段純貞牛肉麵 (MONTEREY Place)

營業中

休息中

😋非常足料，段純貞牛肉麵，值得一試！！這天晚上與朋友一同去了這間餐廳-段純貞牛肉麵，原本想著份量不會太多，誰知一上菜時發現非常足料！喜歡食牛肉麵的朋友絕對要試試😋😋😋。我們叫了一碗原味牛肉麵，一碗濃湯雞麵，碟鹽酥雞，一杯珍珠奶茶及荔枝乳酸。麵可以揀手工麵或細麵。圖一：原味牛肉麵 、珍珠奶茶走冰走甜牛肉麵揀左手工麵。碗麵非常多一塊塊的牛肉，個人覺得牛肉不錯，厚度適中，唔多肥肉👍🏻👍🏻，湯味濃；奶茶唔錯，還有小菜添味😋。圖二： 燉濃湯雞麵這個揀左細麵。湯較為清淡，想不到雞的份量頗多，有一隻算大的雞脾同雞胸。亦有小菜。圖三：荔枝乳酪圖五： 鹽酥雞帶有胡椒，非常美味。😋總結： 餐廳環境唔錯，裝修唔錯，寧靜，可以好好享受美食，食物亦唔錯，推介俾喜歡食台灣美食或牛肉麵的人一試。

位於將軍澳新開的台式餐廳，台灣過江龍、主打牛肉麵以及特色台式小吃。私房小吃：鹽酥雞肥美的雞髀肉，每粒都很大粒，是真材實料的雞肉，肉汁豐富，再灑上調味鹽，新鮮即炸起，香脆可口。牛肉麵類：麻辣嫩五花牛肉麵麵：手工麵上枱時瞥見那特濃的湯頭顏色，繼而嗅到那股藥材香，已經讓人垂涎欲滴。以濃郁的牛肉及中藥材熬製的湯，調味亦加入各款香料、花椒、八角等。湯頭帶麻香辣，層次多；椒麻的香氣，辣味後來居上，餘韻帶牛湯之厚醇香味。 五花牛肉，肉質滑嫩，薄片易咬。麵條配上手工麵條，麵條粗闊，不算有彈性的，但蠻有口感，且掛湯力強。台式奶茶：胚芽珍珠奶茶紅茶底濃香，奶味不會覆蓋茶味，奶茶幼滑，帶出胚芽麥香，意想不到之特飲。

台灣段純貞牛肉麵香港店 20年12月才開第一家分店現在已經好快擴張有幾間了 曾經被評為五星級牛肉麵既段純貞湯色香濃賣相擺得靚 麵條可選手工麵條或細麵牛肉麵分紅燒或燉番茄湯底 都係主打牛肉牛筋 唔食牛肉另有雞湯麵和排骨麵或台式拌麵另有小菜小黃瓜或花生或海帶做前菜麵條彈性非常夠,吸左濃湯既湯汁之後味道更香牛肉滷得好軟淋,吃來不韌且帶有花椒和滷醬香氣三寶麵,牛鍵心,牛肚牛筋  油脂呈花紋狀且肉香醇厚湯底講明係用中藥加香料去煲8小時,飲落好醇香,濃香味鮮有唔少網友食過都話同台灣食到好接近無分別麵條同樣都係每日新鮮做,每一個細節都跟足台灣配方製作如心廣場第1期第1層107號評分8/10平均消費$100

{燉濃湯雞麵😍}#kong_girl_foodie出街食#段純貞牛肉麵 .❣️ 燉濃湯雞麵 (細麵)$84雞湯好濃郁，真材實料，直接飲咗一碗🤣🤣雞嘅份量好多，成四份一隻左右！有成隻雞髀添！雞湯揀咗細麵，因為menu話細麵會吸多啲湯汁！果然冇揀錯，佢係非常襯細麵！.❣️原味牛肉麵 (手工麵)$84呢個相比起味道就濃好多，牛肉湯湯底夠滷水味！手工麵口感相當唔錯，好滑，好特別！重點係牛肉有成五大嚿，好淋之餘仲好入味，冇乜肥膏，啱曬我☺️.❣️鹽酥雞 $48有五大件，唔係出面細細粒個種，而係一舊舊雞件咁炸！冇落好多粉去炸，所以炸出嚟個皮較薄，而且保持到肉汁！相當唔錯嘅一個小食！👍🏻👍🏻.❣️珍珠奶茶 $28❣️荔枝乳酸 $28兩杯都正常味道，荔枝乳酸仲會有荔枝果肉添！.📝總結呢間餐廳喺將軍澳海旁商場嘅地庫，但好好彩試到呢間餐廳！因為環境好闊落而且員工服務態度超級好！雖然餐廳位置比較偏僻，但係都有唔少街坊支持！🤍🤍.❣️食完俾分時間❣️🌟食物: 8/10🌟環境: 8/10🌟服務: 8/10🌟打卡: 8/10🌟推介: 8/10.📍 段純貞牛肉麵 將軍澳澳南海岸唐俊街23號MONTEREY Pl

☆ 段純貞牛肉麵將軍澳澳南海岸唐俊街23號MONTEREY Place地庫B03號舖✦ 紅燒腱心半筋半肉牛肉麵牛肉同牛筋都好淋好入味，好食，麵底揀左手工麵，質地幾有咬口，湯底我就覺得咸左少少。✦ 老火鍋腱心半筋半肉麵呢個辣嘅，試左一啖湯好辣，食得辣嘅少爺都話辣，其他肉同麵都同上。✦ 滷水拼盤有牛肚、牛𦟌、滷蛋、豆干、鮮菌，整體滷得咸左d，隻蛋有d醜，不過牛𦟌幾好食，入味唔會話好硬。✦ 香芋珍珠奶茶✦ 胚芽珍珠奶茶以上2杯珍珠好硬，同埋太甜。

將軍澳區的食店愈開愈多，京都勝牛旁有來自台灣的段純貞。第一次光顧必試牛肉麵，麵條可選手工麵或細麵。點了一碗三寶麵($92)，一次過試勻牛腱心、牛肚及牛筋，全部都很入味，牛腱心肉質軟腍，特別難忘。牛骨湯底帶有濃濃的藥材和香料的香味，而且不油膩，出色之作。手工麵粗粗的，闊約一吋，十分掛湯，窩夫喜歡那煙韌的口感。燉濃湯雞麵($84)同樣是店主推介，乳白色的雞湯味道香濃，營養價值高，配細麵非常夾，雞腿肉很嫩滑，誠意推介給不吃牛肉麵的朋友。還點了一客新鮮豚肉鍋貼($48)，人手包的鍋貼特別好吃，皮薄餡靚，煎得香脆，是不錯的小食選擇。

行完Donki 後，落一層已經見到呢間過江龍台灣牛肉麵餐廳裝修好有格調，而且大部分座位都係卡位，坐得舒服牛肉麵係招牌菜式，當然要叫來試下。最特別係麵可以有兩款揀，手工麵或細麵*麻辣蒜味腱心牛肉麵* $84牛肉份量又多又厚，麻辣味好香口，亦同湯底好配合，又唔會好辣同搶左湯底嘅濃湯底用上獨門配方，顯得湯底更有層次另外麵好滑又能沾上濃濃的湯底。*蒜香手撕雞乾拌麵* $78相比牛肉麵，有比較下，手撕雞乾拌麵有點失色但配料好豐富，雞絲蔥花加蒜非常惹味，溏心蛋亦做到半流動的質感最後，難得來到食台灣野緊係要叫珍珠奶茶今次叫左半糖，甜度合格，珍珠煙煙韌韌，不過不失！

將軍澳南新餐廳系列☺️估唔到星期六晚上八點都係等7分鐘就可以入座之前喺荃灣見到呢間都想試，不過排長龍..店入裝修好有風味。落單就唔使叫職員，可以scan qr code～紅燒牛肉麵嗰隻手工麵係幾好食，不過紅燒汁就幾辣下🥺🥺牛就正常。雞湯抄手個雞湯都幾好飲鹽酥雞炸得幾好食，啲雞肉好嫩滑！推介！但杯薑母茶都幾甜..奶茶就正常台灣的感覺☺️ 但唔係台灣既價錢😂其實哩間相比其他台灣野唔算好出色，但都係中上既水平，所以間中都可以食下既☺️

睇人地相啲湯底幾濃再加上近我屋企🤪就一定要試下啦😉環境好闊落👍🏻週末去都冇乜人不過價錢真係唔平🥲❤️推介指數: 8/10 等候時間：0mins（週末2:00）—————————————————————😍三寶細麵 $92 (8/10)細麵就比較爽口紅燒湯底好香濃🤤肉類餸菜同麵嘅比例差唔多牛筋牛肚同牛肉都好煙韌牛肉好大塊厚身👌唯一不好的是食完之後真係好口渴😰去到夜晚都仲係咁建議大家唔好飲湯底🥺😍原味牛肉手工粗麵 $84 (8/10)一講起段純貞就係牛肉麵😉今次選了手工粗麵🤩較為有口感但相對就韌左啲🥺牛肉也是好大塊厚身👌湯底同上面冇乜分別都係咁多味精😰😍滷水拼盤（牛肚/牛𦟌/滷蛋/豆干/鮮菌）$78 (8.25/10)呢個就相對冇咁多味精😂份量都幾多所以可以同其他人share👍🏻拼盤食物偏暖唔凍的牛肚同豆腐都好咬口其他就不過不失不錯的醬汁甜甜地令拼盤食物好入味總括而言呢個價錢還能比得上個質素但係希望唔好落咁多味精😂環境挺不錯的幾闊落😜—————————————————————💯小編分數表5️⃣以下：不合格😣 （小編好少比呢個分🥺）6️⃣：其中一些食物唔好食7️⃣：整體普通8️⃣：值得一試🤪9️⃣：必試🥳🔟：呢種程

香港傳統的牛腩牛雜麵，由小時吃到大，由大排檔吃到店舖裡，都是千篇一律的味道。牛腩好運的就吃到腍身和香口，不好運的，不是腩汁太咸就會是牛腩仍很韌與煲了湯的瘦肉一樣。吃碗麵咁簡單也要不時先來賭賭自己的運氣。在超市，看到台湾段純貞也有包裝麵出售，在想買之際，發現在將軍澳澳南，也開了一間段純貞的實體麵店。這是一間由台灣過江來開的一間麵店，今天一個人就冒名入內光顧一碗，看看台湾的牛腩麵有沒有比香港的更好吃。今天在這裡點了他們的推介 - 三寶面，裡面有牛腱心肉，牛肚和牛筋，配上手工闊麵和紅燒湯底，牛肉滷得腍身湯底也不太油膩。吃牛腩往往就要這樣腍身，否則吃到滿牙縫都是腩粹，吃街邊的往往就是這樣的未夠火喉就給客人吃了。聰明的食客，你也該懂得如何去選擇吧。

去咗試食新開嘅台灣牛肉麵揀咗個期間限定嘅辣台灣牛肉麵比我想像之中辣 啲牛肉同埋面都幾好味份量就唔係好夠食完之後都唔係好飽下次可能會係下午茶或者其他時間再去試吓 晚餐就未必啦

來到海邊的DONKI, 忽然下大雨. 為了避雨, 也為了五臟廟, 就在地庫的餐廳來個early dinner.   在2家牛肉餐廳之間, 選了喜歡的台灣牛肉麵. 因為當年高雄夢時代未能親嚐這家有名的牛肉麵, 現在終可一試了... 雖說這是來自台灣的名店, 但細看店內介紹, 始創人段女士是來自天府之國, 四川人也!  可能牛肉麵的味道會有成都的影子. 餐牌有多款麵食, 牛肉麵的湯底分為紅燒和麻蒜.  單單看文字和辣椒標記, 麻蒜比紅燒更辣.  我倆都嗜辣, 但為了一試2款湯底的分別, 所以點了原味牛肉 & 麻辣嫩五花牛肉. 麵底也是各點一款. 再加一碟餃子和2個飲品.     原味牛肉麵 手工麵   原味紅燒湯底, 本來就帶點辣.   獨門二十三香加陴縣豆瓣醬, 又崗山豆瓣醬, 花椒麻椒, 難以想像湯底味道的層次和複雜性.   因為牆壁上有紅燒牛肉湯底的說明囉!  真身來了, 先把酸菜倒入碗裡. 嚐一口啡色的紅燒湯底. 湯底以香醇為主, 整體辣度卻很溫和, 可能跟二十三香有關吧! 幻想: 花椒八角丁香桂皮香葉薑石栗草果.......總之怕辣人仕也可接受的. 牛肉則是牛腱心位, 即係HK所

疫情下，好想去台灣又去不了，唯有食台灣的食物一解思念的滋味。所以趁有空去了最近人氣小店，也是台灣過江龍的段純貞牛肉麵。環境裝修也是讓人感覺好舒服，地方也好寬敞，無壓迫感，也設計到好台式的家的感覺，令人有種去了台灣旅行的感覺。來到段純真，當然叫了招牌菜牛肉麵，原來有很多選擇，最後選了三寶麵$92。因為好像裏面什麼都有。三寶裏面包括牛筋，牛肚和腱心個部分，三個不同味覺享受，十分豐富。湯底是餐廳用了牛大骨整數小時才有，是用心心機。麵條也完全吸收了湯底的精華，好味😚至於小食，點了一碟酥炸排骨 $48。排骨炸得黃金脆身，炸粉不厚，排骨的肉質保持多汁嫩滑。好好味。味道也剛剛好，份量也不多不少，剛剛好兩人份。😃珍珠奶茶（左）和芋香珍珠奶茶（右），各款都是$28 ，珍珠奶茶味道正常普通點，不過芋香珍珠奶茶的芋香味濃，力推。❤️段純貞牛肉麵地址：將軍澳澳南海岸唐俊街23號Monterey place 地庫b03號舖

同友人特登入去將軍澳逛逛Donki兼搵食。店舖新開不久，位於Donki下面，店內裝潢清幽簡潔。【必試推介～原味牛肉麵】試左一啖頭啖湯，湯底用了藥材同牛骨泡制而成，牛肉味氛香濃郁，但一點都不覺油膩，飲落都幾清，好好飲牛肉份量唔算細，啖啖肉，炆得好淋。今次揀左手工幼麵，麵底煮得軟硬適中，非常煙韌彈牙🤤賣相同口感都讓人一試難忘雞湯底味香濃，飲落有點掛口，唔錯唔錯雲吞足料非常，蝦多肉少蝦肉新鮮彈肉牙，味道剛好，是好食的

見到呢一間人氣過江龍牛肉麵個食評好似唔錯見到咁啱冇乜人就入去試吓我哋叫咗一個三寶面要粗麵，跟住嗌咗一個半筋半肉牛肉麵，要咗幼麵咁其實佢嘅牛腩，牛筋同埋牛肚都煮得好入味而且咬落去都好鬆軟，完全唔痴牙湯底都唔錯嘅，而且都唔算好油膩☺️😊不過我哋覺得粗麵個面條就好似淡咗少少，幼麵相對入味好多不過個份量就因人而異，如果對一個成年男士來講係一碗麵可能唔夠飽😂😂我哋嗌左一杯胚芽珍珠奶茶，個茶底都幾香珍珠亦唔會過甜所以都算幾好飲如果佢嘅酸菜如果再比多少少嚟送個麵嘅話會更加好😊😊