每日

營業中

休息中

紅雨+雷電交加的時候，好彩我安坐係 每日 室內食緊素個心先平靜到🙈估唔到素食都可以咁出色，好多時 d 人同我講食素=無味，佢應該黎呢度試下💁🏻‍♀️ 炸雲吞好好食，我同個 fd 一致覺得好食過平時酒樓有蝦果款😍 涼拌青瓜既甜、醋酸同辣好平衡，蓮藕餅好足料食一個都好飽😂 木耳好香黑醋味但唔會話好酸，蘿蔔糕雖然凍左但都好食，黑椒薯仔熱辣辣好粉淋好食😋咕嚕肉其實係合桃，一咬落去脆既好有驚喜❤️ 以為個炒飯好普通但有意外之喜，炒得好乾身粒粒分明又有欖菜味道，讚👍🏻 個咖哩無諗過係辣既！唔好俾佢外表呃到以為係椰汁果種，用黎撈飯一流😆 薑醋蛋，炒麵，四季豆都好食，佢就咁炒個菜心都好食 d😂雜菌同蓮藕都炆得好入味，茄子有魚香🍆既感覺，芋絲豆卜吸哂豆乳精華無得頂🤤勝瓜係其中一樣好易有草青味既蔬果，但呢度完全無唔好食既感覺，剩係覺得食到佢原來既味道。係蕃茄炒蛋有好多蕃茄但唔夠蛋呢樣無咁好。黎之前都無諗過可以樣樣都咁好食，第一次食 buffet 食到飽之餘又唔會覺得個腸胃好辛苦好滯，係 tst 咁方便得閒就可以去食下✌🏻

總有第一次寫食評的原因⋯⋯好唔舒服的限時75分鐘，應該係我只坐左45分鐘2:30-4:30pm的下午茶，2:27分到達是排隊等候中，已有30多人排隊中，一入場如同洪水一般湧入場，各人準備好戰鬥格，連手袋都唔放低一心就獛左去取餐區，在場所見，年過半百的婦人區多，有自己一個，有一班師奶乒團，有十幾人行既年青學生，目的只有一個，$68免加一下食到佢盡！環境本來的清新文青風格迅即變左廉價飯堂一樣......食素姐，點解會係咁既presentation......原本唸住清幽一下，食得健康點，我，一次夠了係咪所有食齋的自助餐廳都係咁？P.S.排隊入場既時候竟然有位呀姐問我係咪免費入去食架！#@......??!乜我個樣咁慘呀要輪米⋯⋯？可想而知$68就好似唔哂錢一樣，一於早午餐忍到而家先食啦

男朋友見到介紹呢間，想試好耐今日終於食到，下午1點打去book 8點有位，超好彩🥳（因為之前勁full）。我地去到7:50分，女職員話等一陣有張枱就走。咁都未到8點冇所謂啦，好準時8點就入得去😊。入到去見到女性比較多，而且佢地身材都比較瘦，睇黎食素唔係一日兩日既事，真係「每日」都要做😐。食物選擇有好多，包括炸物、湯、蔬菜，菇、瓜、生果，果仁、甜品。一見到炸野好興奮，要特別推介炸豆腐👇🏻超好食，外面脆入面豆腐好滑😍👇🏻椰汁焗南瓜好甜，除左自己整，出面茶餐廳好少可以食到。🤤為左健康d既我揀左羅漢果茶，唔同平時出面咁甜，好清新🍀。行左一轉就拎左咁大盤返去食🙈佢個西蘭花都好食👍🏻呢個係男朋友拎既，有兩款湯，一款係類似胡椒豬肚湯既味，另一個係粉葛合桃腰果赤豆扁豆眉豆湯。我比較喜歡眉豆湯🥰特別想提呢個果仁，勁好食啊😍好脆，中意食咸甜既我好滿意。✨✨👇🏻綠茶芋泥餅林林地綠茶味重，唔係hea大家，真材實料👍🏻總括黎講，我地覺得呢個價錢食到飽係好抵👍🏻款色多又岩口味。出面食素既餐廳好貴又唔飽，而且有時特色到覺得怪怪地唔太好食。呢間佢烹調方法唔係特別，但就係中意佢簡單得黎好食😍短時間會再黎食多次！食完記得

第一次吃素食自助餐，地方太窄，環境擠迫，如果想找地方坐得舒服傾計，可以另覓其他地方；食物款式算多，煎炸食物又太多，比較熱氣！沙律菜有羽衣甘藍可以揀，有紅腰豆，車厘茄，粟米...有個蘋果片果仁不錯，配上花生醬，帶出了香味！熟食有些炒菇，炒菜，蕃茄炒蛋，蓮藕片，另外仲有咸菜胡椒湯，甜品種類也算多，做得幾出色，有芝麻糕，香蕉拔絲，抹茶餅，馬豆糕也不錯，迷你款式，可以吃多幾種款式🤣順帶一提，吃完後，自己要收拾餐具！

有三場分午餐，下午茶同晚餐, 員工面口差，人比較多，但尚算叫地方寬敞｡性價比非常高,lunch幾拾蚊有交易， 約略估計食品種類，超過30種，不單只是食品，連飲品種類亦都非常多,出餐的密度亦非常高，店員見差唔多清哂嘅食物，會立刻補上。餐廳設計簡約優雅位置亦都非常方便食物種類真的非常多再限定的時間裡面我真的沒有辦法是搵哂所有食品看得出沙律食品很新鮮亦有一些好耐無食過的家鄉小食。食完係要自己清理碗碟，放具回收箱。

好少食素嘅我， 今日陪女朋友來食素食自助餐。原來素食都可以咁豐富， 有好多唔同嘅選擇。因為沒有book位的關係，我們等了大約半個小時才可以入座。食物包括冷盤，熟食， 炸物，甜品，同埋飲品同湯等。我不太喜歡食素， 因為太清淡， 唯一係佢嘅炸物， 好吸引，好好味呀!女朋友很喜歡食 甜品及泠盤，我覺得佢係為甜品台嚟因為星期六的關係，價錢比較貴，兩個人大約300多元。但其實根據食物嘅份量同種類都係好多的，仲要係任食， 對於素食者來說，應該都幾吸引。

第二次去每日，上次去係午餐時間，今次去係晚餐時間。發現唔同嘅係晚餐多一個湯，胡椒湯，冇生炒糯米飯，但有餃子配辣油（五辛），晚餐時間有香蕉拔絲。今次係同一個朋友嚟食，佢係隨機分配位置，所以想坐靚位就要早啲嚟。食品類仍有好多，但可能因為六點鐘到，所以有啲食品未上齊。有頭盤、湯類、中式主菜、沙律、水果、甜品、糖水、飲品。好多食品都冇數肉同蛋，適合全素嘅人食。而且無乜素肉食品，較天然👍🏻。中餐類型偏多，想食西式素食嘅話未必係一個好嘅選擇。我人最驚喜係胡椒湯， 因為坊間唔係好多素嘅胡椒湯，而個人十分喜歡胡椒味。另外甜品都十分出眾，特愛綠茶芋泥餅同香蕉🍌拔絲。我同友人都唔係素食人士，但成餐食完好滿足，完全唔覺得係好dry, 而且無一種無食到肉唔滿足既感覺。適合肉食同素食人仕既餐廳。食得多肉又想清下腸胃既你，十分推介呢間餐廳👍🏻如果想去食，提議先book位。

無肉既。。點解？因為係素食buffet！其實之前都食過呢類素食buffet，都唔錯丫～ 用蔬果、豆腐、果仁之類。。代替肉類同樣豐富🤤今次同朋友去左尖沙咀呢間間素食buffet 有下午茶，2:30開始，本來想食午餐時段既我，因為訓晏左，出到去岩岩好食到。🙈✨餐廳內外有綠色植物擺設，感覺似文青cafe，簡潔舒服。睇見食物區顏色繽紛，賞心悅目，馬上食欲大增丫觀察了一圈～ 沙律區蔬果新鮮醒神小食以呢個紫薯青蘋果波波最吸引，好似排排紫色雪糕球，好得意呢個花生脆蘋果配搭特別！熱盤除左炒菜、粉麵。。咕嚕合桃又幾新奇～重有薑醋蛋🤤甜品有桂花馬蹄糕、抹茶芋泥餅芝麻卷、紅豆沙、楊枝甘露。。🤤飲品區有橙汁，桂元水果茶。另有熱普洱同羅漢果茶。其實唔止食左兩轉，好似炸豆腐、薑醋蛋、黑椒薯仔。。每出一轉都會夾幾粒🙈炸豆腐薄薄脆皮，外脆內軟，超香口！薑醋蛋相當入味🤤重口味一輪再夾d羽衣甘藍、無核青提中和一下又可以食一轉！馬蹄糕同芝麻卷甜而不膩，食得滋味楊枝甘露就好似西柚肉同花奶。。有點遜色樣樣都岩食，整體唔錯！餐廳全程自助型式，食完行兩步收番d餐具就ok。

放左工，約左人係附近食飯。友人提意呢間，講真素食真係越開越多，要做到有特色真係唔易。就試下你有乜特別先~ 係佐敦站行過黎唔係好遠，大概幾分鐘就到。不過門口裝修簡單，望多兩眼先搵到。90分鐘用餐時間，3位用餐$504都係一啲前菜，小食唔多講啦～炸物素菜 咕嚕肉，係用合桃黎整既用出面唔同，可以試下新野。有懷舊野芝麻卷食，仲要係好香既，正野！有試水果茶(凍)，茶味重，果味唔係好出到。有。餃。子對於一位餃子迷，要食到素食既餃子真係唔多，不過個皮厚左啲，同埋長期素食既人要留意番個汁係葷黎既。沙律吧呢邊，睇到個顏色就開心啦～有好多野揀呀😋不過有啲水。果係罐頭既，食得出好甜。。。呢個青蘋果紫薯好味，推介

呢間餐廳主要係食素菜自助餐，我有幾次經過都想同我一個喜歡食素菜嘅朋友一齊去食，今次見我朋友生日，我就預早book定位，諗住同朋友一齊食個生日素菜自助餐咁啦，佢得兩輪嘅book位，第一輪六點，第二輪七點九，咁因為我朋友冇咁早收工我哋只可以約第二輪啦。咁我有提過我係同朋友食生日飯嘅，我知道佢哋生意好好，但係我哋去到嘅時候佢就同我講今日full Booking，要搭枱坐，我果下心諗我哋三個人佢仲有好多四人枱點解要我地搭枱呢，但係人哋又唔使答嘅，咁算啦行到過去個位就仲搞笑，一個男人坐到勁freestyle咁，個男人個袋已經調到去我哋嗰邊嘅位置到㗎啦，跟住我哋去到個男人仲要唔諗住攞開個袋，然後坐入去嗰陣時佢先施施然攞去佢個袋啦，跟住我再問一次個服務員可唔可以轉位，佢又係嗰句已經無位㗎啦，簡單講我好似聽到坐就坐，唔坐就唔好坐啦八婆，雖然佢冇講出口，但係我感覺到好似咁樣，跟住坐喺我哋旁邊嗰三個大男人，不停講粗口勁討厭，仲要有個係超級大隻好似我個朋友兩個人咁大件嘅，就坐咗1.5個位，我哋就坐到勁逼夾勁辛苦咁樣，所以我下次唔會再貼錢買難受雖然佢冇講出口，但係我感覺到好似咁樣，跟住坐喺我哋旁邊嗰三個大男人

香港搵一間好食嘅扒房好容易，但搵一間好食嘅素食餐廳真係有D困難，襯Happy Friday約同事去呢間新派素食自助餐Happy吓😎😎晚市90分鐘自助餐 (HKD138 免加一)環境 👍🏻👍🏻👍🏻👍🏻種類 👍🏻👍🏻👍🏻味道 👍🏻👍🏻👍🏻👍🏻要對比酒店自助餐，食物種類當然係少，但以一間獨立店舖嘅自助餐嚟講，食物種類算相當多👍🏻小食類有7-8款、主菜類有14-15款、甜品有5-6款，仲有沙律吧、水果茶、湯之類當中比較有印象嘅：蘿蔔味菜胡椒湯用咗大量嘅蔬菜熬煮成乳白色嘅湯，飲多幾碗都唔會有罪惡感花生脆蘋果🍎搽咗花生醬嘅蘋果片加上早餐殼物粒粒，蘋果嘅清爽加上殼物粒粒嘅酥脆，仲有花生醬嘅濃郁香味，如果唔係胃嘅空間有限，真係想成盤拎返位食🤤🤤❣重點❣每日晚上9:30-10:30係可以$20買一盒外賣！如果星期日至四去食，可以買完當第二日個LUNCH，真係好抵食！平時食得太多肉，偶然食吓素感覺好似健康吓都唔錯

鍾意食齋因為健康，怕悶嘅我食buffet最好，尋日係IG見到呢間有68蚊下午茶，今日馬上黎試下。2點半開始嘅下午茶，我差不多3點到已經有9成滿，今日仲要係黃雨。環境座位般，但食物真係款式多，呢個價錢食到咁多款真係平，味道仲要吾錯喎！最好味係椒鹽豆腐，黑椒炸薯粒，炸雲吞，感覺吾太油膩，飲返杯羅漢果茶先…仲有桂花水果茶，橙汁。沙律吧最開心有羽衣甘藍…熱盆都有成十幾款，樣樣都幾好味，另外豬腳薑醋都有，不過得好少薑，全煲都係旦，但醋嘅味道好正…有齋湯有紅豆沙，同埋好多中式甜品 仲有班蘭旦糕

Had dinner with boyfriend and his family and they wanted to try out 每日 (English name: Everyday).  Ever since Ahimsa opened, there have been copy cats. We tried out Ahmisa (the originator located in North Point, Mong Kok and Jordan) and My Meat Run Buddy (in Tai Kok Tsui). All were quite good with Ahmisa being more towards traditional food while My Meat Run Buddy was more creative in their selections. Now, we try Everyday located in Tsim Sha Tsui.We arrived right when it opened at 6 PM and it was

之前成日路過呢間餐廳每次都會比入面環境所吸引今日終於有機會來試啦真紫薯外形幾靚食落味道唔錯皮蛋同青瓜都唔錯salad 同甜品區好多新鮮蔬菜生果大約有四款好好食甜品選擇多多最好食係香蕉拔絲唔太甜炒菜唔錯唔會太油同有好多款菜有炒飯炒麵牛油果多士好脆花生脆萍果個樣好靚味道都唔錯估唔到有d咁特別gei甜品好正d生果好新鮮款式算幾多下整體味道唔錯環境好乾淨同簡潔好舒服飲料有番石榴汁水果茶同羅漢果水等比較好飲係番石榴汁其他味道比較淡d限時個半鐘趕左少少如果可以食兩個鐘會好d

想食素食 看到網上推介來了這裡都不是第一次吃素食自助餐 食物味道都不錯 水準之上 較多的款式是小食和甜品 而熟食的款式就較少 和不太特別 所以要看個人的喜好見到其他食評說服務態度不太好 只能說盡量安排你入座 又沒有惡言相向 但就較不客氣 哈哈 但不介意的還好的