武士拉麵 (已結業)

暑假檔期多大製作電影上映，當然要捧場，個人偏好去九展睇戲，順道食晚飯，是晚去了武士拉麵醫肚。武田將軍拉麵 - 店員的推介，其實是北海道牛乳湯底，說真的本身都對牛乳湯底有點抗拒，但抱著一試無妨的心態點了，卻令人有意外驚喜。豬骨湯底中充滿牛乳香，兩者挺相襯，還令整個拉麵味道更豐富。薄薄的叉燒多肉少肥膏，煎得香脆。武士沾麵 - 有別於一般沾麵的醬汁，這裡的醬汁加了柚子魚介，整體更覺清新，不會過鹹。另外還點了兩款小食，煎餃子香口，饀料鬆化 ; 唐揚炸雞脆而不膩。拉麵美味，而且價格相宜，差不多是我每次來九展用膳之選。

我同女朋友都鐘意黎九展睇戲 貪佢環境好人又少啲 但呢到之前一直都好似無咩野食 直至一樓開左好多新餐廳 咁睇戲前就搵野食喇 行過見到呢間拉麵鋪 都有一定人流 睇過menu後就決定試下佢個北海道牛乳拉面 食落好有牛奶味 幾特別 叉燒亦都唔錯 另外叫左個蟹肉薯餅 炸得幾香口 味道都唔錯 可以一試

今日朋友想食拉麵，所以我哋就去咗附近嘅國際展貿中心搵嘢食，嗰度嘅餐廳都比較少人，行下行下見到有間日式拉麵店，環境睇落寬敞，所以就決定入去坐。我哋入去嘅時候的確好少人，可能因為啱啱至六點多，仲未到晚市繁忙時間，我哋隨便搵咗個位置坐低，之後店員問我哋想食啲咩，因為係第一次到呢間拉麵店，所以問店員有啲咩推介。店員非常有禮貌回應我哋，之後我哋就點了推介，卓上放咗幾款調味料供享用，其中一支辣油係店舖自製的，幾有特色。等了一會，店員就送上豐富的晚餐。外表美觀，朋友點了一碗北海道牛乳拉麵。我就點了一碗武士袖子魚介沾麵，加了介辣，紫菜好脆，麵嘅份量亦好足，湯底好爽，唔太辣，麵嘅弹性適中，食完之後有一種好滿足嘅感覺相信下次有機會會再去食

朋友今日去了九展睇車展，我放工後便去會合。於是，就在九展找吃的。由於朋友熱愛日本嘢，鍾意食拉麵🍜 見到附近有呢間武士拉麵幾得意，就坐低左。餐廳好處勝在位置夠多 能夠容納大量人潮餐牌上嘅拉麵名都幾有特色。我就揀左武士沾麵由於我揀左硬度最高的面 吃起來非常煙韌湯底不會過鹹 能夠吃到湯底鮮濃的味道小食方面小丸子配料很足木魚絲上碟時因為熱辣辣上 所以顯得有d好似舞動緊咁 好可愛呢個係餐廳幾大嘅特色！係自家調製嘅醬汁 食果陣加幾滴落去 整個拉麵嘅味道都幾出 另一樣點了的小食是炸雞雞塊量都幾足料 值得一提的是 餐廳員工非常友善 而且照顧得十分周到

真係黎九展睇戲先會經呢個商場。睇完戲要食飯見到新開咁多餐廳乜種類都有，但最後我都係揀咗呢間武士拉麵。呢間餐廳啲嘢其實質素不錯但我覺得位置就唔夠開揚店內裝潢真係幾有武士色彩，見到枱上嘅圖案會諗起忍者室內位置寬敞睇睇餐牌，每款拉麵都係一個將軍嘅名銜，唔同將軍代表唔同嘅湯底，幾得意。我就揀咗德川將軍同武田將軍。店職員好好人，會逐一介紹食拉麵一定要買小食先至夠完美同其他拉麵店一樣，湯底濃度，麵汁同麵條都可以根據自己嘅喜好選擇。主菜來了，呢個係店主推介嘅德川將軍拉麵，其實係魚介豬骨湯底拉麵即係鰹魚湯底香濃鮮味連埋彈牙拉麵夾。再加埋半生熟既玉子無得彈我自己幾鍾意個湯底濃濃地但又唔會太咸要係咁飲水加一兩滴魚油，鮮味仲出北海道牛乳拉麵，同行朋友話牛奶味香醇唔漏，而且份量十足配合燒叉燒，係誠意之作呢個wasabi雞翼，我私心推薦。小小刺激得黎又甜甜地我自己好鍾意。唔食wasabi既都可以試下仲有炸物拉麵湯底好味又份量足店員nice 係略嫌位置有小小唔起眼但一定會再去食

雖然在這區返工, 但很小會去九展食午餐或晚餐, 但朋友推介, 今晚到左武士拉麵試一試.這店位於九展2樓, 離MTR 有一段距離, 但如在附近返工, 便很就腳了.這邊晚市很小人, 和中午時段比起來真的很大分別. 店內每枱它都有店家自制的魚油及辣油, 食家可自己跟據自己喜好添加, 當中魚油味很重, 很不錯. 我們叫了2款拉拉麵, 友人叫了武士沾麵柚子魚介Wasabi 沾麵, 湯同沾麵是分開2碗上枱的, 柚子魚介Wasabi 在我來是是比較辣的, 但味道很不錯, 愛吃辣的朋友應該會很喜歡吧?個人比較喜歡武田將軍北海道牛乳拉麵, 湯底好濃郁, 牛乳味重, 內含甜甜的栗米粒, 肥美的蟹柳及薄切日式叉燒.2款拉麵都配有糖心蛋, 真的好糖心, 賣相及味道都很好. 小食也叫了2款, 蜜糖芥末雞翼及芝士炸蝦丸. 我真的很喜歡蜜糖芥末雞翼, 那個Wasabi 的辣味, 配上甜甜的蜜糖, 再炸到脆脆的, 又甜又辣又嗆, 很是美味. 另外的芝士炸蝦丸, 真的要襯熱食, 第一粒食時內里芝士很熱很流, 肉夠爽口, 配上份量頗大頗多的芝士, 很不錯. 店內樓面服務員態度很好, 很樂意的推介我們它們當中比較多人叫的食

同honey好耐冇去過九龍灣E Max睇戲,睇完戲上2樓環球美食街搵嘢食,原來開咗好多間食店。啲排天氣皓熱胃口麻麻，武士拉麵檔就啱曬我👏🏻店內佈置簡潔優雅,座位舒適，開放式廚房，令食客可食得安心又放德川將軍拉麵配有豚肉、木耳絲、糖心蛋同海苔， 麵質煙煙靭靭，好有口感。另一款招牌貨武士沾麵配有䐁肉、唐心蛋同唐辛子幼絲有好多蔥花薦底，食嘅時候蘸啲濃湯，湯用鰹魚磨碎熬成湯底,有柚子魚介味，入面有好多叉燒切成粒嘅料，真係越食越滋味😋唐揚炸雞一上枱聞到香噴噴，入口皮脆肉嫩,醃得好入味。芝士炸蝦丸熱辣辣漲卜卜，外皮鬆脆，蝦丸好鮮味夠彈牙，入面有好多芝士餡，可以拉成絲，夠晒濃郁。原來武士拉麵午市優惠11點至兩點半，叫一款拉麵仲送個海苔香鬆飯或餃子兩粒，加幾蚊重有飲品，簡直係超抵，下次要拉大隊嚟擦番餐😄

九展雖然有好多唔同嘅餐廳，但係食拉麵嘅就只得呢一間武士拉麵menu上面嘅選擇唔算太多，但係基本款式嘅拉麵都有齊晒今次我點左德川將軍拉麵，即係醬油魚介豬骨拉麵，配佢個海苔香松飯拉麵湯底鮮甜，叉燒燒得剛剛好，肥瘦適中，糖心蛋煮得好好食，個蛋黃放左係個麵一陣就岩岩好！特別想讚一讚佢個飯，食完都唔覺得滯！除咗嘢食好味之外，我覺得呢度個老闆好有人情味，我同同事坐餐廳吧枱，討論緊間店入邊既日本武士刀，老闆同我地講佢係日本買翻黎同佢既歷史我個人好欣賞呢種同人分享經歷既老闆

拉麵可以揀粗或普通，軟同硬但係粗面又唔可以揀軟，只係普通先可以揀軟所以我揀左普通同軟既面。湯底可以揀濃， 普通， 淡。 我揀左普通，但係都好咸。午餐一碗面可以跟一份餃子或者飯， 我揀左飯。好彩有個飯頂住。因為個面真係唔好食。除左個湯偏咸，個面既質地都唔好食， 唔似平時出面個啲拉面， 有啲似即食個啲拉面， 隻蛋唔夠熱同唔夠流心，成碗都唔好食，味道唔合格，完全食唔曬。啲位都算多， 午飯時間都好少人，可能因為唔好食， 坐得唔係幾舒服。 而且啲枱枱櫈櫈有啲舊。整體來說， 價錢係幾抵但係味道同環境都唔合格，我覺得自己煮出前一丁會開心啲。

武士拉麵不嬲係我心目中都係低調又高質既拉麵店，每一次去到即使係食飯時間都唔需要排得太耐，店鋪細細可嘗到高水準既拉麵湯底，一直係呢間拉麵店都係食黑蒜醬油湯底，今日心癢癢想試下新野就嗌咗佢個豐臣將軍拉麵（四國香蔥油湯底）再追加左蟹棒。拉麵一黎到，即刻試下個湯底，真係好香蔥油味，飲落感覺好清新，有別於一般偏咸既醬油湯底，佢既味道係相對香同重蔥油味。另外仲加咗長崎蟹棒，好鮮味，唔係d雪藏凍肉味。朋友叫武士沾麵（柚子魚介WASABI沾麵），味道好新穎，柚子味同wasabi配搭得好好，唔會亙相搶味，魚介既鮮甜、柚子清新。小食方面，我最鍾意係蜜糖芥末雞翼，一分二咁炸，相對易食好多，又甜又辣味道好過癮，絕對要一食。芝士蝦波波咬落真係有芝士噴出黎，芝士控必食！

呢間小店由尖沙咀店再開到九龍灣除咗有十款拉麵，我地可以因應個人口味而揀麵條粗幼和質感。-醬油魚介豬骨湯底拉麵($88)，湯底味道較濃，叉燒肥肉比例合格，雞蛋較為出現做到半熟流心效果，推薦這個！-黑蒜油豬骨湯底拉麵($98)，選擇了粗麵條，加入了黑蒜油令湯底更香濃，適合重口味人士。-日式煎餃子(5隻)($28)，餃子皮厚度商中，醬汁甜甜鹹鹹，有別於一般沾醋。-蜜糖芥末雞翼(8隻單邊)($28)，芥末味好出，味道很好，推介這個。

睇演唱會之前就嚟到九展食碗拉麵先， 第一次幫襯武士拉麵，叫咗兩碗德川將軍拉麵 + 日式煎餃子 落完單先發現自己唔記得叫溏心蛋 下次先可以再試喇! 佢哋餐牌上大概有十多款嘅拉麵選擇， 每次黎到都可以試唔同嘅味道！拉麵分量唔算大，有兩塊叉燒 & 木耳! 食拉麵我通常第一口就會試下佢嘅湯， 味道不是太濃淡淡的， 麵嘅質地還可以！日式煎餃子做得麻麻地， 感覺唔似煎，有啲似蒸餃子， 我本身好鍾意食煎餃子，所以對於今次呢個日式煎餃子有啲失望！ 期望我下次去嘅時候可以有進步。

係九龍灣Emax睇戲，見到呢間武士拉麵好似係尖沙咀都食過，估唔到九龍灣都有開！店鋪開揚睇到廚師即席為我地煮麵，店員服務非常殷勤。一坐底就為我地介紹餐牌，有啲咩可以選，每一款都心大心細終於揀咗足利將軍拉麵，黑蒜油豬骨湯底係我大愛加咗溏心蛋。湯底好濃郁，黑蒜味好重，溏心蛋好香滑～～～我揀咗偏粗身既麵底，食落非常有口感超彈牙，我係咁食麵差啲忘記食送豚肉燒得好香，好軟身、脂肪充滿口腔非常岩晒鍾意慢煮豚肉既人。蜜糖芥末雞翼，炸得好香口，甜甜辣辣好惹味，好想encore!!日式煎餃火喉剛剛好，煎出黎好靚仔，皮又唔燶亦好完整，廚師手勢了得餃子味道香口好飽滿，好足料!!

這天是放工後，我約了舊同事在九龍灣吃晚餐，經網上推薦，我們決定來到這間吃拉麵的餐廳試一試，看見店內環境寬敞和清潔衛生，店內的顧客是坐滿的，證明食物的質素有一定的保証，餐牌上食物的選擇非常多九州地獄拉麵($118)大量的細碎爽口大小均勻的蔥粒，香稔軟嫩的豚肉，軟彈煙韌的拉麵，自家製的辛辣地獄湯底，辣道適中，十分迎合到香港人的口味，十分特別，整體質素很高，份量非常多，非常抵食武士沾麵($118)軟綿綿的沾麵很特別，份量非常非常多，自家製的柚子魚芥茉湯十分特別，還有3至4粒軟彈煙韌的豬肉粒，稔香軟彈的豚肉，質素很高，我能夠感受到廚師非常用心去烹調湯底蜜糖芥末雞翼($28)香脆軟嫩的雞翼，芥末和蜜糖的比例調教得恰到好處，既有芥末的微辣也有蜜糖的清甜味，十分特別，份量延多，十分抵食武士小丸子($28)細碎的生菜絲，非常新鮮的章魚，軟彈煙韌的八爪魚小丸子，黏口的紫菜，非常抵食柑桔蜜($8)柑桔蜜味道十分濃郁，還可以養顏解渴生薑蜜生薑味的微辣中帶點蜜糖的清甜，十分特別，還有可以暖胃的作用，冬天時飲用，效果會更明顯整體來說，食物的選擇足夠多，食物的質素非常高，食物的用料非常新鮮，食物的份量非常多，食物

中午時間去食拉麵！在九龍灣國際展貿中心既食街走左一圈，選擇左呢間曾經係尖沙咀排隊要等一段時間既拉麵店，一坐低店員會比一杯茶同Menu，中午時間有午餐Set，我Order左始祖將軍拉麵，旁邊有魚油，黑胡椒油同辣胡椒油同加左份小食係餃子，仲有Order左支裝可樂，可惜唔太夠凍不過拉麵真係值得一讚麵既硬軟度可以選擇，拉麵叉燒兩片超級好食，微微烤焦味道湯既濃度岩岩好！講返個環境就唔會迫同服務亦都好好值得推介呢間武士拉麵！