水記

營業中

休息中

啫啫雞煲 $78入面好多洋蔥、蔥，煮到出曬味，令到成煲雞都勁香。都有好多舊雞肉，個汁好惹味，好啱餸飯食。蒜蓉蒸陳村粉 $68陳村粉必食，口感軟滑同彈牙。蒜蓉味超香超濃味，蒜油入流曬入D陳村粉度，夾埋超正。👍馬拉盞芥蘭煲 $68芥蘭煮得岩岩好，爽口，唔會好油，鑊氣十足。呢間餐廳亦都有泰菜揀，都幾多元化。食物嘅份量都算多。餐廳環境就一般。十分推介食陳村粉👍唔使另外叫飯都得。水記 (旺角)旺角豉油街5號地舖#旺角 #旺角美食 #陳村粉 #mongkok #水記

原本想話去強記小廚，點知係門口聽到一位女士同侍應以下對答...."請問無訂枱有無位呀?""無!""咁..... 係門口等枱又得唔得呢?""無位! 爆埸!"聽到咁清楚嘅答案，唯有轉場啦! 行去強記嘅時候經過水記，標榜自己嘅燒排骨 "唔認第一，都係第一"，咁我就打住拆佢招牌心態，睇吓佢D燒排骨有幾掂!另外再點咗泰式海蜇沙律，炸大腸同蠔仔粥.哩間水記好奇怪，泰式菜又有潮州菜又有廣東菜又有，但店舖細細廚房細細，勁!炸大腸一上枱，果種獨有騷味撲鼻! 外脆內軟無肥膏，好過楚撚記，因為份量多過楚撚記，而味道不相伯仲.蠔仔粥有D扣分，因為蠔仔有丁點蠔殼，雖然只有一丁點，但影響口感極大! 就好似食雞蛋有蛋殼，唔知點解好抗拒哩種感覺，但其他正常無問題.泰式海蜇沙律嘅海蜇份量嚴重不足，而且對於唔食辣嘅我感覺好辣!最後嘅名菜燒排骨，外相一般顏色過深唔夠吸引，另外唔夠熱，口感嘛..... 算叫做鬆軟 Juicy，質感已到邊緣，如果再燒多半分鐘已經過火.燒排骨就唔夠熱，但餐廳細細嘅環境就好鬼熱! 無開冷氣，環境又有D污糟，我仲幫佢用濕紙巾抹抹份 Menu，俾唔落好評囉....轉頭book場去強記！睇佢點解爆場！

又想食泰國野又想食小菜可以黎尼到食啦，夠鍋氣又多野揀，我就食左呢幾道菜式炭燒雞翼誘人的外皮烤至金黃酥脆，肉質鮮嫩多汁，香氣四溢，每一口都帶來滿滿的滿足和享受。炭燒豬頸肉外層烤得香脆，內部肉質鮮嫩多汁，油脂均勻分佈，搭配炭火烤出的獨特風味，好食椒鹽魷魚外皮酥脆帶點微辣，內部鮮嫩彈牙，搭配香醇的椒鹽調味，口感鮮美，點少少醬汁又另一種亨受肉碎生菜包融合了生菜和香濃的肉碎，口感清爽又有嚼勁，肉碎亦吾會太乾，加上多種調味品的搭配，帶來豐富的層次感

近期睇到谷友介紹呢個，係旺角鼓油街水記大排擋，講到好有鑊氣，D嘢又幾咁好食，今日專程過嚟試吓，點知⋯ 😰😰😰叫咗佢好出名嘅泰式生蝦刺身$98、柚子沙律$58、無骨白雲鳳爪$78、滷水拼盤$89、胡椒豬肚湯$79（最後冇嚟到，不過都要俾錢）⋯首先嚟到柚子沙律同無骨鳳爪，基本上兩碟係－様嘅用木瓜沙律做底，只係分別加上柚子同鳳爪，其實點餸可以講聲，咁就唔使重複點⋯之後嚟咗個𣳾式生蝦刺身、老婆－啖食落去發現有D嘢，吐出來竟然係－隻細細嘅小強，細細聲叫老板過嚟睇，佢話應該係啱啱黐咗落去，真係冇乜嘢講⋯跟住落嚟上咗滷水拼盤，D鵝脹幾彈牙，再夾塊紅脹，我頂⋯－隻大曱甴係上面，今次真係嬲，再叫老板過嚟，佢話應該唔會⋯ 我真係想嘔，即刻叫買單唔食，最經典係老闆照收我哋錢，連個未嚟嘅胡椒豬肚湯都照收錢， OK你肯收我肯俾，我永遠冇下次⋯非常過分嘅一間曱甴食店⋯

路經此地發現小店試吓新嘢1️⃣油浸筍殼 $158 外脆內軟 💯分配豉油一流（必食）😋2️⃣蒜蓉粉絲蒸扇貝店員推介 30/1隻味道好 只是扇貝肉不是很大海鮮都係睇當天來貨3️⃣馬拉盞炒芥蘭 $68夠鑊氣 野味4️⃣燒雞翼 $78/7隻 雞中翼有炭香 但唔夠味可以不用試2人晚餐 🈴️共$364 值得試嘅小炒店👍🏻

晏晝打電話去book當晚7點半 6位點知7點半準時去到 話以為我哋book 7點所以張枱俾咗人…….. 真企咗喺到…….然後叫我哋喺出面等大佬 出面落緊狗屎 點等啊大佬以後唔會再去 88

今晚繼續唔煮飯出去食。食左幾晚日本嘢，今晚要食有鑊氣嘅中式小炒，係旺角唔驚無嘢，最怕你唔識食。今晚去水記呀！佢原來有埋泰式小菜。水記出名燒排骨同燒雞翼，雞翼我成日食，食燒排骨啦！上到枱就聞到好香嘅炭爐燒烤味，食落去學我老公話齋：“骨肉分離。”🤣🤣🤣🤣唔鞋好淋又夠味。再嚟泰式飛天通菜，佢用泰國嘅豆豉炒，份量都幾大。再嚟個豉椒炒蜆，鑊氣就夠啦，不過啲蜆好多都唔開口差少少。最後今晚破解食澱粉---蒜蓉蒸陳村粉陳村粉上面鋪滿蒜蓉同埋肉碎，蒸嘅時候陳村粉吸曬啲蒜同埋肉嘅精華，陳村粉又薄又滑呢個配搭非常好食。😍😍😍最後埋單$294,四個菜加杯可樂。雖然鋪面係窄少少，但係呢度有唔少三五知已開懷暢飲，足以證明好多捧場客。夠晒地道💯💯💯💯💯

蒜茸蒸陳村粉 $68平時去到大排檔食小菜點都會叫返一兩個白飯，不過黎到水記，白飯根本唔會係你既選擇。因為與其叫白飯，不如叫即叫即蒸既陳村粉👍🏻一上枱已經聞到好香既蒜茸味，因為上枱前再淋左熟油喺面，令到啲香味爆發出黎陳村粉亦都好滑，加上表面有啲肉碎，有兩重口感 ，食完真係停唔到口最後叫多左碟😂真到到店推介拔絲咕嚕肉 $78咕嚕肉用既豬肉一啲都唔肥，好似豬柳咁。而且每一舊都炸到好脆，脆漿亦都唔會好厚，啱啱好嗰汁唔會太酸或者太甜，好好味😋炸大腸 $88炸到外脆內軟，而且醃得好入味，重點就緊係無“屎”，加埋底下啲墊底既菠蘿，即係要叫返兩支啤酒啤啤佢🍻泰式煎蠔餅 $78同出面平時食開既蠔餅好唔同，其他地方食既通常都會好多粉，但係依度就蠔多過粉。與其話係蠔餅，倒不如話係炸蠔，好抵食👍🏻

落到油尖旺，除左港式美食掃街，基本上都一定會常食港式小炒、打冷，三五知己聚聚啤啤佢就最適搵大排檔喇! 水記室內仲要有埋冷氣，坐得舒服，仲有泰式美食都好好味、好受熟客仔歡迎。今次專點泰菜: 1. 泰式生蝦生蝦超級大隻! 鮮甜彈牙，夠爽口，仲有粒生蒜用黎僻腥殺菌，最重要係個酸辣汁，一啖入口好惹味2. 泰式燒豬頸肉 (記得想點燒物就要提早點喇, 都要等佢燒一段時間)燒豬頸肉有兩大塊再切片，唔算好肥膩，仲好Juicy!肉質爽嫩，份量都好足，仲有個醬都好夾! 3. 泰式串燒(雞、牛、豬)每款肉都點左2串，估佢唔到佢燒得好有BBQ香味之餘仲係好嫩，一啲都唔乾柴，不過味道就偏咸!4. 椒鹽魷魚依款椒鹽魷魚相對就遜色少少，因為個人不太鍾意太多粉漿包住黎炸，太厚粉會影響魷魚口感，但整體魷魚都唔會炸得好老，剛剛好! 份量就唔算多!

Happy Friday 相約左舊工友一齊見個面食下飯. 佢地話搵到一間隱世小店要試下. 我一睇個location. 都心知大鑊xdd,  真係水記呢! 因為以前成日都會行過呢頭. 行過覺得好香. 但望過入面印象中係相當迫. 不過朋友既然一心想試. 就一於奉陪!7:30pm左右去到. 剛好滿座. 如我所講. 勁迫. 如果係呢個疫情下. 其實我都好驚呢d餐廳. 因為真係太迫. 好似好高風險而且好嘈. 想傾計既朋友就唔好考慮呢度!4個人叫左6個餸. 正常size , 唔會話好細碟. 最推薦一定係蠔餅啊. 佢唔係傳統一塊塊形式. 佢係一粒粒咁炸. 熱辣辣好脆口. 蠔唔會有臭味. 堅好食! 我地專叫熱氣野. 仲叫左碟椒鹽鮮魷. 呢個都一樣超香口. 不過上面炸蒜就淋左d. 扣左分! 當然唔少得炒通菜. 呢個都讚. 好有鑊氣! 朋友們鍾意食辣. 叫左個水煮牛. 不過不失. 因為冇薯粉墊底. 爭少少! 另外再叫左個泰式蝦沙律同燒魷魚(土魷系) . 都唔錯!其實食物唔差. 平又抵.不過環境真係好一般 . 坐得唔舒服. 希望下次平日黎會好dd~~

呢間水記係幾好味既，鑊氣好夠，款式都好多，佢地煮既泰國菜式就真係好正既，所以晚晚都好人食，佢地裏大約得十張枱，環境好逼，所以佢地晚晚都會响鋪外既行人通道上放多幾枱做生意，住附近既街坊都會幫襯，幫襯得既有好多都係熟客，所以佢地就算坐响街食都覺得無所謂，但佢成日開晒成十張枱霸晒人地既行人通道，兩張枱拍埋一張坐五，六個人，而家疫情嚴重，班食客又唔帶口罩咁吹水食煙噴口水就真係怕怕啦！講返d野食呀，我覺得佢地既燒豬頸肉同沙律係唔錯架，但要坐响街邊食就我就麻麻啦

好耐冇去過水記啦，趁週末晚相約好友去食返餐。夜晚7:30去到，以為會好多人要等位，點知唔使，入到去仲有幾張空枱。滷水鵝腸，新鮮，但唔夠爽脆，肥啲會更加好，滷水味ok，少咗啲清香層次。飛天通菜，炒得頗有鑊氣， 爽口，$58 大大碟，性價比高。招牌小炒王，材料十足，韭菜，腰果，魷魚，菜莆，銀魚乾，炒得鹹香十足，可惜好友唔飲啤酒，唔係佐酒一流 😅泰式煎蠔餅，好友叫的，佢以為係一餅餅的，但上枱變咗炸蠔仔粒，再加上蠔仔唔係太多，有啲剩係得炸粉，頗失望 😞。整體來講，水記嘅性價比係高，值得再返兜嘅 🤣！

水記水記好好味宵夜好地方，簡單幾個小菜，配一杯啤酒。 三五知己吹水好地方！叫咗個馬拉盞炒通菜，好有鑊氣啊。正！價錢都好平，好抵食好大碟。另外叫咗一個雞煲，略嫌未夠辣，可以在辣多一啲。重點係啲配菜都好入味， 洋蔥好甜芹菜好香。另外一個係豉油王炒麵。都唔錯食！已經係第三次嚟呢個地方，位置比較偏僻，但係用Google都好容易搵到呢個地方。可以坐喺度慢慢吃，最後埋單都係二百幾蚊。簡直叫人驚嘆❗️ 總括而言，都係晚餐宵夜吹水超正。

【旺角泰菜小炒店】🍺對上食呢間野已經一年前，第一印象覺得唔錯，但係因為比較隔涉所以好少去，今晚突然醒起佢嘅小炒🤪 所以帶埋男友再食👍🏻因為我都覺得好啱佢食！🐟招牌小炒皇💰$68hkd小炒王普遍材料通常有韮菜花 , 銀魚乾 , 菜甫 , 腰果 , 蝦仁/魷魚，呢個真係必點！好有鑊氣！全部材料食到佢爽脆同口感豐富，銀魚乾簡直係令成道菜昇華！可以再叫多碟😂佐酒之選！🍻🐷炭燒豬頸肉💰$68hkd屬於泰國菜之一，有淡淡的炭燒香味，豬頸肉爽滑彈牙，加埋泰式酸辣汁，真係好開胃🤤🦆滷水拼盤💰$78hkd材料主要有爽脆鵝腸、紅腸、牛肚、扎肉、豆腐干，全部滷水味十足！再加埋蒜蓉辣醋汁同辣椒醬，非常惹味！😻🦑椒鹽鮮魷💰$68hkd呢個略嫌較為失色，炸漿太厚不過脆，魷魚彈牙，但味道不過不失沒什驚喜！🐚泰式煎蠔餅💰$68hkd蠔餅超大份！蠔都好大粒！不過我就覺得呢度菜都係炸漿太多但鬆脆，蠔其實並唔係好多😂食完真係好膩😅建議三至四人食先好叫。可以和三五知己來這裡吹下水👬👭👫📍水記 (旺角)旺角豉油街5號地舖

去到點知都幾爆場，好彩有2張枱。初初以為係打冷，實際有埋泰國野食，我地叫碟餸，碟碟都大大碟，都整得算唔錯。唯一係好似周圍都滴水咁，同埋太逼。小炒泰菜真係好好味人多叫左好多味送真係人多既好處呀餸菜多到不能盡錄椒鹽魷魚鵝腸小炒皇好野味又夠穫氣燒豬頸肉鹵水拼盤咕嚕肉。沙薑鵝腸，鵝腸睇得出雖然唔大 但好新鮮爽口 食落走肥瘦度適中 唔係話太多肥膏嗰。下次試吓泰國小食，朋友介紹泰國小食都話好好食嘅尼個細細間鋪頭，環境唔大，但味道質素唔錯，價錢親民 cp值都好高。