水門泰式海南雞飯專門店 (已結業)

幾間分店對我嚟講都唔太就腳，見到店方提供跨區團購送餐，於是就試下網上訂購，過程十分順利。不過呢排唔想食太多肉，所以無叫招牌海南雞，而揀咗金不換肉碎茄子同埋冬蔭公海鮮。金不換肉碎茄子比預期出色，十分惹味，送飯一流，而且分量幾夠。冬蔭公海鮮味道幾特別，酸酸辣辣咁，有沙白、鮮魷、青椒，同湯底好夾，美中不足係十隻沙白入面有三隻無開口⋯小菜跟埋油飯，個飯香得嚟又未至於太油，飯量都幾足，埋單$120。下次會再幫襯，希望試埋個海南雞。