影片
港鐵黃大仙站 A 出口, 步行約7分鐘
繼續閱讀
營業時間
星期一
全日休息
星期二至日
12:00 - 15:00
18:15 - 22:30
以上資料只供參考, 請與餐廳確認詳情
招牌菜
食評 (35)
以前一直斬有嚟開呢間隠世意大利站到食意粉，但隨著平日要返工，放工又放好晏，已經好少機會嚟難得今日放假，所以特登嚟返呢到食個lunch，回味一下其實佢哋每日lunch都有好多款揀，唔會食厭，今日同埋屋企人就香草忌廉汁白菌煙肉耳仔粉、蟹膏醬蟹肉意粉同埋焗忌廉吞拿魚長通粉坦白講，佢啲意粉真係好好味，雖然好耐無食，之但係水準依然保得住，3款意粉都非常夠汁，重料，味道十足，份量都算大碟，最衰掛住食唔記得影相，吃完非常開心，回憶重現之不過去到埋單嗰下簡直晴天霹靂，當畀錢之後老闆唔係講多謝，而係講「後會有期」，聽到呢幾個字都唔係好嘢，之後追問下先知原來餐廳做埋今個禮拜就close，做到3/3星期五咋唉，香港又少一間又好食而有本地感覺既小店，幸好晌佢close之前可以再食一次
繼續閱讀
這個蒜香牛柳粒夠軟嫩，每次都要order 呢個snack, 太抵食喇喇喇！多次同老闆反映價錢太低，提醒佢冇錢賺及倒貼㗎；身為顧客嘅我要求老闆加價，如果唔加價我就成日幫襯食窮佢，點知食咗咁多次都係唔肯加價，我唯有周圍唱張揚啦😂
繼續閱讀
今朝訓醒突然心血來潮，約女友食中學時期最愛既餐廳食飯。雖然都宜家都唔知店名點睇，但小弟同女友都會稱呼呢間店做好味意粉。去到店門前，發現已經有兩年無黎食過喇。 闊別兩年餐牌和價錢依然一樣，但同老闆既交流就變得陌生喇，最重要既係宜家既我已經無左學生優惠。正當我懷念過去既同時，女友便跟好到步。她一看餐牌便笑說，照舊啦。我笑笑口咁問加唔加湯阿？女友認真咁答緊係要加啦！對於中學時期既我地加一個湯要$12，確實係一個負擔，所以每次我地都會叫一個湯兩份飲😂呢個就係我地同學時最愛既磨菇湯。又香又濃既磨菇香味，無得輸阿！ 小弟點既係蒜香海鮮意粉，唔好睇佢外面乜料都無，其實寶物沉歸應，$3x有青口，有蝦，有魷魚又有蜆肉，真係好抵食。而呢個就係女友點既墨汁蒜香海鮮意粉。同我點既意粉一樣，不過多左陣香濃既墨汁味。到埋單既時候發現，老闆原來一直無忘記我地，仲記得我地坐開咩位，食開咩餐。仲比埋個學生優惠我添，又好食又有人情味既鋪頭，正阿！
繼續閱讀
恭喜此餐廳，得到了我首個劣評！家住黃大仙附近，常常撘小巴經過呢間餐廳也很想試！因為喺呢區，西餐廳機乎沒有，而且餐廳門面做到懶有情調，更引發想探索之心！和老公沒有特別準備慶祝情人節，就在前一晚膽粗粗打去睇下有無位！竟然仲有位！個老闆仲話可以whats app個餐牌我地睇下，一睇⋯⋯盛惠$768再加一！睇過餐牌，覺得可以一試，就book了8點半嗰場⋯⋯當晚，我地大概8點3到達了，可即入座！餐廳內好有「情調」（黑暗），全部2人枱打對面坐⋯侍應是2個老女人，好明顯是家庭式生意！沒有什麼招呼下放低餐牌⋯無嘜禮貌⋯⋯印象分已減！ 一下單，麵包已上⋯⋯餐前包的外形不吸引，以為黑糖包有驚喜好可惜沒⋯⋯只是一塊偏咸味的黑色麵包！白包更不用說⋯⋯似凍的豬仔包⋯⋯就算附上的醋⋯⋯也沒一點味！失望！ 前菜方面⋯⋯兩樣也有選！目標想試多d野！可惜⋯⋯焗蠔得一隻⋯而且吃下去像沒有焗！蠔上的面包糠感覺也格格不入，冇味！ 老公的三文魚椰果粒也奇怪得很⋯⋯感覺是完全沒有烹調過！三文魚生切粒，椰果粒好明顯是罐頭⋯⋯零誠意！ 吃完前菜⋯⋯湯還未來！眼見隔離枱也上錯幾次野，就問一問湯是否漏了！點知⋯侍應hea到只答了句：湯泥緊啦！結果⋯⋯等多10分，湯先到囉！由於我們也不愛酥皮海鮮，就叫了2碗黑松露雜菇湯⋯(題外話：間餐廳無誠意到餐牌上的湯字也打了揚) ！果然，湯也沒驚喜⋯⋯完全無黑松露味！只是打雜菇打碎，製造到懶Creamy 的湯！飲幾啖已經好漏⋯⋯ 飲完湯⋯⋯再等多10分鐘，主菜終於到了！我叫的是雞胸！先吃伴菜的薯球⋯⋯oh no！又凍又硬！完全吃不出有薯…都不知是什麼來的！好失望！再吃雞胸包雜菇⋯⋯點解⋯⋯點解又是凍的？吃多幾啖⋯⋯發現雞還未熟同個侍應講⋯佢竟然好冷靜⋯還說叫廚房幫我整翻熟佢！真的很難接受這個價錢這個質素和服務態度！再提提⋯⋯d芝士汁超漏，吃2啖已飽！ 老公的主菜是西冷扒。老公點的是6成熟，但似乎有點Over cook 了……而且上菜時牛扒已被切片了，少了點鋸扒的快感牛扒入口味道偏淡牛味不濃，同普遍西冷一樣肉質煙韌有咬口，但同時亦稍嫌太有咬口了…………可能食唔慣「高級野」，紅酒汁食落口似果醬多啲，而伴碟的洋葱泥，食落口很creamy ，很漏，不合胃口！成碟最有驚喜的是伴碟的芋片，咸咸的像薯片，可惜也沒有芋頭味…… 甜品是已set好的拼盤！蘋果春卷⋯全晚最熱的食物！中間的芒果卷⋯硬到切唔開！所以我無食！右邊嗰3粒「特濃」朱古力truffle 已是最正常的甜品⋯⋯ 最後，餐飲叫了蘋果汁和凍檸茶！2杯味道不提也罷！ 埋單加埋一多謝845個大洋！餐廳只接受現金！有性格！老公比了850元已動身，無唸過要找！當然，侍應也沒有計劃找！可惜⋯⋯由比錢到離開餐廳⋯⋯一句多謝也沒有！這是全晚最不滿的地方！各位計劃想試此餐廳的⋯⋯敬請三思！
繼續閱讀
磨菇湯 牛油磨菇味濃 既香夾滑 牛扒賣相唔錯 可能扒唔夠厚 黎到已全熟 肉味亦不濃肉質乾身 味道麻麻
薯角炸得唔透 食唔到外脆內軟味道都係麻麻
廚房人手太小 直接影響了質素 需要正視
繼續閱讀