水瓶座咖啡店 (已結業)

關於最低收費一事,其實我地一直都有,menu上其實有寫的(不過我亦覺得客人未必留意),所以我亦一直提醒服務生要在適當時間提醒人客有關的事!我地所謂的最低消費是每人平均都叫一種飲品或食品(不論其價錢),我覺得這亦很合理. 如果他說你們平均不足$60, 應該是因為你們要了那隻"人均消費滿六十可送小食"的小食, 這個應該在電話booking時應該有說的, 如果人均不足$60, 是沒有那小食的.希望你能明白,不過我會再和各同事提起此事,一定會有所改進!至於關於埋單的事, 我想平時不需要這麼長時間的,但我絕對明白你的心情, 我亦會向同事反映!事實上對於一些優惠或政策, 的確如你所說我們要多點培訓,因為我們有較多的part time.最後希望你會滿意我的交代, 下次來時, 讓我請你吃件cake^^! 沒有你的意見, 我們可能繼續錯下去也不知道!jacky

尋晚一行9人來到由於我之前每次都是2個人到每人都有ORDER野飲/SET所以並不清楚多人一齊來的收費朋友BOOK場後亦沒有講過有最低收費這一回事但是尋晚坐到想叫埋單時waitress小姐至同我地講我地要每人都有ORDER其實我地已叫了很多東西總數約$590又說我們平均人頭費不足$60我覺得店方應該事先講清楚收費條款例如最低收費等等好讓消費者有權選擇另外值得一提的是此店的埋單過程需時甚久我至少問了3次才成功埋單而且優惠條款亦不清楚明明說用東亞卡有折但我發覺即使我用了也沒有任何折扣...非常奇怪和不清晰店方可能要對員工培訓下點功夫年輕+經驗淺絕對不是理由希望店方能有所交代

前晚我地一班6個人去試一試。點解一入到去，比我地預期中舊同迫。我地頭頭只點了幾道菜，試一試先。第一道係凱撒沙律，我第一次食沙律有”聲”味的。我個朋友話因落了蛋漿，仲之“聲”味沙律就好怪啦。仲有個蜜糖乜豬肋骨，D蜜糖硬晒一舊舊，黏住晒D牙。其他幾道菜都一般，可能佢的甜品同飲品好好味la。呀，仲有D 服務真的一般，叫了3、4次先有碟食野。無下次了!

係就係平但d野冇味o既飲cocktail....落番lkf好過cocktail黎計mk d bar都好過佢

我巳來過這間樓上cafe 兩次了,覺得環境氣分都非常好.所以特地同朋友上來.我們分別要左set:甘荀蕃茄湯---------杰杰地,有鮮蔬果味,幾好飲,幾特別.鴨胸飯-----------鴨胸不錯,好香.不過整得有小小硬,同埋冇咩sauce,好似齋食白飯咁.牛柳意粉---------好好味,牛肉好厚切,大約7成熟,真的剛剛好,好嫩好Juicy.意粉係幼身,似天使面,但又冇天使面咁幼,都好好吃,始終意粉幼身係好味好多,咁樣配搭非常好.但頗油.白朱古力奶---------退步左,冇以前咁白朱古力味,而家過甜,好像飲奶粉+奶昔咁.有甜品:焦糖燉蛋-------太好味啦~好滑好滑......仲好味過酒店水準.泡扶--------不會太甜,入面滿滿的cream 像雪糕.good!不過價錢稍貴.而出面garden如果好似之前咁放candle,台台都點蠟燭的話,會比較有情調.

D野幾好食,份量比較細,所以變相就貴左少少,我地三個人食左唔係好多野,叫左枝$200紅酒,每人舊幾兩舊.如果坐返三五七個鐘就抵D.環境OK. Service幾好,有一班相信係讀完"餐飲業證書課程"o既畢業生做侍應,經驗唔多,但仲有熱誠.

今日,諗住放假想搵間新鮮d既野試下,睇到呢個網頁d食評,講到呢間野唔錯,所以就同埋我男朋友來試下.去到覺得d環境ok,跟住個帶住員就帶左我地坐露天個度.我地其實得兩個人,但佢地比左張大枱我地坐,叫我地暫時坐住先.呢句"暫時坐住先"我地個時都仲未明白.點知當我地食食下,個waiter走過黎同我地講叫我地換張細枱,話有客人等緊我地張枱. 有無搞錯呀!!!!!我地食緊野叫我地換枱,既然無枱咪叫佢地等囉,家陣得佢地係客人,我地唔係客人呀!既然係咁又做咩比張大枱我地先?換黎換去貪過癮呀?究竟知唔知咩叫禮貌架?我相信任何人都唔鐘意食緊飯時比人打擾囉!我地初時都係諗住想有個靜d同靚d既環境食飯姐,但係佢令到我地好失望囉.仲有,d冷氣勁到好似o係北極,搞到d野食唔駛一分鐘即刻凍哂,叫人點食喎. 本來,我覺得d食物都ok既,只係價錢高左少少,同埋我叫個杯cocktail d 味淡左d,不過因為個鋪頭名係我個星座,所以都諗住比高分d.但係發生d咁既事真係好唔得囉.如果間鋪頭既服務態度唔好,就算d野幾好食都無用啦.我諗我唔會再去.因為我好肯定有好過佢既cafe等緊我地去,無必要委

朋友千揀萬揀下,揀左水瓶座,因為都幾好評語同有非吸煙區.我們八個人order左:香草蜆肉貝殼粉- 鍾意佢唔係太漏...夏威夷同煙鴨胸pizza...份量好細,個底好似係印度薄餅個d酥皮咁??不過都幾好味~~~~五色馬賽克- d醬都幾好味...有一個係白色既..食落去係蜜糖味...都幾驚喜!!蜜汁豬肋排- 一般...唔夠惹味~~~菠菜角- ok la...一客得3,4舊...焗著皮- 好味, 唔係太油膩!海鮮寬條麵- 太飽...無食到芝士金字塔- 勁肥...不過個薯蓉加左咖哩味都幾特別....仲有中間塊大冬菇好好味..hehe朋友係水瓶座,所以送左一人一隻焗青口,睇落好熱氣同滯...不過食落就好好味...個個都鑽!!!服務好好...d waiter/waitress全部都好好笑容...又一齊唱生日歌....氣氛唔錯~~~呢度唔算太靜...不過飲野都可以傾到偈既...雖然做會員要比30蚊....不過即刻用都有九折...所以都有jetso...呢度環境食物都ok...會再幫襯!!

10月27日...星期五...替朋友慶祝生日.看了很多食評,在千挑百選之下,選了水瓶座,是第一次.選擇它,因為食物質素看來不錯,而且設有非吸煙區.我們一行八人,預先book了位. 其中一位友人hand-made了蛋糕,切餅費為$50,尚算合理.我們order了:+海鮮寬條麵...好好味,芝士味香濃!+香草蜆肉貝殼粉...好味,貝類粉口感幾特別,最正係個container,好有style!+鮮茄天使麵...哩個就麻麻,似乎唔係咁新鮮咁,朋友都覺得有怪味.+地中海pizza...份量唔多,但個底好好味,完全唔同某pizza店呀!+鴨胸pizza...同地中海差唔多,但我就鍾意鴨胸多d!+蘋果xxpie...都係個pizza好食d.+五色馬賽克...人氣之選呀,個個都話正! 其實佢係墨西哥脆片,配上五個醬汁. 賣相一致叫好,五個汁又可以自己揀,mix又得,份量都幾多架!+香草鱸魚...除左魚,仲有菇. 個source同寬條麵一樣,所以都好香! 但就有d"漏".+蜜汁豬肋排...哩個好惹味呀,個份量多,係8人先食得哂!+焗著皮...由於友人對此一般,所以食唔哂,但我食左,都好好味!由於朋友生日

我是Jacky，其實在你出此post之前，星期天我和店長（James）都在那天放假，但我亦收到此事的來電，後來得知店長趕回去，並解決了此事情，我才舒一口氣！事後我們在星期一的例會上討論了此事，結論是的確是我們的錯（內部溝通不足所致）！作出合理善後，是理所當然的！請不用客氣^^!看到你的post，我真的感到很高興！因為我們的同事（當天的兩位男服務生）獲到了你的認同，沒有令我們失望！其實他們都很年輕（他仍是學生，是兼職的苦學生），但處理此事的方法確實得體，你對他們的稱讚，已使他們樂透了^^！

10月15日(星期日)是我男朋友的生日，在之前一個月前我已開始想搜尋旺角區的一間設非吸煙區的樓上cafe為他舉行一個下午生日會(大約15人)。經朋友介紹，就在兩星期前在這間cafe訂了其唯一一間的房間，還訂了一個New York Cheese Cake作為生日蛋糕。協議是minimum charge為$1000，蛋糕$150，即是要叫合共$850的tea set或其他食物，而入會後(入會費$10)則免加一。之前的兩天，我第一次上這間café付訂金$200。房間是用拉板間開，須脫鞋入內，是榻榻米形式，有二十多個cushion，設施有電腦上網，projector，大富翁，撲克牌，uno，可容納十多二十人，算是舒適。之前的一晚，經理打電話給我confirm booking，包括時間2:00-6:00和New York Cheese Cake。10月15日當天其他客人不多，最多十多個客人。一開始房間的分體冷氣機壞了，waiter算是立即修理。我們都是點tea set，分段點了十多個。但同一時間點的食物來了一碟之後，要一段時間之後才來第二碟，是慢了一點。而我較不滿意的是，我訂了的蛋

今晚點了兩個set dinner及一個香草蕃茄海鮮天使麵，全都很好吃，特別是天使麵的調味十分出色，可惜的是其配料不夠新鮮。餐飲選了芒果汁綠茶，意外地好喝。雖然略嫌有點兒貴，但是每道菜都很有水準，侍應們亦很有禮貌，所以是值得推介的。

我想你是梁小姐吧，我是當日在門口跟你們聊了幾句，了解事情的那個人，你們走了之後的當晚，我跟你所指的服務生談過，想有少少回應：你們自己坐的位置的確是有人訂了（七時正六位），雖然他們還未到（因當時只是六時許），但我們是沒理由讓你們先坐的，因為當他們到時，又要勞煩你們轉位．．．當然我們服務生的應對是不夠得體，我已教導了他至於其他的批評，我不便反駁，但我和我們的廚師一向很重視客人的意見（每天都到openrice）看看有沒有新的意見，你提到的我會在我們每週的例會討論及檢討！最後希望你地能感受到我們的誠意，有機會再來，個人覺得人生很多時都可以是不打不相識的^^！沒有你們的意見，我們可能不會有進步！我的email是cafedeverseau@gmail.com！

前幾日去食，因為個ｆｄ生日叫我介紹佢去食野，想傾下計，坐下，舒服下，見咁多人介紹ｅ間野咪去試下囉，訂左六點既，一入到去佢比張跟門口既我，咁咪同佢講話我想坐出面囉（佢間野有屋外既）一出到去，佢又比張近冷氣又怪既我地（係睇倒都唔想坐既），我地咪同佢講想轉囉，個四眼仔待應就話等一陣問下人先，咁我地咪唔理佢，坐左先算囉．．以我地所見，六點倒陣室外只係得一十一個人同埋我地，仲有好幾張吉．．．三張２個人坐既，同埋一張五六個人坐既係度～好ｌａ．．．．過左成十五分鐘，我地叫晒野食，睇倒一對情侶帶左去坐我地頭先唔想坐果個位，睇倒個對情侶好似唔鐘意咁．．．唔夠２分鐘就走左唔食．．梗係ｌａ．．．咁既位要人比咁既價錢完全唔得喎～　過左一陣大約十分鐘倒．．ｄ野食就黎ｌａ．．點知我眼見ｄ野食放左係頭先我地唔想坐果張果度．．．個待應就行黎同我地講．．（唔好意思，因為有人訂左張）．．我個ｆｄ咪勁興囉．．．（你唔係要我地坐返果張）．．．個四眼仔走過黎就講．．．（頭先我同你講左有人訂左嫁ｌａ．．）佢既意思好明顯即係話我地唔岩．．＞＜　　問題係點解要等我地叫左ｄ送你先黎同我地講叫我地轉．．．頭先我地未叫野之前唔講．．．真係

本人覺得以lee個價錢一d都唔值, 食物一般, 無環境無氣氛. 唯一係service 幾好. 我地4個人, 每人都叫set dinner, $138/set + 10% (包餐湯, 頭盤, 主菜&飲品), 每位加$20有甜品. 食飯當天中午來電, 話餐廳有兩段時間, 9:30 PM 前要交檯, 本人心想都無計LA, 已約好晒朋友, 無理由臨時臨危改地方. 環境非常嘈雜, 一D氣氛都無.先說頭盤得3個選擇(蘋果沙律/好似係牛肉串燒/鮮菇西蘭花焗薯蓉), 蘋果沙律都幾好味, 牛肉串朋友話無咩特別, 焗薯蓉味道唔錯, 不過d菇苦苦地. 餐湯(無選擇, 無料, 連餐飽都無)主菜有3個選擇(咩咩長通粉/鵝肝伴鴨胸/魚柳), 長通粉朋友都覺得麻麻, 但看樣子好怪, d長通粉綠色的. 鵝肝伴鴨胸, 完全唔得, 一D 鵝肝味都無, 鴨胸都好普通一同係Supermarket買煙鴨胸差唔多, 但價錢已經差好遠, D 汁都唔覺有特別. 得8片鴨胸, 我都食淨2, 3片. 魚柳無試.餐飲(選擇最多, menu內任選), 不過都無咩特別.