段純貞牛肉麵 (MONTEREY Place)

營業中

休息中

近期多左去將軍澳因除左有好多街行仲有好多嘢食今次試段純貞牛肉麵原來佢就係坐落喺Donki下面平時啲人一定淨係掛住搭電梯上Donki就冇發現原來電梯下面仲有一層餐廳地方大又闊落坐得又舒服全自動數QR code點餐十分方便先來一個麻辣嫩五花牛肉麵麵質有兩款揀嘅見佢係湯麵我就揀咗用刀削麵刀削麵粗厚肥大掛汁能力強就顯得個湯汁更加好味牛肉同蔥花十分之匹配生生地既肉好嫩又更保持鮮味青花椒香手撕雞乾伴麵雞絲同幼麵都充滿孜然粉嘅味道好香口惹味再配唐心蛋口感更豐富最後仲有一嗌左 新鮮豚肉鍋貼餡料入面菜同肉比例均勻又唔太油不錯 飲品方面有芋香珍珠奶茶同埋傳統珍珠奶茶嘅珍珠奶茶茶味香濃令我個喜出望外

知道段純真喺香港開左好多間分店，今日經過將軍澳donki 原來新店喺樓下都有，見唔洗排隊即入去食lunch。環境好有台灣風，呢間主打牛肉麵當然要試，店員服務好好，都會問返你要手工麵定幼麵，手工麵係比較煙韌，配搭湯麵更能突顯麵團既彈性。所以點了個麻辣五花牛肉手工麵。如拌麵類，店員會建議選擇幼麵，更能成功掛汁，所以要了個蒜香手撕雞拌麵。所有麵類都會配上酸菜，自行調配。先講麻辣湯牛肉麵，兩者配搭一流，牛肉鮮𡟹，熟成度剛好，充滿麻香，湯底更辣面不油，值得一讚。手工麵很煙韌，沒有飽膩感。手撕雞拌麵佈滿炸蒜，十分惹味，仲有溏心蛋，岩哂唔食牛既人士。我地再叫了鹽酥雞做小食，呢個小食不得了，炸得香脆但沒有絲毫油膩感，雞肉亦很嫩滑，特別是中間竟夾上芋頭，兩者岀奇地夾，更有口感。食台灣野點少得珍珠奶茶，芋香珍珠同胚芽珍珠，兩者珍珠都好彈牙，十分岀色！

段純貞牛肉麵 (將軍澳).將軍澳新開嘅台式牛肉麵，地理位置就係將軍澳Donki樓下.🔹青花椒香手撕雞乾拌麵🔹.邊緣推介我哋食呢個拌麵，入面有花生粒🥜雞絲，鹵蛋，小小麻但唔太辣，花生粒撈埋就更加香，另外麵嗰到揀左細麵，撈麵始終細麵襯啲！.🔹麻辣蒜味腱心半筋半肉麵🔹.男朋友最喜歡食湯麵，呢個牛肉麵望落好辣食落得少少辣，牛肉麵少辣會惹味啲😛好大舊腱心都幾香，另外牛筋嗰啲我個人就唔食😆 呢個就揀左佢地另一種麵手工麵，肥嘟嘟又厚身，咬落少少煙韌但唔會成舊粉團，厚薄適中.🔹新鮮豚肉鍋貼🔹.呢到嘅鍋貼皮薄，肉嘅份量剛好，沾埋醋好吃！.飲品當然唔少得有台式飲品珍珠奶茶🧋仲叫左杯香芋珍珠！.📌 段純貞牛肉麵 (將軍澳)將軍澳澳南海岸唐俊街23號MONTEREY Place地庫B03號舖環境：⭐️⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

今日去咗將軍澳附近行下 見到有間餐廳係食牛肉麵同手工麵既 原來係最近好熱門嘅台灣餐廳 仲要係台灣過江龍 所以就去試下😆原味牛肉麵$84麵既粗幼有得自己揀 我哋就揀咗幼麵 幼麵口感幾彈牙 唔會好淋😆 不過我估揀粗麵可能更索湯🙈 而且呢碗麵仲有好多牛肉 係厚身牛腱肉 滷得好冧 唔會好硬咬唔開 仲幾淋🤤配埋湯同青蒽一齊食就啱晒青花椒香手撕雞乾拌麵 $78青花椒味好濃 有好多辣油 仲會有啲蒜香味😚 我今次揀咗粗麵 記住盡快食 凍咗就可能會變硬🙊 粗麵口感煙韌 做到刀削麵效果 撈埋青花椒油都幾夾 另外仲有好多花生碎添😜 溏心蛋嘅蛋黃整得幾靚 如果可以多啲雞絲就更好啦🙆🏻‍♀️紅油抄手 $48呢個紅油抄手偏辣 有好多辣汁 啱晒鍾意食辣既朋友🌶上面仲有啲芽菜 花生 同埋蔥粒 幾樣野同時一齊食就好正🤤 抄手每粒都脹卜卜 整體都幾惹味☺️香芋珍珠奶茶$28香芋味香 唔會好甜(咁另外都可以要求少甜) 珍珠Q彈 水準同一般嘅台式茶飲店相近😎荔枝乳酸飲料 $28呢杯飲品都幾大杯 唔會特別甜 而且仲有啲荔枝肉係底 有得飲之餘 仲有得咬下😋

繼Donki 進駐了將南豪宅區後， 有不少人氣餐廳亦陸續加入， 週末到來更覺這裡甚有度假feel。在Monterey 地庫這間「段崇貞牛肉麵」， 過江龍台灣牛肉麵一直好想試。餐廳以木系裝修為主調， 古色古香之餘更有文青閒適嘅感覺。除了台灣麵，仲有各款台式飲品， 價錢唔算貴，好像「珍珠奶茶」也只是$28。 味道正宗， 台式茶味和鮮奶調配得啱啱好亦唔會太甜， 珍珠Q彈， 是咬得開的煙韌👍麻辣嫩五花牛肉麵麻香味突出， 下鑊爆炒得香噴噴， 配合秘製淆煑 嘅牛大骨湯底， 辣味麻味和牛骨湯完全融合味。 嫩五花牛肉沒有特別醃製， 肉質鮮嫩緊緊熟透， 絕對要配上一口麻辣湯底才可。這款揀了手工麵， 非常厚身， 麵條又重又長又滑，比較難搞， 溫馨提示唔好著淺色衫食～ 質感煙煙靭靭， 相當彈牙， 感覺絕對充實好像吃了很多澱粉質。荔枝乳酸味道唔錯， 乳酸清新醒胃，適合炎炎夏日👍👍原味牛肉麵湯底顏色混濁，落足材料熬製， 味道濃郁但唔會好咸， 散發出淡淡嘅藥材味道， 屬於溫和不濃味嘅湯底。 牛肉炆得又腍又入味。 幼麵爽滑， 口感和手工麵係截然不同。雞湯抄手雞湯清甜，配襯皮薄餡料滿滿的抄手， 美味滿足～食物整體質素

通常過江龍，都起碼扣一半分㗎啦所以本身來試嘅時候，都冇咩特別期望，點知喜出望外！夜晚8:00嚟到，見冇乜人心諗係咪真係咁一般。不過已經嚟到所以都照入咗。入座嘅時候，店員都好友善保持笑容，好有禮貌，感覺唔錯。嚟到當然要是最出名嘅手工麵啦！麵質真係好好，仲超飽肚另外仲好貪心咁，叫咗幾款小食。控油抄手同豬肉餃子都好好食，特別係餃子皮薄又多肉。相反鹽酥雞就不過不失比較普通。朋友話珍珠奶茶好好味，唔太貴，本身自己想試埋，但已經好飽，唯有留返下次再試啦！

聽聞呢間新開台灣牛肉麵幾受歡迎，今日下晝自己一個人嚟，雖然仲係點零鐘食晏時份，可能係平日，餐廳裏面好多空位，唔駛等即刻有個卡位可以坐，環境乾淨舒服，見到唔係卡位嘅枱，用嚟隔開枱與枱之間嘅版都幾精緻，唔會求其搵塊膠板，枱上放咗張綠色嘅餐巾，有返啲style，用app落單，幾方便，嘢食好快就陸續送到。冬瓜薏仁檸檬特飲$30，要求少冰，涼快好味，感覺健康，三寶麵$92，揀咗幼麵多蔥，麵質唔錯，有口感，牛肚牛筋牛肉嘅份量就唔算多，送上枱嘅時候個樣都麻麻，賣相一般，其實三寶可以小心啲放擺靚啲，不過味道真係幾有水準，尤其是係個湯底，就好似食日本拉麵，碗底都舔埋，紅油抄手$48都唔錯，足料，辣到適中，個醬汁調教得好好味，仲有芽菜花生，餡料亦都唔錯，啲蝦幾鮮味，要求多蔥，不過都好似唔係好多，整體真係唔錯，加埋一成為$187，咁嘅價錢，就要有返咁上下水準囉！

而家冇得去旅行，喺香港真係好悶，唯有嚟個味覺上嘅旅行啦👅之前去台灣旅行都聽過依間叫做段純貞嘅餐廳，一直都好想試，但係嗰陣時行程太趕，所以冇食到，好彩而家香港都有得食！餐廳地理位置好近，喺將軍澳地鐵站行一陣就到，或者大家行海旁嘅時候，行完可以過嚟食👍🏻餐廳主打牛肉麵，而且味道好濃郁，推介各位嚟食😆首先我哋叫咗兩個主食第一個係麻辣嫩五花牛肉麵超級推介！湯底唔係用味精，而係好濃嘅牛肉味，味道非常濃郁，但又不失清甜，加上落咗超多牛肉，分量十足，牛肉味道都好足😋蒜香手撕雞乾拌麵(含花生）蒜香同埋手撕雞真係超好味嘅配搭，同樣地份量超級多💕叫咗一小食 新鮮豚肉鍋貼 (5pc)食返台灣嘅味道～另外飲品：珍珠奶茶，同埋荔枝乳酸飲料🥤我特別鍾意珍珠奶茶，唔會太甜，而且珍珠好彈牙🤩

總覺得香港無乜好食既台灣牛肉麵，因為始終都覺得冇係台灣咁好食，不過而家冇得飛，唯有食住香港既台灣牛肉麵一嚐台灣既味道🍜 呢間段純貞牛肉麵最近新開，暫時有三間分店，我覺得個牛肉麵幾好味，值得一試❤️原味牛肉麵 $84，舊牛肉啖啖肉，好食過普通嘅紅燒牛肉好多，啲肉又都夠稔夠入味！個湯底好濃，偏咸。麵底可以揀手工麵或者細麵，加埋酸菜好好味。暫時覺得都算係香港最好食嘅牛肉麵之一，可能我冇乜食過好食嘅牛肉麵😂蒜香手撕雞乾拌麵 $78，如果唔想食牛肉麵，呢個乾拌麵都係另一個好好嘅選擇，整體味道比牛肉麵清淡少少，但係個手撕雞好好味，好嫩滑。不過杯珍珠奶茶就真係有待改善，兩次試呢間餐廳啲奶茶都一般，好淡好水，無茶味又無奶味🥲 反而杯荔枝乳酸飲品幾正常，飲到茘枝味，比較推介！小食方面都唔錯，推介紅油抄手，好香既香麻味，加左好多芽菜拌碟。

係將軍澳住真係好有食福又有新餐廳開幕 係MONTEREY PLACE，donki 個個商場入面地下再落一層扶手電梯，就見到入到去裝修係用咗好多木嘅材料好舒服😊鐘意佢既設計叫左份蒜香手撕雞乾拌麵同原味牛肉麵一份炸鹽酥雞一杯珍珠奶茶同荔枝乳酸飲品（麵底有得擇手工麵同細麵）牛肉麵真係比我想像中更出色牛肉大大嚿非常香，非常嫩👍🏻湯非底好香濃今次我地牛肉麵叫左細麵乾拌麵叫左手工麵，建議乾拌麵叫細麵應該會更完美鹽酥雞非常大嚿，肉身好Juice我地都覺得好底食先$48珍珠奶茶既珍珠係有口感嘅煙韌既感覺茶味奶味比例唔錯個人比較鍾意呢一種奶粉味唔會太重嘅奶茶荔枝乳酸 ，有一粒粒嘅荔枝肉兩個人食真係好夠飽個牛肉麵真係好值得再試下次再黎試埋其他整體比8.8/10分

同朋友去左朝聖將軍澳Donki，估唔到將軍澳都有段純貞，食左個下午茶，特別中意手工麵嘅質感 😋😋📍原味牛肉手工麵 + 荔枝乳酸飲料食段純貞一定要揀手工麵，質感特別彈牙，牛肉鎖住肉汁，不過不失👍🏻👍🏻 稍嫌個湯底偏濃，個人口味中意清淡少少，不過搭配埋飲品就啱啱好👍🏻📍 青花椒香手撕雞乾拌麵(含花生) +香芋珍珠奶茶🧋開頭以為呢個會好辣，但發現原來都okay，係一個冇食開辣都可以接受到嘅辣度。拌麵一樣揀咗手工麵，份量勁足料，味道幾特別，推薦可以一試☺️📍 新鮮豚肉鍋貼🥟兩個人叫左個小食，唔會好油膩，同麵嘅口感都好配，一份有5隻，算係好抵食😋

最近唔知點解好想食台灣嘢，今次同大家嚟到位於將軍澳嘅段純貞。今次試咗兩款麵食，分別係麻辣蒜味腱心半筋半肉麵，以及隱藏餐單：老火鍋腱心半筋半肉麵。🥢麻辣蒜味腱心半筋半肉麵：牛肉嘅份量多，而且有一定嘅厚度，筋肉比例亦都十分之好。湯底有蒜味，但係唔會覺得驚艷，食兩啖開始有啲悶，同埋感興上有啲夾硬嚟⋯🥢老火鍋腱心半筋半肉麵：覺得更似川味牛肉麵，份量一樣多，湯底似四川麻辣牛油火鍋（即係火鍋底料兌水煮開的味道）🍴麵底方面，有幼麵及手工闊面選擇，喜歡掛汁可以選擇幼麵，喜歡有咬口的則可選擇手工闊麵。🙂整體而言：小編覺得可以貪新鮮試一次，的而且確牛肉量俾得好實在，但係再食嘅機會不大。 段純貞牛肉麵（將軍澳分店）地址：將軍澳澳南海岸唐俊街23號MONTEREY Place地庫B03號舖營業時間：12:00-22:00（星期一至日）

前排去donki 行下，見到新開左好多餐廳又原來個商場仲有下底一層經過見到呢間就試下叫左碗牛肉麵本來無話特別鍾意食牛肉麵見到張相幾吸引就想點黎試下點知一試，又真係幾正wo一個人食左個麵同炸雞真係好飽個牛肉真係勁大件個麵跟個炸雞都好正其他小食好似多唔錯

段純貞牛肉麵 (將軍澳)來自台灣嘅段純貞牛肉麵，喺台灣又多間分店，本身喺荃灣同銅鑼灣都有分店，最近將軍澳都新開左一間。餐廳主打台式牛肉麵，但亦都有其他嘅湯麵同台式小食。。原味牛肉麵 手工麵 $84 牛肉麵嘅湯底係使用左藥材同牛骨熬製而成，所以食到好濃郁嘅味道，湯底帶有少少辣令到更開胃。牛肉麵可以選擇面底，手工麵或者細麵。手工麵比較粗身同煙韌，類似平時食嘅刀削麵 ，但仍然可以吸收湯底。而牛肉唔單止嘅油脂比較少，所以冇咁油膩。但又唔會好鞋，所以都幾好食。。嫩五花牛肉麵 手工麵 $84呢款嘅湯底同面底都係一樣，只係個牛肉唔同。呢款嘅牛肉係切片，好似平時食嘅肥牛咁。同樣地油脂都係比較少，但比想像中滑。因為比較薄，吸收嘅湯汁都比較多，比較鍾意呢一款牛肉。。新鮮豚肉鍋貼（5件）$48鍋貼兩面都煎過，皮薄餡料多，可以點少少醋一齊食，都幾好食。珍珠奶茶（凍）$28胚芽珍珠奶茶（凍）$28兩款嘅奶茶茶底都好濃郁，但珍珠稍為有啲硬，可能係因為凍飲嘅緣故。。📍將軍澳澳南海岸唐俊街23號MONTEREY Place地庫B03號舖

兩位小編去左將軍澳行Donki🤪今次揀左 段純貞牛肉麵食😄餐廳裝修以木系古典風為主，環境寛敞光猛，卡位坐得舒服，服務唔錯，店員不時幫客人加水同好耐心解答客人既問題。1️⃣原味牛肉麵 $84依款牛肉麵湯底用左23種藥材、香料同牛大骨黎燉，黎到已經聞到好香，飲落仲有淡淡藥香味，牛腱肉厚身炆得又香又軟腍，一啲都唔韌，牛味好濃郁，配埋刀切手工麵一流，粗身麵條吸入牛肉湯後唔會好淋身，食落好煙韌，另配有酸菜食落酸酸甜甜好清新，推薦😋2️⃣蒜香手撕雞乾拌麵 $78乾拌麵賣相唔錯，揀咗幼麵配埋自家製醬汁岩岩好，撈完唔會好淋身，拌麵配有少量花生、蔥、蒜、雞絲同溏心蛋😋食落味道👌🏻但小編就覺得牛肉麵更出色啦😛3️⃣紅油抄手 $48依款紅油抄手粒粒圓潤飽滿，每粒都包有鮮蝦同豬肉餡😋食落好彈牙，頂頂仲有芽菜作伴，醬汁方面食落麻辣，食埋仲有陣陣麻香起口腔，如果唔食得辣嘅朋友可以叫醬汁另上或者考慮叫🐥雞湯抄手👍🏻4️⃣珍珠奶茶 $28依杯珍珠奶茶幾大杯，冰量唔會多，珍珠食落口感煙韌，但奶茶味就比較淡，唔算好突出。5️⃣香芋珍珠奶茶 $28依款香芋奶茶香芋味唔濃，茶味都唔太出，飲落較甜，與珍珠奶茶相比較遜色🤔