水門泰式海南雞飯專門店 (已結業)

放工老婆話想食海南雞，咁就買左個雞腿飯比佢，再買個燒牛肉飯自己食，諗住泰式實香口好食啦。。。好，我完全錯了！！牛肉飯中間水汪汪好似浸左水咁，老婆就話佢果盒有d 飯就生生地硬飯仔，點解同一時間買2盒飯都可以差咁遠！ 點解簡單一個白飯都可以煮咁難食！睇埋個餸，海南雞質素就正常，雞腿好滑，但個燒牛肉就又鞋又柴😑加埋百幾蚊比d 咁ge 質素我，同一價錢同一條街有更多更好選擇😡，下次我會行多2步入去揀過第2間。

除咗綠色過江龍泰式雞飯重有呢間幾出名嘅黃色招牌泰式海南雞飯主打去骨海南雞飯不過似足玩俄羅斯輪盤，食中咩部位就睇吓自己好唔好彩呢間只能外賣，大大盒嘅雞飯飯量的確好充足，成大個紙盒內，有2大碗白飯唔正宗去骨海南雞飯 $45，泰式去骨海南雞飯$55白飯較遜色，味道好淡，並非油飯睇落白飯似一餅嘢，無炒勻，飯粒唔分明，毫無油香真係似茶記飯盒質素雞飯旁邊有大量青瓜同配菜$45飯盒雞肉係雞翼，無雞髀肉，連雞胸都無乜，說好的去骨呢？雞肉雖嚡口，又有骨，但雞皮唔肥膩雞翼亦比雞胸肉略有醃料香味醬料方面，2種醬混合後，辣味唔重，酸甜中帶鹹味最大敗筆係無湯，平時泰國食正宗泰式雞飯，都會配上一碗雞湯

晏左收工唔想煮完又洗，決定同老公買外賣食算。呢度最好食既係海南雞，第二係泰式燒牛肉🥰泰式無骨海南雞飯 $45最欣賞係佢「無骨」，相信佢地花左好多功夫去拆骨，食個陣啖啖肉，唔會麻煩😛其次係佢配個隻特調醬汁，用黎撈飯一流。Siam 炸雞煎蛋飯 $45由於係即叫即炸，所以都等左10幾分鐘。雖然隻雞炸得好脆卜卜，但略嫌太入味🤪咸左啲啲。

泰式去骨海南雞飯 $45雞肉真係好嫩好滑，去埋骨，唔驚食到個嘴側邊😋再配埋泰式醬汁，蒜香味濃，少少辣，但係唔似一般出面既酸辣汁。當雞肉遇上醬汁，真係份外惹味。但油飯就略濕，如果乾身少少添口感就更好。呢個質素呢個價錢，係平靚正推介🥳6點禁堂食外賣之選😙

幾間分店對我嚟講都唔太就腳，見到店方提供跨區團購送餐，於是就試下網上訂購，過程十分順利。不過呢排唔想食太多肉，所以無叫招牌海南雞，而揀咗金不換肉碎茄子同埋冬蔭公海鮮。金不換肉碎茄子比預期出色，十分惹味，送飯一流，而且分量幾夠。冬蔭公海鮮味道幾特別，酸酸辣辣咁，有沙白、鮮魷、青椒，同湯底好夾，美中不足係十隻沙白入面有三隻無開口⋯小菜跟埋油飯，個飯香得嚟又未至於太油，飯量都幾足，埋單$120。下次會再幫襯，希望試埋個海南雞。

海南雞都真係5錯, 夠哂味同滑lulu香茅豬排算係一個驚喜安格斯牛反而好鞋..雞油飯就冇乜味, 好淡開頭望個盒以為入面好少嘢, 但份量其實都算大E個價錢算係咁喇

疫情期間都盡量買外賣，網上見foodie 介紹，就專程買來試吓。一嚟到舖頭，大排長龍，要排20分鐘左右先可以落order 。外賣來說，價錢都唔算貴。泰式去骨海南雞飯～海南雞幾滑，不過有少少碎骨。雞油飯就真係油膩左啲，連埋個醬汁一齊食，對我來講濃味左啲。旁邊嘅配菜係青瓜同木瓜沙律。另外加咗個小食，青木瓜沙律，味道普通，不過不失咁。食完之後，成個口feel 到好鹹同好油膩😅。唔知係咪鋪頭太多人排隊，太少人幫手既關係，海南雞飯係可以做到唔油膩的。搵次少人幫襯嘅時候，去試真啲先😂

望住menu見咁有趣 都想尊重佢哋設計嘅menu鼓起勇氣輕聲吐出：唔該一個求其吖收銀員好高音咁問：咩話？!雖然難為情 但我都再講多次 收銀員稍不耐煩地答我 你講全名啦不如~！ 原來係咁咁你改左個menu佢啦不如 食物方面 雞肉唔錯 只係調味唔太啱我口味肉碎死鹹 而且同泰式兩字完全無關 個油飯份量少 但夠晒油 請見附圖 其實一心純粹支持下 但態度 食物質素 全部唔係幾好同類大把選擇 唔係想踩 只係讚唔落 要幫襯我會幫襯其他好食又有心小店

💛💛💛大推黃店。價錢同質素都非常之好，見到有張紙寫學生證同埋校服嘅人會提供免費飯。💛💛叫咗個泰北秘製豬扒飯，可能比較小人叫所以要等耐啲。個飯屬於乾身配合個豬扒都幾好食，下次可以試吓唔同種類，對呢一間餐廳有期待😍😍因為自己遲左食所以有啲水蒸氣係個面度，唔關間舖頭事😂

早幾日咁啱行過見呢間無乜人排隊買，而一向門口都長期有幾個人排隊嘅，咪又去買吓囉，買咗個泰式去骨海南雞例牌，份量都算ok嘅例牌呢講，盛惠$45，攞到返屋企食咗幾嚿有少少血嘅，都覺得ok, 因為d肉都好嫰，不過嚿嚿都「痴」住，切得唔好囉，食時都幾麻煩，點知食吓食吓到扎住喺下低嗰幾嚿，係完全唔熟，直頭係生嘅，最後要開煲水淥熟佢。如果唔論熟定唔熟，其實d味都係普通嘢，隨便喺街事但一間都係咁上下。另外收錢嗰個態度超差，好似唔願賣咁。呢間嘢有極大進步空間，不過我一定唔會有下次幫襯囉！

今次終於可以試到一直都好想試嘅水門啦，因為佢係外賣店，所以我地都好快咁揀左兩款招牌飯盒。呢間外賣店門口前面雖然多人，但估唔到竟然可以咁快(大概6-7分鐘)就整好左個飯盒，真係好有效率。如果呢間可以有堂食就好啦！1.海南雞飯配油飯海南雞飯嘅飯比較小，如果係男仔可能要加底食。雖然係無骨海南雞，不過要有心理準備點都係有小小骨，但係D雞係滑嫩嘅，配埋個泰式醬就更加出式，以$45黎講算唔錯。如果個飯轉做黃薑飯就更perfect！2.美國安格斯燒牛肉沙律好難得見到唔洗加錢轉沙律，我本來以為沙津係木瓜沙律，點知同我想像中嘅好唔同，因為沙律主要就係洋蔥絲，青木瓜絲比較小，所以我都冇咩點食個沙津。不過個美國安格斯燒牛肉燒得唔錯，有牛味，下次可以直接叫飯。

由於疫情關係，少左堂食，多左買外賣，而呢間係又新街只做外賣既水門泰式海南雞飯專門店就係一個好好既選擇。之前係尖沙咀都食開一間叫泰國水門雞既泰國菜，但仔細睇佢地既餐牌，似乎唔係同一間，應該只係撞名。叫左最大路既海南雞油飯外賣，等左幾分鐘已經拎得。意想唔到既係佢個外賣盒竟然係紙盒黎，但完全冇滲油既現象，仲好保溫，就算拎到番屋企個飯都仲係熱既。個飯配左一個酸酸地既（蒜蓉？）汁，倒晒佢落Ｄ飯到再撈勻，即時好開胃。係食到後面Ｄ飯比較多油，可能係我撈得唔夠均勻，但Ｄ雞比想像中多，因為佢賣得好平下，真係冇預過有咁多件。雞皮亦好易剝，對於唔食雞皮既人黎講呢樣野真係好重要！中意食菜既，可以食埋裡面Ｄ青瓜，但我就唔食既，所以唔知Ｄ青瓜如何。下次想試埋個安格斯牛，因為實在賣得好平。

久唔久就想食泰國嘢，特別係泰式雞！老實講，香港做得好食嘅真係唔多，所以要止癮，元朗呢間真係最佳選擇。鋪頭本身就好多選擇，可以配飯，可以淨雞，仲有好多泰國嘢可以order，例如生菜包之類。今次我就斬左半隻雞返屋企加餸！講返隻雞先，食泰式某程度上就係為左個醬，呢間嘅醬辣得好過癮，愈食愈上癮，次次我都會食晒兩盒！而且佢嘅雞所有嘢都係剛剛好：肉地厚實，又唔會太老，仲保持到滑度。加上童叟無欺嘅份量😂真係值得幫襯再幫襯！

除咗冬陰功同金邊粉，去泰國另一樣必食之選一定係泰式海南雞飯！😋​雖然而家去唔到泰國，但本地都可食到好正宗嘅泰式海南雞飯！好似元朗水門泰式雞飯專門店，雞夠滑嫩，雖然未去到新加坡嘅海南雞咁滑，但勝在肉味夠濃，配埋辣椒醬，成件事好惹味！​因為減肥關係，今次我只係叫了例牌（少於半隻雞），無要到個飯，但其實佢哋個飯都好值得食，會用浸雞嘅湯去煮，米飯散發濃濃雞味，鮮甜十足！非常推薦！另外，我鍾意佢嘅海南雞下面都附送沙律，配料有青瓜、青木瓜、 蕃茄同洋蔥，個醬汁偏酸，微辣，好鬼開胃！P. S. 呢度泰式海南雞飯都會去埋骨，去骨功序好多，但一份例牌雞都係HK$45，整體CP值都 ok。​

放工去朋友屋企傾梗要野要買外賣上去食買左呢間水門泰式海南雞飯專門店做晚餐🐥繼續支持黃色經濟圈💛買咗全隻海南雞$150🐥🍚兩盒夾埋等於1隻海南雞無骨 好嫩滑雞皮唔肥平時唔食雞皮今次都有食生菜肉碎包$45🥬生菜清爽鮮甜肉碎同平時食開嘅泰式生菜包有少少唔同呢款肉碎顏色比較深同濕潤但好食嘅美國安格斯燒牛肉$50🥩有牛肉味幾好食魚露炸雞翼$40🍗可能因為外賣已經淋唒但都好食嘅酸辣黑毛豬腩片飯$45🐖🍚呢個飯就比較普通黑毛豬腩片比較乾身配青木瓜沙律$18🍅🥬🥒有青木瓜 蕃茄 青瓜 洋蔥醬汁酸酸甜甜 辣辣地幾開胃同泰式油飯$15🍚學生買仲有九折呢餐除開每人大概70幾蚊抵到爛👍🏻