水上人魚蛋粉

營業中

休息中

對於牛腩河我係百食不厭，由於我胃容量大，所以我每次都會嗌加底，每間餐廳嘅做法都唔同，但係呢間就比我一個好細心嘅感覺。因為好多時加底的話，啲粉就好快會索晒啲湯，所以食到中途就淨係食乾嘅粉。而呢間就會將湯另上，包保你食到最尾都會有湯飲。與此同時佢個湯底飲完都唔會口渴！

本身去粉嶺諗住試下，好出名ge群記豬手麵，點知休息直到28號先開。誤打誤撞就去對面食依間水上人魚蛋麵自己本身好鍾意食魚蛋，就不妨一試啦🤔叫左個魚蛋粗麵同碟通菜、凍檸蜜，份量比想像中大碗，唔錯之後，先試啖清湯，唔會太咸味道鮮，跟住就加醋同辣椒油，溝出黎個味道好正第一啖食落好似譚仔糊辣，一個字真係正，可能加上我肚餓，食咩都覺得好好味所以，依間水上人魚蛋麵都係值得推介大家去試，都幾多人食架👍🏼😋

20170221(星期二)--再次到訪，店內環境跟去年相約，由於是下午茶時間，人流不多，坐位任擇。同樣點了:魚蛋粉--不知何時，價錢已提升至$28，這店的魚蛋賣點是鮮味，不會太爽口，有四顆魚蛋和三片魚片，加上滑滑的河粉，份量足，湯底清得來有甜鮮味，不錯，價錢當在2字頭價位，有此食物質素，便宜。20170330--是日想在家裏做砂窩雲吞雞，想到水上人魚蛋有雲吞和水餃生料出售，外賣丸類、雲吞和水餃價錢買了一打雲吞，$32/打，每盒半打共兩盒的包裝，店員叮囑三天有效期回家飛水後的樣子，半熟狀態，大大粒，脹卜卜，薄薄的雲吞皮透視出頗大隻的鮮蝦。食後感，餡料有蝦和豬肉，蝦肉大隻，豬肉略嫌不夠鮮味，有一粒餡料偏咸，整體合格。在我未在附近找到更好的雲吞質素時，每當我想在家裏吃雲吞，我還時會到此購買的。

成日聽人講粉嶺有間叫水上人食魚麵好正，今日終於可以一試餐牌食既野同一般魚蛋麵店食既野差唔多不過佢就多左一種其他店無既魚麵哇哇哇！要加成12蚊好貴呀！不過要加咁貴，應該好正叫左個四寶魚麵一貫作風，先試個湯底湯底實話做得唔係咁好，好普通既味精湯，原本期待既係用鮮魚製不過唔緊要啦，今日個重點係食魚麵哇！個魚麵真係由魚肉整成，一食落去第一啖真係啖啖都魚肉，意料之外！魚肉比例非常高魚蛋都做到好彈牙，牛丸就做得好濃味！不過，食到一半既時候 問題就出黎啦其實各樣食物都做得唔錯，魚麵都有驚喜不過食到一半既時候就發覺成碗麵都係主角搞到味蕾因爲過度既沖擊而好疲勞丸同丸中間都被魚麵刺激得唔到休息個人喜好，覺得魚肉比例可以少番d 麵底應該做番麵底既角色，僭越左就會令到成碗麵失去平衡感埋單41

20160829--是日晩餐，不想上酒樓，只想輕食，想到還沒到過水上人魚蛋粉，約晩上八時，店內坐滿八成食客，還有位可入座。見店名是水上人魚蛋粉，放棄吃雲吞麵的念頭，吃招牌食物:二人點了:魚蛋河粉($27)--河粉上桌子，湯底較白而濃郁，魚蛋是鮮味彈牙取勝，河粉粗幼得宜，入口細滑。四寶河粉($28)--多一元，一次過可以嘗試幾款食材，抵食。有魚皮餃(有較口，豬肉鮮味)、潮州魚片和魚蛋(鮮味彈牙)、豬肉丸、扎肉、牛丸，其他三款食物味道不錯，河粉整體算是用心製作，不是粗製濫做貨識。埋單:$55，現今的新潮粉麵店，多會加一點小吃，以套餐型式出售; 有時只想吃一碗粉麵，我還是愛到此類粉麵專家光顧。

今日行完山揸車到粉嶺聯和墟食找点小吃。 此地區因假期時間遊人十分多。本想到群記食牛丸米粉但太多人及豬手未出爐。於是走到對面街的麵店食魚蛋粉及牛腩麵。此麵店很大亦有很多顧客。 首先魚蛋粉加上紫莱很野味。蒜蓉及葱粒另上外放在湯匙上。 放多放少隨意。魚蛋做得很白很彈口，魚片亦很好食。湯底加了紫菜可以連湯都飲哂。牛腩麵的牛腩炆得很淋。牛腩肉質很好及牛腩汁很濃。另加數元便可以加一碟油菜及一罐汽水。這個不失為一個很好的下午小食。

今日去粉嶺開工 原本想食群記豬手 但係佢竟然休息😭 所以行左去對面嘅水上人魚蛋粉 自己唔係魚蛋愛好者 所以都係叫牛雜可 睇menu 期間店員不停解釋menu 其實魚蛋粉來來去去都係嗰啲嘢 唔需要講咁多 實在有啲煩！ 而且明明有位都叫我地去搭枱 我以為自己去咗澳牛... Anyway 言歸正傳 牛雜可不過不失 吾夠入味 不過有炸蒜頭 所以令成個湯香好多 ok la .. 總之唔會再去 唔係佢難食 係佢周圍好個佢嘅嘢已經有太多！

原先想去群記食豬手，點合未到四點半已經賣晒，好彩對面就有間粉麵店。大大隻招牌講明魚蛋粉，也好，來一碗魚蛋粉走蔥。湯底奶白色，是用上魚湯，但隱約仍有鹼水味，河粉尚算滑溜'。咬落魚蛋，魚味還是不足，而且幾結實，欠了鬆軟的口感，雖然認真，但其實未合格的。另外加錢點了一碟灼菜，當然時令菜是芥蘭，澆上腩汁後味道會更惹味，而且食落清甜爽脆，不錯。

夏天咁熱真係唔想出去食lunch，不過今日無飯帶，又有同事提意食水上人，掛住佢個辣椒油，一於又黎食過。今次叫牛什米，牛什份量合理，廿四蚊真係好抵食。牛什滷得入味，送米粉啱啱好，唔會過鹹。依舊要多蔥多蒜同少少辣椒油，好味！

話說郡記冇位，就轉移食魚蛋粉，朋友叫魚片河，地方ok,地上有時積水,有d滑，所以要小心，總括兩種魚片同魚蛋都爽口彈牙，個人認為魚蛋較優秀，白雪雪，真材實料，咬落除左夠彈牙，仲唔會有食粉團感覺，其他鋪頭好多都落重粉，冇晒魚味，呢間就保留新鮮魚蛋味，加上少少葱花同特配辣椒油，淡淡湯味加辣辣地，配搭几好!

晏晝出黎食個lunch，又要快又要飽又要平，呢度真係唔錯嘅選擇，廿幾蚊係咁啦。四寶米 $25四寶有魚片，札肉，牛丸，魚皮餃，味道平平，黑椒牛丸比較出色，黑椒味濃得黎還食到牛肉味，下次試下牛丸米先。牛腩米 $24牛腩入味又炆得淋，米粉加了腩汁更好味，記得要多蔥多蒜，好味好多架。嚐辣嘅仲可以加辣油，呢度啲自家制幾正，不過堅辣，我就淨係加少少少少咋。

今日同同事外出用膳，有同事提議試下呢間魚蛋粉所以就走去試試一入到舖頭，好好彩咁岩有人埋單走。同事們一坐低就介紹我試下魚蛋頭配紫菜，話佢次次食親魚蛋粉必叫之選😋所以我就跟佢叫一樣，而另外兩位同事就叫左牛腩米～同事既牛腩米黎到既時候，我同佢交換左一舊牛腩試下，牛腩煮得幾林，唔痴牙～嘩嘩嘩～我碗魚蛋頭+紫菜到喇!!魚蛋新鮮彈牙，紫菜又浸得岩岩好唔太硬，湯底方面唔算太咸埋單計都係一人廿零蚊，呢餐晏都算幾抵食

去完健康院再去醫院約期，超累又肚餓，沿途都諗唔到食乜，決定返聯和墟繼續搵食，「為阿b寫夠100篇」其中一定有好多間都係屋企附近😝突然好想食牛什，一於叫碗牛什河hkd 24牛什味濃偏咸，湯底亦偏咸和油，可能自己口味較清吧，所以覺得不是我杯茶，吃了半碗，連餸都沒吃光就放棄了。

魚面， 食落似魚皮餃既皮，湯底係冇味，講真如果湯底認真用魚黎熬煮點都唔輸得，可惜冇用心對待。魚蛋河，魚蛋彈牙有口感，但湯底冇味到連味精都冇。四寶河，啲丸ok 的， 蔥又 ok ,係湯同辣椒油唔 ok , 辣椒油有啲特別既香料味，唔多夾。

今日本來想去對面食豬手米，不過見到咁多人，就嚟左依間粉面舖食碗粉叫左碗牛腩併雲吞米，價錢都算平，雙併都係廿九蚊，好抵食。碗粉嚟到個份量都幾大，啲牛腩肥瘦適中，咬落幾淋，算係好食。至於雲吞就豬肉既成份比蝦肉多，所以唔屬爽口彈牙既一類，不過size算適中，一口一粒，唔錯可以再食。