正菜! 韓國美食專門店 (已結業)

第一次嗌呢間嘅嘢食，嗌咗泡菜海鮮湯飯同雞肉飯卷。未嗌之前睇啲圖好似幾唔錯，但係返到嚟發現份量極少，同show出嚟嘅完全唔同，個飯少咗起碼一半，個裝飯兜仔嘅高度同直徑同一包包裝紙巾差唔多。再者，個湯係冇好似圖入邊咁有蝦，得一隻青口同埋兩隻蜆，仲有一隻係未開口，蜆有沙，個湯主要都係得啲豆腐、蘿蔔同洋蔥。🥲同埋最後去到佢話賣晒雞肉飯卷，好彩都有轉到另一隻飯卷，送返罐嘢飲。味道不過不失咁。希望會有改進😞🥵

滋陰養顏人蔘雞湯材料有大半隻醃製過、帶有雞味同咸味十足卻「鞋口」嘅雞隻，糯米、栗子、紅棗、蒜頭和人蔘。整鍋人蔘雞湯火候夠晒十足，表面喺一層漂浮緊嘅油，唔會死咸卻不失芳香，喺典型「老火湯」嘅味道。韓式炆牛肋骨大約有3件以醬油湯熬煮嘅牛肋骨，配埋紅蘿蔔、白蘿蔔、梨、冬菇等，不但有牛味同埋肉香，肉質夠晒嚼勁/煙韌，仲會痴牙，湯底好濃郁卻好清甜，冇落味精同雞粉，所以唔會口渴。韓式炒粉絲一人份量嘅素食炒麵，粉絲嘅口感夠Q彈，整體味道適中卻胡椒味較重，有少少辣，不過不失。