多都好似好好食咁🤤下次過開嚟筲箕灣再嚟試先

在筲箕灣東大街的粉麵店，最出名的莫過於是「安利」及「王林記」，兩間的人氣好到基乎每次都要排隊入座！就好似今日咁，今日係週末諗住去王林記食碗麵做下午茶，點知發現又好多人排隊啦🥹。於是試吓行過對面街，發現有間叫做《正中大排檔》，雖然人氣冇前兩間咁多，但係舖頭入面都坐滿客人㗎😋入座後立刻睇下有咩好嘢食先，招牌清湯切腩，馳名自製魚蛋❣️▫️切腩四寶撈幼（切腩、魚蛋魚片、雲吞、牛丸）人氣之選～撈幼味道咸咸甜甜、麵質爽口；切腩半肥瘦剛剛好，軟腍又有咬口；牛丸多汁juice，可以一次過滿足晒所有願望🤭🤭▫️切腩三拼湯河（切腩、魚蛋魚片、雲吞）自製魚蛋魚片一啲都唔腥仲好有口感，好耐無食湯河，呢度啲河粉滑溜溜好好食，新鮮無斷粉㗎，雲吞皮薄餡靚，再加上清湯湯底清甜，超正❣️▫️腩汁生菜大熱天時食番啲菜消暑，兼均衡營養🤭▫️消脂青檸（=青檸梳打）聽個名初頭男朋友都好抗拒唔飲呢啲嘢，當知道只係青檸梳打就話Ok🤣，好彩正常好飲🌝能夠在筲箕灣東大街屹立不倒的，一定有獨特之處，下次再為大家介紹更多美味佳餚❤️

筲箕灣東大街出名多嘢食，忽然間好想食炸魚皮同魚蛋粉，就去咗喺天后廟隔離依間正中大排檔食晏。切腩四寶撈粗 $66 依碗麵超大碗超足料，有切腩，雲吞，魚蛋，魚片及魚片頭，牛丸，坑腩牛肉味好濃，亦好有咬口，魚蛋好彈牙有魚味，牛丸有兩種，分別係普通牛丸同黑椒牛丸，牛味香濃😍撈麵配湯食，爽口彈牙冇梘水味，配埋餐廳秘製嘅辣椒油，好好食😋魚蛋魚片河 $44魚蛋彈牙有魚味，河粉幼滑，我食得慢都唔會糊口或淋晒👍重點係超大碗，一個女仔一定食唔晒😅炸魚皮 $28 魚片香脆鬆化，每件都好大嚿，份量好多，我哋食極都有😂鮮忌廉朱古力 $30 ＆ 鮮忌廉紅豆$30冇諗過粉麵舖會有依啲特飲，緊係要叫嚟試吓啦，原來忌廉溝朱古力或紅豆都好夾，香滑得嚟唔會太甜，好有驚喜🤩今次太飽，下次要試埋佢嘅西多同鮮油奶多😋評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺🩺正中大排檔筲箕灣筲箕灣東大街57號地舖📍筲箕灣地鐵站B2出口2分鐘路程#healingbobo #foodie #hkfoodie #foodiehk #香港 #美食 #ShauKeiWan #SKW #筲箕灣 #大排檔 #f

媽咪好鍾意去筲箕灣東大街食野，趁放假就陪佢去食晏，佢帶咗我嚟呢一間「 正宗大排檔 」我開頭以為係食小炒嘅大排檔，但睇真啲門外嘅餐牌原來係食粉麵，仲要好多人！嗌咗 切腩魚片湯河、魚蛋魚片粗湯麵、酥炸魚皮、蠔油菜同兩杯野飲。兩碗麵好大碗！加埋兩份小食，我地差啲食唔晒！連野飲都好大杯！啲腩好腍好有腩香，連埋啲份口溶化嘅脂肪真係好正！魚蛋魚片都唔錯，唔會偏咸！魚皮好脆，跟湯浸下食仲正！菜都好嫩無渣。 紅豆冰好厚cream好吸引，有驚喜！