段純貞X日出茶太 (MOKO新世紀廣場)

營業中

休息中

這間位於旺角MOKO新世紀廣場3樓的台灣過江龍《段純貞的牛肉麵》，每次經過都看到餐廳大排長龍。今晚朋友提早來到等候取位，我們仨可以來朝聖呢！餐廳曾被「台灣美食教父」焦桐參與編製的《臺灣牛肉麵評鑑》中獲選為「5顆星牛肉麵」，當然不容錯過！餐廳環境舒適，裝修充滿中華特色。～三質麵（微辣手工麵 ）有牛肚、牛筋及腱心，寬闊的手工麵配以中藥材的湯底，絕對是這裏的王牌！～胡椒湯酸菜雞麵喜歡這個胡椒酸菜湯，彈牙的油麵配以原隻雞脾，好味道！小食點了新鮮豚肉鍋貼，煎得好香。鹽酥雞亦好好味。餐廳聯乘「日出茶太」有地道的台式飲品，除了招牌的珍珠奶茶外， 荔枝綠茶及西瓜優格冰沙也是我喜歡的飲品之一。

🐂三寶麵（脻心、牛肚、牛筋） $92見到餐牌寫住來店必點，湯底係用左成23種中藥材同多種香料，加上牛骨慢火細燉超過8小時而成湯頭濃厚帶點微辣麻香 平衡到香料既辛辣味之餘又唔會太油膩！見餐廳主打麵底之一，手工麵自家製嘅，似比較粗嘅刀削麵，有咬口。三個部位都好淋好好味，牛筋好大條，脻心爽口。湯底方面，一上枱已經聞到陣陣嘅牛肉藥材香味，湯底甜甜哋🍗胡椒湯酸菜雞麵 $84今次仲試咗細麵，湯底不會太濃，酸味之中夾雜胡椒味中和，個人覺得比原味更加好食。附上嘅酸菜好好食同埋配合得好好！以雞髀作主角，大大隻、肉質嫩滑的雞髀，廚師更細心地把雞髀切成兩份而上，既不失啖啖肉的口感，又不需動手吃而失儀態，真的非常貼心！🐓鹽酥雞 $48睇相以為好細舊，原來真實係好大份架，好抵食。炸粉唔會好厚，雞肉亦都幾嫩口唔會好鞋。鹽酥味亦都好足夠，推薦！🥟雞湯抄手 $58抄手皮薄餡足甚飽滿，蝦肉鮮甜爽彈，配搭清甜雞湯毫無膩感🥤芋頭特調配料選咗蒟蒻晶球、蘆薈（各加$7）增添幾分口感杯嘢嘅味道接近麥當勞嘅奶昔😋將芋頭完全打入奶底🍹 夏日水果茶 唔太鍾意飲甜野，叫左三分糖覺得剛好飲落橙味好重 有果香同埋好fresh

🌸段純貞的牛肉湯底以牛大骨熬煮經過數小時慢火細燉成，依個招牌嘅湯頭當然食過！今次我選擇咗期間限定嘅牛肉清湯麵，清湯果然好合適而家夏天食，湯頭細緻，味道可口！🌸另外nasa食嘅燉濃湯雞麵細麵，雞高湯底一飲就知道真材實料！雞味濃郁，而不油膩！兩碗麵都選擇咗細麵，傳統的細麵製法，麵體氣孔多，易沾染滿香甜濃郁嘅湯底或醬汁，超讚！🌸新鮮豚肉鍋貼，一咬入口肉汁豐富，好juicy🌸酥炸排骨，香酥脆，入口不油膩！🌸紫玫瑰荔枝特飲，入面嘅蒟蒻晶球纖維十足，睇色已經好靚，入口好清爽嘅荔枝味，而且帶出淡淡玫瑰香🌸西瓜優格冰沙加珍珠，加上Q彈嘅珍珠清暑嘅絕配冇得頂呀！#段純貞 #DuanChunZhen #CafeDecoGroup #taiwanesefood #台灣牛肉麵 #以香傳鄉#日出茶太 #Chatime #ChatimeHK #ChatimeMoments #CupsOfJoy #kol #灣仔 #Foodie

台灣過江龍「段純貞牛肉麵」於香港荃灣開設第一間分店後，數年間擴張至現時 5 家分店，大受港人歡迎；品牌堅持不用現成桶裝牛脂製作，選用新鮮肥牛提煉出天然牛油脂，再加入香蔥、薑、蒜、豆瓣與23種中藥材熬出美味與安心；今天跟喜歡吃台灣牛肉麵的男友前來朝聖；店內典雅富中華特色的裝潢風予人寬敞舒適感覺----------🔹三寶麵 (手工麵)包括腱心、牛肚及牛筋，配上酸菜腱心腍滑細緻帶有滷水牛香、牛肚爽滑、牛筋軟滑Q彈富膠原蛋香；手工麵形狀不一，口感滑溜輕韌有彈性，掛湯能力不弱；加入中藥材的湯底鹹度適中，充滿牛骨香，油而不膩----------🔹燉番茄腱心半筋半肉麵 (細麵)配上酸菜腱心厚切大件，軟腍而肉香濃郁，牛筋同樣軟滑；細麵粗幼一致，口感輕彈不軟爛，掛湯能力更佳；加入番茄的湯底味道更具層次，在夏天吃到酸酸的番茄湯更開胃----------🔹雞湯抄手少有的使用雞湯煮抄手抄手皮薄餡足甚飽滿，蝦肉鮮甜爽彈，配搭清甜雞湯毫無膩感----------🔹三星蔥肉鍋餅鍋餅煎至微金黃，內裡放滿三星香蔥，味道鮮香，鍋餅軟糯輕彈不黏牙，毫不油膩----------🔹芋頭特調餐廳聯乘日出茶太提供一系列台式飲品，可

相約好友於moko見面聚餐。差不多兩點，其他餐廳都大排長龍，見呢間過江龍唔使點等，所以就狗衝入去。入座掃code落單，朋友要擔擔面，我要蒜香雞撈麵，再另叫一個鹽酥雞大家share。食物上菜速度正常，面彈牙，蒜香係勁多蒜同花生鋪滿，擔擔麵上枱亦好夠濃味，鹽酥雞唔使講夠熱一定好食。重點：openrice 有現金卷買!仲要係即買即用!!!八折買$200!!!即刻叫多杯飲品滿二百用卷找數。勝價比高。第一篇文就係要讚openrice同段純貞👏🏼👏🏼👏🏼

中午放lunch得一個鐘其實都無咩好揀，只可以喺返office附近搵野食🥹今次就嚟到moko嘅段純貞試吓佢哋嘅麵啦～🧾蒜香手撕雞乾拌麵💰$78呢個麵嘅蒜香十分香🤤蒜味重到食完想即刻食返兩粒香口膠清一清口入面啲蒜味🧄🤣細麵真係好好彈牙，雖然係乾拌麵但又唔算好乾，底都有啲汁撈埋一齊食。手撕雞亦都非常juicy，同埋溏心蛋亦都意外地搶眼🥚整體成碗麵都十分出色！呢碟免費酸菜都真係幾酸，我自己本身麻麻地鍾意食酸菜，但鍾意食嘅話應該都幾解膩同爽口～

之前有試過佢嘅蕃茄牛肉麵，蕃茄好大粒啲肉都可腍，都唔錯，今日行過睇到好似出咗新嘢！去到發現電話冇乜電，咁樣就叫咗人幫手寫單，叫咗碗清湯牛肉麵，店員就介紹我飲佢哋嘅飲品，我就話唔係太舒服唔飲啦！之後個店員好好俾咗杯熱水我，我覺得好窩心！值得一試

今日行開Moko，見到台灣好出名嘅段純貞牛肉麵即刻入去試下先🤤餐廳地方需少，但係裝修風格同環境清潔都令人有種好舒服嘅感覺👍🏼👍🏼👍🏼食物今次叫左： 三寶手工麵味道👍🏼👍🏼👍🏼👍🏼👍🏼湯底濃郁醇厚，但又唔會死咸， 重口味最愛😍手工麵好Q彈，可以更好吸收啲湯汁！嫩五花牛肉細麵味道👍🏼👍🏼👍🏼👍🏼👍🏼牛肉入口即化，細麵口感剛剛好，唔會煮熟到過軟或過硬！每碗牛肉麵都附有一碟酸菜，對我哋呢啲勁鍾意食酸菜嘅真係啱曬 🥰🥰🥰可能我哋係喺餐廳剛開門時間幫襯，客人仲唔係好多，餐廳職員仲會喺用餐其間過嚟同我哋傾吓偈，跟進下用餐感受，非常細心💯💯💯總的來說，喺旺角東呢個地段，呢個價錢，呢個服務質素絕對值得推薦👍🏼👍🏼👍🏼

喺荃灣食過嘅段純貞，質素高服務都幾好。今日同同事嚟旺角呢間試吓，各樣都好差。首先門口個攣毛女侍應，態度差，一坐底就話限時60分鐘就走咗去，水都冇杯。就快要打開個天靈蓋倒入去。我同同事都係單點，冇叫lunch set, $88一碗麵，但麵嘅份量係少咗三分一，牛筋得兩舊(1大1細)，好求其，完全唔抵食！女士食完只係啱啱好，唔可以叫飽，男士應該唔夠飽。同平時喺荃灣分店食完嘅好飽完全係兩回事！旺角呢間分店都係留返俾強人食！

平日夜晚商場人流不多，經過就試下尼間台灣野，店舖大約一半係空，咁佢安排我地搭一張4人枱，左右都有人夾住，啲客既手袋都放係佢叫我坐既位。咁心諗點解咁多位都唔肯比人坐，咁我照佢安排咁坐，佢亦無叫左右客人拎開個袋，咁算啦照叫野食啦，一共叫3樣野，2杯飲品。飲品叫荔枝茶30%糖，但都好甜，似街邊嗰啲茶飲店咁上下，而珍珠奶茶就正常。另外叫左兩碗麵同一個小食併盤，但嚟齊既話應該唔夠位放，因為張枱係茶記4人枱中間加塊木既厚板隔開，左右大聲傾計完全係會好嘈嗰隻。咁問佢可唔可以轉位，因為間鋪一半空，同8點出面都無人再等位，咁問待應佢話可以。咁坐左另一張枱，門口待應就大大聲教新人係我地隔離講：「你地下次吖，唔好比人換位吖，兩個人唔係坐尼度。」，其實我全程都係食左半個鐘比三百幾蚊，你一半吉位，出面都再無人等位，點解要攪到個個都咁迫。不過野食okay, 雞湯手工麵係好食，牛肉麵就一般啦，但如果咁樣比說話客人聽，咁算啦，無下次又坐得唔舒服。

放工去左moko 買野順便搵食 太耐冇黎 好多食店都已經轉左手 今晚想食清d 見到呢間台灣野好似唔錯 就去試下 叫左個燉濃湯雞麵 佢既麵有分 刀削麵 同 細麵 叫左刀削麵 原來佢係好粗既寬麵 帶有少少既咬口 但唔會去到薯粉咁靭雞湯的確幾濃郁 雞件有兩大件 兩件都雞肉都好滑 朋友叫左半筋半肉牛肉麵 都係叫左刀削麵 湯底雖然清 但牛肉味好香濃 另外再叫左一個鹽酥雞 沾左薄薄既炸粉 炸得好酥脆 雞肉嫩滑 佢既飲品係同日出茶太聯乘 太耐冇飲了 叫左杯黑糖波霸鮮奶 +$4 要大杯 珍珠好煙靭 混左黑糖岩岩好唔太甜

去花墟年宵前先到MOKO搵食先, 好耐無食台灣野就試下呢間牛肉麵, 好似係台灣餐廳黎....等左15分鐘左右就入到去, 我叫左紅燒腱心半筋半肉牛肉麵, 男朋友叫左三寶麵, 兩款都係紅燒湯底, 我地分別叫左手工麵同幼麵, 試下有咩分別~~~等左一陣2碗麵就到了, 紅燒湯底帶有少少辣味, 我自己略嫌有少少咸…紅燒腱心半筋半肉牛肉麵有牛肉、牛筋各2舊, 牛肉、牛筋炆到好淋, 一咬就化開, 不過我略嫌紅燒湯底濃得濟遮左D牛味, 幼麵係拉麵的質感, 都算好食至於男朋友個碗三寶麵，內含腱心、牛肚、牛筋, 都係炆到好淋, 牛肚都算大塊同食得出係新鮮的, 非常掛湯~手工麵原來係厚+大塊版既刀削麵咁, 幾特別…但由於價錢我覺得唔算平, 所以可能食一次就算

好伏，超伏，劣食人生第一次食涼伴青瓜，居然會有廚師用雞粉來為青瓜調味？真係奇遇，到底有幾咁地獄先會調較得出呢種味道？食咗一舊太難食，實在頂唔住，需要立即影相為證，無論如何要為此餐留下食評。第二碟，是無味道的鹽酥雞，只係一份炸雞，點解都可以做唔好？我諗旺角普通小食店都會好過佢。來第三樣前，本著無期望就無失望，我就將標準首先降到最低先。侍應有禮貌地放低碗香蒽花生碎伴麵，個樣是旦算係正路！點知麵太淋，雞好鞋，而最主要就係又用雞粉做底味呀我實在太太太失望了，點可能無一樣食物係好食咖？？肯定無回頭客啊！

小朋友放學後，帶咗佢哋去MOKO動樂園度玩，玩完之後去咗呢一間台式餐廳食晚餐。我覺得呢間幾好，有啱大人同小朋友食嘅嘢。大人就主要嗌辣嘅麵🍜小朋友就食清淡啲嘅雞麵👍同埋呢度好好，麵嘅質地可以request煮腍啲，咁小朋友都會容易入口啲。同埋呢度有小朋友餐具提供，匙羹叉碗杯and high chair 🪑 都會有。嘢食我超級推介❤️‍🔥麻辣牛筋牛腩麵(中辣)牛筋牛腩炆得勁腍，手工麵勁有咬口，配埋個麻辣牛肉湯超正😍燉濃雞湯麵(幼麵）🍜雞髀肉超滑，小朋友爭住食，最後成碗超快食晒😏青花椒香手撕雞乾拌麵& 蒜香手撕雞乾拌麵呢兩個都好惹味，而且配嗰隻溫泉蛋都好好食👍小食仲叫咗鹽酥雞，都可以👍總結:最推介—->麻辣牛筋牛腩麵(中辣)🌶️

旺角新世紀段純貞，我品嚐了他們的招牌鹵水拼盤和半斤半腩手工麵，真是極上之選。鹵水拼盤讓我驚艷。盤中擺滿了各種精選的滷味，包括滷牛腱、滷牛肚和滷豆腐等。每一種滷味都入味鮮嫩，散發著濃郁的滷香，令人垂涎欲滴。半斤半腩手工麵更是讓我驚喜連連。這道麵條彈牙有嚼勁，搭配上濃郁的湯汁和鮮嫩多汁的半腩肉，建議食完之後飲埋濃郁的湯汁，哪種應覺帶來了超大的滿足感。其他紅燒牛筋、嫩五花腩、犇四寶也十分吸引眼球。雖然只有清水提供，但本身食物較濃味，如有需要可以點餐日出茶太的台式特色飲品。