影片
更多
2009-01-20
12 瀏覽
之前一晚係第二度食左打冷...今晚係尖咀搵野食…行過厚福街…見到呢間野…就心思思想再打冷…呢間野之前跟朋友去過一次…我都知佢唔平…兩個人預左三百零出門口…好…入到去坐底…先黎幾杯潮州茶…之後亞姐過黎點菜…我們想食鵝片…亞姐就係咁sell鵝件…(因為佢貴d)之後又問食唔食凍蟹…又乜又物…唔貴唔介紹…開頭我都無理佢…我只係叫埋滷水拼盤…亞姐就話拼盤有鵝片…可以唔駛…咁我再叫蠔仔粥…之後就諗住叫個菜…亞姐就sell豆苗…我話ok…佢話不如豆苗炒螺片…呢度好出名…你睇隔離都叫左…咁我話是但啦…之後佢就話差唔多…食住先…既然佢咁講…我梗ok啦…過左一陣…老細攞住個"貝殼"行過(拳頭咁大度)輕輕講句…"呢個靚呀…包好食…重一斤四"我問即係幾多…佢話廿兩…我真係無為意…我只係話ok…我OK完就諗…頂多都係百零二百蚊…就豪一次啦…五分鐘左右就上左菜…好都好奇怪…要開要洗要切仲要煮…有咩理由咁快…個老細就話佢d伙計手腳快…仲話如果唔係點做幾十年呀咁…好…算…信你…呢d無得駁…講真…碟野細到不得了…大約得十二三塊好似平時食"象拔蚌刺身size"既螺片…又細又薄話晒都叫一斤四喎…唉…又算…都費事問一個預左既
今晚係尖咀搵野食…行過厚福街…見到呢間野…就心思思想再打冷…
呢間野之前跟朋友去過一次…我都知佢唔平…兩個人預左三百零出門口…
好…入到去坐底…先黎幾杯潮州茶…
之後亞姐過黎點菜…
我們想食鵝片…亞姐就係咁sell鵝件…(因為佢貴d)
之後又問食唔食凍蟹…又乜又物…唔貴唔介紹…
開頭我都無理佢…我只係叫埋滷水拼盤…
亞姐就話拼盤有鵝片…可以唔駛…
咁我再叫蠔仔粥…之後就諗住叫個菜…
亞姐就sell豆苗…我話ok…佢話不如豆苗炒螺片…呢度好出名…你睇隔離都叫左…
咁我話是但啦…之後佢就話差唔多…食住先…
既然佢咁講…我梗ok啦…
過左一陣…老細攞住個"貝殼"行過(拳頭咁大度)
輕輕講句…"呢個靚呀…包好食…重一斤四"
我問即係幾多…佢話廿兩…我真係無為意…我只係話ok…
我OK完就諗…頂多都係百零二百蚊…就豪一次啦…
五分鐘左右就上左菜…好都好奇怪…要開要洗要切仲要煮…有咩理由咁快…
個老細就話佢d伙計手腳快…仲話如果唔係點做幾十年呀咁…
好…算…信你…呢d無得駁…
講真…碟野細到不得了…大約得十二三塊好似平時食"象拔蚌刺身size"既螺片…又細又薄
話晒都叫一斤四喎…唉…又算…都費事問一個預左既answer…
食落又唔覺有咩咁特別…我覺得同平時果d雪藏既無分別…
一路食…招呼尚可…埋單前仲估四百蚊ok…
點知…盛惠七百三十二蚊….
唔係呀嘛…睇下張單…個螺係廿四蚊一兩…咁個廿兩重既豆苗炒螺片就要四百八十蚊…
加埋滷水拼盤同蠔仔粥…三樣野就已經七百幾???
無奈…局住俾…估唔到香港仲有人咁做生意…
好明顯"蝦"我們呢d”後生仔"…
我話過…就算全香港得番佢有打冷…我寧願唔食都唔會再去呢間"黑店"….
張貼