水門雞飯 (汀角路) (已結業)

今日嚟到太和專登嚟食水門雞飯☺️以前元朗分店嘅時候已經成日食🤩🤩太和站行過嚟，大概十分鐘左右～平日中午時間嚟到都唔使等位就入得😆一入咗就叫咗個午市套餐$56包括左水門雞飯、湯同埋飲品🍭🍭首先講吓個湯先😆個湯入邊會有啲冬瓜，好足料，好鍾意飲呢個湯🍡🍡之後水門雞飯～肉質鮮嫩配上油飯好正😃😃值得一題嘅，就係呢度嘅飲品都有好多選擇🎉🎉我就叫咗柚子蜜凍🍡都唔洗加錢～下次如果嚟開呢頭都會食水門雞飯😙😙

Lunch time時間，人流唔算太多，外賣較多，可能礙於位置問題。勝在上菜比較快😆趕時間岩曬👍🏻佢都有好幾款lunch set提供，不過招牌都叫水門雞，冇理由唔食水門雞架😂所以二話不說，就叫左個水門雞飯餐。❤️水門雞飯餐$50（包飲品）整體味道不過不失，我鐘意佢嘅飯，係有雞味嘅飯😆不過略嫌少少爛飯，比較岩鐘意食爛飯嘅人。❤️凍奶茶比傳統泰式奶茶淡味，以往飲開嘅泰式奶茶比較甜，呢過唔算甜，相對比較淡口味。

嚟到大埔，初次食有幾間分店嘅水門雞飯。喺平日嘅夜晚都唔使排隊就已經有位，不過店舖雖然唔細，但係二人枱好細張😩😩見到二人餐，只係賣$198，好吸引👍🏻👍🏻主食方面揀咗水門雞飯同埋加咗$10揀咗鳳尾蝦炒金邊粉水門雞飯來講，雞嘅份量都唔算少，可惜嘅係雞肉冇想像中嘅滑嫩，可能今次比嘅雞件都係靠雞胸為主，有啲可惜🤧不過配埋特色醬汁，同埋油飯，都幾正👍🏻最重要嘅係配左白胡椒雞湯，白胡椒味香濃，喺秋風起嘅時間好驅寒👍🏻👍🏻絕對推薦加$10揀鳳尾蝦炒金邊粉，鳳尾蝦嘅size都幾大隻，新鮮彈口有蝦味，幾驚喜👍🏻👍🏻而炒金邊粉就好香口，調味適中，夠鑊氣，唔會話炒到過濕或者過乾，控制火候啱啱好👍🏻👍🏻小食方面就揀平時比較少見既泰式炆雞腳，同埋馬拉盞芥蘭苗。 雞腳炆到好入味，軟糯👍🏻而芥蘭苗就食得出好新鮮配埋馬拉盞肉醬，好快就清晒成碟菜👍🏻👍🏻呢個set CP值最高之處就係可以唔使加錢就送兩杯泰式飲品。我哋叫咗泰式奶茶，甜度雖然冇得調校，但係奶滑茶香係高質素嘅泰奶🧋🧋最後仲要我哋加咗$15轉咗芒果糯米飯。芒果香甜，糯米飯有微溫，煙韌口感一流👍🏻👍🏻👍🏻人均$100 嘅二人餐絕對會食到你捧住個肚返屋企，超級滿足

.異國的文青工業風格平價的美食泰式料理感覺有點類似泰的諧音很有意思😄-吃食的部份--------------------粿條叻🍜打拋豬蓋飯🍛打拋雞蓋飯🍛傣傣椒麻雞🐔蝦醬炒空心菜🥬-喝食的部份--------------------泰式鮮奶茶🧋泰式粉紅凍奶🥛泰式檸檬茶🍹泰式檸檬玫瑰茶🥤-甜點的部份----------------------咖椰嫩吐司🍞椰子冰淇淋🍨椰香紅豆紫米冰淇淋🍧它的椰奶居然是鹹的😍整個大愛不用嗎

香葉肉碎飯$78 +$8 雞骨湯其實呢樣野 好難整得唔好食 但佢做到了 🙈犀利勁味道係咸魚雞粒炒飯咁既味 唔期待你好似小曼谷咁好食 但都唔洗難食到咁掛 個廚師真係廚師泥？個湯 刷新左我既認知 就係胡椒溝水 😅雞骨湯？？大埔人 食泰國嘢可以過主 呢間又貴 又難食😅真係WTF

間唔使就會想食下泰國嘢 今日經過大埔就見到一間水門雞飯 佢成個舖頭外觀招牌都巳經好有泰國feel嫁啦 點知味道仲似呀水門雞飯$50個雞飯一上枱 真係普通到不得了 幾片青瓜擺盤 心諗應該好普通啫 第一眼 見到個雞啲肉有少少粉粉地色 賣相好一般  點知食落去 嘩 真係勁嫩滑 連埋有彈性既雞皮 勁有雞味 仲要唔油膩 好清爽 點埋個特制汁 配埋個雞油飯 真係可以話 佢做到九成似泰國食既水門雞飯啦  真係好完美 非常好食！驚為天人 ~美中不足 佢送個雞湯就咸左少少呀！可以唔飲 飲返佢送個杯泰式奶茶  我覺得好過泰國 因為佢冇泰國咁甜呀 金牌胡椒豬什粉$48依碗麵上枱 都幾靚既 首先d料好多 仲見到滿滿肉碎 我對佢賣相好滿意 一睇就知應該係好食 但係由食落去個下 我有少少改觀 佢陣豬騷味係真係濃烈 可能我食唔慣 同埋飲到好濃既胡椒湯味 除左個豬除味勁d  整體個湯係唔錯  配料 仲有豬粉腸 食到苦苦地 豬潤好薄啦 粉粉地色 仲有佢連炸豬皮都有呀 誠意十足呀 

呢間其實都幾出名，但我竟然先第一次試，而我係覺得非常有驚喜嘅！今次叫咗個二人餐，有兩個主食，兩個小食，仲有湯有嘢飲同甜品份量非常足夠，性價比極高！第一個主食揀咗水門雙拼飯對於個水門雞同油飯超滿意就算係雞胸都好嫩滑，油飯味道好，配埋佢個雞飯汁非常惹味，想買一支雞飯汁返屋企。至於個炸雞就正正常常，相比起嚟我更喜歡水門雞。第一個小食加35蚊要多半隻雞，估唔到仲有雞血同雞雜！好Surprise 好好味！另一個主食就揀咗 紅咖哩牛肉飯，本身以為佢係瘦嘅牛肉片，但原來佢用肥牛，我好滿意，最鐘意食肥嘅，飯都係油飯，另一個Surprise位！而佢個咖哩比想像中辣，帶少少酸，但好開胃，好好食。第二小食揀咗馬拉盞肉醬芥蘭，呢個就中規中矩啦，本身以為係炒菜，但原來佢係炒肉醬淋上灼嘅芥蘭上面正正常常，但冇想像中惹味。最後加 15蚊 甜品轉咗做芒果糯米飯芒果好甜！完美句號！

😌 平時冇乜機會食其他國家嘅菜式，依日平日下晝專程去食下泰國嘢，揀咗水門雞飯嚟試試！［ 亂闖試飲試食 ］🍽 水門雞飯 😋😋😋😋😋無骨雞點上店舖特製嘅雞醬非常夾！雞肉好嫩滑，醬汁微辣舌頭，帶有甜味，好過癮！飯量都多，屬油飯但唔會太油，附配嘅湯較清，有薑味！☺️🍹 泰式奶茶 (凍) 😋😋😋😋😋原本以為泰式奶茶會好甜，但水門雞飯似乎有特別調校過甜度，飲落都好順口，唔會好死甜同鎖口，亦有飲到茶香，令小編對泰式奶茶改觀！😚午餐 💵💵 約港幣$60/人💁🏻‍♀️ 小編好耐冇食泰國嘢，今次食完後，好有去到泰國嘅感覺！想過下旅行風味隱嘅朋友，可以一試，不過都要預排隊呀！🙆🏻‍♀️ 最後，喜歡嘅話，歡迎follow @foodirectory.hk！

今日突然之間想食泰國嘢，咁岩行過有水門雞間餐廳同埋唔算好多人，唔使等位，咁就入咗去食啦😂😂😂😂今日就嗌咗水門雞雙拼飯同埋炒金邊粉，嘢飲就叫咗泰式奶茶🤩🤩🤩雙拼雞飯有白切雞同埋炸雞，白切雞就咁食落去都好新鮮同埋嫩滑，再加埋佢間舖頭獨特嘅醬汁，十分之好味道！！！！而佢個炸雞多炸得好好食，唔會話十分之乾身，同埋係啱啱新鮮炸起，仲係熱嘅👍🏻👍🏻👍🏻👍🏻佢個金邊粉都好好食，炒得都好有鑊氣同埋香噴噴，而且都好夠味道，仲有四隻蝦添🤩😍🤩😍

水門雞飯，本地人開設的良心小店，想試好耐，但每次都排長龍同唔就腳冇幫襯，見而加開了唔少分店，原來大埔都有，今次可以去一轉。店子裝潢簡約，不鏽鋼枱椅，牆上掛畫及拳套等，貌似泰國大排檔，大約7:30的時段，唔算太多人。要了二人自選套餐，包括:主食+小食+飲品+甜品，$198。雞骨湯。凍泰式鴛鴦，泰式奶茶多數偏甜，鴛鴦有泰式奶茶的獨特香滑同夾雜少許啡香，唔會太甜，味道不俗。凍泰式咖啡，友人的。水門雞飯，雞肉嫩滑，啖啖肉，沾上醬汁更好味，油飯粒粒分明軟硬適中。沙嗲豬串燒(2串)及沙嗲雞串燒(2串)，試了豬串燒，香口惹味。芒果糯米飯，+$15轉，糯米飯口感軟糯，椰香味十足，香甜美味，芒果清甜。泰有風味的一餐，支持小店呢。

已經好夜先吃飯……買個外賣打算慢慢吃加完湯撈撈下 發現有黑色野開頭以為係辣椒乾掛（因為我叫咗辣雞絲湯粉）再check下碗野入面仲有冇，係冇既但都係check check安心d 點知發現係有好多隻腳lol🤬🤬以後唔會去亦都叫咗朋友唔好去🤬

放假出去走走，來到大埔，突然之間想食雞，咁就搵咗呢間水門雞試一試下啦！味道都做得好唔錯㗎！小編都十分滿意！雖然就有少少少少窄，但聽講呢啲舖頭通常啲食物質數都唔會差得去邊，價錢就合理啦！嘢食都有質素㗎！首先出餐嗰時都夠熱啦！啲雞又唔孩，仲有啲雞味tim ！而且佢附送一個醬汁！嗰醬汁點來食都唔錯㗎！少少辣辣地，點嚟食特別開胃！至於飯嘅方面，都非常之香！幾有飯味！同埋啲雞都唔算好肥！直頭係剛剛好！最後叫咗個奶茶！都非常之香滑架！

大埔多左好多好嘢食 應有盡有啊近太和消防局 對面教會隔離多左水門雞飯之前晏晝走左去食 又無咩人排隊 真好彩入到去都原來坐滿哂人坐低望左下餐牌 就決定好啦 鳳尾蝦炒金邊粉$65蝦有好幾隻 而且每隻都唔細肉質幾實金邊粉份量夠2個人share 有少少辣又唔乾身秘汁泰式生蝦$ 108生蝦最怕整唔乾淨 但依到擺碟好 夾埋舊辣椒同蒜片食仲好味水門雞飯 $52如果要轉雞髀加$10 但個人無話一定要就無加但就比左雞上髀都好滑 又無咩骨椰青 $35龍眼水$22總括而言 上枱速度快 食物質素好 味道優

相信呢間有幾出名都唔使我介紹，有買試嘅時候見到佢係經常排晒長龍。佢主打嘅係正宗嘅海南雞飯，所以就當然要試吓啦💂🏻‍♀️《水門三寶雞飯》$64呢個係有海南雞、炸雞、雞雜三樣嘅飯，可能因為對佢嘅期望值有啲太高，個人認為炸雞同雞雜都比較一般，但係佢嘅海南雞就唔錯，幾嫩滑同埋唔油膩，配埋佢個汁嘅話就更加開胃。如果下次再嚟食我會就咁叫個水門雞飯評分：68/100💂🏻‍♀️《泰式清湯腩船粉》$50平時都好鍾意食香港地道嘅清湯腩，所以見到有個泰式嘅都諗住試吓。但係就有啲失望，因為佢湯底嘅清，感覺上係熬得唔係好耐，所以唔太入味嘅感覺，食落就有少少淡而無味。評分：55/100💂🏻‍♀️《泰式奶茶加珍珠》$22+6呢杯珍珠奶茶真係好好飲，茶味夠濃而且亦都好重奶味，鍾意飲甜野嘅一定會好鍾意，因為佢甜度亦都非常足夠，加埋有咬口嘅珍珠，成杯先20幾蚊其實係幾抵飲評分：90/100總結：除咗杯泰式奶茶之外都比較一般，如果單叫水門雞飯應該會好啲，但係都冇咩特別好驚喜。

前排經過尖沙咀見到，心諗搵日幫襯先，點知反而嚟咗太和店。水門雙併雞飯（$58），油飯香而且乾身；雞亦都滑，另外炸雞香口都不錯；好貼心提供2款醬用嚟點2款雞；雞骨湯胡椒味重。鳳尾蝦炒金邊粉（$68），即炒有鑊氣，金邊粉夠乾身唔會黐埋一pat，味道合格；4隻蝦正常，配料亦算多。另外加咗2份小食，豬肉串燒（$24）雞肉串燒（$24），兩款肉都醃得幾入味，沙嗲醬好好味，我鍾意。凍檸茶個味幾得意，佢哋叫泰式檸茶。