正九清湯腩 (常安樓)

營業中

休息中

天氣凍咗好多想食啲有湯熱辣辣🔥🔥嘅野，經過見到有間清湯腩🤤🤤啱哂心水，門口有幾個人等緊，應該都唔錯就去試下。見到一有食客走，即刻就去執枱，好快就安排到坐位。去到專食清湯腩當然要試招牌清湯牛腩，我揀咗加$8轉牛坑腩河粉（半肥瘦）如果要肥腩或者半肥瘦或者瘦腩要講明。半肥瘦牛坑腩非常軟滑，食完完全唔會癡牙。同行朋友叫咗炸雞翼伊麵，四隻雞中翼大大隻，而且仲熱辣辣🔥🔥，好多肉汁炸到啱啱好，我哋再加咗個炸豬扒同埋腐乳通菜，炸豬扒都係好多肉汁同埋熱辣辣🔥🔥，腐乳通菜個腐乳汁調得啱啱好，好好味😋😋😋下午茶時段食滿$40就包飲品🥤

星期日出咗旺角探望啱啱從外國回港嘅朋友。因為防疫措施需要3+0 ，未可以堂食，於是買埋個外賣俾朋友仔。我自己都未食晏，順便得嚟又專登去咗呢間「正九清湯腩」專門店。之前見吾少人介紹不錯，今日終於有機會試下。呢間分店位於油麻地文明里，十分近地鐵站出口，位置算是好方便。餐廳約有三十座位，星期日五點多六，約八九成坐滿，都算幾繁忙。清湯腩$49，可加$8 升級為坑腩、崩沙腩或爽腩，餐牌仲寫明可以落單時指明想要肥或瘦，定半肥瘦都得，悉隨尊便呢個真心不錯。除左河粉麵，亦有飯供應。我鍾意食河粉，於是叫咗碗《崩沙腩河》（$57）。河粉外賣無論幾近都好，都一定要分湯上，否則返去的河粉會太淋。我要咗多蔥。打開碗河粉，蔥真係多到睇唔到的崩沙腩，加入清湯之後，稍稍撥開蔥花，目測份量十足，的腩足足蓋滿面，大概有9片。片片靚仔，試咗片牛，入口軟硬適中、肉嫰吾柴，帶有少少脂肪更香，收貨。《腐乳通菜〉（$19），正常水準。跟餐加$8加杯凍檸茶。埋單唔使$100。整體來講不錯，唯一要挑剔嘅就係辣椒油一般。下次可以再試埋牛三寶、爽腩、坑腩等等。

今日收工又再幫襯呢間高質清湯腩，今次試左佢清湯牛三寶河（牛腩+牛筋+牛肚)加咖喱汁，牛腩可自己選擇肥瘦，肉質非常嫩，牛筋軟腍入味，牛肚易入口，最重要調味剛剛好，清湯好鮮甜，飲完一啖又一啖，配個咖喱汁又可以有另一番風味，可以一次滿足兩個願望。朋友就試左排骨擔擔麵，麵底唔錯，擔擔湯底唔係平時好濃好油膩個D，而係清淡得嚟又充滿花生香味，炸排骨鬆軟唔柴。另外，叫左份皮薄餡正嘅紅油抄手，只係23蚊但有好多隻，好食又抵食！

平日午餐🥣原本以為平平無奇🫣係某紅書見到一班人都推介呢間餐廳，抱住好奇心加試伏心態去食，結果被種草😂2點去食咁啱好撞正下午茶時間，但都好多人，陸陸續續車輪轉咁坐爆場，我就嗌左碗 #牛肉羹湯可 網上啲人都推介呢款，食落啲牛肉係爽爽地，都ok，但唔太驚喜(可能有比較之下😂重頭戲黎啦，保姆兄嗌左碗 #崩沙腩撈伊面 原本好討厭食崩沙腩既我，只係r左一舊黎食，竟然想同對面呢位人兄交換，但為左唔做港女就收埋我既心思🤫呢個牛腩不得了，炆得好焾，又好重牛味，仲可以揀牛坑腩/爽腩/崩沙腩，又可以要肥啲定瘦啲，幾好😌每碗都係$4x-5x，價錢ok，唔會太離地，行過路過唔知食乜，值得去trytry😋(唔好咁孤寒，睇完俾個like我啦🥹

食開牛腩嘅人都知道咩部位最好食, 稱得上好食嘅牛腩雲吞麵檔香港亦都好多! 但係我唯獨最愛😍正九清湯腩嘅崩沙腩! 🍜今日去開油麻地做野就去食多次, 頂下癮先😂😂 油麻地呢間舖頭非常之近地鐵站, 喺c出口就會見到。清湯牛腩河 - $49叫咗碗鮮湯牛腩河加$8轉崩沙腩, 再加$6紫菜, 湯清而不濁, 上枱已經聞到好香牛味。 呢碗招牌崩沙腩真係名不虛傳, 崩沙腩肥瘦適中, 用作嚟做牛腩🥓非常之嫩滑 , 腩嘅四面都有軟膠質圍住, 非常爽脆, 但有入口即溶嘅感覺, 而且好香牛味, 絕對係食過返尋味。😋食牛腩可以一定要落辣椒🌶️油, 佢嘅辣椒油都好好味😋, 辣椒香而不辣。 所有麵都係可以加$8要凍飲, 我叫咗杯檸檬茶🥤舖名: 正九清湯腩 (常安樓-油麻地)地址: 油麻地文明里11-13號常安樓地下1號舖#hkfoodie#hkfood#香港美食#油麻地美食#牛腩#崩沙腩#牛腩河#崩沙腩河#正九清湯腩

Happy Friday 同左友人去行街，行到又倦又肚餓🥹，途經文明理友人話之前在旺角，砵蘭街都食過呢間正九清湯腩麵，就入去食番碗麵醫肚啊。#牛腩擔擔麵，呢度坑腩冇咁肥，牛味香肉質軟淋，筋膜有少少油香，柔韌有嚼勁唔會癡牙，擔擔麵有好香濃花生味。#咖哩崩沙腩，好香濃咖哩味，咖哩裏面有香濃椰香，又有輕微的辣，崩沙腩彈牙有彈性，好重牛味。 幼麵爽口彈牙！！黎到呢度一定會食坑腩, 貪佢冇咁肥，香濃牛味肉質軟淋，筋膜咬落有少少🤏嘅油香，而且柔韌有嚼勁唔會癡牙，　　正九清湯腩 (常安樓) (油麻地)油麻地文明里11-13號常安樓地下1號舖c

之前係觀塘食過一次正九清湯腩覺得唔錯，今次喺油麻地收工見到呢間分店，一於食埋晚餐先返歸！清湯崩沙腩河（$57）崩沙腩姐係牛橫隔膜附近嘅腩肉，有塊薄膜，腩肉會比較肥，牛脂同肉味香濃，口感軟腍，清甜不膩湯底加上香滑河粉，好快就可以清一碗！淨菜肉雲吞（$40）有八大粒自家製菜肉雲吞，皮薄餡多，鮮甜多汁！腐乳通菜（$19）尚算青綠爽脆，半葉半莖，蘸少少鹹香腐乳醬，非常惹味。腩汁蘿蔔（$16）鮮甜軟腍又無渣，加上惹味腩汁，香濃入味，必點之選！飲品跟餐加$8，今次就叫咗檸蜜同檸賓，大大杯好抵飲！如果係下午茶時段1400至1800嚟食滿$40，仲送支裝汽水或者熱飲！

正九清湯腩 📍油麻地文明里11-13號常安樓地下1號牛魔王既我🐮🐃為左佢既清湯牛腩而來叫左兩碗粉麵😄～好滿意👍🏻首先～講講湯底～用上新鮮牛腩+牛骨～秘方熬制飲落清甜而不油膩🫶🏻♥️唔會愈飲愈咸～反而愈飲愈好味👍🏻帶點牛骨清香～配上蔥花非常正清湯牛三寶麵$61 ～牛腩 牛筋 牛肚另外再+兩款丸；牛丸+墨魚丸加料～每款都係$8 ～ 抵👍🏻。牛腩 ～ 有牛肉香味～食落好有咬口。牛筋 ～ 彈牙。牛肚 ～ 爽口。牛丸 ～ 爆汁。墨魚丸 ～ 正常發揮清湯牛腩河 $49 ～性價比唔錯👍🏻同埋最欣賞肥瘦可以係落單時講低會盡量安排～好貼心♥️凍檸蜜特飲+$8菜心蠔油$19埋單$149/～2個食～禁又一餐👌🏻

平日成日食西餐日本餐，今日經過油麻地，想簡簡單單食碗牛腩麵🍜，點知好有驚喜🤩！呢間餐廳嘅牛腩可以選擇肥、瘦或者半肥瘦，無論係咁鐘意瘦啲，想食肥啲都冇問題💯 ！而且牛腩仲可以加$8轉崩沙腩/爽腩/坑腩，任君選擇✅。座位以粉麵店黎講都算坐得舒服，唔會太迫。🍜清湯崩沙腩粗麵 $57崩沙腩十分出色，牛肉味好重，而且煮到好淋好夠味🤤。每一塊牛腩上面都連一層薄薄地嘅筋膜，食落有啲膠質嘅感覺，而肉嘅部分亦唔會鞋。一啖食落去有兩種唔同嘅口感，非常滿意💯💯。而麵底方面，個粗麵爽口彈牙，不錯不錯🤤。🍝咖喱牛筋撈粗麵 $61個咖喱汁十分驚豔🤩，絕對唔係一般茶餐廳貨色。咖喱唔係死辣，又唔會好多油。食落口第一啖先食到甜味，然後係香料，最後先有辣味作為後勁😝，幾有層次。牛筋好入味，而且已經煮到好淋，唔洗點咬已經溶化👍🏻。附送左嘅牛腩清湯好清甜，唔會過鹹，食得太辣嘅時候🥵用嚟解辣啱啱好。🥩麻辣白肉 $33主要以麻香🌶為主，辣味為次，仲有蒜香同白芝麻。豬腩肉肥瘦層次分明，食落唔會好鞋🥳。如果你係好似我地咁嘅重口味人士就十分適合啦😍！

今日係血月食返d補血既野😂😂開會開到3:30,所以食個午餐+下午茶先，快靚正之選梗係食粉麵清湯牛三寶河𝗵𝗸$ 𝟲𝟭(紫菜+𝗵𝗸𝗱$𝟲)「牛腩可升級崩沙腩/坑腩/爽腩加𝗵𝗸𝗱$𝟴」今日4點太晏去食啦🥲得返坑腩,炆得好入味，牛味濃；超多牛筋，好腍滑，入口即溶；金錢肚爽口正九牛肉羹河 𝗵𝗸𝗱$𝟱𝟵好特別嘅潮式食物，唔係間間有，牛肉羹好似生菜魚肉果類朋友咁，小朋友會好中意食淨菜肉雲吞𝗵𝗸𝗱$𝟰𝟬自家製，大大粒，好足料⏰下午茶𝟭𝟰:𝟬𝟬-𝟭𝟴:𝟬𝟬🫖凡貴顧滿𝗵𝗸𝗱$𝟰𝟬 送熱飲/汽水, 凍飲加$3Overall嚟講環境企理乾淨，店員十分親切，價錢合格，上菜速度快，清湯腩嚟講都算👌🏼另外雞公碗+杯勁得意！下次要試埋崩沙腩+爽腩啊！如果大家中意俾個like支持下🤟🏽 𝗖𝗶𝗮𝗼~正九清湯腩 (常安樓) (油麻地)油麻地文明里11-13號常安樓地下1號舖

突然🤩發現油麻地🚇都有正九清湯腩😎，店面光鮮乾淨企理🥰，所以即刻入去食咗個 lunch！呢度有🐂牛腩擔擔麵🍜，一次過可以滿足晒我兩個願望😍，所以我今次就叫咗佢再加🦑墨魚丸🥰。🐂牛腩可加錢💰升級選擇🤤崩沙腩、🥰坑腩或者😍爽腩。我今次就揀咗😋升級崩沙腩🐮，味道濃郁根位爽脆有咬口👍！🦑墨魚丸爽滑彈牙🤤，都幾有墨魚鮮味🥰。呢度嘅擔擔麵🍜都十分之唔錯👍，花生🥜味香濃，少少辣🌶️好開胃😋！

久有耳聞正九是🇭🇰牛腩界之王😍就和姐妹慕名而來了！牛腩🐂是廣東人飲食不可或缺的一部分，很有講究！問了店員姐姐推薦什麼，她很熱情的介紹牛腩的分類：坑腩、崩沙腩、爽腩等等～他們家湯底是牛骨加大地魚熬5-6個小時製成的，足夠清甜，所以完全不需要味精（當時半信半疑👉吃完，嗯，真香！完全不會有口渴的感覺😭功力深厚真的名不虛傳天花板）✅菜品🥘坑腩河粉🌟🌟🌟🌟🌟之前比較少吃牛腩，因為在茶餐廳裡面一般吃到一半就已經覺得很膩了，但是這個真的吃得我很上癮！牛腩的肥瘦肉比例剛好，爽口不油膩，肥肉部分的油香恰到好處～桌面上有醋、辣椒醬等調料可以自行添加，但是平日每頓都要吃辣的我🌶️今天難得什麼都沒加！🥘崩沙腩🌟🌟🌟🌟🌟相比坑腩稍微瘦一些，適合吃得比較清淡的朋友！清湯搭配軟滑的河粉，姐妹直接把湯喝完了，可想而知其威力！🥘酥炸魚皮🌟🌟🌟🌟不能小瞧炸魚皮這種看似簡單的小吃！我和姐妹都超愛這個！因為它比外面那種真空包裝的魚皮更薄更脆！也不像火鍋店那種比較厚或者多鹽的那麼重口味～🥘招牌牛肉羹🌟🌟🌟🌟香港很難找到正宗的牛肉羹，但這是他們從福建帶過來的家鄉小吃！肉質鮮美原汁原味～湯一人一半然後咕咕咕喝完了！🥤凍檸茶也有驚喜！

牛腩河周圍都有得食 但好味嘅崩沙腩就可遇不可求 😍今日嚟到油麻地就試吓呢間出名牛腩做招牌菜嘅餐廳🥳首先叫咗碗清湯牛三寶河 三寶有齊牛筋牛腩牛肚 一次過滿足晒所有願望 另外仲加咗墨丸添😝碗麵一嚟到的確好香牛味😊 三寶都清潔得好乾淨 牛筋牛肚都好爽然後重點嘅牛腩亦都煮得好嫩口 一啲都唔會覺得煮得過老 啱啱好恰到好處 🤓墨丸就正常彈牙第二碗就叫咗鎮店之寶崩沙腩河 另外加咗雲吞🥰一食就明白點解佢係招牌菜 崩沙腩肥瘦適中 作為牛腩 佢可以做到好滑 甚至有啲入口即溶嘅感覺 又有特別香嘅牛味 的確係食過返尋味 必食推介🤩👍🏻 雲吞亦都好大粒 餡料好夠☺️總括來講 呢間值得推介俾牛腩愛好者 一定會食得滿意😝正九清湯腩 (常安樓) (油麻地)油麻地文明里11-13號常安樓地下1號舖

人在外地特別懷念香港文化美食，正清湯腩麵、叉燒是特別懷念美食之一。說真，不是老店的，是吃不到正宗又原汁原味的牛腩味道。。。今天又去尋找美食……朋友介紹油麻地文明里有間『正九清湯腩』，真材實料，食材新鮮又不馬虎；牛肉及脂肪分佈很均勻，湯底清甜又回味；一於拍拖去尋找傳說中的正清湯牛腩……正九清湯牛腩麵 ：名不虛傳的牛腩很靚，牛肉及脂肪分佈均勻，一點不油膩正九清湯牛腩擔擔麵 : 名不虛傳的牛腩牛筋很靚，有咬口，一點不油膩#Signature 牛叉燒第一次食『牛义燒』，肉質嫩滑，配上麵或米飯一流，令人回味無窮#Signature 正九牛肉羹 ：牛肉羹啖啖肉，有清甜的蘿蔔，加上薑絲陳醋，增加口感層次，豐富了味蕾，趁熱吃很好吃！回頭指數達90％……用心又專業的烹調，食店值得擁有支持者👍🏻#重拾拍拖情懷#兩小口 #溫馨滿載#幸福滿瀉 #幸福感原來是很簡單#this is a life and not alive in a world

👂🏻吃牛腩真的是香港生活不可或缺的一部分，一直听说油麻地有一家正宗牛腩店，深受local街坊邻居的好评。最近老板又在附近新开了一家店，敢在300米范围内同时开两家店，证明真的对自己的口味很有底气‼️老板是一对内地来港的夫妻，热情又心善！🍜店里的清汤汤底，都是每天早晨新鲜现煮的，汤底加入了秘制的药材调节口味，可以去除牛肉腥气，令汤底更鲜更清香，但完全不会有药味🐮牛腩有不同部位可以选，崩沙腩/坑腩/爽腩，一定要点崩沙腩！崩沙腩是牛的横膈膜部位，紧挨着腹部，因此肥而不腻，真的很爱这种一半瘦肉一半肥肉的口感！虽然店里是主打清汤汤底，其实咖喱口味也很绝！建议如果两个到店，可以选择【清汤崩沙腩牛河】【咖喱崩沙腩牛河】一样一份！绝对不会失望！