正仁利潮州菜館 (已結業)

呢間都真係叫正宗老舖由細細個十零歲食到而家三字頭唔知而家係咪其他地方好多所謂平靚正既打冷當~但對於我黎講其他既的確無呢到咁正我想講既,都係正宗而且出面其他打冷當無既野炒薄殼:好似青口但超迷你版好細粒,一粒連殼大約有一塊手指尾甲咁上下大,有D人就梗係會覺得細,但我就好鍾意個味道,一大碗慢慢食,又可以餸酒,真係好嘆糖醋兩麵皇:呢道菜出面肯定無得食~炸到金黃色既麵,脆卜卜,加D沙糖,加D醋食~超正欖菜芥蘭炒肉鬆:呢味我食就會加辣~欖菜就係已經係味濃加啦,加埋芥蘭,肉鬆成碟就好好味,又好咬口,我會用黎送粥,簡直一流~

11點幾加連威老道上完堂，厚福街就最近最多選擇，去到有好幾間都收咗舖，喺潮州舖門口望吓個menu ，就俾姐姐sale咗入去~一坐低就有一盤6杯功夫茶serve 我哋，之後另一侍應叔叔就行埋黎sale，我哋話睇睇先，過5分鐘佢又問我哋食咩，我哋又灑走咗佢。。。。首先點咗個鱔片同炒飯，其後再點個炸蠔（唔記得個名，好似春卷，但入面係蠔仔）~鱔片咸咗少少，炒飯ok，炸蠔幾好（蠔仔數量適中，又唔似蠔餅咁多油），特別一提個辣椒油，渣幾香，辣油夠辣~~整體唔錯，呢問都算係傳統潮州鋪，不過食物唔特別好食，但ok，乾淨清潔，服務唔錯，係sale 得行咗少少~~尖咀冇乜幾間打冷，如果想打冷都會返黎~~

今晚有朋自遠方來，約了大馬朋友到尖沙咀吃晚飯，來到厚福街，見到正仁利，就打算吃潮州嘢。兩人點了三樣菜。鹵水拼盤，碟就頗大，但底下全是頭頭尾尾，骨多肉少，想搵塊鴨肉都難，而且鹵得並不美味，肉又太肥，好搵笨。瑤柱荳苗，這道菜還算可以，鹹鹹地幾開胃，算合格蠔仔粥一窩，蠔仔份量足，頗鮮味，粥也很鮮甜。我們沒有望價錢牌，三道菜加一枝啤酒，以為大約二百蚊左右，點知埋單要$376，令我眼都突。茶餐廳貨色要三百幾，真係貴，要我再來? No Way!

同朋友到達後伙記安排在廚房門口一張小枱,已覺得座得不自在,跟住一直介紹最貴的菜單,例如凍蟹,潮洲翅,螺片,當正我們是遊客,真是令人討厭,結果都吃了凍蟹,但味道一般,服務又麻麻,不值得去。

第一次寫食評，因為極唔滿意呢間餐店職員嘅態度。唸住買外賣返屋企食，見到呢間裝修看似舊式兼自稱正宗嘅食館，心唸應該okay,就試一試。入到去表示買外賣，個阿嬸就問幾多人食，並立即推介凍蟹。我話唔洗，跟往我就問佢攞餐牌。我點咗：1. 鵝片 $88 2. 紅腸墨魚$80 (餐牌上係噤寫)3. 川椒雞$754. 蠔仔粥 $35俾$時, 阿嬸就話$298。俾張咭佢碌先，跟住心算。EE, 唔啱數嘅？心唸唔通外賣都要小費荼介？？ 最後都係問阿嬸攞單，一望，E 點解牒紅腸墨魚收我$100嘅？阿嬸即時黑面，仲話收$100 啱㗎啦。我問點解同餐牌唔同？？佢竟然話餐牌唔啱阿嬸又話份量唔同。下？噤你又唔早D同我講？個餐牌有咩用呵？最后我話我係跟餐牌點餸，唔介意佢攞返多咗嘅份量。最終佢肯俾返$20 我，並黑面噤話多咗嘅份量當貼咗俾我。話，真係多謝晒攞。問題唔係$20呀，係做生意唔老實呀！D嘢食好味都無用(但事實並不是)。返到屋企開餐。打開盒『鵝片』，除咗面嗰層，下面係鵝肉(有骨嘅) 嗰盒『加大』份量紅腸墨魚，2樣全部加埋約15塊(仲要切得薄)。如果噤嘅份量，唔好話 $100, 收$80都係唔抵。味道其實係oka

我从不提交食评，一直只是看，但那次有国内朋友到访，刚路过此店，朋友是潮洲人，故想一试香港潮莱水平，入内觉得服务很好，环境一般，菜式一般，也不差，还送糖水，地道潮汕的，四个菜，中小size，埋單一看，990元，潮汕人，果然！我是不會再光顧的、我認為以那格局，品質、地理，那餐最多值四佰

臨時有親戚想食潮州菜,叫埋我,可以食多一兩款。不過我遲到(因為臨時),冇食到鹵味。有份食金不換炒薄穀 ~ 唔係時時有,薄穀比較瘦,不過味道好正蟹棗+蠔卷~ 蟹棗一般,不過都算彈牙。蠔卷唔錯,加咗胡椒粉去腥味,幾好味炒蕃薯曲 ~ 老闆推介,又唔錯,幾嫩,烏頭 ~ 有小小腥,但夠肥美,ok啦甜品叫咗三個白果芋泥 ~ 比較少油,都夠滑,干燒銀杏 ~ 唔太甜,幾好反沙芋 ~ 今日超正,芋頭夠粉,外面的糖唔厚,剛好。每人$250-,其實係潮州菜館,唔食"時價"海鮮,都唔會太貴。

使用OPENRICE咁耐.... 一向都係睇...不發言....不過今次真係令我有開番個ACC O既動力今日一行4人去TST 食飯.. HEA揀左呢間野...伙記非常之咁好態度... 又茶..又水... 又出動自稱私伙靚茶葉...其實 事情就好似之前D食家食評咁... 又係螺片出事!過程又係同大家差唔多.... 我地碟螺片係1斤7兩~~~~ 原價38蚊/兩...佢仲好好咁收我地30蚊/兩咋... 哈哈!!埋單 1千200幾蚊.... 螺片690蚊!WA.... 夠我去食個豪華BUFFET喇~~~ 仲可以飽到嘔TIM啊...呢幾片螺片..... 幾舊西蘭花... 令我大開眼界... 人真係傷心的時候係冇眼淚的...而我地已經係無奈到唔識嬲... 哈哈哈哈.. 而且而家仲當係一個笑話咁講緊..

第一次黎依間潮州打冷食，以前食開厚街尾間，但執左笠。見啲侍應全部都係阿叔，就知係老店喇 ~ 食物質數大路啦，服務算殷勤，舖面較細，坐得唔係好舒服。滷水併盤，有鵝片、鵝件、大紅腸、滷蛋、鵝翼、肥豬肉、豬大腸。又唔講得上係好好味，一般啦，滷水汁鮮味不足、香甜不足。鵝片鞋鞋地，一啲都唔嫰滑。鵝翼肉散，唔實淨，無趙口。炸蝦丸，鮮蝦膠，真係好鮮味，好彈牙，真材實料，好好食。竹笙豆腐煲，以為係幾清淡既一味，但味道幾濃架喎，竹笙好爽好，豆腐又好滑，熱辣辣，唔錯。大眼雞凍食，都幾大條，味算鮮甜啦，但乾左啲，無咩肉汁。煎蠔餅，微暖，不脆、蛋多、軟墊、勁多蔥仲要分佈非常平均，唔係每一吋都有，係每一厘米都有，還有蠔仔細細都好肥美，佢地亦都分佈得超平均，師父好野 ﹗但我個人較喜歡熱辣辣、脆卜卜、蛋多蛋香且蛋味濃、少蔥甚至無蔥既煎蠔餅，再點辣椒醬食就最正。糖水甜品，好清既糖水浸住啲馬豆，不算太甜，幾好，我唔多食糖野。

朋友之前食過，話好好食，一行六人去試吓。食物：-蕃薯苗：個侍應極力推介的，我和朋友都是第一次食。我們食唔到與筧菜有什麼分別，好咸，十分油。每口除了油及咸外，食唔到其他味道金不換泊売：個侍應極力推介的，我和朋友都是第一次食。個殼很細粒，仲要從每粒細小的殼中取極細小的來吃，十分辛苦，食到口都歪；味道好咸；用一大隻碗上枱的，食完面那層超咸後，碗內有很多湯浸住的變成極度咸蠔仔餅：煎得太乾身，蛋無蛋味，蠔無蠔味，只有一個味便是咸味蟹卷：外表上以為是普通春卷，唔講都唔知是入面有蟹。不油，無味蝦丸：不油，味道普通，蝦肉全部打爛了，食唔到一舊舊的蝦肉煎麵：普通，無特別鹵水拼盤（鵝片、豆腐、蛋、紅腸、內臟）：鵝片無味；豆腐無味；蛋無味；紅腸普通，無特別；內臟我無食，不知道。連這麼基本的潮州食物都可以弄到差，不可以對此食肆有任何期望。白飯：我無食，唔知道（無影相）罐裝可樂：正常汽水。竟然是此店舖內最好的東西（無影相）清心丸：店舖送的。我心想要俾錢的食物都差，免費的當然唔可以有要求啦。偏甜，綠豆無綠豆味服務:-(1)當我們落單時，侍應不停咁hard sale我們食凍蟹，我們問他幾多錢。他竟然話百幾、二百幾、

估唔到有唔少食客都有如此遭遇上個星期五晚，我同老婆加兩個朋友本來打算去厚福街食日本野點知無位, 所以過左呢間正仁利潮州魚翅響螺專門店"打冷"。我o地4個人，先叫o左鹵水鵝片同墨魚紅腸，然後叫老細介紹多個菜。老細先介紹我o地食凍蟹，我o地話唔想食海鮮，有無其他, 之後佢就叫我試o下潮州翅, 我地只不過諗住家常便飯, 所以都無叫, 之後就諗住叫個菜…清清地老細就sell豆苗, 佢話不如豆苗炒螺片, 呢度最出名, 我地話無問題, 跟住我再叫蠔仔粥, 4個餸, 應該夠食 轉個頭，老細走o黎話：「一斤五兩。」我o地都唔知o羊事，老細見我o地無反應，就走o左去。鹵水鵝片同墨魚紅腸先上菜, 當碟響螺片o黎到o既時候 得個五六塊"響螺"片, 叫個老細埋o黎問，佢就話：「一斤五兩係o甘多架喇﹗」呢個時候，我先發覺牆上面寫住「響螺片二十四蚊一兩」，碟豆苗炒螺片o米成五百蚊﹗於是，我地再叫個老細返o黎，老細竟然問我地d餸咁唔咁胃口, 我地話：「我地打冷唔洗食呢d野囉！」﹗一碟o甘o既o野收4百幾，同大劉去開果間福臨門同grade喎結果4個人，叫左3碟菜同一個蠔仔粥，埋單連加一就8百﹗o甘o既價錢，"品超

之前一晚係第二度食左打冷...今晚係尖咀搵野食…行過厚福街…見到呢間野…就心思思想再打冷…呢間野之前跟朋友去過一次…我都知佢唔平…兩個人預左三百零出門口…好…入到去坐底…先黎幾杯潮州茶…之後亞姐過黎點菜…我們想食鵝片…亞姐就係咁sell鵝件…(因為佢貴d)之後又問食唔食凍蟹…又乜又物…唔貴唔介紹…開頭我都無理佢…我只係叫埋滷水拼盤…亞姐就話拼盤有鵝片…可以唔駛…咁我再叫蠔仔粥…之後就諗住叫個菜…亞姐就sell豆苗…我話ok…佢話不如豆苗炒螺片…呢度好出名…你睇隔離都叫左…咁我話是但啦…之後佢就話差唔多…食住先…既然佢咁講…我梗ok啦…過左一陣…老細攞住個"貝殼"行過(拳頭咁大度)輕輕講句…"呢個靚呀…包好食…重一斤四"我問即係幾多…佢話廿兩…我真係無為意…我只係話ok…我OK完就諗…頂多都係百零二百蚊…就豪一次啦…五分鐘左右就上左菜…好都好奇怪…要開要洗要切仲要煮…有咩理由咁快…個老細就話佢d伙計手腳快…仲話如果唔係點做幾十年呀咁…好…算…信你…呢d無得駁…講真…碟野細到不得了…大約得十二三塊好似平時食"象拔蚌刺身size"既螺片…又細又薄話晒都叫一斤四喎…唉…又算…都費事問一個預左既

2人去了吃打冷說了好久,最終未去,今天偶然地去了打冷~一入去,樓面好小,雖然人流不多,但需要搭枱衛生真的有點不敢恭維,上手用過的枱布,留下的漬/渣, 老闆把我們的杯子反轉放在枱布上,剛好"cup"住上手的渣.... 有點那個.......首先用8小杯潮州茶招呼~還有小碟花生/菜甫我們只是點了小菜,白飯和清湯河粉點了的有: 椒絲腐乳通菜,滷水鵝肉片和豉汁蒸鱔片先來滷水鵝肉片,切得很薄,肉質稔而不枚, 加上自家制的醋汁,不錯椒絲腐乳通菜,炒得不太油,又不會太咸, ok!唯一有點不ok的是豉汁蒸鱔片,等了40mins,ok,我可以等,不過飯已經差不夕完成了!這跟我們想像的有點出入吧!豆豉加冬菇絲和蔥段,底下加好薄的鱔片,很咸,很腥;應該是鱔不夠新鮮才會這樣腥吧?起初還以為鱔片是盤龍鱔的厚度,也是的,鱔片,當然是不厚的啦!不過吃後真的好口渴呢!!!!大概是因為「師傅」吧!

食物 -- 除咗超咸之外冇嘢可以形容到, 連個菜煲都可以咁咸, 第一次見服務 -- 阿叔不停咁介紹一D我地唔想食嘅餸, 我地話唔食, 隔一陣佢又行過嚟叫我地食, 我地死都唔要, 佢就話好好食架喎, 你地唔識食喇最後四個人食一個蚝仔joke, 蚝餅, 一個菜煲, 一個魯水拼盆, 一條大眼雞, 一個魯水鵝, 阿姐埋完單拎過嚟話要差唔多9百幾, 我check check 張單同阿姐講"咦, 多咗隻蟹喎", 阿姐話"咦....., 我拎錯單喎", 最終9百幾變5百幾, 嚇死.....

係尖沙咀食開個間潮州野無左, 諗住試下新野, 見門口個阿姐叫得咁落力, 就試下呢間啦..叫左4個菜: 蠔餅, 蠔粥, 墨魚拼紅腸, 什"古"煲, 估唔到, 只係叫d咁普通的菜式都食左$310. 味道真係好一般.1. 墨魚拼紅腸: 墨魚唔錯, 口感和味道也不錯, 豆腐也OK, 可是紅腸是"梅"的, 像浸了一世紀2. 什"古"煲: OK, 古的種類也很多...3. 蠔粥: 一般...比我食開的少料....4. 蠔餅: 一般, 好油, 唔脆...粉太厚....有花生、功夫茶和糖水, 加茶芥和加一.環境其實是不錯的, 但我很怕成餐飯都比人望住的感覺(可能因為無咩客).而我們叫的食物只是很基本、普通的打冷食品, 味道又一般, 我覺得不值得要這個價錢, 以後都不會再來.