民豐粉麵行

營業中

休息中

對上一次食係大約七月，上次食就覺得個皮厚得過份，收尾的地方實在厚到差唔多咬不下。事隔三個月再試試水準如何。回復先前的水準喎！皮又薄又滑，包住好豐滿的餡料。韮菜豬肉餃中的韮菜同豬肉比例均勻，亦唔會有好肥肉。味道調得幾好，唔會太咸。

今日(26-10-2009 Mon)同男友睇完戲,行經呢o度,再次話佢知呢o度o既韭菜餅同糯米糍係好好食,於是買畀佢試.今次買o左$2.50一個o既豆沙糯米糍同韭菜餅並$9.00.韭菜餅係熱辣辣o架,返到屋企,即同男友先試香噴噴o既韭菜餅,男友話真係好好味,不過食唔夠一半就覺得漏啦,雖然唔多豬肉,但餅皮吸晒啲油,就漏啦.而今次餅皮比我07年食時厚啲.(真係好耐冇食喇.當時食評:http://www.openrice.com/restaurant/commentdetail.htm?commentid=1864061)味道: 3.5分而豆沙糯米糍呢,未食依然嗅到佢o既糯米粉香味,食落,豆沙唔太甜且好細滑,糯米皮煙韌,唔乾又軟熟,,keep到水準,果然冇介紹錯畀男友.不過最好食o既花生糯米糍賣晒,唯有下次有機會再買畀男友試啦.味道: 5分至於標題上o既’變o左’,唔係指食物,而係二姐o既態度,唔知係咪生意太好,態度變得冇咁好,高竇.叫佢兩聲都唔應你,咁我唯有照講,要一個豆沙糯米糍同一件韭菜餅,佢都係唔應我就執,但就執件豆沙茶粿,既然佢唔應我,我都唯有扮唔知係咪執畀我,都照講唔係茶粿而係糯米

入正題~~~~買廣東冬菇鮮蝦水餃~~25蚊15隻都ok個幾一隻~皮都薄係收尾個度會厚左有d韌料幾多~唔算太多味精每隻都有一隻蝦仁既份量度la~~幾彈牙頗新鮮~~冬菇幾入味同埋有d肥豬肉好香~~不過cashier個度如果有效率少少會好d= =唔好蝦細路!

禽日去開荃灣做野, 之前都聽過話呢間野啲水餃雲吞好食, 咪行開入去買黎試吓!但行度入去買咗盒細既鮮蝦菜肉雲吞, 但後來又買多咗一個茶果同一盒芝麻湯圓..真胃食! 個茶果我出到門口巳經咬黎食, 係咸同啲蘿蔔味都好重, 我最鐘意都係個糯米皮! 另外番到屋企煮咗個雲吞同湯圓食, 個雲吞蝦肉同菜肉都好新鮮, 個皮唔係太厚! 而個湯圓同個茶果一樣, 個糯米皮勁好! 果芝麻餡唔係好多, 加上厚厚既皮味道剛好! 個雲吞24, 湯圓 20, 茶果2.5

AUG 11, 2009 (TUE) LUNCH冬菇菜肉餛飩 (1盒15隻) $22我好鍾意呢度D嘢去得好快，天天賣完就無，係日日新鮮人手包的，所以每次都會見到D嬸嬸好忙咁喺度包呀包呀包！跟菜肉餛飩相比，加咗冬菇就變得好有咬口，係用上海雲吞皮的，餡裡有3多，冬菇多、菜多&肉多，味道仲好鮮，肉汁由皮裡流出嚟好香，正！呢度馳名的仲有湯圓&日式拉麵都好出色！

成日都見到呢間人山人海架，不過佢 d 餃又真係 ok嘅~~食過好多款，韮菜、白菜都唔錯，菜肉比例唔錯，味道亦調得幾好，但間中都會過咸~我反而幾鍾意食佢 d 鮮蝦雲吞，蝦幾鮮同爽，但又唔同粉麵舖果 d，幾特別~~不過要試就要早點買，好多時我放工去已經賣晒！我最鍾意食佢嘅韮菜餅，大大塊，又平，食一塊已經可以當個 lunch~~豆腐花都唔錯，幾滑又香豆味~~冬天打邊爐買佢，我 d fds 都話~~ 讚！

大概半年前食過，水準都算唔錯，但事隔半年，估唔到而家嘅水準係咁買了韮菜豬肉餃，菜肉雲吞同埋冬菇豬肉餃。三者餡料都好多，味道好濃郁，肥肉不多。不過皮實在實在太太太太太厚！皮已經夠厚，所以當餃皮摺起來收尾的地方實在厚到差唔多咬不下。如果皮的厚度能改善一下，口感定必更好！

經常放工都經過此店, lee 度好多野食買ka.有面la.有糕點, 有餃la, 有湯圓...我最多時買來吃的就是燒賣, 絕對唔同街邊一串一串..又有雪味, 又唔新鮮個d, 係絕對新鮮..好彈牙..勁好味呢, 11蚊一包, 買完之後放在雪櫃幾日都ok不過記住要買定支甜士油係屋企, 到時加埋落d 燒賣到先一絕呢!另外我還想推介一下, 蘿蔔糕,,佢有買煎及煎好的, 係有一條條蘿蔔係入面,煎好的一件件, 厚身, $4.5一件..未煎既就一大件..12蚊到..可以買回家蒸都方便..

日期：2009-06-06 在"民豐粉麵行"(荃灣)買了"菜肉餛飩"($19~15隻)和"豆沙糯米糍"($5~2個)。在家用"家樂牌雞湯粒"做湯底，將餛飩煮10分鐘。 1.菜肉餛飩---正宗上海式餛飩，內餡是白菜和豬肉。餛飩皮較廣東式餛飩厚，口感帶彈性而不韌。內餡份量不多，菜肉鮮味，鹹味適中。2.豆沙糯米糍---糯米糍蠻大個，糯米皮較厚，口感軟糯煙韌。豆沙餡份量多，豆沙幼滑，豆香十足，甜味適中。

今天路過荃灣街市街,發現超級多人在民豐買野,又去襯熱鬧. 入到去,見到d麵插住個牌,話自己工場做,心郁郁買了蛋麵(25伩斤),蝦子麵(30伩斤)同魚蓉麵(25伩斤)各半斤.因為啊姐實在太忙,在等買野時,見到勁多人買水餃同雲吞,於是又各買了細盒試試.第二日,煮咗蝦子麵,餃同雲吞試. 蝦子麵好彈牙,一d梘水味都無,30伩貨仔算唔錯. d餃同雲吞的皮都好厚. 因菜比肉多,所以d餃同雲吞都好爽口,一d都唔膩. 兩者中,菜肉雲吞口感同味道都比韮菜餃優勝...之後食過第二間的餃,d皮都係咁厚. 係為咗唔散,所以麵皮要厚d?

上星期六和老公出荃灣, 回家前在民豐買了菜肉雲吞和菜豬肉餃各一盒, 我只要了細盒, 原來都幾重手, 每盒有15隻, 而且隻隻飽滿, 水餃更包到似元寶, 好靚!!!自己動手煮, 好快有得食, 菜肉雲吞皮較薄, 味道偏淡, 多菜少肉, 我好鍾意菜豬肉餃味道偏濃偏鹹, 最好不要和菜肉雲吞同吃, 否則菜肉雲吞會變得淡口無味。同樣亦是多菜少少肉, 但餃皮頗厚, 較難於消化, 煮耐一點會較好。

其實上幾星期LA!0係度買0左兩個糯米慈..一個花生加一個芝麻...之後又買了喬麥麵回家煮....麵~$16一扎..望落好細扎..煮落十分多...分了兩餐,每次5-6碗..IN IN UN UN的..但回道較淡。芝麻糯米慈..好大個..好多涵..但面頭太多糕粉..花生0個個我買0個日食唔晒呀><放到第二日諗住佢都係變硬..點知出水呀..唔食得..浪費呀!~><仲有之前食過佢D出名湯圓..麻麻JA!...利X,中X即係SUPERMARKET 買0個D仲好食><但食下冇妨0既....

正月十五~家中一向冇食湯丸的習俗~只係為食~搵藉口去食下湯丸姐~放工嚟到呢間民豐~在場5-6個阿姐~開行馬力包緊湯丸對!!!佢地d湯丸太好賣~要即場包先有~睇住阿姐包~~見到佢地好攰~因為d盒係堆到上天花的~但諗到回家可以食到咁新鮮的湯丸~真係無比幸福~而呢一個幸福~只係需要$20$20 / 25粒我買左鴛鴦~姐係一半花生~一半芝麻~回家途中看到好大的月亮~一開家門立即煲水~快靚正~下次要試埋菜肉湯丸先得~我未食過呢~~

自小每年都會來~因為家裡中秋節會食瀨粉~咁要嚟呢間到買粉麵行的東西~正好多早前同都係住在荃灣朋友提及~佢推介我去食他們的雲吞新年前都去買返盒先~鮮蝦雲吞一早賣完買了白菜雲吞正~~~菜脆口~唔太爛~仲有咬口~肉的份量很ok~皮薄good$19蚊有15粒抵!!!!!老字號~係唔同d~第二日早上去到...見到賣湯丸的人龍去到街尾有點後悔嗰日冇買埋tim~~~

新一年，新開始。牛年大年初一，祝OR諸位開開心心，身體健康，日日有食神。民豐粉麵廠，因為出品有番咁上下，平日都好旺場，我份人最怕排隊，所以甚少幫襯。但係過時過節，見佢又有賣賀年食品，即使要排隊也該買一兩盒湯丸食品返屋企應下節。這裡的湯丸一盒有二十五粒，全部都是細細粒的，但不要以為個子小小就沒有吸引力，這絕不是超市的一般貨色。皮，是薄得能見到餡料，而且口感煙煙韌韌，芝麻餡份量雖不算太多，卻頗香甜的。自已在屋企煲，糖水薑味自然足，這樣配合芝麻湯丸，絕對可以收貨。吃罷湯丸，一家人團團圓圓。