水門雞飯 (汀角路) (已結業)

都試過好多次，今次又係試佢嗰pad Thai 金邊粉同屋企人試咗佢嗰香葉肉碎煎蛋飯，金邊粉口感吾錯，酸同辣味調較得剛剛好，午市套餐更有飲品送，所以價錢都變得合理咗好多！

海南雞ok,炸雞炸粉𠝹口海南雞肉質唔算滑，有個湯濕下，救佢一命油飯好食炸雞唔得，咩事，炸都乾又𠝹口，肉又乾嘥左馬拉盞炒芥蘭呢個正啊喂～夠辣，芥蘭脆身有汁送飯一絕

雞全部都係雞，雖然疫情期間唔可以去泰國旅行，享受當地嘅美食，不過留喺香港一樣可以嘆到泰式風味。朋友推介這一間水門雞飯，聽說裏面的廚師都是泰國人，提供嘅食品都有泰式風味，今次就去試吓午餐。天氣轉涼了要order一杯熱飲暖身，熱柚子蜜很濃郁，少少甜又熱辣辣。主菜的牛肉湯牛丸生牛肉湯米終於來了，已經聞到好香嘅牛肉濃湯味，飲一啖湯底確實非常濃郁，鍾意佢嘅米粉夠晒幼，而且好索味，當中嘅牛丸真係冇得頂，彈牙又有口感，另外牛肉好大塊亦很軟口呢。水門雙拼雞飯，雞肉嘅份量也頗多，雞皮很薄不會很油膩，而當中的炸雞炸成金黃色香脆可口，雞肉肉質也很鮮嫩，仲可以點醬汁一齊食。食飽飽當然要食泰式最出名嘅甜品芒果糯米飯，芒果酸酸甜甜好Fresh，仲有椰汁配以糯米，為呢一餐咁豐富嘅午餐畫上句號啦。另外星期一至四全線分店3:00pm-5:00pm 招牌水門雞飯，只售$30 (只限堂食)，超抵食！@watergate_chickenrice #水門雞飯地址 : 大埔汀角路11號地下

由一開舖到而家嘅大埔總店「 水門雞飯 」 @watergate_chickenrice 一路都keep住有去食鍾意佢啲水門雞肉質夠晒鮮嫩這一年九龍區又開咗分店而且好旺場好多人排隊食今次心血來潮encore 再食大埔店先我哋四個人一共叫咗差不多10款美食及飲品大家一齊開心share！⊰⊹════════════════⊹⊱💬 ✎食後感 ：✨🐔【 #水門雞飯 】來到必定要食招牌嘅水門雞飯仲可以加$10轉雞髀位置另外再加$10追加雞雜這一碟飯好有份量啊雞嘅份量都頗多而且沒有骨㗎雞肉肉質鮮嫩半肥瘦剛剛好點埋佢嘅水門雞醬汁配以油飯一齊食十分match🍤【 #脆炸蝦波 】一份蝦波總共有八粒炸到金黃色香脆可口裏面真係有啖啖蝦肉㗎點酸酸甜甜嘅醬汁零舍開胃🧋 【 #凍泰式奶茶 】食泰國嘢點少得要飲返杯泰式奶茶驟眼睇成杯啡色嘅奶茶好有份量估唔到飲落去 #奶茶 非常香滑香醇濃郁的奶香味同喺泰國飲到嘅奶茶冇分別！🥬【 #泰式炒通菜 】通菜有好濃郁嘅泰式馬拉盞味道而且食落去好香好入味可以俾我呢位食肉獸清一清腸胃

以前一直嚟嘅時候都係散叫，但係自從上次見到佢有套餐食之後，我就嚟食套餐。喺呢度叫套餐，可以揀兩款主食加兩個小食同埋兩杯飲品。飲品方面我叫咗杯龍眼冰，食泰國嘢由於比較熱氣，所以我一般都會叫一杯龍眼冰來下火，但係要注意嘅係，如果唔飲得太甜嘅朋友，可能會覺得會好甜，建議飲嘅時候可以叫職員加多少少冰。特別嘅地方係，佢呢度亦都可以叫一杯雪梨水，同樣都係清熱下火。我哋第一個叫咗係香辣炒肉碎飯，呢一款飯，佢嘅肉碎，應該係同生菜包嗰啲肉碎差唔多，都係偏少少肥，而且亦都偏辣，，面頭加咗一隻熟嘅雞蛋，整開嘅時候，啲蛋汁係會流晒出嚟，都算係幾唔錯。泰式撈金邊粉都係一般會點嘅菜，佢呢度嘅金邊粉，白色嘅係，有三隻好大隻嘅大蝦喺上面，係爽口嘅，整體食落去嘅時候感覺味道亦都偏重。之後我哋叫咗個馬拉盞肉醬芥蘭苗，始終都係小食，所以份量唔算太大份，芥蘭翠綠偏硬身，肉醬味道不算太濃。之後甜品方面，我哋自己另外加錢叫咗芒果糯米飯，佢嘅糯米飯有非常多非常多嘅椰漿喺上面，非常惹味，芒果亦都可能浸過糖水，唔酸，少少甜。

今日諗住買外賣返屋企食，諗咗陣就決定買呢間水門雞飯，因為星期一至六都有set lunch，比較抵食😌我就叫咗個水門雙併雞飯(堂食$58，外賣$60)，同時有哂切雞同炸雞，一次過滿足哂兩個願望😋雞嘅份量都幾多，每款都各有四至五舊，切雞嘅部位雖然係雞胸，但佢嘅肉質都唔算嚡，連埋爽脆嘅雞皮一齊食都唔錯🤪而炸雞好大舊，而且炸得唔乾，食落都仲有肉汁😋配埋雞油飯一齊食真係好滿足😋Set lunch仲跟咗個湯同一杯嘢飲，個湯就辣辣哋有啲胡椒味，食完飯用嚟濕下口都唔錯🤣而餐飲我就揀咗泰式奶茶，呢杯奶茶就好好飲🤤茶香奶滑，完全拍得住喺泰國飲嘅水準，不過就略嫌甜咗少少～整體嚟講，呢間餐廳嘅食物水準都相當唔錯，美中不足嘅係外賣需要加$2🤨明明而家好多餐廳外賣都有做優惠😶

麻麻地既水門雞飯。今日星期六去完大尾篤後，去左大埔食下午茶。 冇諗過星期六都有下午茶，又可以慳番筆。今日叫既係招牌既水門雞飯同埋泰式奶茶。泰式奶茶（跟餐） 好香濃，奶夠滑夠重，個茶有濃得尼又香，又少少澀。最重要唔會太甜，好好飲。大杯啲或落少啲冰重好。水門雞飯個雞飯得兩片青瓜，同埋個雞好硬， 一啲都唔稔，同埋好蛋都係骨，比人呃左咁，勝在個醬好食，不過我都係中意海南雞三色醬自己簡尼點。以下係個餐牌：

水門雞飯，係香港已有四間分店，出品泰國海南雞。今次叫了一個水門雞飯和雙拼雞，水門雞很瘦，不夠嫩滑，炸雞也太乾和硬，飯算不錯，配上醬汁也好送飯，雞湯重胡椒粉味，像新加坡肉骨茶。水門雞飯 HKD 55水門雙拼雞飯（水門雞拼炸雞）HKD 57(午餐時段）

自從上次叫「水門雞飯」外賣🥡一直都好想再食，所以晚餐去咗屋企附近個間水門雞飯🐔開餐佢地星期一至日5點後有個【二人自選套餐🥢🥢】$198套餐包咗兩款主食，兩款小食，兩杯飲品，一份甜品，真係好抵呀！仲見到星期一至四全線分店3:00pm-5:00pm堂食招牌水門雞飯$30咋！之後下午茶有著落🙊🔸水門雞飯大大碟嘅水門雞飯，雞肉超嫩滑～加埋水門雞飯醬好惹味🤤🔸香辣炒肉碎飯加咗洋蔥同辣爆香，所以肉碎味道非常惹味，如果可以再辣啲就正🤩🔸泰式炒通菜惹味得來清甜，通菜爽嫩掛汁，好香。🔸沙嗲雞串燒燒得表面焦香，雞肉嫩滑，配上沙爹，味道更香濃。 🔸班蘭糕上面嘅椰漿好濃郁，大菜糕食落爽口之餘有陣淡淡嘅班蘭味。🔸泰式奶茶入口香甜滑溜，好有泰式味道。🔸話梅茶酸溜溜嘅味道好特別，亦格外開胃。

🌟水門雞飯 (大埔)🌟今日終於有得食💖上次話說食左汀角路一間茶餐廳，冇料到。 今日最後一日上潛水堂，食左一直都想食既水門雞飯🤤呢到水門雞飯，緊係要食招牌水門雞飯🤤 星期六竟然都有下午茶，下午茶時間有野飲送，價錢比較實惠。----------------------------🐔 水門雞飯套餐（$50）🐔🌟水門雞飯🌟話晒我都叫專登尼食尼到既雞飯，一到就二話不說點左雞飯。但係可能期望太大，份量就夠大，雞肉份量都適中。 但係覺得唔算特別，雞肉就中規中矩， 可以再滑嫩啲，同埋其實我鐘意食雞皮，可惜尼到有啲甩左皮🥲 但要讚讚個超惹味，甜甜酸酸辣辣💖（其實都算幾辣，所以量力而為，我都差少少咸出尼🌶️🌶️同埋建議多少少青瓜，賣相都會吸引啲。 兩片青瓜感覺好寒酸好孤獨。❤️❤️❤️----------------🌟是日例湯🌟得個咸，同埋好重胡椒味，蓋住熬製既合掌瓜味道。❤️-------------------🌟泰式奶茶🌟 奶茶既情意結，依家日日都慣左要飲一杯奶茶。 呢杯泰式奶茶又濃又滑，感覺好似番到泰國旅行咁。 超推介！💖 少啲冰,再多啲奶茶，又會開心啲🤣❤️❤️❤️❤️------------------------

又來訪這家良心店，不為別的，就是來吃他們的抵食海南雞飯看到他們在做折星期一至四堂食下午茶15:00-17:00 海南雞飯 $30 一個！總是那麼多人，今晚又坐滿人了！侍應們也很友善，吃得很快樂$198 二人套餐首先當然要點本店推介水門雞飯，飯帶油香，雞的份量適中，有胸有脾，雖然胸比較多，但絕對不鞋，口感嫩且爽，皮也不厚不會太肥！另一款泰式炒金邊粉有牛肉也有牛筋丸，加上生洋蔥跟辣椒，滿惹味！馬拉盞炒通菜很爽口彈牙！而且蝦乾蒜蓉辣椒都很能吊出香氣，好正！串燒（豬肉）配兩種汁醬，一種是洋蔥醋，另一種是傳統沙嗲醬，一種提胃，一種香濃稠密，好吃！椰汁大菜糕好爽！這個真不錯，椰汁夠香甜 大菜糕就不會太濃味，很好的平衡

好耐冇食水門雞飯啦~之前食過生蝦同炒通菜個啲都幾正😋 平時見到尖沙咀同旺角分店都好多人排 大埔呢間就相對少人~✨水門雞飯 $52 (配雞雜+$10)油飯好夠油香 飯粒夠乾身 唔會食到成口油😆 水門雞既皮好薄👍🏻 冇多餘既脂肪~肉質如果再嫩啲就更好!✨鳳尾蝦炒金邊粉 $68金邊粉比想像中大碟~我唔食辣所以走左辣粉 調味比較甜 青檸可以再大粒啲😆鳳尾蝦夠爽口😋✨椰青 $38食泰國菜必飲既椰青🤩大大個勁清甜啊😛筆埋啲椰肉好滿足☺️✨泰式鴛鴦 $22男朋友平時成日飲鴛鴦 今次第一次飲泰式 覺得都幾唔錯 不過就固定左甜度冇得少甜~ 原來星期一至四全線分店3:00pm-5:00pm 招牌水門雞飯只係$30! 住附近點可以唔黎支持下??

尖沙咀水門雞飯多人等到次次無食到，今次嚟到大埔就食到！1800晚飯~ 早知早一個鐘嚟！因為依加起星期一至四全線分店3:00pm-5:00pm 招牌水門雞飯係$30，但只限堂食！二人套餐 $198泰式鳳爪沙律其實另外泰式炆雞腳都好似唔錯，但係店員講泰式鳳爪沙律係套餐嚟講抵食d就跟。好nice！芫荽、芹菜、紅蘿蔔、辣椒同埋紫洋蔥。平時食開小辣就會覺得呢個係中辣到大辣！鳳爪係無骨，得返啲軟骨，一口咬無問題幾爽口！馬拉盞肉醬芥蘭苗有啲台式肉操感覺，但帶辣同肉質比較實淨！我哋仲以為係馬拉盞炒芥蘭苗，所以先冇叫到泰式炒通菜！哈哈哈，點知係健康烚菜加馬拉盞肉醬，微辣！芥蘭苗好嫩，比普通好食！易咬好多！水門雞飯配一個泰式甜辣醬，佢個辣來自青色辣椒。白色雞但帶有薄皮晶瑩，有嫩雞肉有近雞胸，肉質都實淨點汁提雞味！雞油飯岩岩好，雞骨湯帶胡椒味，少辣，建議食完雞飯先，怕搶左雞味！鳳尾蝦炒金邊粉 +$10份量中等唔大份，套餐嚟講ok既！鳳尾蝦都有4隻彈牙！炒得夠甜夠油量夠熱鑊氣！當中仲有芽菜、韭菜、雞蛋糖買豆腐，特別係唔係豆腐乾，食落都ok！斑蘭大菜糕一層椰奶，之後一半斑斕過一半大菜糕，清爽微甜！飲埋熱菊花茶同

其實好耐都冇去過旅行，所以自己想食日本嘅正宗泰國嘢，都會有少少困難，所以我而家去泰國餐廳，都會去搵一啲真係有泰國人主理嘅餐廳。我自己最鍾意食嘅係泰式炒通菜，雖然通菜比較多油，但其實咁樣正正反映出救獲戲、同埋夠滑身，係呢一度食一碟菜， $54 ，份量唔算特別大，但我覺得都夠食嘅。通菜我覺得炒得都算爽脆，佢加咗少少辣椒，我覺得係幾辣嘅。芒果汁一定少不免，去到泰國餐廳，啲嘢食咁辣，梗係要飲芒果汁，佢嘅芒果汁完全係鮮榨，係加多少少糖水、芒果糖醬、冰、芒果肉結合埋一齊。我自己個人覺得都算幾甜。呢一碟菠蘿炒飯，$68、份量唔算大、但係有齊提子乾、菠蘿、辣椒、肉鬆、再加少少薑黃，炒埋一齊幾香。最後，泰式豬肉生菜包，用肥肥嘅豬肉，連埋辣椒炒成嘅肉，配埋生菜一齊食，零瀉清新同埋好食。

香港人故鄉離不開日本同泰國，而我就屬於後者。泰國物價低。過到去簡直可以做土皇帝。話說自己去親泰國都係食粉紅色雞飯多。綠色呢間比較少食，而且自己覺得係香港食唔返個水準之餘，價錢又貴一大段。所以自己從來無食過。但真係太耐無旅行。思鄉情緒不斷湧現。最後買左豬手飯同雞飯返屋企食。雞飯隻雞無扣手雞味。油飯香味唔算太突出。豬手飯都ok。勁多膠。岩我口味泰式奶茶意外地好飲，甚至好飲過係泰國飲到嘅奶茶。可能迎合返香港人口味。家姐話佢杯凍檸茶好難飲，唔知佢係飲唔慣泰國茶膽定真係好難飲。