歸田園居

營業中

休息中

以前食過兩次 質素都好好今次食係非常之難食個pasta極乾無汁 味都無乜只有少少蕃茄酸味啲長通粉又乾又硬…茶記食幾十蚊個啲好食10倍之後到個熱夠 諗住都好難難食啦點知條腸極梅 唔係脆皮腸既texture個薯條好鹹 好似shake shake薯條落左好多粉咁到杯飲品 雜莓乳酪個杯尚算正常杯西瓜沙冰（無影相） 我淨係飲到冰淡味到好似飲緊水咁咁樣既「沙冰」要賣四十幾蚊…最後個cheesecake都正正常常既都係淡口味之選

已經第二次嚟這家餐廳食嘢 行完山後去一間環境舒服餐廳食下嘢 休息下 Hea下 是賞心樂事 但重點是老闆對食物要求高之外 仲要係服務態度非常好 今時今日咁嘅服務質素真係好難搵 我哋只係叫咗兩飲品 加3個小食 老闆冇詐型 仲話夠食啦～唔好叫喇～哈哈好彩今次行完山唔太肚餓 如果唔係 會繼續叫㗎🤣🤣🤣

🏠歸田園居 Espace Elastique 嗰日放假入咗大澳，周圍行，行咗成日，隻腳好攰又肚餓就決定搵間餐廳食下飯。 一開OpenRice見到有好多都係中式餐廳， 所以就決定周圍再行下睇吓有邊間合眼緣就即刻Walk in入去食， 最後就入咗呢一間好似好有田園風格嘅餐廳😜 🍝黑松露蘑菇意粉 $118 一上枱就聞到超重嘅黑松露味😍😍意粉煮得恰到好處， 唔會太硬唔會太淋。份量都好 適當，唔算太多， 亦都唔會少到令你覺得一啖食晒。 味道上，我就會形容係淡淡的黑松露味，配上有啲乾嘅本菇加意粉， 但係所有材料都好足料，所以總括來講係好食嘅！清左碟！ 🍕水牛奶芝士基本薄餅 + 西班牙辣肉腸 $93 呢個Pizza係比起其他Pizza更加薄，老闆話係墨西哥餅皮當做pizza皮， 所以佢哋嘅Pizza皮就好似零食咁薄~再加上番茄醬、 帕馬森芝士(超級拉絲😍😍)、番茄片，當然 仲有我加嘅西班牙辣肉腸， 一啲都唔會油膩，因為個pizza餅底真係好薄！ 推薦 推薦！ 🍋檸檬特飲 $48 呢個係嗰日好熱，坐低好想飲凍嘢，所以叫嘅一個item，聽說係用青檸做底，所以感覺上都幾refreshing! 值得一試！ 

就算係平日都好多人食，坐到爆晒，要等位。有户外、室內座位，坐户外有把大風扇吹住，都唔會太熱。店舖得兩個人手，所以上菜比較慢。小店製作，良心企業，值得等待。老闆(?)見天氣咁熱，送咗杯凍檸茶俾我哋飲。*慢煮雞胸沙律 $98雞胸份量超級多，係7仔雞胸嘅三倍有多，慢煮令雞肉好嫩好滑，好似食緊雞腿肉咁，但又唔會失去雞肉質感同味道。羽衣甘藍做沙律菜底，配番茄仔，加埋油醋，令沙律唔會太澀。水牛奶芝士基本薄餅 $78基本薄餅，乜嘢toppings都冇落。薄脆底，加番茄醬、芝士、番茄片，味道普普通通。鹹蛋黄卡邦尼意粉 $108份量唔少，鹹蛋黃碎配意粉出奇地夾，加埋少少白汁，唔會太鹹，又有鹹蛋黃味，配料仲有菇菌、大量煙肉。

✨水牛奶芝士基本薄餅+巴馬火腿薄餅 係同紙差唔多薄 嘅急凍餅底蕃茄醬落得少 亦搽得馬虎芝士味道偏淡 另外有幾粒蕃茄作配料 巴馬火腿 一分為二size 味道正常睇樣都覺得頹 竟然收呢個價薄餅冇巴馬火腿就已經收78 蚊要加多25蚊先有埋六小塊巴馬火腿✨鹹蛋黃卡邦尼意粉鹹蛋黃 份量唔多 存在感唔高配料有啲火腿絲同菇菌卡邦尼意粉 意粉質地彈牙 味道唔夠香濃 好淡重點係 唔夠汁 接近冇汁 乾到不得了 真係乾過我荷包✨香茅檸檬特飲香茅香味幾突出 檸檬味淡到不得了完全冇酸甜清爽感覺 檸檬好貴嗎🙄食物差 維持生命質素感覺就係用好廉價嘅食材 但收旅客區價錢環境服務普通 價錢定價過份進取以呢個價錢真係好唔值如果比得三百幾蚊 附近都有好多選擇行多幾步有埋景嘅Cafe都係差唔多價錢都仲起碼有個景可以打下卡 呢間真心唔掂

今年第3趟來大澳了想說來發掘一下新的美食接近4點多的平日就來試試這間餐廳吧！.🔸蟹肉蟹膏意粉上檯時有撲鼻而來的蟹肉香意大利麵的質地較硬但蠻有咬口的老闆說其實意大利麵裡加入了蟹味噌難怪這麼香！而且蟹肉和香菇的份量也蠻多的所以每一口都吃得到蟹肉和香菇！.🔸水牛奶芝士薄餅 + 煙三文魚薄餅底很薄像脆餅一樣上面鋪滿了芝士和蕃茄醬而且份量也蠻大一個的呢！.外面是個有點綠意的小花園坐在裡面涼著冷氣看著外面炎熱的藍天還蠻寫意的！

蟹膏蟹肉意粉好香又多蟹肉，意粉軟硬適中。咸蛋黃carbonara唔係creamy嗰隻但幾好味，兩個意粉都大大份。座位舒服，Staff同廚師都好友善，有機會再幫襯。

當入到大澳，發現「大澳餅店」唔開門，「炭爐雞蛋仔伯伯」又唔開嘅時候，想坐低舒舒服服食一餐，大澳餐廳Cafe選擇唔多， 呢間都算一個唔錯嘅選擇，裝修簡約走田園風🎋，餐牌有pizza、意粉、各式飲品🍕🍝🍹老闆娘招呼週到，服務態度好好👍🏻喜歡佢嘅小食融入大澳色彩，加入蝦醬、腐乳作調味，「蝦醬雞翼/豬肉腸」及「 腐乳薯蓉」都有特色😍蟹肉蟹膏意粉外貌看似平庸，其實惹味足料🍝呢兩杯都好飲，夠晒冰極清爽，好啱呢個熱辣辣天氣透心涼🧊

有一年沒有來大澳了。急不及待要再來吃，廚師應該不是上年那一個（我覺得），食物質素提高了。大澳其實仲有很多不同的食物小店，但山長水遠來到，很想吃一點大自然氣息嘅cafe, 而不是四處都有嘅茶餐廳。咸蛋黃卡邦尼意粉香到不得了，一上枱嘅時候，香味立即飄來！小小creamy, 相對外間的卡邦尼，佢算係少汁，但倒是合我心意！味道濃郁豐富，配上少量雜菌的清淡，反而剛好平衡了。水牛奶芝士薄餅+辣肉腸+三文魚很貪心加上很多配料。。。餅底簿脆不油膩，淡淡芝士香，配料一點都不吝嗇，每一啖都滿足。慢煮雞胸沙律嚇了一跳，很多很多蔬菜，慢煮雞胸大大片。。。相信一個正常女仔都未必食得哂。。。很多雨衣甘蘭，很爽脆，其他嘅生菜雜菜都好新鮮。雞胸配上黑椒，少少辣，不過配上大量蔬菜之後，很清新。香茅檸檬特飲朋友的飲品，很特別是冰塊都是檸檬茶制成的，所以飲到最後都沒有變淡，酸酸甜甜很醒胃。紫貝天葵接骨木花梳打完全係喜愛它是粉紅色，味道有點特別，有香草味又有花味，很清新。柚子芝士蛋糕酸甜軟滑，作為一餐嘅總結，很好。

差到忍唔住第一次寫食評，呢間真係真心難食、野飲又難飲。態度又差入到去嗌件蛋糕榴連蛋糕，味道好假，又甜，質地又怪，跟住嗌杯野飲叫凍0 t 我嗌凍，佢黎左熱、佢個侍應去問個厨司，厨發脾四話不嬲無凍係咁閙、我同佢講唔梗要俾d 冰我就算，跟住佢再去問厨司，個厨又鬧，佢同我講厨唔俾，我無言，杯野又酸又澀，飲左二啖已放棄，中途又打爛碟，同不停聽到佢地係度嘈，其實唔願做不如執左佢，唔好做，成為全日大澳遊敗筆

行完山在大澳尋找餐廳享受下午茶。經過餐廳門口，環境很有田園氣息，所以放膽一試。先來一客巴馬火腿芝士pizza，pizza薄底但超級爽脆，巴馬火腿份量絕不吝嗇，芝士味道香濃，有高級餐廳水準。鹹蛋卡幫尼意粉，鹹蛋醬汁Juicy入口即溶，中西合璧，有創意又驚喜。另外不能不試的是凍檸檬茶。青檸配上Earl grey tea 做的大大冰粒，味道既獨特且青爽止渴，飲完一杯之後忍不住要再來一杯。老闆對食材有要求，很用心的餐廳，值得推介😊。

咸蛋卡邦里意粉，本來無對li樣野有期望，只係想填飽空虛，但一試之下停不了，水牛芝士薄餅另加巴馬火腿，辣肉腸，薄餅低超脆口，幾種材料配薄薄既餅，食落不會太油膩，材了又新鮮，做出黎既品質一流。水牛芝士薄餅另加煙三文魚，磨菇。這配搭很岩女情，清淡得黎又有煙三文魚油香味，蝦醬豬肉腸腐乳薯蓉，真係要推介，全份餐都食得出主廚的創意，味道不會過火味濃，淡淡的清香，真心讚。飲品又有驚喜，提子汁係鮮榨的，飲的出鮮味而不是提子本有超甜味道，而Beer真係喜出望外，一入口就有一道水果清香味，真係會追酒飲。總括今天既生日飯超超超滿意。我比老板滿分，因為明明關了門都做我生意，真係多謝曬，在跟老板閒聊知道這店係新接手的，感覺到老板諗菜單，找食材，入貨真的攪盡腦汁，全配搭都係有諗過度過，所以為表支持，我一定一定一定會再黎，仲會介紹比親朋好友共享。

黎到大澳掃完一輪街又熱又曬見到呢間個樣幾似Cafe的餐廳望落幾Chill真係忍不住要係度抖抖同食個下午茶~環境係行簡樸路線🍗鮮茄蝦醬雞翼推薦：⭐⭐⭐即叫即做所以非常之熱辣辣~雞翼上淋左茄汁蝦醬，酸酸地幾開胃但本人食野較重口味，如果雞翼本身都有蝦醬ge味道而唔係就咁將醬汁淋面，會更加好~！🥔蝦醬豬肉腸伴腐乳薯蓉推薦：⭐⭐⭐⭐呢道菜式都幾特別豬肉腸咬落去係幾紮實ge口感而且真係散發出陣陣蝦醬香味而個薯蓉食落真係有腐乳香但唔係好濃味果種，平時驚食腐乳ge人都應該食到~食完呢個係會有飽肚ge感覺！見到menu上仲有鹹蛋黃卡邦尼意粉都好想試可惜我地已經飽到食唔到啦下次再入黎大澳都想試下~！

今日同屋企人入咗大澳，老婆話肚餓要搵嘢食，行過見到個menu好似幾好，就入去試吓。招呼方面非常好，先俾張枱我哋坐住先再好快安排張4人枱俾我哋。外母鍾意飮啤酒，見到menu 有香港手工啤，佢哋2款都斟少少俾外母試吓先，啱飲再決定叫邊款。食物一到，由於肚餓，即刻開餐。食物水準高，而且有大澳特色，將蝦醬、咸旦黃加入一D你平時會食到嘅食物又估唔到別有一番風味。地方亦都舒服乾淨，值得一試由於顧住食，唔記得影飲品，泰式奶茶亦水準不俗

行到攰，門口見到有生啤飲就入去坐低。簡單裝修，坐位好舒服。鬼佬啤，不論pilsner定ipa都冇得頂。食咗個芝士多士，味、香、咬口都做得好好。老細服務都好周到，態度友善，同客人打成一片。簡單一句，絕對推薦大家嚟呀！