段純貞X日出茶太 (MOKO新世紀廣場)

營業中

休息中

🔹旺角//段純貞X日出茶太🔹人均約$152🔹▫️紅燒腱心半筋半肉牛肉麵 $88幾好食，湯底同出面食有少少唔同，都幾重花椒味！▪️蒜香手撕雞乾拌麵 $78我覺得都幾好食，手撕雞份量幾多，雞幾嫩滑，唔係鞋！▫️醬炒青菜 $48份量都幾多下，係炒花椰菜，清清哋！想食下菜唔想咁重口味嘅可以試吓～😗▪️櫻花煎茶 $28普通嘢，都唔係好櫻花🤣🤣🤣 $28正正常常啦🔹好飽評語：之前喺台灣試過牛肉麵，我覺得同台灣質素差唔多！但係我記得台灣係有得喺出面加酸菜配料嗰啲，唔知而家仲係唔係🤣🤣當然台灣係平啲😗😗平時見到都幾多人排隊，牛肉麵真係幾好食嘅😘🧠回頭指數：8️⃣🧏🏻‍♀️打卡港女：7️⃣🌬冷氣溫度：7️⃣🚽廁所評價：7️⃣🧾性價比呢：7️⃣

中午諗住喺商場求其搵間餐廳醫肚，於是黎左食牛肉麵🫣因為店鋪喺商場，價錢自然都偏高🍜招牌紅燒腱心牛肉麵 $86 🌕🌕🌕🌑🌑牛腱幾好，夠淋夠入味，而且肥瘦適中😋👍🏼分量都幾多👍🏼湯底帶微微的辣，較重口味，味道普通。手工麵幾有嚼勁，但略嫌麵條太厚。食完個麵超級口渴🥵🍜慢煮無骨口水雞湯麵 🌕🌕🌕🌗🌑+🧋招牌珍奶 $108 🌕🌕🌕🌑🌑 湯底鮮甜夠味，口水雞肉質滑嫩，唔會好辣，個汁幾好味😋如果黎食，會推薦食雞湯麵👍🏼但份量偏少。珍奶黑糖味較重，未到必嗌嘅程度。值得一提，每碗麵會附送一小碟酸菜，夠酸夠爽，送麵好夾😍如果黎到moko唔知食乜好，呢間都可以納入考慮。

台灣好岀名，食完有啲失望牛肉麵上枱以為嗌咗淨牛肉，湯底偏咸，有幼麵同手工麵選擇，揀左手工麵正常發揮，只係未切開既麵，一片片，講真無乜特別。侍應態度麻麻，當日下午茶時段，餐廳坐唔滿，眼見有位媽媽同小朋友拎住一袋二袋，想坐卡位(無人)，個侍應話唔得👎，好rude，睇住成餐飯個卡位都無人坐。座位之間好逼，坐得一啲都唔舒服，差過茶餐廳格局，而且水都冇杯，要request 先有，真係慳水慳力牛肉麵加一 $100 用餐經驗好差！

假日同朋友出去行吓，去咗間叫段純貞嘅台式餐廳食嘢～叫咗蒜香手撕雞伴麵 🐥同埋 燉濃湯雞麵🐓😋📝蒜香手撕雞伴麵🐥蒜味滲透雞絲非常惹味，撈埋麵一齊味道適中唔會太濃或太淡口，醬汁更混合花生碎，食落好香口👍🏻伴麵上面仲跟一隻糖心蛋，煮得岩岩好有糖心嘅蛋黃質地，食完好滿足😃📝燉濃湯雞麵🐓面底簡咗手工麵，手工麵係極厚麵，口感爽口但感覺唔太掛湯🙈但雞肉足料而且好肥美👍🏻整體感覺幾好而且價錢唔算貴，會考慮再食👍🏻

家姐話旺角MOKO店有間叫段純貞, 好似話出名牛肉麵, 但佢上次經過時好多人等, 所以冇吃, 所以今天特登約我過咗中午時段才去. 吓! 都下午茶時段, 都仲要排隊入座?!, 好彩人龍唔係好長, 等咗10分鐘就入得. 餐廳環境不錯, 但個菜牌啲相就唔多吸引. 叫了個微辣招牌紅燒腱心牛肉麵, 中辣既麻辣蒜味腱心牛肉麵, 雞湯抄手同綜合甜不辣, 加錢叫咗珍珠奶茶同香芋珍奶茶. 唔, 對我來說, 佢既麻辣蒜味腱心牛肉麵不太麻, 只有辣, 可能食慣那些四川既麻辣, 比較要求重口味. 所以下次叫啲原味或燉濃湯麵試下.台灣味 #hkig #hkfoodie #hkfood #foodblogger

前幾個星期同朋友出去食飯，唔知道係咪嗰排天氣不穩，又落冰雹，啲人唔敢出去食飯，加上臨近假期，大家開始放假，成個商場都好靜。去到餐廳門口，竟然唔洗拎飛，可以直接入座，真係未見過😳平時係成個商場間間餐廳都排哂隊。餐廳喺中午時段有午餐提供，有三個唔同價位嘅套餐。主食+飲品 ($108)、主食+小食 ($118)、主食+小食+飲品 ($138)。我哋叫咗一個主食+飲品，再加一個主食+小食+飲品，就可以share個小食😋原味牛肉麵紅燒腱心半筋半肉牛肉麵鹽酥雞招牌珍奶我同朋友都係叫手工麵。初頭睇落份量好細，碗好大，但係麵同湯都好淺。手工麵係寬麵，而且有一啲厚度，食落其實好飽，差啲食唔曬😳手工麵好彈牙，好有咬口，只係進食有啲困難，夾麵嘅時候會彈到周圍都係。記得唔好著白色衫去食😂我係食原味牛肉麵，湯底有少少辣味，唔會嗆喉，唔太食到辣嘅朋友，應該都食到。牛肉有3件，係厚身!!朋友食嘅半筋半肉牛肉麵，同樣好大份，份量夠哂食。飲品係日出茶太台式飲品，可以揀冰度、甜度。鹽酥雞有4小粒，同麵相比較為細份，但一個人真係夠哂食。整體食物味道同賣相都唔錯，推薦👍🏻

環境唔算擠迫凳底有位可以放個人物品今次試左嫩五花牛肉麵辣湯底有陣豆瓣醬味少少辣都易入口本身以為五花牛肉會似平日打邊爐嘅肥牛但有驚喜嘅係佢d牛肉無筋兼且唔係肥牛不過牛味就得少少細麵好好食！索埋d汁 麵底又唔會太淋而酥炸排骨面份量都適中豬排係半肥瘦咬落去有油分令塊扒唔會太乾而且都表面炸得好脆好香口雞湯底都好好飲唔會覺得好重味精味唔會要瘋狂飲水雞味好香濃但因為配搭嘅係粗d嘅手工面咬落感覺似千層麵嘅質感個人覺得太厚間中會覺得食緊粉餅咁而小菜口水雞好食！每一啖都好嫩口肉質鮮美柔滑配以粒粒花生脆嘅辣椒醬唔食得辣都可以試下因為唔係超刺激嘅辣味但可以過到癮可惜份量稍嫌少$84得一隻雞髀嘅份量抹茶latte加布丁好驚喜雖然係另外叫無跟餐優惠但抹茶味好香好突出布丁又唔會太甜搶味可以試！

段純貞是的牛肉面，湯底獨特的藥膳味道，濃郁並且相當的醇厚，有些人說比較偏鹹，但連鎖中央廚房出品是很穩定的，沒有感覺很重的味精，也沒有特別突出牛肉湯的味道，總之是很獨特很討喜的一個湯底。麵條來說，選擇了手工面，是很寬的寬面，麵底軟糯，吸收湯汁後味道均衡，分量把握的很好，留些肚子去叫一些小食，牛肉燉的軟爛，牛筋入口即化，牛肚沒有異味，三樣都試了，味道都是一樣的，只是口感不一樣。番茄的湯底是在紅燒的湯底基礎上增加了番茄膏，濃郁可口。

平日6點去到，冇人。叫左碗紅燒腱心半筋半肉牛肉麵，第一啖飲湯先，我覺得好鹹，藥材味豉油味好濃，少少辣，冇乜甜味牛筋十分入味，而兩舊牛既質地就唔一樣，一舊硬d實d，另一舊就淋d。我揀左細麵，軟硬適中。d麵好易掛湯，而湯底就好鹹，食多幾啖都唔想食，咁就用左d酸菜配住食，易入口左，但係d酸菜比較少，好快食完，咁就叫職員比多碟，佢話：「可以fill 一次」。如果我想再fill，應該就要比錢？唔知幾錢呢？！如果坐底之後，會自動送上水，感覺會好d

首次光顧段純貞, 本應來一碗招牌湯麵, 唯是日不太餓, 考慮到吃牛肉會很飽腹, 還是先嚐其他麵食。蒜香手撕雞乾拌麵 (含花生, 細麵) $78 + 10%蒜香手撕雞乾拌麵有手撕雞, 蒜粒, 花生碎粒, 菜蔬, 少量蔥花和流心蛋, 伴有一小碟酸菜, 有助開胃。流心蛋流心軟綿, 是整碗麵最亮眼的食材。手撕雞份量不多, 雞絲乾身, 有雞味。拌麵採用幼麵, 麵質彈牙索汁, 醬汁較稀, 味道不重, 雖有花生碎粒和蒜粒, 但入口感覺孤寡和悶, 提不起食慾, 而且說好的蒜香十分薄弱, 沒有香口感覺, 對我來說這碗麵只屬一般。

已經第4次去食既台灣餐廳，每次都係食半筋半肉果款，肉質同筋位都非常好味。成個湯底既味道又好食，肉質好岩，軟硬度好適中，除咗叫呢個，另外仲會叫一個雞湯麵，呢個面就係會比小朋友食嘅，每次同朋友同埋自己個小朋友咁就嗌一個雞湯麵，佢哋小朋友兩個share就岩岩好，另外手自己就每人一個半斤半肉面，第一次食時叫左個手工面，出到黎原來係好粗好闊果種，如果唔係話特別中意呢類面既。就健議叫返細面，呢間分店同日出茶太合作，叫埋野飲好完美

我哋一行二人喺旺角新世紀廣場行街，途經呢一間人氣台灣麵，所以走咗入去食，平日晚上都需要等位，座位舒適，裝修雅致。我哋叫咗，兩碗麵和一碟小食。埋單$234。紅燒牛筋麵（手工麵 ）$88湯底濃厚，藥材味非常濃郁，牛筋炆得好味，軟硬啱啱好，而手工麵非常粗鞋，唔太建議食手工麵，除非你鍾意呢種口感。紅燒腱心半筋半肉牛肉麵 （細麵）$88湯底香濃，麵質非常好，軟硬度適中 雞湯抄手 $58平時我哋食開紅油抄手，好少見到會有雞湯抄手，雞湯非常濃郁真材實料。

原味牛肉麵配細面牛肉麵的湯頭有很濃郁，有少少藥膳，有3大塊牛腩，啖啖肉，很入味，喜歡台灣牛肉麵的很值得推介。新鮮䐁肉鍋貼食得出黎係新鮮豬肉的味道，保留鮮肉的肉香，配上少少的調味加蘸上豉油，簡單但不平凡。古早台灣腸兩條台灣腸切片配上生蒜，正常，沒特別。三寶麵配手工麵手工麵是寬面，很大塊，挺掛汁的，但個人比較喜歡細麵，因為配三寶（牛肚，腱心和牛筋）本身都比較大塊，配上細束的幼麵口感比較好；湯頭也是跟牛肉麵一樣，很濃縮，三寶也是很入味，很好吃！

年初四去到旺角Moko，選擇幫襯未試過的段純貞。必須講服務麻麻！唔知係咪新年開工，侍應心情唔好？入座時見有兩張枱，一張近侍應櫃枱，另一張比較入面——行到入面，一位比較年長，穿淺色制服的女士（可能係高級經理）連呼三聲" Hello Hello Hello"叫我哋出返去，話入面留咗畀員工用膳。但之後果張枱又畀咗另一位客人喎？聽到隔離枱有得QR code落單，不過我哋係冇code嘅👍食物質素OK，面條份量偏少，但因為本身細食所以可以接受；半筋半肉各有兩塊，牛筋和肉都炆得夠稔；至於湯底也不錯，頗重藥材味道，少少辣算醒神~但都因為多藥材，重口味，所以比較口渴。

第二次食 因為唔駛等太耐 同埋天氣凍都想食有湯既野 所以就入左去啦！每次都點蕃茄湯底 好濃好味！次次都差不多飲曬 😄 叫開半筋半肉，幼面好食，份量剛好！，細食既可能會覺得有d多，每次必叫炒高麗菜，炒得好脆好好味！ 小食，食過煎餃但覺得麻麻，因為外皮有點淋 ，另外 鹽酥雞都好食，份量夠！ 而飲品係 日出茶太既台式飲品，選擇都幾多 但同一般台式飲品差不多，冇乜特別，不過好在有得揀走糖！QR code 落單，環境都ok，只係有少少迫。