民豐粉麵行

營業中

休息中

幫襯過民豐好多次, 湯圓大大粒, 雲吞水餃就皮薄餡多, 不過幾油下, 中秋時節亦買過佢既白蓮蓉黎整月餅, 唔錯! 睇過雜誌介紹佢既鳳梨酥, 3個/$12, 大膽地買左九個, 自己食左一個, 個皮幾鬆化, 餡唔會太甜, 岩岩好, 唔錯! 下次會再試下蒸包, 糯米池...不過, 煎餅就唔會試, 見佢煎既時候落左好多油!

睇到今期飲食男女介紹呢間舖好多食物都好似好正咁於是路過點都要幫襯一下本來想買九菜餅但見咁大個又經過煎就唔多想食反而見佢d蘿蔔糕大大件都幾靚要左一大件番屋企翻蒸黎食我切左少少就晚餐雖然配料唔多得少少臘肉同dd蝦米但蘿蔔味都幾重調味亦剛剛好加埋甜豉油食好正如果想食煎既佢都有現成煎好既賣大大件又厚都好似只係幾蚊

如果各位有睇今期飲食男女的話，老字號今期係介紹民豐，之前我都有去過呢度買雲吞，尋日睇完雜誌後我梗係又趁熱鬧去買雲吞啦，入到去都要排吓隊，我見前面位小位想買呢樣又想買嗰樣，又問有冇齋雲吞買，個售貨(相信係太子女)都好有耐性解答，服務係唔錯嘅。咁我買咗細盒菜肉雲吞返屋企，煮咗啲當晚餐，雲吞肉汁多，好好味，亦都唔似一般上海食店大大件，size適中，而$17有15件，所以值得推薦！

民豐呢間老字號無輪什麼時候都人頭湧湧，大部份都係熟客。我和阿P同樣第一次幫襯，乜都唔識，左問右問，好彩啲阿姐都算好人，有問必答。我和阿P左揀右揀，終於買了一盒菜肉雲吞和白菜水餃回家和屋企人慢慢嘆。白菜水餃超厚皮，我和媽媽都不喜歡；菜肉雲吞反而出色，雲吞好滑，餡料飽滿，$20零蚊一盒，值得推介！

這裡其實不算食肆，只是供應自行生產的小食、糕點、上海寧波江浙地區特色食品、乾濕粉麵、咸甜粽、還有砵仔糕茶粿等。而近水流台，這裡亦會即場提供蘿蔔糕、粢飯、燒賣...等等自製小食；上趟幫襯過這裡的熱辣辣煎蘿蔔糕，蘿蔔很足而不過咸，又不過稠，味道不錯；而今次試粢飯，糯米飯軟硬適中，雖然油條及肉鬆都是外面交來，但兩者都相當不俗，油條夠脆肉鬆夠味，而幾塊錢的街坊小食絕對相宜及食得過。