民華魚蛋粉麵

營業中

休息中

今日小妹同男朋友係公園仔一齊食lunch，順便去一田買下野就番工。經過果時見到民華，望落都幾多人買外賣，就入去試一試🤣舖頭唔算大，但都幾爆滿，好彩人流算去得快，等左一陣就有位🤣🍜常餐，叉燒通炒、炒蛋午餐肉、即烘牛油多士加煉奶（+$2） $41好抵食！$41竟然有咁多野食仲包飲品❤️叉燒大嚿到好誇張，好足料😂個多士好厚👍🏻因爲係即烘所以好脆。加埋煉奶，味道就更豐富😋我最鐘意嘅係炒蛋！真係超級滑同好香😍😍作為一個炒蛋控，我敢講呢個係我食過咁多炒蛋入面數一數二好食嘅炒蛋😍滑得黎又好有層次口感😋咸蛋肉餅飯餐$35飯粒粒粒分明，肉餅好厚，本來望落好似細細份咁，但食落原來好多😂因該個碗嘅底好深🤣啖啖油香味😋餐飲叫左咸擰七+$5同凍鴛鴦+$3咸檸七係原罐雪碧上，先加$5，真係極抵飲！西多士$17最後，黎得茶餐廳就緊係要食西多士啦！同樣都係好大份，本來就已經落好左好厚嘅牛油同糖漿，等一陣就差不多自己溶曬，正😋！

食物質素一般 服務態度非常差 一d禮貌都無 黎消費仲要比人無禮對待 d服務質素咁九流 d食物更好食都係假 服務性行業 對客人客氣d 尊重d係應該 唔想做就返屋企 唔好以為生意好 就可以隨便呼喝d食客 每位客人都係黎消費 唔係黎比你地d亞姐鬧既！我永遠都唔會再幫襯

身為大埔街坊既我，幾乎每星期都起碼黎一次民華無他既，係因為佢既平、快、正😆好香港性格既Style-茶記既奶茶同咖啡好緊要，好睇得出一間茶記既功架咖啡香又唔會過分奶奶茶夠茶咪又唔會苦最緊要係我叫少甜真係有少到甜，呢方面我係會好執著🙈-依舊叫個西多做starter厚厚的牛油配上厚厚既西多個味係好食既👍🏻👍🏻但我都節制住自己一個月最多比自己食兩次就好了🙈-無敵常餐，之前都有介紹過份量超多，炒蛋夾落多士到食係超令人停唔到口-除左常餐同點心之外，佢既魚蛋河同其他粉麵都好出色呢個係切腩片頭豉油撈粗麵個牛腩好香腍！好香牛味😍😍超級好食貪心mode:如果有5、6舊就好啦🙈但其實4件都唔細件魚片都算彈牙仲配左芥蘭，久不久轉下唔食茶餐食民華既撈粗都唔錯😚😚

今日和朋友到大埔踩單車，打算在大埔墟附近搵一間茶餐廳吃個午餐，向來對食有要求的我當然找一間最多人排隊的，見到這間民華魚蛋粉麵門外有數個人排隊，就決定試試。餐廳內大多都是塔檯，我們也不介意，這是香港特式，我們點了常餐配榨菜肉絲麵、午餐肉、炒蛋、牛油多士、凍檸檬茶、章魚肉餅飯、燒賣、西多士。榨菜肉絲麵榨菜不會太咸，肉絲份量足夠，麵也不會太硬太淋，不錯！炒蛋 - 非常香滑凍檸檬茶茶膽濃檸檬沒有苦澀，茶香順滑。章魚肉餅飯 - 肉筋、肥豬肉，吃上來有嚼勁西多士 - 十大邪惡茶餐廳食品的西多士，外脆內軟，最重要是麵包索滿蛋液，西多士的內外層金黃脆口，加上牛油停唔到口。總評：西多士無得輸

民華餐廳有很多分店，今次來到大埔的民華魚蛋粉麵所有食物都超級快上枱，就算趕時間的你也可以到這裏吃～吃飽飽快上路！點了一個常餐 $43 全日供應！讓喜歡吃港式常餐的你可以隨時吃到！沙嗲牛肉通粉配火腿、炒蛋即看牛油多士配花生醬 +$2熱柚子蜜茶 +$2魚湯浸生菜 +$10生菜吃下去的時候連帶著魚湯，不再單調西多士 $17配糖漿炸得十分均勻，雖然很邪惡，但是一次半次就讓自己享受一下炸醬撈麵 $33是港式的撈麵，會配一碗小湯，炸醬用肉粒製成，麵的份量很多，最後吃得完豉椒鳳爪 $17麻辣金錢肚 $17

成日都好夜收工，周圍嘅鋪頭餐廳食肆都已經關門，幸好有一間專售賣排骨飯、蒸點心等食物的餐廳，我們二人就入去試試。餐廳門口以開放式收銀處設計，可以讓客人外賣自取落單，蒸飯點心等食物還能夠即叫即打包。估唔到呢個時間餐廳入面嘅座位都幾乎爆滿，隨即店員奉上兩杯水，而牆上則貼滿各款食物圖片及餐牌，不禁垂涎三尺。先叫了一些點心和蒸飯。北菇雞飯一盅盅新鮮出爐，驟眼睇表面全部都係雞件同埋冬菇，隨即自行因應口味落蒸飯豉油。雞件肉質鮮嫩，冬菇口感軟口，底下嘅飯熱辣辣，仲好入味添。另外豉椒鳳爪好肥美，每一件鳳爪都好大隻。見到大部份客人來到這裏都必吃常餐和多士，我也不忘點了一份雙拼三文治🥪，加一蚊仲有烘底。食落去除了三文治脆口之外，入面嘅餐蛋非常足料，一啖有幾種口感，可以說是極級享受。最後還Order了我最喜歡的熱鮮奶暖一暖胃，今晚肯定好好訓🤣。聞到朋友的凍奶茶很香濃。食到非常飽肚都只係$130左右，本人覺得這間餐廳的食物質素唔錯，而且上菜速度快，難怪這麼夜也非常爆滿。

今日又係我呢個大埔友出動搵食既日子啦 經過係開飯網既一番搜索之後 同朋友都決定係呢間大埔民華餐廳到食 原因係佢睇落好食夾大件入到去果然無介紹錯 人山又人海 而且睇到啲食物份量一啲都唔少 對我呢啲大食怪黎講非常唔錯 我地叫左一個飯餐 有豬軟骨飯 煎蛋 份量夠之餘 豬肉亦新鮮彈牙 汁亦都好巧妙地將豬骨鮮味提升 而個驚喜就係隻蛋 無錯 就係隻蛋 傳統既蛋黃都係淺黃到鮮黃色 呢隻蛋既黃係橙色既 靚之餘個蛋味亦都十分之突出 連我呢個唔係好食蛋既人都覺得正 簡直係世界級數啦之後再口痕叫多個西多士 鮮牛油非常厚切 鹹香味加上糖漿既甜 而且西多士用既蛋漿亦都係蛋味濃厚 麵包炸到外脆內軟 簡直一絕 個人認為美中不足既係西多士入面並無花生醬 如果有既話肯定將整體味道提升到另一層次   

朋友相約於大埔吃飯，這天朋友安排了一家位於大埔正中心的平民食肆。 其實這間餐廳早已知道是連鎖式經營，所以食物質素當然有保障，完全不擔心。 餐廳提供的菜單全部掛在牆上，一目了然，十分清楚。至於餐廳裝潢方面，一如其他分店一樣，以簡單為主。點了薑絲牛肉通粉常餐，包含炒蛋餐肉多士和飲品。 先細味一下這個餐肉， 肉質上品，肉汁豐富，最重要咬落去，豬油油而不 肥膩，配合炒蛋香滑鮮嫩，更加優越。另外，多士即叫即烤，新鮮熱辣，做到外脆內軟，絕對是高質素的表現。至於通粉方面，還算不錯軟硬度適中。凍檸檬茶， 沒什麼特別，就是港式的飲品。謝謝。

不曉得大家對港式的常餐會否有些情意結呢？這天來到這個既熟悉又陌生的地區找個舊朋友，更到了往日常到的地方共膳....除了一般茶記能吃到的常餐跟粉面外，這兒更有蒸飯跟點心等選擇一如往日般，午市時段人頭湧湧，這或許亦是香港茶記的另一特色吧既然如是，我也不費心神去選擇吃什麼吧，就來一份熟悉不已的“薑絲牛肉通配炒蛋餐肉的常餐”HKd$41好了熟悉的味道讓人憶起舊日青蔥的片段最愛仍是滑嫩的炒蛋當日更加了兩元把油多轉成甜美的占多而舊友則點上一份“切腩片頭撈粗”HKd$48的套餐~~~友人給我嚐了一口牛腩，不肥膩卻是嫩腍而香，相當不俗嘛只需加十元更可搭配一碟油菜，實屬優惠呢=]友人如我一般愛喝奶品，所以我倆都不約而同地選擇補回餐飲差額，喝上一瓶濃滑的鮮奶既是地道又是回憶的港式常餐確實是有種魔力吧！！！

依間野好旺好多人，但服務都好好，好有禮同埋有笑容既，咁繁忙出餐時間方面都好快上枱，食物種類多選擇，價錢方便係平既，咁平既價錢，但d野食一d都馬虎！！！比個讚***火腿炒蛋三文治拼火腿通粉，依個通常都係餐廳早餐黎，當晚晚上十點幾了，重有得食，依個係常餐黎，不分時段都食到！！炒蛋炒得好靚好滑，三文治可以+2搽（花生醬/果沾/奶油）火腿通粉個湯底濃淡適中，無味精味！！***雲吞麵，+$5轉左做撈麵，可用鼓油/蠔油撈！再加樣料+$7墨魚丸！！！***跟撈麵附上的上湯！！***雲吞有原隻蝦同豬肉包，皮薄足料！！！***叫左個麵可以+$10油菜一碟，蠔油芥蘭~***每張枱都有齊“豉油.醋.胡椒.糖.麻辣醬.牙簽”***依到既辣椒醬好好食，有一隻隻蝦乾呀，食起上黎多左陣海鮮蝦香味，好味！！***見到好多人係門外買外賣蒸盅頭飯同點心，快靚正！！！

依間舖，舖名係“民華魚蛋粉麵”，但實情除左粉麵，重有好多野食，蒸盅頭飯.點心.重有粥！！ 好驚喜有蠔仔粥食！！！份量十足，蠔仔新鮮蠔味重，重有d肉碎，成碗粥好鮮甜好夠味！！！依到重有方魚肉碎粥可選！！！ 依到既蠔仔粥，粥底較正綜潮式粥有些分別，依到煮到開花較綿，潮式就較硬身米粒狀！！！ 叫粥可+$10油菜一碟，比單點價平得多！蠔油芥蘭，落單時會菜問要唔要淋d，又幾貼心，有d人鐘意淋d有d鐘意硬d, 我就鐘意硬身d, 食落爽脆d有口感d！！！依張相重點係個辣椒醬，幾好味，係香辣型辣椒醬，不帶麻味的！！！雞扎，配料有豬肚，較特別！！！鳳爪，調味好入味！！！鵪鶉蛋燒賣，依家連酒樓都賣小見小，依到竟然有1得食，正！！！燒賣，賣相靚！！！全點心都熱騰騰價錢又抵食，無分時段，咩時間都食到！！“生菜走油走蠔”：朋友減肥特別叫“走油走蠔油”，我就覺得油菜油菜，烚菜總要有點油先好食！！！ 檸樂煲薑，正！好多地方都無得飲，飲完喉嚨好舒服！！！

星期日放假瞓到日上三竿 起身都想食番個早餐 於是就去到大埔文華餐廳度食常餐 配搭同樣係茶餐廳早餐午餐時間黎到非常爆滿 坐得比較擠迫 需要等位 不過都係五至十分鐘就可以入座常餐包括火腿炒蛋 牛油多士 同埋薑絲牛肉通粉炒蛋十分嫩滑 而且蛋香十足 咁出色真係坊間少有 配上 勁多牛油嘅烘多士超正 仲可以加兩蚊加鍊奶添薑絲牛肉通粉 牛肉食落冇鬆肉粉味 而且真係有牛肉香味 加左薑絲感覺更加清淡同健康茶餐廳點可以唔食西多士 西多士外面畀滿滿嘅蛋漿包裹住 食落同樣蛋香十足 上面加上成寸厚嘅鮮牛油 勁邪惡 食落鬆軟香甜

民華常餐不嬲出名～ 不過今日想食粉牛筋河 $30，大大碗都係三十蚊，但質素一啲都唔欺場，牛筋份量多，好稔口「章」咀！夠膠河粉勁稔！係我中意既口感 湯底好濃 重牛腩味，超正！

幾乎每星期都會至少來民華食一次-是 我又再來了，無他，因為經濟實惠抵食味道又唔錯🥰-必點既常餐，真係好豐富，份量多沙嗲牛肉通粉，唔淡唔咸，一個稱職既通粉-配餐肉炒蛋，加錢飲咸零7❤️-友人另一個常餐係叫左雙炒蛋炒蛋滑得黎充滿蛋香，份量好多件多士真係再一次強調係世界級😆滿滿牛油塗滿熱脆既多士，夾埋炒蛋一齊食，不得了😝-餐廳仲有幾款點心、盅飯、小食可以選擇今次繼續點我兒時最愛既鵪𪂹蛋燒賣-又抵受唔住誘惑點了邪惡既西多士厚厚既西多上有牛油同鍊奶炸到好香口-鍾意黎民華食係因為佢係好重香港味既茶記⭐️⭐️⭐️

最近吃了很多西、日餐又係時後回大埔吃港式，係大埔 — 廣福里附近就找到《民華魚蛋粉麵》！ 環境乾淨企理，以服務街坊為主。 價錢是街坊價即是麵或飯都好抵食！ 職員好隨和、健談，猶如熟客搬。 人來人往還介紹咖哩牛腩～ 下次又可以試試先 🤩牛筋米粉 HKD 30 很多膠質豐富，口章在一起搬、棯身菜芯 HKD 10 翠綠菜芯很多莖位，口感爽，特別在可跟蠔油或魚湯而我選了後者較為健康點。 同座的客人點了炒蛋，很吸引，蛋黃呈橙黃色，半生熟非常滑溜。 常餐也很吸引！