武士拉麵 (已結業)

這間拉麵點真的很隱世。九展已經夠遠，還座落在食街最遍遠的位置。因為一會兒要看戲，我們五點就吃晚餐。朋友要了武田將軍拉麵，即是北海道牛乳拉麵。$118。是落單後才煮的，所以要等少少時間。湯底超有牛乳味，加上牛油，令湯底更美味。而且粟米很多，好似把整條粟米放進去了。超鮮甜，拌著湯底下肚有種吃甜品的感覺。朋友說只吃粟米都飽了。蟹棒肥大，不是普通貨色，朋友說很好味。我要的是德川將軍拉麵，醬油魚介豬骨湯底，$88。師傅說是用鰹魚磨粉做湯底的。他介紹我落少少這個魚油。我在別的拉麵店沒見過，所以也好奇落了少少。真的和醬油魚介豬骨湯底很夾，令味道更濃。叉燒食落感覺鹹香。蛋白有少少滷水味，蛋黃是半流心的，很creamy。這裏還有自家製的辣椒油、黑胡椒油。特別是黑胡椒油，有濃濃的黑胡椒味但不辣，加落湯底和麵裏，令味道升華了很多。朋友就吃上癮，一碗麵就用這黑胡椒拌著吃光了。武士小丸子，6粒，$28。表層炸得很香脆，裏面則軟綿綿， 熱騰騰吃很好味，朋友覺得要是多一點魷魚在內會好一點，但我個人覺得已經足夠。看完餐牌在點餐紙上選好就可。還可選麵質的軟硬呢！午市好像很抵食呢。

朋友有贈券去九龍灣展貿睇戲， 我提議食飯我請，每人出一樣。唔夠時間去酒樓食， 是但找一間食就算， 上到2樓電梯，已經見到武士拉麵個招牌。張相又影得幾靚好吸引店內牆身繪畫顏色鮮豔奪目， 令人精神一振。晚上人流較少，老闆有時間介紹叫試下柚子魚介 wasabi 沾麵。湯底是用鰹魚淆製而成，因為是沾麵，所以魚湯特別濃杰，如果食完想飲，可以加湯溝淡。鰹魚味鮮甜加上柚子果味和 wasabi ，味道非一般，特別好食，配上粗麵條煙韌QQ, 口感一流 ，流心溫泉蛋黃入口溶化， 叉燒入味，完美配搭。加了特制辣椒醬更是升華！德川將軍拉麵，餸料和沾麵差不多，多了木耳絲，食落更爽口老闆推介要加自制魚油和黑椒醬，真是好味多多！蜜糖芥末雞翼，皮脆肉嫩， wasabi 嗆鼻好刺激， 這幾天有少許感冒， 食完成個鼻通哂武士小丸子剛炸好， 熱騰騰， 軟綿綿，我鍾意。小店有如似水準，真是意外驚喜。

去完澳門，洗咗唔少錢，所以想去一些地方係可以坐得自在，又可以平民化少少的餐廳。於是我們來到九展食個拉麵。土反上將軍拉麵拉麵的蕃茄湯底，味道酸酸甜甜，而麵質是軟軟的，咬一口叉燒覺得口感十足，讓人胃口大開。德川將軍拉麵叉燒是厚切的，非常有嚼口，而蛋黃又夠哂流心。職員推介我們可以倒入枱面的魚露及辣椒，我各放了少許，確實提升了拉麵的香味。芝士炸蝦丸外面暖暖的很脆口，咬到入面是流心的芝士，甜甜地很香滑，仲可以拉到條條的長絲。日式煎餃子煎餃子的大小適中，外面煎得很甘香薄脆，裡面係暖暖的啖啖肉，口感很豐富。

香港食拉麵如果去到$118呢個價錢多數都係食舖租嘅尖沙咀或中環區居多。如果唔係，一定係有特式或者出品質素都有返咁上下啩？呢間位於九展一樓要穿過超市再直行跟箭咀先搵到嘅「隱世」拉麵就同你上一課。檯面有一壼室溫而唔係冰凍嘅水/淡到似水嘅茶。餃子—包裝急凍煎翻熱嘅加工餃子有乜好講？九州地獄拉麵—血紅色油浸咁嘅賣相，食落去辣度低而且辣味唔係來自湯底，基本味道仲食到幾鹹！麵條直身唔多索湯靱度尚算0k，叉燒呢度嘅演譯為切片五花腩。四大片厚一厚好似好抵咁喎，食落真係嘩一聲！咬落去先是感覺到大量油脂口內爆發一陣陣羶味湧出，之後豬皮好似條橡筋咁咬極唔斷。成碗麵除左一片紫菜外就只有切到大小不一嘅蔥花，簡約得仲以為係乜乜流派大師級出品。最後食剩三塊半所謂叉燒同半碗麵無料扮四條，收得貴唔怕你𠴕都未足以形容對呢間嘢嘅感覺。史上最雷非佢莫屬！

之前聽人講九展而家好多野食，去九龍灣食可以一試，又冇咁多人，仲有免費巴士搭，唔使等咁耐枱，今次就過去試下先，過到去揀咗間”武士拉麵”人真係唔多，就坐底試下佢先，一坐底已經有人介紹食物同招呼，唔錯“真田將軍拉麵”湯底夠濃，豬軟骨夠軟身，麵底有咬口“武士沾麵”一個要沾湯嘅拉麵，沾完湯味道剛剛好，麵一樣有咬口，唔錯幾特別“明太子雞亦”啱啱炸起，夠晒熱，仲膽口，味道亦好，值得推一推介佢😋“日式前餃子”味道亦唔錯，但唔夠熱，若然再熱啲，味道應會更好整體食物質素幾好，值得推介俾大家去試，又唔使係返大型商場同人迫

九龍灣附近收工就過左黎EMAX搵食，天氣凍左好多，就諗住食碗熱辣辣嘅拉麵！係美食街就發現左呢間叫武士拉麵！所有拉麵都以日本將軍命名嘅！仲有一款沾麵叫武士沾麵！由於當晚1830就到喇，未有好多食客。呢邊座位係專為一人前嘅食客，細心！每枱都有好多調味料！趁拉麵未到，就研究下先！左起：拉麵用胡椒、辣椒油、黑蒜油 同鰹魚油。德川將軍拉麵 （醬油魚介豬骨湯底）$88係我食過比較濃鏗魚口味嘅湯底！即係小丸子上面郁郁下果種香濃而不鹹！豐臣將軍拉麵（四國香蔥油湯底）$98湯頭真係好香蔥味，加上碗拉麵真蔥超多！美食當前，梗係相機食先啦！無理由唔叫番個日式餃子配拉麵嘅！$28蚊5隻蜜糖芥末雞翼 $28有8件單骨即4隻雞翼單骨方便食，炸得幾香脆，蜜糖令芥末唔會太嗆鼻！最最最滿足係拉麵上嘅 溏心蛋😍心心眼又出動！由於食得比較慢嘅關係，店員幫我加番少少熱湯，即刻又變番熱辣辣拉麵！

約咗朋友係星影滙睇雷神3，睇戲之前係九展行咗一轉揾野食，最後選咗呢間武士拉麵店開餐……之前約fd出尖咀食韓國野，都見到呢間武士拉麵有幾多人排隊，難得佢係九展開咗分店，一於試下佢的拉麵的質素先……武士沾麵（柚子魚介wasabi 沾麵）食得黑蒜油拉麵多，想轉轉口味，見到呢個沾麵有wasabi味好似幾吸引，就order一個試試落order時侍應哥哥建議沾麵要選粗麵，果然食落更加有口感同彈牙，個沾麵汁有小小wasabi味，份量適中唔會嗆喉，個汁整體很濃味但唔會覺得咸，面仲有d肉粒做配料……個麵有2片大大塊的叉燒，另外再order咗一客糖心蛋…… 食完已經好飽好滿足……最後我地仲叫了一客小丸子，呢個小食都幾足料，如果佢可以落多d醬汁就更加正喇

因工作需要，今日要去九龍灣展貿中心。做完野之後好肚餓，就決定同同事喺到提早食埋晚餐先走。原來呢個商場都有幾多餐廳，今次揀左呢間食拉麵。由於時間尚早，店內冇咩人，可以自己揀坐吧位睇住師傅煮拉麵/普通座位。呢度既拉麵選擇都算好多，共有十款，包括湯麵，沾麵，辣，唔辣，全部都以日本將軍名命名。麵亦可以自己選擇粗/幼，麵質軟厚度同湯底濃度，總可以揀到一碗岩心水既麵。我自己揀左武田將軍，姐係北海道牛乳湯麵，麵質揀左粗身。湯底乳白色，好香濃既牛奶味。最令人回味既係加錢要既溏心蛋，蛋黃做到剛剛好半生熟，d蛋白仲好嫩滑，而且好夠味，浸埋落d牛乳湯到味道好夾。而朋友就要左辣既九洲地獄拉麵，麵選擇左幼麵。我食左一啖，覺得都唔算太辣，湯底好濃郁。不得不提2碗麵既厚切叉燒都好好食，外層燒到焦焦地，肥瘦適中，好好食。而枱上都有幾款特別調味料，左起包括沙甸魚油，黑椒油，辣椒油同拉麵專用胡椒粉。建議大家可以分4次逐樣試下，會提升左麵既味道，仲冇咁油膩。我地最後仲要左2個小食，有拉麵既好朋友煎餃子，個底煎到脆脆的。另一個係芝士炸蝦丸。記得要襯熱食，d芝士可以拉得好長，而且蝦丸都好彈牙！呢度既環境好好，岩哂同朋友傾住食。

周六晚一伙人去九龍灣展貿看電影，就順到去商場二樓的武士拉麵吃麵。餐廳位置頗偏僻，二/F出 Lift 要左轉一大圈才找到，相信很多都是募名而來的。枱上有黑芝麻蒜油和秘制魚露，麵身可選粗麵或普通（普通麵身就算是幼麵），麵質也可選軟麵或硬麵。我最遲才到，朋友萌都叫齊了，德川將軍拉麵，板上將軍拉麵，武士沾麵，黑蒜油豬骨湯拉麵，都是招牌。我也就叫了最貴的牛乳叉燒沾麵，牛奶湯挺香滑，尤其加了牛油，讓牛乳湯味更濃，叉燒也算焾，肥瘦適中。值得一提地位的是我旁邊的朋友叫了武士沾麵，相比牛乳湯麵，沾麵的湯底更濃郁稠，味道也更濃（當然也有人覺得更咸），湯底也另上讓麵可以 "沾著來吃" （所以吃沾麵，選粗麵更能 "沾"）。同樣是最貴的兩款麵，我更喜歡武士沾麵的湯底，但牛乳拉麵卻又多了點乳蟹柳和玉米。小食叫了燒花枝丸，蜜糖芥末雞翼，日式餃子，都不錯。

今日和朋友去九展睇展覽及晚餐，得知武士拉麵已經開張，之前去過它尖沙咀的店鋪覺得其拉麵不錯，所以二話不說入去幫襯。我今次點了德川將軍拉麵，店員推介的招牌拉麵之一，其實是醬油魚介豬骨湯底的叉燒拉麵。湯頭相當濃郁，厚實的魚介湯汁夾著豬骨的油香，吃得重口味的朋友一定喜歡。我個人喜歡加上秘製魚露，跟魚介湯非常之夾，能將鮮味提升至另一層次。朋友就點了板上將軍拉麵，以蕃茄豬骨為主的湯底，蕃茄及豬骨味濃，兩者味道配合得剛剛好。叉燒上放上黑蒜油調味，不但能刺激味蕾，更能帶出肉香。這店以拉麵為主，其實小食也不錯，當中我比較喜歡蜜糖芥末雞翼，有蜜糖的香甜，也有芥末的微辛，單骨炸至脆身，更覺入味。這店還有多款拉麵種類，有機會的話會再試其他湯底及小食呢。

今晚剛巧與朋友於九龍灣展貿看電影，首要當然是醫肚，路過一家日式食肆，便嘗嘗簡單的一餐---武士拉麵吧！當我們挑選拉麵時，店員會細心地詢問我們的口味，再作出詳細介紹。此處的湯底可選濃或淡味，麵亦可選軟或硬質感，連麵的粗幼也可選擇，味道又有傳統醬油豬骨、鹽味豬骨、辣味噌魚等，又有拉麵及沾麵款式可挑。黑蒜油豬骨濃湯底拉麵黑蒜油在濃湯上蕩漾著，湯底香濃味豐，兩大片叉燒則灑上了黑椒，肥瘦相間，厚厚一片滿帶肉香。還有溏心蛋，耀目的蛋黃呈流心狀，半熟的質感一放入口中，滿戴蛋香。我點選了普通的麵質，質地容易入口，黑蒜油黏在拉麵上，再配合店員力推的魚油，味道更突出。店舖為配合食客不同口味的需要，更提供拉麵胡椒粉、辣油及黑芝麻辣油等醬料。我們還點了蜜糖芥辣雞翼，雞翼開邊成一字骨，煎得皮脆，表面蜜糖脆口，又有WASABI的微辣，味道更相得益彰，是必吃的餐佐小食。

今日約咗舊同事喺九展食晚飯，同事介紹之下就揀咗呢間武士拉麵有多款唔同嘅拉麵，今日叫咗武田將軍拉麵（$118）、武士沾麵（$118）、武士小丸子（$28）同埋蜜糖芥末雞翼（$28）武士小丸子（$28）小丸子即叫即整熱辣辣，外皮仲脆卜卜，味道就正常，無太大驚喜蜜糖芥末雞翼（$28）總共有八隻單骨雞翼，芥末味強勁但又未到攻鼻，甜甜地辣辣地好惹味武田將軍拉麵（$118）同事叫咗呢個，其實係北海道牛乳拉麵，湯底極creamy但又唔會太膩，蟹柳好大條，啖啖肉武士沾麵（$118）用上招牌嘅沾麵，係柚子魚介wasabi沾麵，湯底一入口有香濃嘅魚介味，有少少辣但唔係好食到有wasabi味，之後就有淡淡嘅柚子味，正好中和咗濃郁嘅湯底，叉燒有兩大塊，唔會太肥，啱晒食肉獸呢度嘅武士沾麵有正宗日本沾麵嘅味道，講下講下又想去日本食拉麵喇

上星期六入去九展做嘢， 做完嘢差唔多五點鐘肚餓， 一個人咋咋臨走去食嘢， 九展個食街有好多嘢食 ，兜咗個圈， 因為好耐冇食過拉麵， 最後入咗呢間武士拉麵。叫咗個足利將軍拉麵， 即係黑蒜油豬骨拉麵＄98, 加多個小食芝士炸蝦粒$35。 拉麵個黑蒜油香味都幾濃烈， 裏面有兩大塊豚肉片，半隻糖心蛋，同一大塊紫菜， 拉麵本身佢都有幼麵同粗麵揀嘅，個人喜好鍾意食幼麵。 拉麵一上枱第一件事梗係試下個湯底 ....... 我覺得個湯底都係yummy 嘅呢, 聞上去本身個黑醬油味係好重，重得嚟口感都幾香，但又唔會搶過豬骨湯底嘅味，兩者都好平衡。 豚肉片大快得嚟都幾juicy嘅,糖心蛋都仲好流心， 拉麵唔會太林，口感都幾爽口。其實店長同我介紹試下佢哋自製嘅醬汁， 佢話配拉麵食都一流， 我除咗紅色嗰隻辣味冇試之外， 黑胡椒粒嗰隻同 高身玻璃樽嗰隻都有试（ 見下圖）, 黑胡椒粒隻醬油其實都有少少辣味因為真係有原粒嘅黑胡椒粒喺度， 落少少連拉麵食， 係會加強咗拉麵嘅香辣味， 但個人建議呢隻黑胡椒醬油配青啲嘅湯底會突出啲， 因為我叫咗黑醬油豬骨湯本身個味道都好濃郁。 個人喜歡高身玻璃樽嗰隻醬油， 呢隻醬油本身係

雖然我喺附近返工不過今次係第一次食呢間武士拉麵 之前有同事食過話唔錯建議我可以來試吓不過呢間拉麵店個位置唔係咁靚仔所以平時食飯通常都係冇行到來呢頭就入咗第二間鋪頭度食不過只要跟住指示行就會搵到間鋪頭架啦其實唔難搵只係個位入左少少加上附近d鋪頭未開所以好多人唔知呢個位有野食lunch相對d野會平d不過今次係來食dinner北海道牛奶拉麵個湯底真係好好味口感細滑牛奶味道香濃飲落帶清甜d粟米超級多食極都有咁仲要係好甜好好食有我最愛食嘅蟹柳蟹柳好好食 其實我唔太鍾意食日本叉燒但今次食完之後真係改觀 原來日本叉燒可以整得咁好食架仲好食過喺日本食 咁講可能會覺得好怕誇張但我真係冇食過日本叉燒係可以整得咁淋架同埋嗰個肉嘅味道係鎖住咗好juicy以前食拉麵，叉燒個肉質相對係比較硬身啲同埋個味道冇咁濃同唔係好夠味咁呢度d日式叉燒可以話係我食過最好食估唔到一個唔起眼嘅拉麵店有如此出色師傅武士沾麵個湯味道超濃D叉燒好好食麵質可以揀如果鐘意有咬口推介粗麵粗面真係超好食呀好可惜賣剩一份不過我地六點幾來食已經賣曬咁濟即係證明都好受歡迎啦原來午市時間咁抵食架下次lunch來 隻流心蛋整得好好呀半熟食落超滑我好鍾意食

今日過咗黎九龍灣展貿中心的去星影匯睇戲，睇完戲都成八點，就係到搵下有咩好食。原來九展二樓開咗一條食街既地方，其實係集中咗好多唔同既餐廳，中式日式台灣美食都有，任君選擇。最後我地揀咗呢間人唔太多的日本拉麵店。睇餐牌好多款唔同的拉麵有平有貴，可以加唔同的小食同飲品。本身都想試好有特式的北海道牛乳湯底，最後都係揀咗四國香蔥油湯底拉麵我揀咗普通粗度硬麵，普通濃度湯底，可以見到麵直身乾爽，入口有咬感，充滿小麥味，湯底好濃豬骨味，不油膩半熟流心蛋一流，蛋黃鮮甜，蛋白嫩滑，入口即溶每人加咗一個小食，餃子同芝士炸蝦丸，餃子皮薄餡靚，芝士蝦丸成粒都係芝士餡介紹下呢枝特製魚油，入面真係浸住條魚，澇落碗麵食增加好多香味